الجمعة، ١٣ أبريل ٢٠٠٧

ماذا لو مت الآن - 1

السلام عليكم ورحمة الله ماذا لو مت الآن؟ من سيبكيني؟ من ستبكيني؟ من سيبكوني؟ سؤال ظل دائما يدميني ماذا قدمت لهم؟ وهم في الحياة أصلا قد نسوني أتسائل أحيانا ماذا سوف يحدث عندما تدنو ساعتي و يحين أجلي .... من في هذه البسيطة سوف ينتحب علي وهل أستحق أصلا دمع الرجال ونحيب النساء؟ سهرت يوما كاملا أتخيل ماذا سيحدث يومها؟ عندما أموت ....... ترى كيف سأموت؟ وأين؟ وعلى أية حال؟ هل سأموت بعيدا طريدا شريدا كما أنا الآن؟ هل سيضطر الناس لدفني بعيدا فأظل بعيدا قلبا و قالبا و عيانا بيانا فيكون هذا في حياتي وبعد مماتي؟ هل سأكون سعيدا بلقاء ربي؟ هل سأحزن لفراق صحبي؟ هل سأفرح بجنة الخلد أم سأشقى بنار جهنم؟ لست أدري الاجابة لهذه الأسئلة الآن - قد أجيب عنها فيما بعد - وقد أعرف الاجابة في الوقت المناسب لكنني سأتسائل الان من سيبكيني بالتحديد؟ هل سيبكيني أبي؟ مممم قد يفعل أو حتما سيفعل - لكن يظهر هنا سؤال محير؟ هل سيكون بكاء علي؟ أم بكاء مني؟ أم بكاء لي؟ هناك فرق كبير بينهم - أرجو ألا أموت قبله فيبكيني - سيعز علي كوني سببا في بكاءه هل ستبكيني أمي؟ مممم حتما ستفعل - لكن يظهر هنا نفس السؤال المحير - هل سيكون بكاء علي؟ أم بكاء مني؟ أم بكاء لي؟ أرجو ألا أموت قبلها فتبكيني - صحيح أني بموت أمي و أبي أمامي قد أبكيهما دما و قد أموت من البكاء - وقد لا أحتمل الصدمة فأموت من فوري ولكن هذا أهون عندي من موتي أمامهما و أن أكون سببا في عذابهما - لا أريد أن أكون سببا في عذاب مستمر لهما ميتا بعد أن كنت كذلك حيا للأسف نعم أنا أجزع عند المصائب لم يعلمني أحد أن أصبر - فقدت الصبر منذ زمن طويل وأعتقد أني قد بدأت أن أتعلمه - ما تراه في يوم قد يفوق يوما ما قد تراه في عمر كامل ترى..... من من الناس سيبكيني؟ هل ستبكيني أختي تلك؟ لست أدري في الحقيقة ولا أريد أن أعذبها هي أيضا - لست أدري ان بكت علي هي يوما - ما أذكره أنها بكت مني كثيرا وعز هذا علي أم هل ستبكيني تلك الأخرى؟ نعم هذه بالتأكيد ستبكيني - انها تعلم الحقيقة - بكت مني كثيرا و ستبكيني أكثر يومها وعز هذا علي أم هل سيبكيني البقية؟ نعم سيبكونني وخاصة الصغرى - هي تحبني كثيرا وبكتني وبكت علي وبكت مني دوما - ولما سافرت انهمرت دموعها مرة وكفاني هذا وعز هذا علي أحببت كثيرا من الناس بل ومن الاشياء في حياتي لكن ترى ......... من سيبكيني منهم؟ ومن سيفرح بموتي؟ هؤلاء كثر هل ستبكي علي أشياءي؟ احتملتني كثيرا - حملتني كثيرا - ضاقت بي قليلا - وكلفتني قليلا - لم تشكني يوما و احببتها دوما هي سيارتي العزيزة - أعز ما أملك في هذه الدنيا من الأشياء - استضافتني يوم أن لفظني الجميع - أقلتني يوم تركني الجميع ومعي في السراء و الضراء - قد يجد البعض هذا مضحكا ولكنها كانت هناك دوما - أعرف قيمتها لأني حرمت منها دهرا من أول يوم رأيتها أيقنت أنها هي - نشأ بيني و بينها ذلك الحب - هي مما خلق الله وأنا مما خلق الله فكيف تنكرون علي حبي لها وحبها لي؟ أثق أني سأتركها يوما ما - وأعلم هذا جيدا - لكن سأظل أحبها ما حييت و لن يكون تركي لها الا بموتي - وموتي فقط ان شاء الله وعلى الرغم مما فعلته بها - وهو كثير - أثق أنها سوف تبكيني وعز هذا علي ...... وعليها وسادتي العزيزة - قبلت مني دموعي باستفاضة - في فرحي وفي حزني - في همي و في سعادتي - قبلت مني أيضا دمي حين نزف وجهي لم تشتك أبدا - لم ترمني بما رماني به الاخرون - كانت دائما باردة يوم حر علي الزمان - وكانت حارة يوم ارتجفت بردا تكفيها أنفاسي يوم كرهني الناس و لم تبال - وسمعت مني يوم بثثت اليها شوقي طول الليل و احزاني احتضنت رأسي يوم ضاق به صدر أمي - واحتضنته أيضا يوم اهتم و ارتعد وعن ما أحب قد ابتعد
احتضنتني يوم ان شكوت لها ذكرياتي و حكيت لها آهاتي وكتمت بها صرخاتي
ظلت رفيق دربي وهمي و لم تقل لي يوما ابتعد عني أحبك يا وسادتي وحتما مفارقك وعز هذا علي ......... وعليها سريري - يا من حملتني طفلا - فلما شبت حملتني كهلا و قليلا ما نمت عليك وكنت يومها شابا يا من حملتني يوم ضاق بي الاخرون - يا من شربت من دموعي كؤوسا وتجرعت منها أنهارا - يا من في فرحي قفزت عليك و في حزني ارتميت في احضانك - يا من في حر الزمان حميتني وفي برد الشتاء أدفأتني
يا من في مرضي وسعتني و في ايام صحتي القليلة صحبتني
يا من دفنت فيك عزيز ذكرياتي و جميل أحلامي و لم أبالي
يا من وسعت أحبهم الى قلبي فصحبي صحبك وأحبابي أحبابك يوم أن ضاقت بي الأرض كنت دائما أهرب اليك - أدعو الله تعالى مختبئا بين جنبيك - مدثرا بملائتك محتميا بك من الناس ولم تخذلني و كنت دوما بجانبي - ستبكيني أنت بحرقة أعلم هذا - وليس بيدك أن لا تستقبل غيري - لكنك دوما مخلص لي وعز هذا علي............ وعليك ثيابي - يا من سترتيني يوم فضحني الناس - وغطيتني يوم كشفني الناس يا من حميتني ممن رموني من خلفي ........ ومن أمامي أيضا يا من أحببتك لأني اشتريتك بنفسي أو اهديت الي من أحبتي - ولم تبالي يا من تحملتي مني الكثير و لم تبالي - ستبكينني بحرقة - وقد تكونين لغيري وعز هذا علي .......... وعليك حقيبتي العزيزة - أذكر ذلك اليوم في صيف العام 2001 يوم أن أهديت لي من تلك الحبيبة نعم استسصغرتك يومها - لكنك منذ ذلك اليوم حملت مآس عظيمة - وحملت ذكرياتي معك لم تشتك مني ولا من معاملتي لك يوما و لم ينقطع حبلك المتين دوما - فخرت بكونك حقيبتي و رفضت بيعك مع الجهاز الذي كان بداخلها يوم أن بعته - أنت لا تفارقينني أينما ذهبت - فيك روحي وأنا فيك ستبكينني بحرقة؟ أعلم هذا - وقد تكونين لمن أحب بعد موتي - تذكرينها بما كان بيننا و تذكرينني يوم نسيني الناس حملت قلبي بداخلك دائما - ولم تئني به أو تتوجعي يوم أن رماه الناس وضاقوا به ذرعا شكرا لك - وعز فراقك هذا علي وللبكاء بقية ان كان في العمر بقية

