الجمعة، 16 مارس 2007

مكتئب بس ميسور الحال

السلام عليكم ورحمة الله أنا مش في المووود و متعكنن عشان كده حكتب بالأسود لكن واحد صاحبي بعتلي الأغنية بتاعت كاظم الساهر ميســــور الحـــال هاهاها ده مش أنا لحسن حد يفتكرني بسوق لنفسي على البلوج دي - أنت مين يا؟ كل الفكرة يا جماعة اني سمعتها و حسيت أنها بتبعبر (من كتر العنب نعمل ايه؟) عن اللي في قلبي و قلب كتير من الشباب و يمكن بت روشة بتسمع أغاني و طالعة فيها يصلح حالها أغنية أحسن من ألف واعظ اسم الأغنية: ميسور الحال نوعها: مش بفهم فيها بس أعتقد أقرب إلى الموال كلمات: كاظم السعدي غناء: كاظم الساهر الرابط هنــــــــــــــــــــــــــــــــا أترككم مع الكلمات بقا ما عندي ألماز وقصر لكني ميسور الحال عندي قلب ليرة ذهب وصحتي عال العال ما أوعدج إلا أوفي بموعدي خطوة .. خطوة منا حبنا يبتدي بيت على قد أحلامنا وعيشة على قد الحال تغنينا كلمة من القلب والغنى مو بالمال لأجيب لج خاتم ذهب من الشمس وأجيب لج من القمر ثوب العرس ثيابج تخيطها محلتنا صاف الذهب صافي محبتنا بيت على قد أحلامنا وعيشة على قد الحال تغنينا كلمة من القلب والغنى مو بالمال ذراعي تصير وسادتج أنعم وأحن من الريش بساطنا الحب والوفا شلون ما نريد نعيش الدنيا ببساطتنا نحليها حتى خسارتنا نربح بيها بيت على قد أحلامنا وعيشة على قد الحال تغنينا كلمة من القلب والغنى مو بالمال الراحه مو مال وذهب الراحه راحه البال نتقاسم الخبزه سوى تكفينا سنين طوال

كلام حلو و جميل أوي رد فيا جزء من روحي في انتظار الباقي ان شاء الله

على فكرة صاحبي حمادة حبيبي بيشكركم أوي على نصايحكم و أنا كمان بشكركم ولو اني اخدت منه علقة عشان سيحتله بس ولو كان لازم نسيحله و بيقول يمكن قريب ان شاء الله تسمعو منه أخبار حلوة

مستني ردودكم و اعذروني أني اضايقت قدامكم ملحوظة: موضوع البوست الجاي عن شوية احصاءات ظريفة طرأت في دماغي أعملها أو يمكن أرد على شوية بوستس من بتاعت برايد سلاااااااام فضفضة: ماناساس اليوم كله ضلمة و المطر أسود بلا ألوان ماناساس ضلمة و الحبيب حيران بعيد في الشغل بايت بكتب وأنا زعلان مش عايز أروح أنا - م البيت أنا قرفان

هناك 38 تعليقًا:

أنا يقول...


أنا:
أنت ممل أوي - دي بوست دي
الناس ذنبها أيه تقرفها معاك

أنا برضو:
مش عارف طيب أفضفض لمين وأنا لوحدي في الشغل؟ طيب حتى عمال النضافة مكسيكان و مش حيفهموني و لا حفهمهم

أنا:
بس بس خلاص حنشوف الناس رأيها ايه

سلااااام يا ........ يا أنا

Anima يقول...

كلنا بنزهق أنا في مكانك أفش غلي في عمال النظافة لأنهم ما بيفهموش لوووووووووووول

طب سر في وذنك "كاظم متجوز و لا لأ؟"" بصراحة الكلمات أكثر من رائعة

شكررررررررررررا

غير معرف يقول...

Alllaah begad o3'nya gamela awyy we begad enta btkteb 7elw awyyyy

Noony يقول...

