الأربعاء، 21 مارس 2007

زغزغة عالماشي

سلامو عليكو
ازيكم يا حلوين
أنا عارف اني وحشتكم :)
صباح الخير عليكم كلكم بتوقيت ماناساس البلد - فيرجينيا المحطة - أمريكا المحافظة
صاحبي و حبيب قلبي حمادة بيسلم عليكم كتير و هو بيبلغكم شكره العميق وبيستخير حاليا عشان يتقدملها - هو مقتنع أوي بكلامكم و بيقولي يا بختك باصحابك المدونين دولا
وأنا بدوري بقوله دولا مش بس اصحابي - دولا اخواتي كمان
:)
أنا كمان بشكركم كلكم والله على وقوفكم جنبي و تخفيفكم عني - ربنا يخليكم ليا يا رب
طيب نيجي بقا دلوقتي لموضوع البوست ده
طيب - التصويت اللي فات - يالهوييييييييييييي - كان ظريف أوي أوي وبيأكدلي ان الدنيا لسه فيها خير
حبايبي الحلوين اللي صوتو و سمعوني حسهم فيه كانو 16 منهم أنا - وأعوذ بالله من كلمة أنا
من ال 16 دولا كان في 14 ممتازين ربنا يبارك فيهم بيقولو لا مش لازم فرق سن كبير بين الراجل ومراته
وكان في 2 ظراف لطاف بعتز جدا برأيهم - لأن أبويا رأيه من رأيهم - بيقولو لا - لازم يكون في فرق سن كبير وبرضو ربنا يبارك فيهم هما كمان عشان الراي الحر بتاعهم و ماخافوش مني و لا من قاعدة ماناساس العسكرية
حلو قوي و عسل و ميت فل و 16 (أصلي معرفشي 14 أصلها أيه؟) لو حد يعرف يقوللي
نتخانق حبتين في التصويت ده - عشان أنا جايلكم كمان في الكلام
;)
دلوقتي الأغلبية بتقول لازم يكون فرق السن مش كبير عشان التفاهم والنضج والاهتمامات المشتركة و حاجات كده كتير - أنا بقا مقتنع بده جدا جدا و بقول هو ده الأصل حتى لو صح علميا أن الست بتعجز بدري عن الراجل طيب يعني يعمل ايه؟ يرمي نفسه في البحر؟ الجسم هو اللي بيعجز لكن الروح تظل فيها الشباب طالما في الصدر قلب ينبض - ياسيدي عليا
يعني كلام بابا غلط؟ مع احترامي ليك يا بابا و كلامك الصح - كلامك مش عاجبني
أنا لما أتجوز واحدة أصغر مني ب7 سنين على الاقل زي مابتقول يبقى أنا كده بتجوز عيلة في نظري - يعني على الاقل معندهاش خبرتي في الحياة و لا تجاربي و مش حيعجبها رأيي و لا احنا متفقين - واسألو عمرو (هاهاها حبيبي انت يا عمرو) يعني عمرو ده مثلا راح يخطب واحدة و هو عنده 23 وهي عندها 18
كتير من البنات في السن ده عيال - الا من رحم ربي - ده لو اعتبرنا ان في أصلا شباب ناضجين وهما 23 - يللا بقا وروني ضرب النار
المهم عمرو حبيبي راح شارب حتتة مقلب في البت و فسخ الخطوبة بدري بدري
عارفين ايه اللي حصل؟ مفيش حاجة واحدة اتفقو عليها و لا حتى لون العربية اللي حيشتروها - لييييييه؟ عشان هي لسه في أولى كلية و هو من زمان بياكل اللية يعني خلاص اتخرج وبقا موظف و ناقص يقف في طابور الجمعية
يبقى الدنيا ايه؟
طبعا لو حصل توافق تام و حب و رضا و قبول من الطرفين يبقى حتى لو هي 50 وهو 25 حيكون كويس
لكن مش دي الحقيقة و لا الواقع و دي الاستثناء مش القاعدة -معرفوش والله يا بيه هو بتاع القاعدة مش أنا؟ أنت مين يا؟
الواقع بيقول -وخصوصا في زواج الصالونات - أن الطرفين بيكون في بينهم اختلافات كتير و مشاكل اكتر لكن اللي بيساعدهم على التغلب عليها و انهم يمشو حالهم انهم يكونو قريبين في السن و التفكير و حاجات تانية كتير (كانت موضوع حرب و لازالت)
يبقى العمل ايه؟
العمل ان الانسان ينقي شريكة حياته سواء اصغر منه و لا اكبر منه في سن مناسب يعني مش يكون 27 ينقيلي بنت 20 و لا يكون سنه 30 و يدورلي على 22
ده رأيي - واللي مش عاجبه يولع في المدونة بس يسيبني أنا في حالي
هو كله ضرب ضرب مفيش شتيمة؟
أنا حاسس ان البوست ده مشتت شوية بس اعذروني لسه خارج من اجتماع سخيف فورلي دمي عالصبح - المهم انا انا اصلا ضيف شرف فيه و ماليش لازمة لكن نعمل ايه - شغل بقا
أصل انا مبعرفشي أدون غير في الشغل ونادرا لما القريحة بتشتغل في البيت
البوست الجاي قريبا جدا - عشان ده كان زغزغة على الماشي - حيكون مع أول حكاية حب ليا - ودولا ياما - وأوعدكم أنها حكاية حتعجبكم أوي أوي يعني مش بعيد تطير فيها رقبتي - بس ولو - فداكم
يللا بقا سمعوني رأيكم واضربو زي مانتم عايزين وأنا جاهز للتحدي
بيان رقم 2 في سعت 1100
اضرب في المليان و على المتضرر - لو ظل حيا - اللجوء للقضاء العسكري لمدينة ماناساس البلد و على جميع الساكنين خارجها مراعاة فروق التوقيت
والله الموفق
فضفضة:
ناس في الشغل بتكتب وناس في العسل غرقانة
ناس في البيت بتغسل و ناس في المطر جريانة
ناس ليها في البصل و ناس م الكافيار زهقانة

هناك 63 تعليقًا:

TAMTAM يقول...

انا اول واحدة ححارب
يافرحي وهنايا :))
بص ياابني حكاية السن دي بتبقى راجعه للطرفين يعني فعلا في بنات عندها 18 سنة ودماغها توزن بلد وبنات فوق ال 30 ودمغهم هايفة اوي
وبالنسبة للرجالة كذلك
فالموضوع يرجع للاتنين مع بعض مش كل الحالات واحد

معلش يا جروم انا مش حعرف احارب بنفس النهاردة وذلك نظرا للتغير اللي انا عملاه في البيت بتاعي واللي فعلا اخد مجهود كبير ومقدرتش استنى للصيف وغيرته واتعلمت html
في حوالي اربع ساعات ومازال التعليم والتغير مستمر
ياريت تزورني هناك وتقولي رأيك لأحسن انا دماغي صدعت من اللي بعمله من الصبح
سلامي لماناساس البلد

bastokka طهقانة يقول...

ناس متجوزة طهقان
و هي في الاصل طهقانة


شوف يا جروم يا خويا الجواز زي البطيخة
يا تطلع قارعة























يا تطلع قرعة


ماتبقى تيجي

TAMTAM يقول...

حلوة حكاية القرعة دي

:))

واحده عاديه يقول...

الاول انا هقول انى معجبه بالبلوج بتاعك ومتبعاه من الاول بجد انت دمك خفيف موت
اما عن التصويت فانا واحده من 14 اللى صوتوا
لكن فى نفس الوقت ممكن اوافق على فرق السن الكبير طالما الاتنين يعرفوا بعض وفى بينهم تفاهم يبقى خلاص
ووالموضوع مش محتاج حرب زى موضوع صاحبك
انا طيبه اهه ومن غير حرب ومن غير ضرب
وبلاش تبقى تتاخر
سلام جروم

غير معرف يقول...

السلام عليكم

مش حضحك عليك
قريت البوست بتاعك بدون أدنى تركيز

لو عاوز رأيي من مسألة السن
يبقي يا فندم
لازم يكون فيه فرق في السن
وده مصلحة ليكوا قبل ماتكون مصلحة لينانحن الفتيات

لأن المعروف جدا
ان الست بتعجز
آه بتعجز
يعني بتكبر
قبل الراجل

يبقي مسألة ان فيه فرق في السن مسألة مفروغ منها
علي الاقل بالنسبة لي

وتبقي مسألة
قد ايه الفرق هى اللي مطروحة
من رأيي
انه مايقلش عن 4 ومايزيدش عن 10
و10 دى كتيير اوى..بس عشان محدش يزعل يالا بقي

ولما تيجى حضرتك تقولي ولد حيتجوز او حيخطب بنت وهى عندها 18 سنة
لا..طبعا
معاك جدا انها تبقي عيلة
وعيلة جدا كمان
بالإضافة إلى انه حرام عليها تعمل في نفسها كده..أنتيمتى عملت في نفسها كده بس لا فكاك(ماهو ابن عمتها)
مش كفاية حترتبط ..لأ وبدري كمان
:D

ومن رأيي برضة
أن السن المناسب للفتاة للزواج
من سن 25
والسن المناسب للولاد 29
ومانجيلكوش ف حاجة وحشة

سلاماتي

Noony يقول...