هناك ٢٨ تعليقًا:

shermen يقول...

هل يضر الشاه ذبحها بعد قتلها
أنت بتدور ايه اللي هيحصلك بعد ماتموت من اللي حواليك فكر ايه اللي هيحصلك ف القبر خد معاك زادك
طبعا انت فاهمني

Esmeralda يقول...

اوقات كتيرة مش بنعرف قيمه الشخص الا اذا فقدناه لكن طول ما هو قدامنا بنعتبر داه من المسلمات
ساعتها بس بنحس بالفراغ اللى سابه
و بنحس بالذنب لاننا حسينا بغيابه لكن لما كان موجود محسناش بيه
سهل اوى البكاء لكن صعب ترجع الشخص داه و تعتذر له عن تجاهلنا ليه
ساعات ارتباط الشخص بالاشياء بيبقى اقوى من ارتباطه بالناس و لكنها تظل اشياء بلا روح

حتى الاحساس بالذنب ناحيتهم موجود بعد مماتك بارغم من تجاهلهم

ربنا يهدى الجميع
الدعاااااااااااااااااااااااء
الدعااااااااااااااااااااااء
الدعااااااااااااااااااااااء

نصيحة أخوية يقول...

و انت بروح أهلك قاعد تفكر ف الناس اللي هتسيبهم

يا راجل اعقل دا انت بدقن أهه

إية شغل الإستهبال دة؟

شغل كتابة عبثية و خلاص؟

لو انتا فعلا مهتم هتبطل تكتب حاجات زي دي

كنت كويس لغاية ما بدأت تهبل و عربيتي و مخدتي و سريري و بعد شوية هتقول هدومي الداخلية

إية يا عم انتا

ما كنت تقف لغاية أبوك و أمك و أخواتك
و بعدين خير الكلام ما قل و دل
و انتا مش هتكون فاضي أساسا بعد ما تموت تزعل ع الناس اللي بيعيطوا عليك
دا انتا هتكون ف دنيا تانية

تخاريف يقول...

لحظه تفكر...علها تكون وقفه..لنا جميعا..

Noony يقول...

كتير أوي بابقى قاعدة وبضحك مع أصحابي وكله كويس وفجأة اسألهم "لما أموت هتفتكروني وتدعولي؟"...بيستغربوا أوي من السؤال دة..بس أنا فعلاً بخاف كتير من إني أموت وحيدة...من إني أعيش من غير لازمة ولما أموت محدش حتى يفكترني بالدعاء في أكتر الأوقات اللي فعلاً محتاجة فيها للدعاء بالرحمة والمغفرة

الحاجة الوحيدة اللي بتخفف عليا إني أصلي وأقرأ قرآن..وأفتكر إن الله هو الغفور الرحيم

عبد الله..حاول تطرد الأفكارات دي من دماغك..متخليهاش تستهلكك...وافتكر دايماً غن
إن شاء الله خير

نوني

The Groom يقول...


شيرمين
كلامك صحيح و على عيني وعلى راسي

بس أنا مش بدور زي مانت فاكرة على كده و الا ايه فايدة اني افكر فيه وانا عايش

انا فاهمك و انت مش فاهمة البوست كويس

تحياتي لك
----

أزميرالدا العزيزة

شوفي يا ستي كلامك حلو أوي بجد وعجبني

لكن في حاجة

برضو انتم مش فاهمين البوست كويس

تحياتي لك وشكرا بجد
-----

الشخص بتاع نصيحة اخوية

أولا
راعي الأسلوب يا اللي مالكش اسم احنا نعرفه و أجبن من انك تكلمني باسمك
ربنا يشيل الجبن ده من قلبك يا رب

ثانيا
راعي الأسلوب تاني
ربنا يعدل لسانك ده يا رب

ثالثا
آه بفكر في الناس اللي هسيبهم على الأقل مش بفكر في الدنيا على طول الخط زيك
ربنا ينور بصيرتك يا رب

رابعا
مفيش علاقة بين الدقن و العقل أو الجنون الكلام ده كلام الجهلة و الجهلة فقط
ربنا يهديك يا رب

خامسا
وماله لو كنت بدقن؟ او من غير دقن؟ انت مالك؟
ربنا يبعد شرك عني يا رب

سادسا
مدونتي و أنا حر فيها واستهبل فيها زي مانا عايز مش عاجبك جيت تقراها ليه؟ عامل زي اللي بيقول الخمرة حرام و بعدين يروح يتنطط جنب البارات عشان يمكن ينسى و يسكر
ربنا يهديك يا رب

سابعا
هو كتابتي دي ايه علاقتها باهتمامي بيهم او عدمه ولا هي أصلا مقياس صحيح لذلك
ربنا يعلمك يا رب

ثامنا
وأنا مالي بعربيتك و سريرك و هدومك الداخلية؟ أدعي ربنا لو أنت جعان يطعمك و لو عطشان يسقيك ولو
ولو
ولو عريان يغطيك و يكسيك و يبعد نظر الناس عنك
ربنا بيستر علينا و احنا بنتعرى
ربنا يغطيك يا رب

تاسعا
خير الكلام ما قل ودل صحيح
شكرا على النصيحة
أدام الله علي خير نصحك

عاشرا
ياريت انت فعلا تكون بتعي اللي بتقوله وتعرف انك مش حتكون فاضي لما تموت تعتذر لمن أسأت له
وحتكون بتتحاسب
والله أعلم بقا بنوع حسابك و حسابي قبلك
خد بالك دايما ان الرجل لينطق بالكلمة لا يلقي لها بالا من غضب الله فيهوي بها في النار سبعين خريفا
أو كما قال رسول الله صلى الله عليه وسلم
وكمان ساعتها حتكون انا و انت في الاخرة يا انت
ربنا يهديك يا رب
-----

دكتورة تخاريف

شكر عميق وتحية خاصة لك

أدركت نصف المشكلة تماما

-----

نوني العزيزة

أنت مفهمتيش البوست مية في المية

لكن فهمك قرب منه شوية

الظاهر ان اسلوبي كان غامض شوية

صحيح أرحنا بها يا بلال صحيح

اللهم اغفر لنا يا رب

لو لم يكن فيها غير دعائك لكفاني

شكرا لك

أما على الاستهلاك فأنا استهلكت من زمان

وكلامك صحيح أمر المؤمن كله له خير

سلاماتي
------

تحياتي لكم جميعا من ماناساس البلد

Rivendell** يقول...