الوحدة تعمل كتر من كدة
ربنا يكون في عونك

الكلامات تحفة بجد
شكراً على مشاركتك لينا بيها

The Groom يقول...



صباح الخير على الحلوين من ماناساس البلد

Anima
شكرا على التعليق - فعلا الكلمات حلوة و ده اللي خلاني أكتبها مع ان ماكانشي ليا نفس أكتب امبارح

عمال النظافة مالهومشي ذنب وبعدين بيفهمو احسن مني و منك و بعدين دولا طيبين و غلابة
المكسيكان دولا شعب ظريف أوي

اه كاظم تقريبا مش مشتجوز على حد علمي - يمكن مش قادر يكون نفسه عشان البنت بتطلب زي بنات اليومين دولا - أومال هو غنى الاغنية دي ليه؟

عفوا
----
Erte3asha

شكرا على المجاملة الرقيقة
اعتني أكتر بمدونتك
أتمنى لك التوفيق
----
Noony
شكرا على الرفع من معنوياتي

امبارح ماكانتشي الوحدة لان الوحدة دي اصبحت صديقتي و أنيسي و بت أكلم نفسي لكي أرتاح - المشكلة امبارح كانت حاجة تانية خالص

شكرا مرة أخرى على التعليق و لسه ياما كلام احسن من كده موجود بس فين النفس

شكرا ليكم كلكم يا جماعة على التواجد بجانبي

سلاااااام من ماناساس البلد

Noony يقول...

ومالهم بقى اللي بيكلموا نفسهم؟
دول حتى ناس طبيعين جداً وحلوين خالص
واللي مش بيكلم نفسه هو اللي مش طبيعي

هون على نفسك..مفيش حاجة في الدنيا دي كلها تستاهل

إن شاء الله خير

بس أنا سمعت قبل كدة إن كاظم الساهر متجوز ومخلف...معلوماتي قديمة!؟

The Groom يقول...


أنت عارفة يا نهاد

في حاجات في الدنيا دي كتير تستاهل البكاء عليها و الحزن - و الأصل ان الانسان ميحتاجشي يكلم نفسه طول الوقت لازم يكلم الناس التانية - أومال أنا بدون ليه؟ كمان انت فين مدونتك صحيح؟

شكلك بتكلمي نفسك كتير - لا تعالي هنا كلمينا و احنا نسمعلك و نرد عليكي

أنا والله حالتي اتحسنت كتير من ساعت ما رجعت أدون تاني و أكلم ناس حلوين زيكم

ربنا يخليكم ليا يا رب

بالنسبة لكاظم أنا آسف يا جماعة
هو متزوج و أنجب كمان

للي عايز يعرف معلومات أكتر عنه


>كـــاظــم


أحلى مساء الخير من ماناساس البلد

سلام عليكم

Noony يقول...

من حيث إني بكلم نفسي...فدة شئ طبيعي جداً عني...هي يا ريتها جت على الكلام بس مع نفسي وبس..أنا بضحك وبعيط مع نفسي وبعمل كل حاجة مع نفسي..بابقى على حريتي أكتر لما بابقى مع الناس...محدش هيحسني أكتر من نفسي..كدة أحسن..البشرية مش محتاجة جنان أكتر من اللي عندي
:)
مدونة؟ بلاش أنا أتكلم...أنا أحب أسمع أكتر من إني أتكلم..ولما أسمع وليا رأي احتمال يكون مفيد ممكن أقوله...بس خلاص

وطول مانت بتزعل من حاجة معينة اعرف ان فيه حاجة تانية ممكن تزعلك أكتر والعكس صحيح طبعاً بالنسبة للفرح...عشان كدة مفيش حاجة في الدنيا دي كلها مستاهلة طول مانت عارف انك مش بتعمل حاجة تغضب ربنا منك وتأثر على أخرتك

أسفة إن كان كلامي شوية فيه نزعة تشاؤم..بس دي حبة واقعية...أحسن من التفاؤل المفرط برضه

خيراً

صاحبة نوني يقول...