شكل نأبك هيطلع على شونة ومحدش هيضرب نار ولا حاجة
طبعاً الأصل والمنطق والبديهة بتقول إن كل ما فرق السن يقر كل ما يبقى فيه توافق فكري بين الرجل والمرأة...ودي من أساسيات أي علاقة سوية بين أي شخصين في الدنيا
هقولك...فرق السن بين جدي وجدتي تقريباً 3 سنين وبين ماما وبابا سنتين تقريباً...أنا يوم ما جالي عريس فرق السن بيني وبينه كبير (فوق ال 10 أو 11 سنة كمان)، ماما مكنتش عارفة تعمل اية و فضلت تعمل إحصائيات بين المتزوجين بفرق سن كبير بينهم...الزوجات مكانوش بيبدوا اعتراض..أما الأزواج اجتمعوا كلهم تقريباً بأن دة شئ جميل وعظيم عشان بتبقى صغيرةويعرف يشكلها زي ما هو عايز وكدة أريح

الحمد لله رب العالمين...الموضوع ماتمش
نهاد مش ناهد

The Groom يقول...


أهلا أهلا بيكي يا طماطم :)

حاربي يا ستي زي مانت عايزة بس في حاجة تعرفي تحاربي بيها؟ ممكن أسلفك شوية سلاح عادي بقا عشان المصانع تشتغل

أنا مقولتش غير كلام زي اللي انت بتقوليه لو في تفاهم يبقى خلاص بس كام واحد بيحب واحدة وفيه تفاهم كبير أوي بينهم خصوصا لو كان جواز مترتب؟ تقريبا مفيش

مستني يجيلك نفس عشان تحاربي بقوة و تعملي حزب عليا مع بقية البنات

فينك يا حاج شاور :(
---

لا يا طهقانة له له له على رأي الشوام

عيب تقولي كده على جوزك وحاولي تعملي معاه قفلة عشان الموضوع يمشي و تبطلو طهق - طهقتيني من جوزك يا شيخة

خليه ينورنا و احنا نديله في عضمه كلام يرمه تمام

وعلى فكرة في بطيخ أقرع و طعمه حلو بس انت مشفتيش - أنا مثلا قربت أقرع بس أكيد يا بختها مراتي بيا

براحة براحة مراتي يعني باعتبار ما سوف يكون - عشان محدش يضرب برضو :)

----
عجبتك أوي القرعة دي يا طماطم؟ ربنا يهديكي
----
واحدة مش عادية

شكرا جدا على تعليقك اللطيف و المجاملة الرقيقة بس انت بتبالغي شوية - دانا دمي تقيل أوي زي العسل الأسود المهبب و الدليل الضرب اللي باخده من الناس - ربنا يهديني

يمكن أنت طيبة اه بس تبقي مش طبيعية؟ في بنت من غير ضرب و حرب؟ أشك

شوفي يمكن تكوني عيانة لا سمح الله

كملي تصويت طيب في الحلقة الجديدة من سمعني حسك فوق على اليمين - لا انت عيانة بجد بقولك فوق على اليمين مش الشمال

شكرا على التعليق
----
ياااااه

كل ده و بتقولي مش قادرة و كمان من غير تركيز - ربنا يستر طيب اوعي تقرأيلي أي بوست تاني و انت مركزة

أنت خطر على عالم التدوين - ولا انت رأيك ايه؟ لا مترديش بتركيز لو سمحتي

في بس نقطة خلاف كبيرة حبتين بيني وبينك

السن المناسب للولاد أحب أخليه من 22ونص في بعض الحالات

أما السن المناسب للبنت فهو يبدأ من سن 18 حسب سن الزوج برضو

وبعدين ايه حاجة وحشة دي احنا فاتحين عزا؟ يلاا فرفشي كده دانا بجلالة قدري طلعت من مود الكآبة مؤقتا

ادعيلنا معاكي
----
صديقي اللدود ناهد
أنا عارف اسمك كويس انت بس اللي مش واخدة بالك

طب عيني في عينك كده؟ أه ضحكتي

طيب عقابا ليكي اسمك من هنا و رايح ناهد و أما نشوف

أنا بس بغلس عليكي لحد ما ايموز و برايد يرجعو مش عارف منين و يضربوني

اه فينك يا حاج شاور يبني قطعت بينا

وبعدين الحمدلله ان نأبي يطلع على شونة عشان انتم اشرار يا بنات انتم و اسأليني أنا باخواتي البنات

لما اقولهم يضربو نار كده وكده ألاقي مدافع حقيقية و بتاع

ربنا يستر ويا رب المرة الجاية يتقدملك عريس محترم سنه مناسب عشان نخلص منك

أوووبس اتأخرت على ماي كوزين في المطاااار
زمانة طاااااار

طيب

سلااااام عليكم كلكم من ماناساس البلد

محض روح يقول...

معاك فى موضع البوست ده
السن فى الارتباط مهم جدا بس مش مقياس
بمعنى ان ممكن بنت عندها 19 سنه تكون بتفكر احسن من الى عنها 30 والراجل برضه نفس الحكايه
فرق السن بين الطرفين كل الى بيضيفه مساحه من الخبره الحياتيه والاحتواء
وممكن ده يكون موجود عن حد سنه صغير ياعنى مش حكر على السن الكبير
ياعنى مش شرط كل ما مساحه العمر كبرت بين الطرفين مساحه التفاهم تزيد فى كتير بتبقى العلاقه طرديه
مش مهم السن اهم حاجه يكون فيه نقطه يتقبلو عندها
مش هتفرق حتى مين اكبر من مين

ونقطه جواز الصالونات بتنجح ديما لسبب ان اى وحد بيدخل الصالون بيكون عايز يتجوز رايح لسبب ده ومش مهم تطلع ايه بقى اهم حاجه تكون حلوه وصغيره وبعدين كله يتعدل بعد كده وحتى هيه عريس جه وناس بيقول عليه كويس وهتترحم من بهدله الحب والشحططه
فخلاص الاستعداد موجود عن الطرفين وده الى بيخلى النوع ده من الجواز ينجح

بس فى الاول و الاخر السن عمره مكان مقياس لنجاح او فشل اى علاقه التفكير والروح هما الاساس
وتحياتى يافندم على البوست الجميل
:)

غير معرف يقول...

tab3an men 3'er nekash ana baba ra2yo men ra2y babak akeed w r2yhom men ra2y abahat so7aby :D...dayman el ab bybos le el mawdo3 men manzor yeban daya2 bs ana 3azro 3shan fe 7agat kteer we msha3er kter btt3'yer b3d el gwwaaz :D...bs sd2ny ana brdo m3ak en lazem meraty teb2a fe senny aw as3'r sana wla 7aga.3moma post gamel brdo mat2olsh kda..we begad go onn we mstany el7ekaya :D

عبدالله يقول...

ايه ضرب النار الي شغال ده يا عم جروم بس ابقي هتلوهم كواتم صوت انا مبحبش الدوشه

بالنسبه لموضوع الفرق في السن انا شايف انه مش يزيد عن تلات سنين
الجديد بقي تلات سنين اكتر او اقل
:)
الجواز مشاعر و توافق اراء و افكار و عقول
بس الاهم فلوس برضه
:)

تحياتي

emos يقول...

المعلم وصصصصصصصصصصصصصصصصصصصصصصصصصل
انا معاية كل الاسلحة الفتاكة و اسلحة الدمار الشامل كمان
على فكرة انا عندى كل الامثلة اللى انتو بتقولو عليها
جددو و تيتة الفرق ما بنهم 20 سنة رغم ان انا مشفتهمش و معرفش شكلهم اية حتى بس محستش ان فى مشاكل من كلام العيلة يعنى بس اللى اعرفو ان جددو كان من النوع اللى بيكبر دماغو
امما بقى مامتى و بابتى الفرق ما بنهم سنة واحدة بس و برضو عادى مش مطلقين ولا حاجة الحمد لله
يعنى كلة شغال
و دة نصيب و بالنسبة للبطيخة فلو الجو حر و البطيخة ساقعة مش هتفرق هى قرعة ولا حلوة
اتخانق على اية انا بقى دلوقتى؟

Rivendell** يقول...

يا اهلا يا اهلا

اغنية كاظم حلوة مع اني ما بحبوش

ومسالة السن والست بتعجز بدري دي بتقلب معايا باستفزاز لان المودة والرحمة مالهاش علاقة بالسن والشباب

يعني من الاخر انا من انصار الرك عالبني ادم والحب بينهم اكتر من السن حتى لو هي اكبر


وموضوع اللي بيخطبوا عيال 18 و 17 سنة دول .. هو طبعا كل واحد حر بس الايحاء الوحيد اللي بييجي من خطوة زي دي انهم بيبقوا عايزين عيلة صغيرة يربوها على ايدهم من الاول وانا شوفت منهم كام واحد حلوين كدا حواليا وشخصياتهم تدي على كدا يعني


الطقطوقة اللي في الاخر دي حلوة برضه

Shower-Mirror يقول...