كلنا هنموت .. والحياة حالة مؤقتة

دا دايما اللي بييجي في دماغي لما بفكر في حاجات زي اللي انت حكيتها دي

بس انا على عكسك باتمنى اموت قبل اي حد اعرفه - قمة الانانية- لكن دي انا

زي ما اتقال المهم هتعمل ايه لما تنزل قبرك , وبالنسبة للناس اللي ابكتهم ... عمر الوقت ما بيفوت للتصليح او للتغير

تحياتي ليك من الزكازيك البلد .. ويا عزيزي مع كل حاجة فكر دايما ان ربنا موجود ... وعود نفسك عالصبر وعدم الجزع
والدعاء .. الدعاء .. الدعاء

dr_diamond86 يقول...

بجد مش عارفة دي لحظة تفكر و تذكر
ولا لحظة احساس بالوحدة
كلنا لينا ناس حاسين انهم هيفتكرونا ويحزنوا علينا ودايما ده مش اللى بنتمناه
وزيك كمان أنا بأحس بعلاقة بين الانسان وأشياؤه حتى لو كان الناس بيقولوا عنها جمادات وده معتقدوش
" وما من شئ الا يسبح بحمده ولكن لا تفقهون تسبيحهم" صدق الله العظيم
كلنا الى الموت
ساعات بقول الموت هو الحقيقة الوحيدة ف الحياة فعلا
بس مش لازم كمان انه يكون الفكرة المسيطرة علينا
لازم نعمر الأرض ونراعى الله ف تعاملاتنا مع الناس على قد ما نقدر لأن ربنا خلقنا لده
بوست جميل جداااااا جداااااااااا يا عبدالله بجد بس يا رب تكون مجرد لحظة تذكر وتفكر ووقود للحياة
ربنا يكرمك ويكرمنا جميعا يا رب ويهدينا سبيل الرشد

dr_diamond86 يقول...

بجد مش عارفة دي لحظة تفكر و تذكر
ولا لحظة احساس بالوحدة
كلنا لينا ناس حاسين انهم هيفتكرونا ويحزنوا علينا ودايما ده مش اللى بنتمناه
وزيك كمان أنا بأحس بعلاقة بين الانسان وأشياؤه حتى لو كان الناس بيقولوا عنها جمادات وده معتقدوش
" وما من شئ الا يسبح بحمده ولكن لا تفقهون تسبيحهم" صدق الله العظيم
كلنا الى الموت
ساعات بقول الموت هو الحقيقة الوحيدة ف الحياة فعلا
بس مش لازم كمان انه يكون الفكرة المسيطرة علينا
لازم نعمر الأرض ونراعى الله ف تعاملاتنا مع الناس على قد ما نقدر لأن ربنا خلقنا لده
بوست جميل جداااااا جداااااااااا يا عبدالله بجد بس يا رب تكون مجرد لحظة تذكر وتفكر ووقود للحياة
ربنا يكرمك ويكرمنا جميعا يا رب ويهدينا سبيل الرشد

أميرة البلطجية يقول...

عبد الله..استني بس عشان انا الواد بتاع النصيحة الاخوية دي خنأني حبتين
فيه ايه يا أخ
ده لو انت أخ صحيح وبتاع ربنا اوي كده كنت تعرف ابسط قواعد الكلام مع الناس
ناس معقدة ومريضة صحيح
وجبانة كمان
....
سيباك م الاشكال دي
بس انت عادي طبعا لبط وادتهلمه
مالك يا عبد الله..فيه حاجة مضيقاك جابت الفكرة دي في دماغك وله عادى؟
عموما اتمني انك تكون بخير
..
وطبعا احب اطمنك ان التفكير في الموضوع ده حينكد عليك بس وانت وعايش لكن بعد عمر طويل ان شاء الله مش حتحش بحاجة من دي..ربنا يحسن خاتمتنا جميعا ويهون علينا سكرات الموت
...
مش عارفة اقولك ايه..بس بدعيلك
سلام

Just a Reader يقول...