طبعًا اللي يكلموا نفسهم أحسن ناس... ده معناه إنك متصالح مع نفسك... أمال لو شفتني وأنا مش طايقة نفسي وعايزة أسيبها وأمشي وهي لازقالي زي البتاعة كده... أستغفر الله العظيم
على فكرة بقى، إحنا مافيش حاجة خرمت دماغنا في مواضيع الحب والجواز قد الأغاني والأفلام... يا عالم... دراع إيه المعصعصة ديه اللي هنعملها مخدة... متفوقوا بقى... يا جماعة والله العظيم الأفلام والأغاني بتضحك علينا وهي اللي بتخلينا نتبطر على النعمة اللي في إيدينا... هي اللي بتخلينا نحلم بناس ملهاش وجود... كل ولد عايز بنت في جمال ودلع نانسي عجرم وكل بنت عايزة رجل في رقة وشاعرية معرفش مين... (معذرة لأني مش عارفة مين اللي منورين الساحة الفنية دلوقتي)
يا ريت يا جماعة اللي يعوز يحلم بحد يبص للناس اللي حواليه... سيبكم من التليفزيون والوهم اللي رباه في دماغنا.. بصوا للجيران.. بصوا لبنت الجيران ساعة ما كانت مخطوبة وهتفطس على خطيبها.. ساعة ما كانت بيتهيقلها إن الدنيا ومافيها وردة يجيبهلها وهو جاي يزورهم يوم الجمعة.. وتقف تطبخله يوم الجمعة لحد ما رجلها تورم من الوقفة وإيديها تتهري لسع وهي بتطلع صواني البشمل وبتحمر الفراخ وبصولها بعد كده وهي جاية تقعد عند مامتها أسبوع ولا حاجة عشان ماتقعدش لوحدها بالنهار وهي حامل وتزهق... يعني دلوقتي مابقاش صعبان عليها بياته لوحده؟؟
الدنيا مش واحد يفرد دراعة مخدة وتبقى كده أحلى نومة.. النومة ديه قبلها يوم شغل طويل جدًا مليان بضغوط وقلق وغسيل مواعين وطبيخ وشراء لوازم البيت
الحنية مش دراع يتعمل مخدة تقطم الرقبة، الحنية إن الناس تستحمل بعض... وده اللي الأغاني والأفلام مابتقدرش تقرب له عشان النكد.

فوقوا بقى.. وسدوا الخرم اللي عملته الأغاني والأفلام في نافوخنا.

The Groom يقول...


آه نوني و صاحبتها دخلو فيا شمال

طيب يا جماعة أنا أسف والله لو ضايقت حد فيكم

نبدأ بنوني

التشاؤم شيء جميل و أنا عايش فيه عالطول مع أني برضو مقتنع و أحب أنصحك بأن التفاؤل برضو جميل و أجمل من التشاؤم - الفكرة بس أن احنا ندور على الشيء اللي يجعلنا متفائلين و الشيطان في الغالب هو اللي ورا التشاؤم - ربنا يصلح الحال يا رب

تفاءلو بالخير تجدوه - مش حديث

في السنن الكبرى للبيهقي - تحت باب {باب لم يكن له أن يتعلم شعرا ولا يكتب...}- :
(حدثنا أبو عبد الله الحافظ ثنا أبو حفص عمر بن أحمد بن نعيم وكيل المتقي ببغداد ثنا أبو محمد عبد الله بن هلال النحوي الضرير ثنا علي بن عمر الأنصاري ثنا سفيان بن عيينة عن الزهري عن عروة عن عائشة رضي الله عنها قالت ما جمع رسول الله بيت شعر قط إلا بيتا واحدا