احنا هانهرج بقى والا ايه ....؟ هى دى الحرب اللى انت فالقنا بيها ...لا يا دباديب انا الشغل ده ماينفعنيش ...انتوا تروحوا تجيبوا نبل تحاربوا بيها .... انا هاروح بقى ارجع الدبابات دى اللى بدفع ايجارها على الفاضى ...

برده كالعاده كلكم هواه و بتتكلموا كلام نظرى بحت .... قلنا ميت مره الجواز مش هو الفرح و ليلة الدخله و شهر العسل بس ...!! الجواز ده حياه كامله .... و لكى اوضح كلامى هاديكوا المثال العملى ده ... افتح الكراسه يا خويا انت و هى و اكتبوا ....

لو واحد عنده 36 سنه اتجوز و احده عندها 24 سنه ... حلو

كل حاجه هاتبقى تمام فى الفتره الاولى

زيهم زى غيرهم ..

بفرض انهم عاشوا تمام لمده خمس سنوات

الان هو عنده 41 سنه و هى 29 سنه .... اه هنا بقى احنا بنتكلم عن موود تانى خالص ... الست فى عزها طبعا و الاستاذ ابتدى يدخل فى الموود المقلووب ...! مالوش خلق يخرج زى الاول و لو خرج هايبقى للضروره القصوى ... مافيش عزومات بره ... مافيش هديه لطيفه .... مافيش كلمه حلوة

و غيره و غيره من الاختلافات اللى تؤدى الى عكننه مستمره ..

نيجى بقى للمهم - وارجوا من ضيقى الافق انهم مايكملوش قرايه

اهم حاجه فى العلاقه الزوجيه هى العلاقه الحميمه -الجنس يعنى - ايه ده وشكوا احمر كده ليه هو انتوا منهم

الاستاذ ده اللى اتعود انه يعيش بدون جنس حتى سن 36 يعنى حوالى 22 سنه بعد البلوغ - بيكون عنده مشكله رهيبه الا و هى انه على الرغم من تفكيره الدائم فى الجنس نظرا لاحتياجه ..الا انه و رغما عنه تحولت هذه المتعه الى اولويه متأخره و مع الوقت بتقل رغبته فى الجنس تماما الى ان تنعدم ... يعنى ايييه ؟ يعنى هو بعد سنتين بيبقى فاقد الرغبه .. و بيتحول الجنس الى و اجب سريرى - و هذا شئ بشع - الى ان تفتر العلاقه تماما و كل ده نظرا لتشوه التطور الطبيعى - مش للحاجه الساقعه يا خفه - عنده للعلاقه بين الراجل و الست

طيب واحده سنها 28 سنه و لا تجد من يبادلها الرغبه ... او يشبعها تفتكروا نفسيتها تكون ازاى ....؟

بما انكم هواه..! فاهتقولوا مانعرفش يا اما هاتفتوا يا اما حد ظريف هايقول انها حاجه مش مهمه اصلا ...

احب اقولكوا ان الجنس بعد الزواج هو اهم شئ فى العلاقه على الاطلاق ان لم يكن هو كل العلاقه اصلا ...

و هو سبب 90 % من الحاله المزاجيه للبيت سواء حلوه او نكد ..

و ده مش بس لأنه و سيله لاشباع الرغبه ...!! و لكن لأنه و سيله للتواصل و تجديد المشاعر بين الطرفين و بالذات بالنسبه للست فمعظم السيدات يكون الجنس بالنسبه لهم و سيله للاشباع الرومانسى و ليس الحسى فقط عكس الرجل -ايوه احنا - فيأتى الاشباع الحسى لديه فى المقام الاول ...

الخلاصه ... ان فتور العلاقه الحميمه - الجنسيه - بين الزوجين او اختلالها يؤدى الى مشاكل كتييييير داخل البيت ... و اذا كانت الزوجه ضعيفة النفس او اتوضعت فى ظروف تسمح لها بالخيانه !!!فستكون معرضه اكثر من غيرها للعلاقات الخارجيه لاشباع حاجتها النفسيه و لاثبات لنفسها انها مازالت مرغوبه .....

المحاضره انتهت يا دكاتره ....الفصل السابع و الثامن ملغيين ....:)


تحياتى ... و على فكره الكلام ده من كتب بجد مش من طبيبك الخاص ....!


اما اروح بقى ارجع البسكلت.... قصدى الدبابه

koukawy يقول...

انا مع ان مفيش قاعده لأي شئ لا الست اكبر و لا االراجل اكبر الموضوع تفاهم و تقبول و مشاركه و لو كان الفرلق بينهم 35 سنه زي ما واحده صحبتي متجوزه واحد الفرق بينهم 30 سنه و مبسوطه و سعيده الحمدلله فالموضوع نسبي و الوحيد اللي بيتحكم فيه هما الاتنين و لا بابا و لا ماما و لا انور وجدي
هههههههههههههههههههههههههه

The Groom يقول...


الحمدلله لحقت الماي كازين قبل مايطييير

المهم يا ست محض الروح أديني بطلت الحرب وعمونا شاور حيرجع الدبابات

شكرا على زيارتك ليا وأدي واحدة كمان في صفي

معلمتشي ايموس

شكرا جزيلا لك على انضمامك لي لأول مرة في تاريخ المدونة - اشهدي يا مانساس اشهدي يا بلد

نحن اليوم في عيد

أما بقا رافينديل

شكرا لان ذوقي عجبك

مش كتير من الناس عجبهم ذوقي

---

الحاج الكبير شاور

انت يبني سكت دهرا و نطقت هرطقة و كفرا بكلامنا؟
طيب يبقى انت اللي معلن الحرب علينا مع اني حاولت انهيها في البوست

طيب موضوعي الجاي حيكون حرب بجد دي بس زي ما بقولك زغزغة على الماشي يعني خلي البسكليتات قصدي الدبابات جاهزة

تعالى بقا هنا

كلام الكتب ده ارميه في البحر

لأن لو الألفة و الحب الصادق موجود صدقني بيبقا في تحمل و صدقني أنا ياما شفت عرسان زي الفل مع ان الفرق بينهم اكتر من 15 سنة

وكمان زي الفل لحد دلوقتي بقالهم ما شاء الله اهو اكتر من 10 سنين و على فكرة الراجل صاحبي المقرب و بيشتكيلي من أي حاجة (تقريبا) بتضايقه

وبكل صراحة ووضوح بيقول انه لسه لحد دلوقتي ما شاء الله تمام و بيعرف

يبني الرك على الراجل لو مهتم بنفسه و صحته حيفضل دايما زي الفل في عين المرأة

بطل بقا تقرا الكتب دي كتير عشان أنا اتخنقت منها أقوله الحب يقول الجنس

يبني الحب أقوى وهو اللي بيفضل بعد مانكركب و نطلع عالمعاش

ربنا يهدينا جميعا يا رب

الظاهر الوحدة عملت فيك عمايل

حبيبي انا بهرج اوعاك تضايق مني وتموتني انا لسه عليا ديون و اقساط اولهم قسط حتتين الكلاشينكوف و الدبابة اللي راكنة برا دي

ادعيلي كتير وانت بتحج في دبي

ايه ده؟ حج في دبي؟ أنت مين يا؟

---

ههههههه انا معرفشي ايه علاقة انور وجدي بالموضوع بس والله كومنتك ظريف يا كوكاوي

أو قوليلي ازاي انطق اسمك صح

شكرا على زيارتك و أعتز بها

تحياتي ليكم جميعا من ماناساس البلد

فينك يا برايد انت ونوني؟ الظاهر ان دمي بقا تقيل

واااااااااااااع

تخاريف يقول...

حلو الموضوع جدا يا جروووم...
موضوع حيوى حيوى يعنى..

انا شايفه ان فرق السن مش شرط اساسى يعنى للجواز..
المهم يكونو متفاهمين...
فرق سنه بقى..عشره مش مهم.
اما لتصويت الجديد..فهروح اصوت هناك..وهبقى ارد..
تحياتى...
ودعواتك معانا

أميرة ويلز يقول...

اولا شكرا لزيارتك مدونتى

كمان فى حاجة مشتركة وهى حب كاظم

اعز اوى اللى يحب كاظم عشان اكيد ودنه كويسة

بالنسبة لموضوع القرعة دة معلش اصلى احيانا بقرا التعليقات غصب عنى

ماتاخدش فى بالك من الاحباط دة
انا مستنية الحكاوى كلها

تحياتى

Akram يقول...