أحيانا يشعر الإنسان أن أشياءة تشعر به أكثر من أقرب الناس إلية.. فحتى أقرب الناس إليك تشغلهم أنفسهم وأشيائهم عنك. وقد يبكيك الناس ولكن بعد فترة سيتحول هذا البكاء إلى ذكرى أما أشيائك فقد تبكيك إلى الأبد.
وجهة نظرك دي بتفكرني بآية في القرآن في سورة الدخان " فما بكت عليهم السماء و الأرض " و قد قيل في تفسير هذة الآية أن مصلى الإنسان في الأرض سيبكي عليه بعد موته (فتبكي عليه الأرض) وكذلك الباب الذي يصعد منه عمله الصالح إلى السماء فتبكي عليه السماء.
المهم إن الواحد يحاول جاهدا إن الناس والأشياء تبكي عليه وليس منه كما ذكرت . ربنا يرزقنا حسن الخاتمة جميعا إن شاء الله.
أطال الله عمرك ورزقك العمل الصالح إن شاء الله.

ياسمين يقول...

ايه يا جرووم عذبتنى بالبوست دة وعموما أنا عيطت من البوست من غير ما تموت فعلا ولا حاجة
أحب اقولك انى عمرى ما فهمت الموت ودايما لما بقولوا لى ان حد مات باتنح ومش بأعرف أفكر ولا افهم
كل اللى بأحس بيه بعد كدة ان الشخص دة وحشنى

خلتنى بقى عيطت عليك .. عرفت بقى .. أنا سوف ابكيك يا جرووم بس هل هذا سوف يغير من الأمر شيئا
اقولك سر .. انا دايما بافكر برضه زيك كدة .. مين هيزعل علية لما أموت؟؟
بس مش عاوزة أموت دلوقتى .. عارفة انه مش بإيدى لكن نفسى أعيش لما أكبر بناتى ويبقوا مش محتاجين لي فى حاجة

The Groom يقول...


رافينديل العزيزة

بحاول والله اتعلم الصبر و عدم الجزع بأقصى ما أستطيع

ادعيلي و ربنا يكرمك يا رب

شكرا على نصيحتك الغالية و فعلا

ربنا موجوووود

تحياتي لك
-----

لتاني مرة شخص يقترب جدا من معنى البوست بعد دكتورة شيماء تخاريف

ربنا يكرمك يا رب يا دكتورة داياموند

والله انا مبسوط ان الكومينت بتاعك متكرر مرتين رغم انك ممكن متقصديش

وأول واحد يقول البوست جميل هو أنت

شكرا لروحك الجميلة

ومتغيبيش علينا تاني

تحياتي لك
-----

أميرة البلطجية

تصدقي انك دمك خفيف و ساعات بخاف من بلطجتك دي

بس ولو ربنا ميحرمنيش منك يا رب

دعوتك حلوة ما شاء الله

ربنا يكرمك تاني يا رب

ايوة ادعيلي علطول

وعلى فكرة انا كويس و زي الفل الحمدلله و دي مش حاجة طارئة
أنا بس حبيت أقول حاجة شايلها في قلبي بقالها 8 سنين

تحياتي الحارة لك
------

Just a Reader

والله مش عارف أقولك ايه؟

ما شاء الله بجد

فهمتي البوست صح تمام كالعادة
لم يخب ظني فيك لعلمي أنك من أفضل من قرأ لي دوما

صحيح
البوست ده كان فقط مجرد رسالة لم تصل
ولكنا كافية لتخرج من قلبي
بعد حبسها طوال 7 سنين

تحياتي لك و شكرا بجد

ربنا يكرمك يا رب

وصحيح من قرأ كثيرا أبدع كما أنت الآن فيما كتب

والله مبسوط بجد ونيمتيني النهاردة سعيد

شكرا مرة أخرى لك
-----

ياسمين العزيزة

لا والله ما يرضيني عياطك يا ستي و لا أنا أستحق
لكن على قدر هذا
على قدر مانا بجد مبسوط ان في أخت ليا ستبكيني دوما

يا رب أذهب الحزن دوما عنا جميعا يا رب

ناس تانية قالتلي نفس الكلام

شكرا ليكم بجد والله حسستوني اني لسه عايش

حاولي تشوفي تعليق
Just A Reader
يا ياسمين
أو تخاريف
أو أميرة
وردودي عليهم

حتفهمي أنا كان قصدي ايه من البوست

ربنا يكرمك و يديكي طولة العمر اللي هي نعمة كبيرة اوي و يباركلك في صحتك عشان بناتك ويباركلك فيهم كمان عشانك

تحياتي لك

-------


شكرا ليكم بجد كلكم يا جماعة والله ان حبي لكم يزداد كل يوم عن الذي قبله زيادة تصاعدية تتبع ليس دالة خطية بل دالة
Exponential :)))))))

والله مبسوط بيكم بجد

تحياتي من ماناساس البلد
:)

Bride To Be يقول...