تفاءل بما تهوى يكن فلقلما
يقال لشيء كان إلا تحقق

قالت عائشة رضي الله عنها: ولم يقل تحقق لئلا يعربه فيصير شعرا.
قال الشيخ رحمه الله : ولم أكتبه إلا بهذا الإسناد وفيهم من يجهل حاله ,وأما الرجز فقد كان رسول الله يقوله )

يعني يا جماعة خليكم كويسين
----

نيجي لصاحبة نوني
أنت برضو متشاءمة و مش عايزة تقولي كمان انت مين؟ انت ليه مستخبية في نوني لما أنت قوية أوي كده عرفينا انت مين يعني اصل انا مبحبش الانونيموسيتي Anonymousity

على العموم مش مهم كتير المهم تعليقاتك الظريفة اللي دايما بتسخنني أكتب

شوفي يا ستي و ما سيدك الا أنا

أكتر حاجة تساعدك على الصفاء النفسي و تصالحيها القران - رفيق من لا رفيق له و درب من لا درب له

وأنا معاكي في كل اللي قلتيه بخصوص الأغاني و الأفلام و المسلسلات عشان كده أنا عمري ما في حياتي دخلت سينما - مش عشان أحرم و أحلل لا عشان أنا بحاول دايما أحافظ على مخي من الهتش اللي في الدنيا دي و الافلام و المسلسلات و مع ذلك انا شخص شبه طبيعي بتفرج على افلام وبحب و اكره و اخرج و ادخل و احزن كثيرا و افرح قليلا و عادي واخاصم نفسي و اصالحها عادي يعني

بس في نقطة مهمة جدا لازم أقولك عليها من باب النصيحة

الأغاني و الأفلام اللي موجودة في الدنيا دلوقتي 99 و 9 من عشرة منها هابط وضيع لا تكفيه الكلمات لكن

وأشدد على كلمة لكن

أحيانا يا سيدتي بيكون لازم على الانسان يغير و يسمع

هناك الغث و ما اكثره وهناك السمين و ما أقله

صحيح الحياة مليانة زي مانت قلتي و انا حاسس والله بيها - هاهاها انا ياما غسلت مواعين و طبخت زي اجدعها ست بيت لما كانت ماما عيانة ربنا يخليها يا رب

بس برضو في الاخر الراجل برضو بيشوف كده يا صاحبة نوني

يعني لما يجي نازل الشغل الصبح و يلاقي عليه فاتورة لازم يدفعها و حامل هم المصاريف بتاعت العيال و طبعا من سرحانه ده اتاخرو على المدرسةو كمان لازم يتخانق مع المديرة على المصاريف و التبرعات وبعدين يدخل الشغل يلاقي استدعاء عشان جاي متأخر و بعدين طول الشغل طلعان عينه وزهقان و طهقان و التكييف كمان عطلان و في الاخر ما يصدق يجي معاد المرواح يلاقي انه لازم يجيب العيال اخ اتاخر عليهم من المدرسة و طبعا لما يروح يلاقي الاستاذة فلانة روحتهم و بعدين لما يوصل البيت اخ تاني نسي يجيب الطلبات و البيت مفيهوش خضار اخ يبقى غدانا عليك يا رب و هو دايما عليك يا رب
وبعدين يلاقي مكالمة عالتليفون من مامته بتزعق عشان نسي يدفع فاتورة التليفون اخ تاني يبقى التليفونات كلها دلوقتي مقطوعة امبارح كان اخر يوم اتاري الكل بيستعمل الموبايل دلوقتي

اخ

شفتي ووالله الرجالة بيستحملو اكتر من كده

طيب و في الاخر مين حيكون الوسادة الناعمة لمين؟
طبعا الزوجين لبعض وجعلهم الله سكنا لبعضهم

يبقى شوفي

الأغاني و الحاجات دي لابد منها بحساب في حياة الانسان ومش كلها بيخرب العقول فيها ما يصلح ألف عقل طبعا لا ترقى لمستوى القران لكن

فى الحديث " والذى نفسى بيده إنكم لو تدومون على ما تكونون عندى وفى الذكر لصافحتكم الملائكة على فرشكم وفى طرقكم , ولكن يا حنظلة ساعة و ساعة " رواه مسلم

الخلاصة انا قصدت اكتب الاغنية دي لان الكلام ده فيه من الحقيقة و الأهداف النبيلة ما فيه ولازم نعرف ان دي مقاصد الاسلام النبيلة

دي ليها بوست تاني

وكمان عشان كاظم صوته يثير في النفس ما يثير

سلاااااااااام من ماناساس البلد

اسف للاطالة

koukawy يقول...