Ezayak ya Groom, how are u doing ya man? been long time i didnt log on your forum, i think because we are thinking in lil bit different ways, msh 3aref leh m7asesny enak metayebaty, wi gai tehady el nofos !!! I think that bride was talking before about the gap of age between the man & lady, but good that u created that poll, ai na3am ana mada7'altesh 3aleeh asasan but i kinda like dis way to know what is the public view of every body ! Any way, i realized that almost every body here is dying to get married, whether boyz or gurlz, and there are alomst nobody is believing me when i say that it's failure relation really, despite if u can believe it or not but any way u will get to know soon, akeed i wish u the best of luck really, but any way u will get to know some day, i don have anything to add as i was talking alot n alot in another forums, but most of the ppl didnt believe or they almost didnt give attention to what i said, but i can not blame them, each one of them is between 20 & 25 or lil bit older & everybody wants to have a relation, as that guy spoke about sexual relations, it's 1 of the most important things to the human beings, therefore each one is dying for this one, huh it's truth everybody wants, but they will realize that the bill for this relation will be so costly comparing to the joyment they are gonna get, maybe coz i had fun already & i did whatever i want, so am not in rush really but u guys are still young & u just wanna hold a hand & get the title of Husband, i know that u will say we are matured enough & wanna build a family n all that bullshit but any way sooner or later u will regret this step of this life, and as most of the guys i know say, the only sweet thing with this marriage issue is that when u come back home u can find a baby running to u & hug u, but a social life n stuff, buff forget it man..

Akram يقول...

باشا، معلش كنت بس عاوزك تستحملني شوية و تقري البؤين دول، أصل انا من الناس اللي بتحب كتابات أنيس منصور جدا و بالذات عمود يوم الجمعة، أسمحلي أعمل كوبي و بيست علي كلامه النهارده 23/03/07

*‏ لا تغلق الباب الذي بينك وبين الناس فقد تعود إليه‏!‏
‏*‏ مادمت لا تقدر أحدا‏,‏ فكيف تغضب لان أحدا لا يقدرك‏!‏
‏*‏ سوف يبقي الفشل مرا‏,‏ إذا لم تبتلعه‏!‏

*‏ وراء كل رجل ناجح سيدة واحدة علي الأقل مندهشة لذلك‏!‏
‏*‏ العاقل يستفيد من أعدائه‏,‏ الغبي لا يستفيد من أصدقائه‏!‏
‏*‏ سعيد من يجد امرأة يحبها‏,‏ تعيس من يجدها ثم يتزوجها‏!‏

*‏ ورقة الجنيه التي خرجت من المطبعة الآن تساوي بالضبط الورقة التي دارت علي حل شعرها عشرات السنين ــ فهمت؟‏!‏
‏*‏ لا تتزوج امرأة لم تعرف إلا رجلا واحدا ــ لأنها لن تنساه‏!‏
‏*‏ اجلس إلي والدتك واسألها كيف تزوجت والدك‏,‏ فسوف تجد قصة مضحكة‏!‏

*‏ الفرق بين شروق الشمس وغروبها ــ كالفرق بين واحدة سوف تتزوج وواحدة قد تزوجت‏!‏
‏*‏ لا تسمع نصيحة من الذي أحب ولا نصيحة الذي تزوج ــ جرب الفشل بنفسك‏!‏
‏*‏ وحياتك كلهن سواء‏:‏ الحاصلة علي شهادة الدكتوراه والحاصلة علي شهادة الميلاد‏!‏

*‏ من حسن حظ الرجال أنهم لا يسمعون إلي ما تقوله النساء عن أزواجهن إذا جلسن معا‏!‏
‏*‏ العذاب في الدنيا ألوان‏:‏ الحب والزواج والأولاد والأصدقاء والجيران‏!‏
‏*‏ هات ورقة وقلما واكتب‏:‏ أعترف بأنني حيوان له أربعة أرجل وذيل‏,‏ لأنني لم أستمع إلي نصائح كل الذين سبقوني إلي الحب الذي أفضي إلي الزواج‏!‏

*‏ إن كان لا يزال في عينك دمع فأرجوك أن تبكي علي حالي‏,‏ فقد أخذت بنصيحتك ولم أهاجر إلي أي بلد آخر‏!‏
‏*‏ يومان حزينان في حياة المرأة‏:‏ يوم خدعتها ويوم صدقتك‏!‏
‏*‏ لا تغضب من احد فأنت أسوأ كثيرا مما تعتقد‏

shermen يقول...

أمووووووووووت وأعرف منساس البلد دي فين على الخريطة
أما بقى رأيي ف موضوع الزواج ده
فأنا خلاص أتعقدت مفيش فايده
لكن الشر بره وبعيد عني
أنا رأيي لو الاتنين كانوا معجبين ببعض وواثقين ان الاعجاب ده هيدووم لساعات طويلة
ويدوم ويدوم ويدوم
يبقى فرق السن مش مشكلة
لكن ف الاساس انا معاك ياللي عايش في منساس
رأيي من رأيك يعني
لازم يكونوا قريبين من بعض ف السن يعني لو فرق 3 سنين ممكن سواء هيا الأكبر اوهوه
أديني علقت أهوه

The Groom يقول...


دكتورة تخاريف شكرا ليكي على زيارتك و شرفينا كتير دايما

صحيح الموضوع فعلا حيوي و ظريف عشان كده اخترته في البوست دي عالماشي كده - بس في حاجة

أنت لو واحد أصغر منك اتقدملك حتعملي ايه؟
-----
أميرة ويلز

شكرا ليكي أنت على مدونتك الظريفة
وأنا اعتز بأن انت كمان بتحبي كاظم أنا في الأول مكنتش بطيقه بس لما عرفت أكتر أغانيه الكويسة و كمان انه بيألف أغانيه لوحده اتوهمت - ربنا يخليه يا رب
مين جاب سيرة القرع؟ انت مين يا؟

اطعلي من الاحباط ده و تعالي هنا تجدي ما يسرك دائما و لو مفيش اكتبي ما يسرك و امشي :)

شكرا جزيلا على خطوتك العزيزة دي
-----
بقين أمريكاني بقا

Ahlan Akram. Im fine... u?

Being "metaiebaty" is much better than being rude with people. Am I right?

For marriage, everyone has every single right to be dying for it. It is how we were created and built, to have all these feelings and emotions for the other party.

Look, I don't know how old you are. However, I don't care. The only thing that I'm sorry for, is that despite you might be a virgin, you lost the virginity of your soul, feelings and emotions. That is because you said you have tried everything with girls and your not interested any more in them. Ok then... it's your problem in fact. Many other people still have their virgin emotions and souls... you know why? because they managed to keep it like this and it's not gonna explode unless they find the right sould mate for them. If it was only about sex, then why do they call it a "SOUL MATE"? or a "LIFE PARTNER"?
How do you explain that?

Also, I would like to remind you that the desire to get married, to be a groom or a bride, and to raise a good family is not "bullshit". It is just like that in your eyes as I think because you lost all or almost all of your values in life. If you don't know, Emam Ahmed (RA3) when his wife died, he got married the second day of her death. Was he caring for sex? NEVER .. When they asked him about that he said "I hated to Meet Allah SWT while being single". This is the Sunnah of Allah SWT and the main cause of populating Earth. If everyone followed your style and way of thinking, life would be a total crap.

Take my advice and go read something behind marriage from some good sources and don't only judge it the way you want. Read first then review your opinions againest what you read. Plus you have tried anything as you said except a proper relation that satisfies Allah SWT. Try it once, then tell me what do you think.

Finally, yes it is sweet to have a child back home when youre done with work. However, the sweetest ever is to find your wife waiting for you after that long tiring day. Didn't you hear this hadeeth that says "... and the best blessings of this life is the Righteous Wife"?

Take a little time to involve your religion into your life deeper that it is now and then watch how will this affect your thinking to be better and more reasonable.

" فأقم وجهك للدين حنيفاً فطرة الله التي فطر الناس عليها لا تبديل لخلق الله ، ذلك الدين القيم ولكن أكثر الناس لا يعلمون "
سورة الروم

May Allah Guide me and You all to the best. Amen.
-----
أكرم تاني؟ منور يا معلم

شوف يا سيدي أنا بحب كتابات أنيس منصور أوي

خصوصا البوقين دولا:
*‏ لا تغلق الباب الذي بينك وبين الناس فقد تعود إليه‏!‏
‏*‏ مادمت لا تقدر أحدا‏,‏ فكيف تغضب لان أحدا لا يقدرك‏!

لكن في حاجة مهمة أوي - أنيس منصور و باعترافه شخصيا حاقد على المتزوجين لأنه فشل في حياته العاطفية تماما - أرجو أن تأخذ هذا في الاعتبار و أن تشاهده و هو يحسد المتزوجين على ماهم فيه من نعمة الله عليهم
----
شيرمين هنا؟ يادي الهنا يادي الهنا

أنا سعيد أوي اليوم عشان أول كومنت شوفته لما فتحت الميل كان بتاعك انت يا شيرمين - جزاك الله خيرا

أنا كمان صرت أسعد لما لاقيت أنك متفقة معايا في الرأي - يا سلام يا سلام

ربنا يهدي الباقي هاهاهاها

ربنا يكرمكم كلكم يا رب

مستني شوية تعليقات كمان عشان البوست الجاي النهاردة بالليل ان شاء الله :)

ماناساس البلد دي يا ستي بالمناسبة مدينة تقع في جنوب الواشنطن العاصمة نفسها بحوالي 35 ميل يعني حوالي 50 كيلو تقريبا و هي أشبه بالقرية وأعلى مبنى فيها 7 أدوار و مفيش غيره عالي - عشان كده بتفكرني بمسقط رأسي مدينة العين في الامارات العربية المتحدة

عايزة معلومات اكتر اعملي جوجل سيرش على كلمة
Manassas "map"

أو اعملي بحث بالصور

سلااااااام من ماناساس البلد و صباح الخيييييييييير

تخاريف يقول...