انا عندي خاطرة كتبتها مرة وانا اتخيل لحظة موتي.. حنزلها بالمدونة عندي وحنتظر ردك عليها..
الف تحية

عبدالله يقول...

من البوستات الي فيها افكار جمليه كلنا بنفكر فيها
انا مكنش لي نفس ارد علشان البتاع الغريب الي مالوش اسم الي في الاول
:)
بس علي العموم الفكره انا شايفها واضحه و جميله
بس مش تقلق موت انت بس و هبقي اقولك مين الي عيط عليك لما احصلك
:))))
فكره بعيده شويه بس حبيت احكيها كنت في زياره لشلالات نياجرا من سنيتين كده وكان معايا اتنين صحابي و رحنا متحف هناك اسمه متحف الفراش وقولنا نتمشي علي الشلالات شويه بعد ما خلصنا المسافه كبيره و كلها كانت زرع وشجر جميل قوي جه وقت العصر و قولنا نصلي كنا في حته بعيده ومقطوعه جدا بجد شكلها كنا اتمشينا كتير من غير مانحس بعد ما خلصنا صلاة كنت بفكر يا تري احنا اول ناس سجدت هنا و لا لا وياتري ممكن نبقي اول ناس تصلي في الجزء ده و كنت مبسوط قوي ان ممكن الارض تيجي تشهدلنا يوم القايمه لو كنا اول ناس

يالا بقي طولت عليك سلام


تحياتي

smraa alnil يقول...

لا مش واخدة عليك كدة
مالك بس يا عبد الله
انت خليتني ابكي بجد وخوفتني

بس عارف
احنا فعلا كل اللي انت ذكرته دة هيجي يشهد علينا يوم القايمة
عملنه فيه ايه وحملنا فيها ايه
عربيتك دي هتشهد عليك انت ركبتها في الخير ولا كنت قاصد بيها مشوار شر
شنطتك دي حملت فيها ايه
خير ولا شر
يوم تشهد عليهم السنتهم

ياااااااه

بص جايز التفكير دة فعلا راودني ان مين هيزعل عليا ويبكيني
بس عارف
بجد قربي من ربنا وقربك انت كمان هيخليك تتغاضي عن دة

وانك هتبقي متلهف للقاء ربنا

وانك مش هتبقي خايف وانك هيبقي عندك يقين غريب
ان الناس اللي حواليك مش هتزعل علي اد ما هتفرح لانها عارفة انك كنت تقي وعزائهم الوحيد وجودك في الجنة

ليا ابن خالتي الله يرحموا
لما توفي كلنا بكينا عليه وبقينا نبص لحاجاته ونبكي زيادة
بس لما جينا رجعنا هو كان بيعمل ايه في دنيته
وراودتنا كلنا احلام بانه في مكان لا يظمأ فيه ولا يجوع
ارتاحت قلوبنا
ودخل السرور لقلوبنا
لازم كل واحد يراجع عمله في الدنيا ومع غيره
ويتقي معاملته مع الغير
من نفسك هيبقي عندك يقين غريب زي ما قلتلك

والصبر ان نفد فدة بيكون ضعف ايمان
والصبر شرط من شروط الايمان
والصبر علي البلاء والاحزان
مش هقولك مش تفكر في غيرك وفكر في نفسك
بس هقولك ان التفكير في غيرك لازم يصلح من نفسك
اتقرب من ربنا اووووووووي
واطلب منه الصبر علي حزنك وربنا يفك كربك يارب ويزيح عنك كل هم وحزن
ومش تفكر كتير مين اللي هيكبي عليك او يزعل
لان التفكير دة قاتل بجد وهيتعبك اوي
وهيفضل يكبر جواك لحد ما تحس انك مخنوق
لا تحمل نفسك مالا تستطيع حمله
هون علي نفسك يا اخي
ربنا ولا تحملنا ما لا طاقة لنا به
ومش تحمل نفسك فوق طاقتك
فرج ربنا قريب ان شاء الله

emos يقول...

اية يا جرووم فى اية
دة انت ناقص تعيط على شراباتك

البوست دة ان دل فهو يدل على انك رومانسى جدا
و بتعرف ربنا

انا كنت خلاص هعيط لأن انا عايزة اموت موتة حلوة و موضوع هموت ازاى دة شاغل دماغى بس بعد ما لقيت عربيتك و سريرك و الاكلام دة

فكرة البوست اتشقلبت خالص

بس منرفزتنيش المرة دى غريبة يعنى

Anima يقول...