بص مدام فيها كاظم الساهر اكتب و اتكلم براحتك لأنه فعلا من اخر الفنانين المحترمين

Shower-Mirror يقول...

انت مال لونك بقى حزاينى كده ليه يافسوانى ... ؟

ازيك ياواد .. و احشنى ..ايه ؟ بقالى كتير ماجيتش ؟

اه فعلا انا اسف بس على فكره انا حالتى النفسيه زفت انا كمان .... و الوحده ابتدت تلعب فى دماغى ...

بس انت طلعت عندك حساحيس و مشاعير و حاجات كده .. :)

والا يهمك ...

عندما يأتى غدا ..سيكون اليوم اجمل و أمس اجمل و اجمل ... رغما عنا

تحياتى ...من دبــى المحطه

The Groom يقول...


هاهاها أنا لوني حزايني يا مان نعمل ايه بس ربنا ما يحكم عليك

ربنا يصلح الحال يا رب

ابقى تعالى و زورونا كل سنة مرة

ربنا يصبرك يا مان و اتجدعن و هات أهلك يحصلوك على دبي ان شاء الله

حساحيس ايه وبتاع ايه؟ يا مان انا بني ادم زي زيك بس الزمن

ادعولي كلكم ياخواننا

بالنسبة لي و في معظم الاحيان - أحمل أملا في غد أحلى بمراحل من أمس و اليوم وأول أمس و الماضي ككل

أما لحظات الماضي الجميلة فإنها دائمة دوام الروح في الجسد و لا تقارن باليوم وأمس وأول أمس

سلااااااام من ماناساس البلد

عبدالله يقول...

مش في المود و متعكنن
طيب كويس ده دليل انك طبيعي
اصل لو مبسوط و عادي ومش بتكلم نفسك يبقي لازم تتعالج حد برضه يكون في دنيتنا دي و يبقي مبسوط
:)

تحياتي

Noony يقول...

الرحمة

أنا متشائمة؟ دة أنا حتى قاعدة على قمة الأمل وكاتمة على نفسه لغاية لما فطس خالص
:)
ممكن أطلب من الناس المكتئبة واللي حاسين بالوحدة إنهم ميفكروش الأفكارات المأسويات دي ويتمتعوا بالحياة والنظر إليها من منظور الأمل
الواحد مستحمل بالعافية...وبيتلكك عشان يضحك واليوم يعدي!!!

وربنا يعينا وإياكم إن شاء الرحمن

نهاد

The Groom يقول...


مممممم انت بتشتغلي ايه بالظبط يا نهاد؟

يا جماعة احنا في بينا جاسوس عايز يطرد الحزن من المدونة - نقبك طلع على شونة يا فندم عشان الحزن في الراس مش في الكراس

هي بس لحظات سعيدة بتمر عالواحد بين الحين و الاخر يا عبدو لازم ينبسط فيها ولما تيجي اللحظات دي بتمسك فيها لاخر لحظة

المشكلة بس يا جماعة لما الدنيا بتكون ضلمة و مطرة متجمدة ومش عارف ايه بيجيلي اكتئاب حاد - أنا دايما بحب ماناساس تحت ضوء الشمس

عموما ان شاء الله قريب جدا حنزل بوست تاني عشان انا خلاص الحمد لله جاتلي كام فكرة ممكن تحرك أمواج حياتي الراكدة

وما الحياة الا فكرة

سلاااااام من فير فاكس - لأني بايت عند خالي اليومين دولا

Sampateek يقول...