دكتورة تخاريف شكرا ليكي على زيارتك و شرفينا كتير دايما

صحيح الموضوع فعلا حيوي و ظريف عشان كده اخترته في البوست دي عالماشي كده - بس في حاجة

أنت لو واحد أصغر منك اتقدملك حتعملي ايه؟

........
ولا حاجه..هفكر كويس جدا ف الموضوع..
لو كانا فعلا متفاهمين وبينا قبول..وشايفه فيه الصورة اللى فى خيالى للراجل...اللى بحق وحقيقى يعنى...يبقى ايه المانع..؟؟؟
ما الواحد يا ماا شاف ولاد قد ه واكبر منه و سورى يعنى..
عيااااااااال

وشفت برضه ناس اصغر منى..ودى بجد حقيقه...رجاله رجاله يعنى...
يبقى لو واحد من الفئه التانيه دى..جه واتص فى نظره واتقدم لى..وكان اصغر منى بسنه ولا اتنين..يبقى ايه المشكله يعنى؟؟؟
انا عن نفسي ماعنديش مشكله...
بس هو اللى هيخاف..ليتقال عليه..متجوز واحده اكبر منه ..
:D
اظن كده الرؤيه وضحت...
:D :D
ولك منى كلللللللللللل التحيه...

Azmiralda يقول...

انا شرفت
اولا انا عاجبنى صراحة شاور , جاب كده من الاخر
انا بقى مش حاقول كلام نظرى عندى امثله حيه ( و قلت الكلام داه فى تعليقى على عروسة حماده )
اختى فرق 10 سنين
بنت خالتى 14
خالى 12
صحابى يبدا من 10 فيما فوق
صاحبتى اكبر 5 سنين... الخ الخ
(انا نفسي مرة اتخطبت لواحد اكبر 11 سنه بس ربنا ستر )
كل دول عايشين عادى بس برده بتحس فيه حاجة واقعه بسبب الموضوع داه
لازم حايجى فى وقت من الاوقات و الفرق داه حايتحس
يا اما هى لسه شابة و عايزة تعيش حياتها و هو خلاص زهق و عايز يعيش بهدوء شويه بس برضه فى الحالة ديه لسه قطقوطه فى نظرة فالخسران فى الموضوع داه هى و مشاكل بقى من نوع مبيخرجنيش انا لسه صغيرة و عايزة اعيش حياتى , اللى فى سنه دلوقت ولادهم فى الاعدادى ( حتى هنا فرق السن بيظهر مع الاولاد ) و ممكن هو بقى عايزها تترفع لسنه دا عايزنى البس لبس مش سنى
يا اما هو حيبتدى يبص يلاقيها بدات تكبر ( بيولوجيا ) و حيحس انه لسه شاب فممكن يبص بره و يحس ان لسه بدري عليه ان يدخل المرحله بتاعتها ديه
موضوع التفاهم داه بيتبص له فى الاول بس ,محدش بيفكر بعد 5 سنين مثلا حايكونوا ازاى
انا عن نفسي باحس دايما ان الشباب اللى اصغر منى انا قد امهم و رفضت فعلا واحد اصغر منى بسنه و كان معايا فى المدرسة حاحس طول الوقت انى اكبر منه
فى راى اساسا 27 سنه يبتدى الشاب يفكر فى موضوع الجواز داه مش قبل كده اما من ناحيه الفرق مايزدش عن 7 سنين

شكرا على الوقت

علي الألفي يقول...

اولا صباح الفل يا صاحبي

ممكن تقبلني واحد من اخواتك ده اولا

ثانيا انا باشوف انه مش المشكلة في تاريخ ميلاد كل واحد من الطرفين
المهم انهم فعلا يكونوا متفاهمين عقليا
تخيل لو انا اتجوزت واحدة و بيني و بينها الفرق المثالي في العمر
و طلعت انا يمييييييين جدا و هي شمال جدا
و لا حد مننا هايستفيد
الممهم نكون بنحب بعض بجد و حاببين نكمل مشوارنا سوا

و يمكن اللي انا باقولله غباء و مالوش لازمة
تحياتي يا صاحبييي

Akram يقول...

Dear Bro, first of all i'd like to thank u for sucha nice reply, second thing, excuse me when i didnt like when u said that i lost all or most of my values in life, bro u donno me already so how come u judge me that way ! we're talking here about marriage ONLY, this is almost the only thing i've been talking about, and let me clear it for u that am al hamdo lellah a guy who believes in Allah & understand everything single Ayah or Hadeeth u've mentioned in your reply, but lemme ask u something? Who is following these religious things in a proper way? I think your name is Abdallah ! Ok Abdalla, i think u mentioned before that u are 24 yrs old as i recall, and u mentinoed that u were born in UAE and as i can see that u are living in da states now, in this case i can tell u go live in Egypt for some time n see the real situation there, u said that u donno how old i am n u dont care, but lemme tell u this, am 27 yrs old, lived 23 of them in Egypt as i settled down in UAE for da last 4 years, u know what does it mean, it means en 3omrak kolo ana kont 3aysho fi masr, i've been brought up there, childhood, teenage time & when i started to be matured n adult enough to depend on my own self, would u plz tell me how many years did u live in Egypt? I think ZERO, and even if u did then i think it was for few years, that is why instead of telling me go check good sources or read good books about marriage, then i can advice u to go live there n check what's on earth goin on there, go see how the people think, go check how they live, how they get married n how they survive after marriage, maybe books will give u theoretical ideas or even the movies or the young guys who participate in your blog with their comments, but if u wanna know really, then go see by your own self & ask married people who live the real situation, 7ata el masal bey2ol es2al mgarab wala tes2al tabeeb !

Listen Abdulla, how nice if the couple really yete2o rabbena fi ba3d, and what u mentioned in your reply about the religion is extremely right, but as i told u who's following this ! and lemme tell u that, if u find really the good lady who follows Islam way exactly as Allah & Muhamad (PBUH) Say, then be sure enaha 7atkoon gawaza salonat, 3shan el islam 3omro ma2al en el bent te7eb wi tet7ab abl el gawaz, wala 7ata el ragel tab3an, ya3ny elly enta betdawar 3aleeha di lazem tkoon wa7da 3omrak mashoftaha 3shan bkol basata elly mashya 3ala ketab rabbena sa7 3omraha ma7ate3rafak wala 7at2ablak wala 7ata tokhrog m3ak, msh howa da el deen fe3lan walla ana 3'altan? wi sa3etha ba2a ya m3alem mawdoo3 en far2 el sen mosh mohem as long as el walad wel bent bey7ebo ba3d, kalam malosh lazma, fein ba2a el 7ob elly enta btetkalim 3aleeh dah ma3a wa7da mashya 3ala shar3 Allah wi mabte3rafsh 7ad ella elly yegy yetlob edha mn bet-ha 3alatool, 7at2oly tab mana 7a3rafha ezai? 7a2olak el nas di betkon som3et-ha sab2aha wana a3raf talat banat etgaezo keda, mogarad bas en 7ad bey3raf en folan 3ando bent lel gawaz byet2ademlaha 3shan som3et abohom wi som3et-hom 3'aneya 3an el ta3reef, by the way ya Abdalla, am not challenging u, and i really like u & i wish u the best of luck, and by the way when i said the Marriage is failure relation, it's not that i don believe fi kalam rabbena ely enta 2olto wal3yazo bellah, lama ba2ol el kalam dah msh ma3nah en el gawaz howa elly we7esh, el nas yabny heya elly we7sha, zai keda bel zabt lama t2ol en masr not very clean country, tab heya masr ya3ny ely betwasa7' nafsaha? maho el nas elly 3aysheen feha homa elly mwasa7'enha, 3shan keda bas 7abet afahemak en el smohkela msh fel gawaz, el moshkela felly byetgawezo, homa dool elly beywa7ashooh, last thing am sorry if i was talking too long, and if u don wanna discuss this matter any more, for sure u can tell me to stop, i don like to be annoying for any one. best of luck n c yah bro :)

Noony يقول...

مين بيقول اية؟
طول مانت مصمم تنادي على ناهد مش هرد عليك...ونشوف مين اللي بيعاقب مين!!! (معلش أصلي شريرة زي بقية البنات الشريرات)

على العموم أنا قلت رأيي في الموضوع دة...إن القاعدة إن فرق السن يكون بسيط...بس مش شرط...في ناس دلوقتي بتبقى كبيرة في السن بس عقلها صغير أو خبرتها في الحياة قليلة أوي...وفي ناس ضغيرين في السن بس ماشاء الله لا قوة إلا بالله...بجد شخصيات وهمية

شخصياً، معنديش أدنى مانع إن يكون زوجي أصغر مني بحاجة بسيطة لو فعلاً في قدر من التفاهم بيننا..مفيش مشكلة غير إنه يستحمل اللي عمله في نفسه بقى
ههههههه

نوني مش نهاد
عشان فقدت الأمل فيك

The Groom يقول...