أوقات كثير بتخيل نفسي حموت موتة رهيبةبس حاجة واحدة خايفة منها اني أموت و أنا بولد و كده مش حاقدر أشوف ابني و مش حاقدر أربيه

ربنا يهدينا

يعقــوب يقول...

جروم حبيبي ليك عليا لمل تموت ابكيك بحرقة..و هقول لفانتي كمان عشان هو بيعزك..متخفش يا كبير وراك رجالة

dr_diamond86 يقول...

شكرا ليك انت بجد يا عبدالله
ولسه عند رأيي ان البوست جميل جداااااااا
هو حزين أو مؤلم بس مليان كلام ومشاعر جميلة جدا
انت بنى ادم طيب أوى
أحسبك على خير ان شاء الله
ربنا يكرمك ويوفقك
وادعيلى بجد لأنى ف فترة بجد محتاجة فيها دعوات صادقة من القلب
اللهم اهدنا سبيل الرشد وأرح قلوبنا و ثبتنا على دينك
يارب.......

غير معرف يقول...

صدقني يا جروم انا مصدوم.....
ايه ده يابني...والله انا عارف هبقى سخيف لو قلتلك اني مش عارف اقول ايه...
بس بجد البوست ده....رجّني...هزّني....صدقني لو لقيت كلام ممكن اقولهولك هبعت..بس انا دلوقتي هروح اقراه تاني...
و ربنا يخليك و يحفظك و يديك طولة العمر..

Sampateek يقول...

واضح ان النكد اللي عندي بهت عليك ما اهو انا كده ساعة فرفشة و ساعة نكد
ربنا يديلك طولة العمر في طاعة و اخلاص لله
و يحسن خاتمتنا كلنا
دي صورتك؟
استني بقى 5 سنين كمان و اجوزك بنتي
تحياتي

The Groom يقول...


برايد تو بي

أكيد و أنا حزورك في مدونتك و أكون متابع دائم ليها دايما

تحياتي لك و شكرا على دعمك الدائم لي

-----
عوباد حبيبي

الله يكرمك يا رب و يوفقك و يسعدك

تحياتي الحارة لك

وشكرا دوما لنصائحك الغالية

أنت فعلا بتفكرني بنفسي
:)
-----
يااااااه يا سمرااااء يااااااااه

تعليقك ده سيبقى كما هو

سأنشره كما هو

وسأكتفي بأن أطلب من الله سبحانه و تعالى أن يجازيك كل خير عليه

تحياتي لك

وأدام الله عليك الحب يا رب العالمين

:)

smraa alnil said...
لا مش واخدة عليك كدة
مالك بس يا عبد الله
انت خليتني ابكي بجد وخوفتني

بس عارف
احنا فعلا كل اللي انت ذكرته دة هيجي يشهد علينا يوم القايمة
عملنه فيه ايه وحملنا فيها ايه
عربيتك دي هتشهد عليك انت ركبتها في الخير ولا كنت قاصد بيها مشوار شر
شنطتك دي حملت فيها ايه
خير ولا شر
يوم تشهد عليهم السنتهم

ياااااااه

بص جايز التفكير دة فعلا راودني ان مين هيزعل عليا ويبكيني
بس عارف
بجد قربي من ربنا وقربك انت كمان هيخليك تتغاضي عن دة

وانك هتبقي متلهف للقاء ربنا

وانك مش هتبقي خايف وانك هيبقي عندك يقين غريب
ان الناس اللي حواليك مش هتزعل علي اد ما هتفرح لانها عارفة انك كنت تقي وعزائهم الوحيد وجودك في الجنة

ليا ابن خالتي الله يرحموا
لما توفي كلنا بكينا عليه وبقينا نبص لحاجاته ونبكي زيادة
بس لما جينا رجعنا هو كان بيعمل ايه في دنيته
وراودتنا كلنا احلام بانه في مكان لا يظمأ فيه ولا يجوع
ارتاحت قلوبنا
ودخل السرور لقلوبنا
لازم كل واحد يراجع عمله في الدنيا ومع غيره
ويتقي معاملته مع الغير
من نفسك هيبقي عندك يقين غريب زي ما قلتلك