جميلة فعلا ة بتعبر عن حال كل الشباب العربي


تحياتي

ياسمين يقول...

أنا جيتلك مخصوص عشان اقولك

شكرا لتعليقك الأخير عندى

بجد شكرا

تحية من قلب مجروح

The Groom يقول...


Sampateek

شكرا

---
ياسمين

شكرا ليكي أنت - تعليقك جه في وقته

خدي بالك من نفسك

سلااااااام

esraa يقول...

الأغنيه فعلا حلوه, وكلمتها جميله أوي, أنا مكنتش سمعتها قبل كده.
من حقك تفضفض, امال احنا لزمتنا ايه, لازم نسمع بعض لما نبقي مخنوقين وزهئانين (:
تحياتي

The Groom يقول...


شكرا على تعليقك الرقيق يا اسراء

ربنا يخليكم كلكم ليا يا رب

استعدو عشان البوست الجاي فيه ضرب نار كتير يا طماطم و ناهد و ايموز

أيوة أنا متعمد الاستفزاز و أعلن الحرب

سلااااام من قاعدة ماناساس البلد العسكرية

Noony يقول...

يعني انت عارف انك هتضرب بالنار على الاستفزاز دة؟

The Groom يقول...


بيان عسكري رقم واحد

أي جندي مش عاجبه من جيش النساء ده يضرب نافوخه في الحائط

البوست الجاي قادم لا محالة - تشهدوا

والله الموفق

في سعت 17:00 - قاعدة ماناساس العسكرية

أحمد سلامة يقول...

مع اني مش بسمع كاظم كتير بس بحترمه جدا
بالذات لاختياراته الجميله زي ما انت وضحت كده في البوست الجميييييييييل ده
بجد ميرسي

ahmEd_H يقول...

:)

بوست متلحن

تحياتى

عمرو يقول...

الموضوع رائع

عمرو يقول...

الموضوع رائع

TAMTAM يقول...

استعدو عشان البوست الجاي فيه ضرب نار كتير يا طماطم و ناهد و ايموز
*****
طماطم مين؟؟
هو انتي شايفني مفعصة قدامك ولا مضروبة في الخلاط!!
يلا ماعلينا طماطم طماطم مش مشكلة
على العموم ياعم بتنجان انا مستنية
بس انا مش بضرب نار انا بحب اسلوب الدفاع عن الشئ
معلش بابايا محامي اعمل ايه بقى:))
سلام عليكم

Shower-Mirror يقول...

الو انتباه ..فهد واحد و فهد اثنين المنادى ... هل تسمعنى افد ... حول

جاهز يا ولد ياجرووم ؟؟؟ انا الواء كورنرز حرب ..شاور .....

عندما تكون جاهز ...اشتبك ...

مع انى مش فاهم حاجه ..انما انا معاك يابنى و بكل قوتى العسكريه ...هانحارب ....

فكرتنى بأيام الجيش الله يحرقك ... :)

The Groom يقول...



احمد اتش و عمرو

شكراً
---

الحاج أركان حرب شاور - شكرا يا مان على قيادتك للمعركة بس يحرقني ليه؟ دانا غلباااااااااااااااااان

وبعدين أنا اسمريت وبقيت حليوة كده من الشمس متخافشي يعني محروق خلقة - فين جروم الابيضاني بتاع زمان
صحيح عمركم شفتم أغنية أبيض ياأبيضاني؟

طماطم هاهاها يعني لزوم الحرب ان الواحد يخبط في الحلل ويضرب الخلاط

بس والله مصلحة قولي لباباكي ياخد كام ويدافع عني لما العالم تقوم عليا؟ طيب تاخدي انت كام و تدافعي عني؟ أنا حدفع بالجنيه مش بالدولار انا بقول اهو من الاول و اللي اوله شرط اخره جواب الشرط

تحياتي من ماناساس البلد - صلح المكروفون ياض

yousef يقول...