It's ok Akram you can talk as long as you want but may Allah SWT help me answer your long comments :)

First, it's ok to disagree with me. This is life and Allah SWT said "ولولا دفع الله الناس بعضهم ببعض لفسدت الأرض ولكن الله ذو فضل على العالمين".

Second, I might not know you very well but when I judged you I did it based on what you described yourself and on your own words.

Third, Actually there are many people who are rightous, good muslims and strict followers. It is just the scam who floats at the surface but the real good people are there and we have to dig for them.

Fourth, I lived in UAE 17 years, in Egypt 7 years and in USA 1.2 years. Regardless of the relatively short period I spent there in Egypt, Ive seen too much for a normal guy to see there. Sufferred a lot Alhamdullelah. I went there at the last year of high school. Took it from there, then got my bachelor degree from there. Imagine how was it hard for a child who used to be rich to suffer poverty and hard times there in Egypt after his whole life in UAE. It came days where I couldn't afford going to college and had to work 12 hours a day to survive and earn my living. Certainly I do know what I'm talking about and I do know how situations in Egypt became worse. I was there 2 weeks ago and I can tell the difference in just one year. I thought about marriage the first time when I was 19 years old. At that time I had the money and resources to build a good house. However, I wasn't ready emotionally yet. It is a big responsiblity. And believe me there were a lot of good girls who are religious enough to follow this Deen in the proper way.

Did you try to find these girls? I doubt it. Again this is only based on what you said about yourself.

Fifth, about asking people who tried, I tried myself there. Three out of the the many times I tried to get married were in Egypt. All the girls I proposed to there were the best in my opinion. They were all good and religious. At the same time, I met them all in public meetings and we knew each other very well before I proposed officially. It is just el naseeb that prevented any of these trials from success. So again, I tried what you were saying and can proudly say: Our Deen is much more flexible than we think. It is only us who make it hard for ourselves.

Sixth anf Final, prophet Muhammed PBUH said "لم ير للمتحابين مثل الزواج" صححه الألباني

So, based on tis hadeeth and other stories from our Sunna - and I can mention some - I would say no to your last point. A girl can love and be loved by her husband before marriage as long as this happens in the proper way. That's not of course conflicting with any other hadeeth about the first eyesight or any other islamic regulation.
I also ment by sources not only books, but also old and wise people, people with experience, sheekhs and finally books.

May Allah guide us all to the best.

Salaaaaaaaaam.

The Groom يقول...


هيييييييييه

أنا أولا مبسوط لأن ناهد
:P
اعترفت انها شريرة و ان البنات شريرات هاهاها

بس والله سعيد بزيارتك و متبقيش تغيبي أوي كده - أنا بس حبيت أضرب شوية نار بس الظاهر ان أنا اللي حضرب

يا ست نهااااااااااااد أنا آآآآسف جدا

ومن هنا ورايح نوني أسهل مش كده؟ :)

وبعدين حاجة بسيطة ايه؟ كام يوم يعني؟

أما بقا حكاية يستحمل اللي عمله في نفسه فهو لازم يستحمل بغض النظر انت و لا غيرك اللي اتجوزها لانه كله مشاكل الصراحة الموضوع ده - الحقني يا عم أكرم

هاهاها

لا والله الموضوع ده شر لذيذ لابد منه

طيب سلاااااااااااااااام

Noony يقول...

Thank you, Groom, for replying on Akram, specially on the third point!

Noony يقول...

سعد زغلول قال اية؟
مفيش فايدة


حكاية "شر لابد منه" فهو على الكل
مش على الزوج بس لكن على الزوجة كمان

أكتر من كدة يبقى فعلاً في ضرب وضرب جامد أوي كمان

نوني

The Groom يقول...


عفوا عفوا

طيب براحة براحة بس

حد قال غير كده؟ حاضر يا طانط

أنا أسف تاني

خلاص بقا هو كله ضرب ضرب مفيش شتيمة؟ يعني ماكانتشي بلوج دي يعني

سلااااااااام
:(

Noony يقول...

عفونا عنك

:)

The Groom يقول...


علي الألفي

أخي العزيز - مرحبا بيك - سلموه واحد كلاشينكوف يا جدعان

دكتورة تخاريف

اسمحيلي أناديكي كده عشان الاسم كده زريف أوي من زرف يزرف فهو زرافة

شكرا ليكي على ردك المقنع الممتع السهل الممتنع اللي مش عارف ايه واخره عين - انت قولتي اللي انا عايز أقوله بالظبط - أكرمك الله

شكرا ليكي يا ناهد اووووووبس قصدي نوني والله دي بس من التعود :) على العفو عني - عقبال ما الحاج شاور يعفو عني

سلااااااااااام من ماناساس البلد

Shower-Mirror يقول...

اعزائى الهواه ....

اعلن انتهاء الحرب و كل واحد يسمع رأى اخوه بالادب ...لأنى خلاص رجعت الدبابه للراجل و اخدت البطاقه .


الى المدعو جروم :

انا كلامى مش من الكتب بس يا مشمش ..انا متجوز من 5 سنين و كل اصحابى متجوزين .. و التجارب كلها امامى بانواعها .

انت بقى لا متجوز ولا عندك خبره ولا بتعرف تقرا ... و خبرتك كلها فى التنهدات بتاعة افلام محمود ياسين ..!!!


انت صدقت انى باتخانق معاك ...انا باهزر ياواد ..اوعى تقفش ..ده انت حبيبى زى مصر

Shower-Mirror يقول...

ايه ده انت طلع اسمك عبد الله ... يا سلام انا برده اعز اصحابى اسمه شريف



اضحك بقى

Shower-Mirror يقول...

بعد الجواز الحب مش بينفصل عن الجنس يا كبابجى ,, اقرا كلامى تانى كويس ..و ها تعرف يعنى ايه جنس بعد الجواز ...

يا بتاع محمود ياسين :P

emos يقول...

يا جماعة والنبى بلاش كلمة لو فى حب و اخلاص و مودة هم الاساس و الافلام الهندى دى عشان بتنرفز
كل واحد فيكو لما يتزنق يروح قايل اصل الحب و المودة
الحب صانع المعجزات
بططلوا تتفرجو على التلفزيون كتير و استخدمو مخكم شوية
فى قصة اسماها
حب فى المنفى
قصة واقعية جدا و احداثها حقيقية جدا
هتلاقوها فى مكتبة القومية او مكتبة الانجلو فى وسط البلد
نرفزتونىىىىىىىى

emos يقول...

اة
و من ناحية الدين بقى عشان ميطقليش عرق
الرسول علية الصلاة و السلام
الفرق بينة و بين السيدة عائشة كان كبيير صح
بس اولا دة كان امر من ربنا و غرضة ان السيدة عائشة تفضل فى شبابها بعد وفاة الرسول عشان تكمل المسيرة و توصل للمسلميين كل احوال الرسول و تصرفاتة و هو فى بيتة و مع اهلة ...الخ
و لو نلاحظ بقى ان الموضوع دة محصلش الا مع الرسول و بس
يعنى مفيش حد من الصحابة عمل حاجة زى كدة ولا سمعنا ان حد من المسلمين بعدها
عمل كدة
و بعدين لو هتشوفو الرسول حجة كويسة عشان تسكتتو بيها شاور فا دة كان الرسووووووووووووووووووول يعنى معجزة ماشية على الارض و فى كتاب اسمة
الخصائص النبوية الكبرى
تبقو تقرأوة برضو فى شرح للموضوع دة عشان انا مش هعرف اتكلم فية
بس خلاص

emos يقول...

اكرمممممممممممممممممممممم

بص يا سيد اكرم
انت قلت كلام حبة منة كويس و حبة منة وحش
الكلام الوحش اللى هو لة علاقة بانيس منصور الشخص المعقد واسأل مجرب و الكلام الفاضى اللى اتقال عن الموضوع دة
مفيش حاجة اسمها اسأل مجرب فى حاجة اسماها اسأل ربنا بما انك متدين و بتعرف فى الدين اوى لأن ربنا هو اللى خلقنا و ربنا هو اللى عارف كل شيئ و قادر على كل شيئ و اللى الرسول علية الصلاو و السلام قاااال (من استطاع منكم الباءة فليتزوج) يعنى الجواز مهواش حاجة وحشة و مرعبة و الا الرسول مكانش قال كدة دة غير ان الجواز دة عبارة عن كمية من الحسنات اللى الواحد بيأخذها من اقل شيئ بيعملة زى يعنى لو الراجل قال لمراتة كلمة حلوة يأخذ حسنات لو طلب منها طلب برقة ياخذ حسنات و ربنا خلقنا عشان نعبدة و عشان نجمع حسنات ندخل بيها الجنة و لما الواحد يلاقى حاجة ممكن يأخذ منها حسنات كتيير المفروض يستغلها مش يقول انا سألت مجرب و قاللى عليها وحشة و الجرب دة واخد حسنات على قلبة قد كدة (وفى ذلك فليتنافس المتنافسون)يعنى تنافسو فى الحسنات يا فالح

الجزء الكويس بقى اللى انت قلتة كان عن البنات اللى يعرفو دنهم صح و عمرهم ما هيعيشو قصة الحب قبل الجواز و كدة كلامك مظبووووووووووط 100%البنت اللى عارفة دينها صح مش هتدور على حد تحبو و يحبها هتدور على واحد محترم يدخل من الباب
و بما انك عارف مكنهم و عارف ان سمعتهم معروفة فى حاجة بقى لازم تعرفها
ان ربنا قال الطيبون للطيبات يعنى اييييييييييييييية؟
يعنى لو فى واحد عايز واحدة بالمواصفات دى يا ريت يبقى هو فى المواصفات دى الاول عشان ربنا يبعتلة واحدة زييو
زى ما الاستاذ عمر عبد الكافى بيقول ان لو واحد شاف ان فى مشكلة فى بيتة او فى مراتة يبقى العيب مش فى بيتة او مراتة يبقى العيب فية هو يبقى عمل حاجة غلط يبقى عمل حاجة حرام يبقى اغضب ربة فى حاجة

و بما انك يا استااااااااااذ اكرم عارف الدين كويس يبقى تمشى علية مش تمشى ورا مثل شعبى

نرفزتونىىىىىىىى الاسلحة مدة صلاحيتها خلصة من كتر الخناقات

يعقــوب أو فانتــي يقول...