والصبر ان نفد فدة بيكون ضعف ايمان
والصبر شرط من شروط الايمان
والصبر علي البلاء والاحزان
مش هقولك مش تفكر في غيرك وفكر في نفسك
بس هقولك ان التفكير في غيرك لازم يصلح من نفسك
اتقرب من ربنا اووووووووي
واطلب منه الصبر علي حزنك وربنا يفك كربك يارب ويزيح عنك كل هم وحزن
ومش تفكر كتير مين اللي هيكبي عليك او يزعل
لان التفكير دة قاتل بجد وهيتعبك اوي
وهيفضل يكبر جواك لحد ما تحس انك مخنوق
لا تحمل نفسك مالا تستطيع حمله
هون علي نفسك يا اخي
ربنا ولا تحملنا ما لا طاقة لنا به
ومش تحمل نفسك فوق طاقتك
فرج ربنا قريب ان شاء الله
--------
ايموس اللي متنرفزتشي المرادي

الموت هو الحاجة الوحيدة اللي بتهدي الأعصاب تماما يا ايموس

دي بتقتلها أساسا

تحياتي لك و شكرا بجد على زيارتك

والله ما قصدي حد يعيط خالص يا جماعة

تحياتي
--------
أنيما

عشان كده دايما بندعي اللهم احسن خاتمتنا و لا تجعل مصيبتا اكبر همنا

امين يا رب

شكرا لك بجد
------

الله يكرمك يا يعقوب يا حبي

أنت والفانتي عزيزين عليا أوي

أرجوك اكتب تاني يا مان

وحشتني

تحياتي لك
-------

دكتورة دياموند العزيزة

عفوا ليكي انت

الله يكرمك يا رب

وانت كمان طيبة وجزاك الله خيرا على مشاعرك الطيبة

شكرا لك على متابعتك الدائمة

كلنا محتاجين دعوات صادقة من القلب

اللهم أكرمها و احفظها و يسر لها أمرها و فك كربها وفرج همها يا رب العالمين

ادعيلي انت كمان يا دكتورة :)

تحياتي الصادقة لك
-------
ارتعاشة حبي

والله ما يرضيني انصدامك يا حبيبي

والله ما تهون عليا

ربنا يكرمك ويرضيك يا رب

تحياتي
------
سمبتيييييييك هنا

هاهاها أخيرا عبرتيني؟

ربنا يكرمك و يباركلك في ولادك يا رب

امين يا رب على دعاءك

مستعد استنى بس تدفعي كام؟

اه صورتي :(

معلشي بقا مش قد المقام :(

تحياتي لك و ابقي زورينا دايما
-------

تحياتي ليكم كلكم يا أحبتي في الله

dondn يقول...

يااا ع الاكتئاب اللى انت فيه مش عارفه ليه حاسه سبب اى شعور وحش بيحصلك عشان انت فى غربه ولوحدك فدايما بتفكر كده...بس بجد والله يا عبدالله انا بقعد ابص لحاجتى وافكر زيك بظبط خصوصا اودتى اللى فيها كل لحظات حزنى وفرحى فعشان كده حسيت بكل كلمه كنت بتكتبها...ونفس تخيلى لماما واخواتى واى حد بيحبنى.. اسلوبك في تعبير كان رائع..بس متحاولش تفكر كده تانى عشان فعلا دى افكار بتضايق وانت نفسيا مش ناقص كفايه اوى انك في غربه ولوحدك فحاول تفكر بحاجات تبسطك...اه افتكرت حاجه مهمه اللى مش عاجبه كلام ميجيش هنا تاانى عشان مش طالبه ناس خنيقه في مكان اللى بنحبه... وربنا يهدى

يعقــوب يقول...

ليا بس تصليحة صغيرة لشيرمين..هل يضر الشاه سلخها بعد ذبحها..كده أحسن برضه
:)

yasmina يقول...

باين ان مش انا بس اللي بفكر زيادة عن اللزوم ودايا شاغلة عقلي بافكار غريبة
بس هو عموما بوست جميل وكثير منا بتمر عليه مرحلة من التساؤلات
وانا منهم

غير معرف يقول...

it is the memory we leave!
I think it's more of away to reflect how to make things up for those whom you feel guilty towards..and to maintain your relationships with others...!

w rabena yedeek tolet el 3omr ya rab.,...

know what! I always had the same vision...and I know

Heba will weep for me
Hadeer...hope she might not remember me in bitterness
My dad...MY Mum...
what about my friends....!

I left them all tokens ...to remember me with a smile at least! at least for once and for all!


Thank YOU for such a wonderful post.... may be your loneliness far away from thewarmth of your home.. caused you this state..which I hope it won't last for long... I think you've got your new community and friends now of bloggers...all brothers and sisters...!

wish you all happiness in the world insha Allah

ماسة الحب يقول...

بص ياجروم انت مرهف الحساس
بس انا عايزة اقولك حاجة
الواحد لما بيموت مش بيفكر غير في اللي هيحصلوا
بس عاوزة اقولك ان فعلا اللي بيحزن اوي علي اللي بيموت حاجاته واغراضه مش الناس
وربنا يديك طولة العمر