يا رب تتجوز ومستنيك فى مدونتى

د/محسن الزيات يقول...

انت يا بني مش تحترم نفسك ومتتدخلش فى اللي مالكش فيه
انت مالك ومال تعليقى عند ارتعاشات
بتستفزني يعني عشان ازور مدونتك المجهولة الاسم
وبتقول ان معنديش رابط ؟؟
على الاقل انا ذكرت اسمي أنت تخجل ان تذكر اسمك...عارف ليه؟
اكيد عارف وكل اللي بيقروا لك عارفين
متعملهاش تاني

غير معرف يقول...

Groom lw sam7t bs ana leya ta3lek 3la el dr el zyat en m3tkdsh eno me7tag comment menak aw men elly 3la shakeltak le en enta rakam 32 elly ye3lak 3la el post dh...kman lazem zy ma sa3adtak bet3br 3an ra2yak mat7gorsh 3la 7ad we ya reet lama t3br yekon be eslob a7san men kda

The Groom يقول...


ولا يهمك يا ارتعاشة تعالى في أي وقت ارمي أي كلام انت على عيني و على راسي من فوق

لكن حد يجي على مدونتك (التي أعتز بها) و يرمي أي كلام من غير مايقول هو مين و كمان كلام مش كويس و يجري يبقى بدل النقط ..... حقول انه جباااااااان

أما بقا يا دكتور الزيات الاسم ده حاجة رمزية للواحد لكن عمره ماكان ليه قيمة بدون الشخصية و لا ايه يا .... يا دكتور محسن؟

خليك اسم على مسمى وأحسن كما أحسن الله اليك و لا تسلط لسانك على الناس

اسمي عبدالله يا سيدي ولست أخاف أن يعرفه الناس كل ما هنالك هو أني لا أحب أن ينادوني به لظروف المدونة

ارتحت - ربنا يفش غلك يا رب

وبعدين الحمدلله أغناني الله بمن استفزهم ونتشاقى مع بعضينا بكل الحب و الود عمن يؤذينا بلسانه و يجرحنا بكلامه و لا نأخذ منه غير الملامة

ربنا يهدينا جميعا

سلام عليكم - ماناساس البلد بتسلم عليكم

bastokka طهقانة يقول...

غريبة ان في راجل بيحي كاظم

لان كل الرحالة بتغير منه

حتى طهقان جوزي

بيتفرس منه

ما تبقى تيجي

dr_diamond86 يقول...

ولا يهمك . فضفض و طلع فينا كل الاكتئاب اللى جواك
بس ملكش دعوة خالص باللي بيكلموا نفسهم
اياك تقول فيهم نص كلمة
يا ابنى مفيش احسن من ان الواحد يكلم نفسه
قدام نفسه بس بيقدر الواحد يتكلم من غير ما يتجمل. يقدر يعترف باخطاؤه و مين هيفهمك أكتر من نفسك
مفيش طبعا
وعلى رأي عمك جبران " فى الحق ،أننا إنما نتحدث إلى أنفسنا ، غير أننا أحيانا نرفع أصواتنا حتى يسمعنا الآخرون"
و لهذا يا عزيزي فأنا " باكلم نفسي"

dr_diamond86 يقول...

آه نسيت
أى حاجة لكاظم طبعا هنسمعها
ده الباقى من الناس اللى بتحاول تقدم حاجة تتسمع بجد
وشكرا على مشاركتنا الأغنية والكلمات
رغم انى بحبه جدا بس كانت أول مرة أسمعها
سو ميرسي

The Groom يقول...


صحيح انا مش مكتئب دلوقتي خلاص الحمدلله و انا برد عليكي

بس انت فعلا زدتيني انبساطا يا دكتورة دياموند

شكرا جزيلا لك

كل سنة و انت طيبة

تحياتي