الكلام ابتدي يحلو يا رجاله، ايموس شكرا جدا علي ردك التحفة اللي 95 % منه صح، بس معلش استحملني أو استحمليني لما أقول تاني ان الواحد يسئل مجرب، ماذا و الا بقي كل واحد ينفض لأبوه و أمه لما يتكلموا معاه في أي حاجه لو حنمشي علي مبدأ ان محدش يسأل مجرب

emos يقول...

ماما و بابا ربنا قالنا نسمع كلمهم و نسمع كلام اولى الامر و نسمع كلام العلماء
دول نسمع منهم عشان برضو ربنا ققققققققققال كدة مش عشان اسأل مجرب و منسمعش كلامهم فى حالت ان كلامهم مشى عكس كلام ربنا
فل؟

يعقــوب أو فانتــي يقول...

3agabny awy el blog dah, awel topic feeh gamed moot, esma7oly ab3atholkom, wi sorry law 3arfeno already, wi salam mn akhoko el fanty.

http://aywakhadama.blogspot.com/

Anima يقول...

أنا مش جاية أتكلم عن فرق السن لأنه أصلا ما بيهمنيش

بس جاية أشكرك على أغنية كاظم الساهر، فكرتني باللذي مضى و لو إنه كان أليم

Sampateek يقول...

لموضوع ده ملوش قاعدة ثابتة
حسب الشخصية و النصيب
ربنا يهديك و تفضل بعقلك
و متتجوزش

Sharm يقول...

مش مهم السن .. المهم الاتفاق

The Groom يقول...


السلام عليكم و رحمة الله

لا الحرب لسه ماخلصتشي انا بس اللي انهيها والا مش دافع ايجار المكان و حيرموكو برا - ماعاش اللي يعمل كده

وبعدين انت شايفني نكرة أيها المدعو شاور؟ الله يغسلك يا رب

أنا عمري ماقفش منك بس بلاش تحبني قد مصر يا بكاش عشان انت مش بتحب مصر هاهاهاها أو لو بتحبها حيكون الحب القاتل بتاع عبدالوهاب

صحيح انا مش متجوز بس خبرة المتزوجين في دمي من كثر ما قرأت و سألت - الكلام جميل و حلو كلامكم كلكم بس في حاجة - الموضوع صدقني لو فيه عزيمة و اصرار و حب حقيقي وفهم صحيح للدين يبقى والله العظيم و بناء على التجارب الوهمية لكل اللي اعرفهم مفيش مشاكل والله و لا حتى التكة اللي تفضلت اخت و قالت عليها

بقولك ايه روح هاتلك دبابة تانية
-------

أنا على فكرة بكره محمود ياسين و بحب احمد عبدالعزيز

شوف يا حبيبي انا ماليش دعوة بالعلم بتاعكم و كلام الكليات كل الفكرة انا واحد من الناس ان شاء الله لما اتجوز ومراتي عجزت بدري ومقدرتشي تكمل المشوار معايا حفضل بنفس كم الحب و الحنان ليها ان شاء الله - الحب ممكن ينفصل يا مان خصوصا لو موجود من الاول مش بناء على انها طلعت حلوة بعد جوازة صالونات - الظاهر بقا انا مش عارف ليه تجاربكم كلكم وحشة يمكن عشان عندكم اسباب تقولوها بس والله من تجارب اصحابي و قرايبي اللي زوجاتهم اكبر منهم ب 10 سنين احيانا مبشرة جدا بل و تشجع على ان الانسان يتجوز واحدة اكبر منه كمان
:)

أما بقا على الكباب فأنا مبحبوش يا.........
يا عبد الحفيظ حالم
---------
ايموس

شكرا على انك سخنتي الحرب تاني و كلامك كويس جدا بس في كام نقطة

أول حاجة متحلفيش بالنبي

تاني حاجة
مفيش زنقة ولا حاجة فعلا لما واحد يحب واحدة و هي تبادله نفس الحب اللي كله عواطف و شغف و انفعالات و كلام كتير كده و يكون برضه فيه شوية هقل كويسين على حبة دين محترمين يبقى تمام

يبقى ساهتها يكتم على قلبه او تكتم على قلبها عشان هي اكبر منه او هو اكبر منها بسنة بس؟ ولا قدها؟

شوفي الزواج مش كله بس فسيولوجيا لا ده فيه كمان سيكولوجيا رهيبة صحيح في تأثير للفسيو على السيكو بس في الاخر الساعات السيتيزين احسن؟ سيتيزين؟ انت مين يا؟

لا بجد شوفي مش فاكر قريت فين قريب لما الست العجوزة التي اصبحت شبه مشلولة من كبر سنها و تعتمد على زوجها في الحركة و هو في نفس الوقت من مرض السكر أعمى وهي تقوم بدور النظارة ليه

يا ترى لما نوصل السن ده؟ خلو بقا بتوع الفسيولوجيا يفتحو بقهم

والله لا يعوض مثل الحب أبدا

وقال رسول الله صلى الله عليه و سلم
"لم ير للمتحابين مثل الزواج"

أما بقا كلام العلماء و كلام المجربين وردك على اكرم فلا تعليق لانه فل

أما بقا التاريخ فهو مليء بزيجات كثيرة فيها الزوجة أكبر من الزوج في السن وفي بعض الاحيان بمراحل كبيرة غير ما نعرفه عن الرسول صلى الله عليه و سلم يبقى ازيكم بقا؟ انا بس للاسف مش فاكر دلوقتي اي قصة محددة و كمان لازم انزل كمان شوية و مش فاضي اعمل الريسيرش بتاعي يااااي

----------

أنيما أو أمينا مش متأكد

لكن عفوا على ايه بس و لقد شرفتيني فعلا بزيارتك و دايما يا رب تكوني سعيدة لما تزوريني

أما بقا كاظم فأنا أهدي لك أغنيته هذه و افتكري ان من احسن نعم ربنا علينا بعد الاسلام هي الذكريات بحلوها و مرها وكمان القدرة على نسيانها

تحياتي
------

سمبتييييك - أنت جبت الخلاصة وزبدة الكلام - أحيييكي

طيب انا بس بحب الزبدة أوي بس بتخنني - ألاقيش عندك ريجيم مناسب؟ :))

عقلي فيه ما فيه الحمدلله على نعمك يا رب - ادعيلي اخف و يكون دوايا عروسة :)
-----

شارم - خطوة عزيزة و تشرفنا بزيارتكم

شكرا جزيلا كلامك خلاصة برضو بس بالمربى لان الزبدة خلصت سمبتيك خلصتها كلها
-----

طيب يا جماعة اسيبكم بقا عشان اضربلي حتتين بيتزا و انزل اشوف مصالحي و مش حجيبلك معايا يا شيرمين :):)
:P

السلام عليكم و رحمة الله

ماناساس بتسلم عليكم

esraa يقول...

أولا انا مع رايك انت, وضد رأي بابا, معلش يابابا يعني.
الفرق لازم يكون صغير, عشان يفهمو بعض, ويهزرو مع بعض, ويلعبو كمان مع بعض.
في انتظار حكاية حبك((:

shermen يقول...

انت فين
كش بتيجي ليه
انا هناك
ابقى تعالى


كتبت مواضيع جديده
تعالى شوفها
سلام

The Groom يقول...


يوووه يا شيرمين دانا كتبتلك كلام كتيير في مدونتك تقريبا حتروحي دلوقتي عليها حتلاقيها طافحة كلام كتير ربنا يستر

اسرااااااااااااااء

سعيد جدا بزيارتك العزيزة دي ليا والله

آسف اني مش بعلق كتير عندك في مدونتك بس أنا دلوقتي ذهني مفيهوش ذرة سياسة و لما بفتكرها بدعي كتير ثم أتف على اللي في بالي و اعمل مظاهرة بيني و بين نفسي وبعدين أنام مرتاح البال لأني للأسف مليش خلق عليها خلاص

دانا حتى داخل في مود حزايني ما يعلم بيه الا ربنا

دا حتى شوفي - كان صديقي

بكى صديييييققييييي آآآآآه آآآآآآه آآآه
آه

لا دي سنتي بس

ربنا يكرمك يا رب

سلاااام عليكم ورحمة الله

تحياتي من فيرفاكس البلد من بدروم بيت خالي

يعقــوب أو فانتــي يقول...

باشا، أحلي صباح عليك من الربع الخالي، حتقولي فين الربع الخالي ده حقولك بعدين، حبيت أشكرك علي ردك عند شيرمين، كان فعلا رد ظريف بس والله انت رايق يا بني، بيقولك بقي خد بالك لحسن السوبيا مغشوشة اليومين دول في فيرفاكس، :P

emos يقول...

انا شكلى هبقى سمير غانم قريب
فى قصة قرأتها كانت ببتكلم عن عادات و تقاليد اليابانيين زمان
كان الراجل من دول لازم يتجوز واحدة اكبر منة
لاااااازم مش اضغر منة اكبرررر عشان تقوم لة بدور الام
بس اللى حصل بعد كدة ان الرجالة طفشو من البلد:) و راحو اتجوزو من برة
هو لو واحدة اتجوزت واحد اكبر منها بكتير مش عيب ولا حرام بس يفضل ان السن يكون قريب
صح ولا غلط
نرفزتووووووووووووووونى

Nothing To Lose يقول...

والله يا اخ جروم انا مقتنعه جدا ان فرق السن لازم يكون مابين 3 الى 10 سنين دا بيكون مناسب جدا جدا لا عتبارات كتير اوى
ان اولا الست تحب الراجل الى يحتويها فكريا وعاطفيا واعتقد هو لما يكون اكبر بكتير بيقدر يفهم دا ويتعامل معاه
كمان اعتبار ان للاسف الست بتكبر قبل الراجل ودى حقيقه للاسف
علشان كدا انا بشوف ان الفرق الكبير دا ميزة مش عيب
تحيااااااااااااااتى

غير معرف يقول...

انت فييييين جروووووم

Azmiralda يقول...

انا لسه فى الشغل و حاسه ضهرى حايقع منى
قلت امسى كده

هو انا كلامى معجبش و لا ايه ؟؟
ماشى نقول كلام تانى

انا قعدت افكر فى الموضوع تانى
طب لو الاتنين لايقين على بعض من كل حاجة و كلوا تمام ماعدا السن يسيبوا بعض يعنى؟؟؟

فى الاول و فى الاخر الموضوع بيبقى توفيق من عند ربنا
موضوع السن داه حاجة من ضمن الحاجات مش كل حاجة

ولا ضرب نار و لا دبابات
( انا مفيصه اساساو مفييش نفس)


سلام مؤقت يا جدع

мїяάЖάгїм ™ يقول...

Hi Dear,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.

http://chiccopolis.blogspot.com/

Really interesting

Karim

emos يقول...

الخناقة اللى بعداها لو سمحت

david santos يقول...

Hello!
Thanks for you work. Hva a good week

Noony يقول...

جروووم

أنت فرحان عشان في حرب و إيموس متنرفزة والدبابات والرشاشات و حمادة بالطو يطلع كمان شوي!!!

أين أنت؟
عايزين حرب جديدة أو قصة جديدة

ربنا يوفقك يا رب أنا عارفة إنك مشغول اليومين دول
:)
بس متطولش يعني
نوني

The Groom يقول...


شوف يا يعقوب أنا عشت 17 سنة في امتداد الربع الخالي دي و انا عارف هي فين كويس أوي - تحب أوصفلك؟

أما بقا فيرفاكس فاغلط فيها زي مانت عايز أنا بشرب من ماناساس البلد و دي عمرهم ما يغشو فيها ابدا

وعفوا يا سيدي وصحيح مفيش احسن من الروقان بس انت مش رايق ليه؟ :)
----
ايموس
حد قال غير اللي انت قلتيه؟ عاملة خناقة على ايه بس؟
وبعدين نرفزتوني نرفزتوني؟

طيب حاسبي والله حزعل عليكي أوي ليطقلك عرق خدي بالك من نفسك

ربنا يصلح بالك يا رب
----
نو ثينج تو لوووز

شوفي يا لووووز
الحب هو الحاجة الوحيدة اللي حتبقى لما لا قدر الله تروح الصحة و مش حرجع احكي تاني قصة الست العجوزة و الراجل العجوز

بس انت طبعا كلامك حلو وجميل و منطقي و اكثره علمي لكن في نقطة صغيرة

أنا بقول الحب فوق كل شيء

بس خلاص :)

اسف اني مش حعلق في مدونتك لاني مقاطع السياسة للاسف من فترة
----

أنا هنا يا ارتعاشة اسف بس كنت بعزل اسف تاني على التأخير

جايلك يا مان بحكاية عجب اصبر انت بس

----

أوه صديقتي العزيزة ايمان

اوووبس قصدي ازيمرالدا

شوفي مفيصة دي يبقى ربنا يشفيكي و مفيش نفس يبقى ربنا يفتح نفسك

بس انت مقولتيليش ايه اللي ممكن يفتح نفسك و احنا نبعت نجيبه من ماناساس البلد و لا ايه؟

وانت صحيح بتشتغلي ايه؟

أنصحك تبطلي شغل على رأي تمر حنة
:)
سلام مؤقت يا معلمتشي
------
عزيزي ماريك

اعملك ايه انت اللي كاتب اسمك كده بالمقلوب و انا مالي

انا مبحبش اسطمبات الاعلانات دي بس ولو حفوتلك المرة دي عشان انت ضيف عزيز بس

أما بقا ايطاليا انا بحبها أوي لكن بكره الكلام في اعراض الناس فيها او في اي مكان

ده شأن داخلي يا مان

تحيا الحزب الوطني يا عم

ربنا يهديك يا رب و انا ماليش في الانتيريستينج ولا كمان عايز عروسة طليانية انا عايزها

يو سبيك عربي؟
-----
جايلك ان شاء الله يا ايموس جايلك في السكة
-----

عمونا دايفد سانتوس

انت عسل و الله و مش عارف ليه لما بتعلق لكل الناس بتعلق بالانجليزي و الناس ترد عليك بالانجليزي طيب مانت تعرف تقرا عربي اساسا يعني يعرفو يردو عليك عربي :)

شكرا جزيلا لزيارتك مدونتي وأهلا بك

ألاقي عندك عروسة؟

Thanks, Dsvid.
(in case ya3ny mesh ye3raf 3araby)

------

نهااااااااااااااااااااد هنا ؟ يا مرحبا يا مرحبا؟

بس انت يا أروبة عرفتي منين اني مشغول حبتين؟ قولي قولي مفيش حد غريب

اسف والله على التاخير بس اكل الفول بقا

ربنا يهديكي يا مرات خالي

أما بقا على القصة الجديدة جاية في السكة قريبا جدا و ان شاء الله تعجبكم

شكرا على اهتمامكم يا جماعة والله انا مبسوط أوي أوي

عارفين ليه؟

حقولكم في البوست الجاي

سلاااااااااام من ماناساس البلد

Azmiralda يقول...

ميساء الفل يا ريس
ياااااااااااااه انا لسه حاقعد اكتب انا باشتغل ايه , انا فاضيه للكلام داه !!!

بص اعمل كليك على اسمى و شوف البروفيل بتاعى اسهل و لومعرفتش قول لى و انا اجى و ارخم تانى و اقولك

و بعدين اتعلموا الاقرايا بقى
مفييش نافاااااااااااااااااس

ان اف اسس

و مشكرين على الدعا و الله محتاجينه
على العموم اللى يفتح نفسى
(نيفسى)
كيلو جمبرى 2

(ديه بجد ... انت ليه معلقتيش على
اللى قلته؟؟)

العزيزة ايمان

خمسه رخامه عالماشى كده

اخر اليوم بقى

Rivendell** يقول...

احم احم

غيرت الاغنية الاولانية ليه .. كانت عاملة جو جامد جدااا

The Groom يقول...


شوفي يا صديقتي ايمان

اسمك حلو اوي بس ممكن تقوليلي معناه ايه؟

أما بقا كلامك اللي قلتيه فحلو وعلى عيني و على راسي ومتفق معاه تماما

أما بقا ليكي نفس او مفيكيش نفس فكله واحد - كلها من تنفس و يتنفس و نفيس

تحياتي يا ايمان
------

رافينديل

معنى اسمك ايه؟

أما بقا الأغنية فأنا بحب كان صديقي أكتر و أعتقد برضو انها عاملة شغل

سرب الحمام ممتازة جدا بس ليها وقتها المناسب
:) ;)

سلااااام يا جدعان عشان انا دلوقتي بكتب البوست الجديد

سلااااام

Rivendell** يقول...

ريفندل
دا اسم مدينة الإلفز ( الجن ) في ثلاثية تولكين " لورد اوف ذا رينجز "


وانا اختارت الاسم لاكتر من سبب

اسمي قبل كدا كان " غواص بحر الأمل" وبرضع غيرته لأسباب عدة

أي خدمة

اديني مستنية البوست الجديد اهو

كان صديقي حلوة ماحدش قال حاجة بس سرب الحمام كانت تحفة