الخميس، ٢٦ أبريل ٢٠٠٧

بوست خفيف - 2

محاولة يائسة مني لتشجيع أناس أحبهم في الله أن يكتبوا وأن تكون لهم مدوناتهم الخاصة قررت أن أنشر لهم ما تعذر عليهم نشره منذ زمن أترككم مع محاولة جميلة ورائعة تحياتي ----------------------- سألونى كثيراً عن سر ابتسامتى الدائمة ؛ بالرغم من عدم وجود أى أسباب تبعث على التفاؤل أو السرور . و عندما فكرت وجدت أنه ربما يكون بعض أو كل ما سأسرده الآن ........ أدركت أنه لن يصيبنى إلا ما قدره الله لى .... فابتسمت رضاً بما كتبه الله لى !! و أدركت أننى مهما حققت من نجاح فلن أبلغ منتهى آمالى .... فابتسمت فرحاً بما وفقنى الله لعمله !! و علمت أن كل ما فى هذه الحياة زائل .... فابتسمت تعجباً من أسفى على ما فاتنى منها !! و أيقنت أننى سألقى ربى فى يوم من الأيام .... فابتسمت أملاً فى أن يكون هو اليوم !! و تأكدت مما للإبتسامة من تأثير كالسحر على الناس .... فابتسمت رغبة فى تملك هذا السحر !! و وجدت أنه كما توجد المصائب فهناك أيضاً الأفراح و المباهج .... فابتسمت طلباً للسعادة واتقاءً للأحزان !! و رأيت بديع قدرة الله فى أرضه .... فابتسمت إعجاباً بجمال صنع الله !! و إننى لأرى الناس ما بين ذاهلٍ و عابس .... فابتسمت متسائلاً ترى من الذى سرق ابتسامتهم !! أفلا تستحق هذه الأشياء أن نبتسم من أجلها ؟

Dr.SEA 2001

----------

نعم تستحق :)

هناك ٢٠ تعليقًا:

غير معرف يقول...

and Dr. Sea's words drea that big smile on my face! :))

thank you Groom for sharing such wonderful words!

Rivendell** يقول...

الكلام حلو اوي

بس صعب وانت من غير نفس تنفذه

يمكن اكتر حاجة عجبتني دي


و علمت أن كل ما فى هذه الحياة زائل ....
فابتسمت تعجباً من أسفى على ما فاتنى منها !!
و أيقنت أننى سألقى ربى فى يوم من الأيام ....
فابتسمت أملاً فى أن يكون هو اليوم


بس حلو اوي واللي كاتبه بج بجد حد بيفهم

SoRsaRaa يقول...

اخيراااا ابتسامه لله:)
مساء التفاؤل والامل والانتعاش:)
ياريت توصل للى كتب الكلام دا اعجابى الشديد المتشدد بكلماته وياريت تكررها تانى

قوله يكتب من دا كتير
فى ناس فعرض حاجه تحسسهم انه فى امل

وتحياتى ليكم

SoRsaRaa يقول...

اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

Dr.SEA يقول...

ازيكو كلكوا
اولاً احب اشكر الولد جروم على التشجيع و المبادرة اللطيفة ديه
و ده كان متوقع منك يا عبده :)
طبعاً زى م قالكوا جروم انوا عايز يشجعنى انى اعمل مدونة و ان شاء الله هاخد الخطوة ديه قريب ان شاء الله بس عندى امتحانات الفترة الجاية (دعواتكم ان ربنا يكرمنى) و بعدين هاتلاقوا المدونة المهم بس كلامى يعجبكوا :) ......
المهم اخونا جرم اشترط عليا انى أرد على الكومنتات عشان البوست ده بتاعى (ماشى يا سى جروم بس برده البلوج كله بتاعك) و بما انى وافقت فانا اللى هرد عليكوا ان شاء الله .أه عبده انا عند وعدى استنى القصة قريب ان شاء الله...
قبل ما ارد هعرفكم بنفسى..
I’m 27 years old Egyptian guy, living in Cairo. I’m a doctor as u see.. Not married but trying tab3an :)but till now still free.

ابيتاف :
و انا بجد معتتز جداً بابتسامتك ديه
و يا رب دايماً كلامى يبسطك كده ..
على فكرة مدونتك فيها حاجات جميلة
انا دخلت كذا مرة بس محطتش كومنتات :(
معلش لسه مش متعود بس ان شاء الله هاسيبلك كومنت على اخر بوست
So wait me ;)

رايفندل :
شكرا على مجاملتك الرقيقة
يعنى ادينا بنحاول نفهم على قد ما نقدر ..
الموضوع مش صعب تنفيذه و لا حاجة
محتاج بس شوية صبر و تعود و نظرة اعمق للحاجات اللى حوالينا ..
وبعدين مالقيتيش غير الجزء ده :)
شكراً مرة تانية :)

صرصارة :
اسف بس انتى اللى مختارة الاسم :)
اشكرك بشدة على تشجيعك ..
مع ان مفيش حواليا أى حاجة تخلينى متفائل..
بس اهى محاولات ..
و ان شاءالله نتقابل تانى
و ادعولى
:)

yasmina يقول...

عبد الله شكرا لنقلك الموضوع حلو جدا
يا رب تكون بداية للتفاؤل عندك

د.سي
هو انت طلعت يائس مش باين من كلامك في البوست بس بالتعليق
انا عاوزاك تشجع عبد الله

أيحزن من الحق يسانده
ويكره من على الباري اعتمد
انا في عز ما دمت لا ابغض
وفي اثواب الابتسام ارفل

Just a Reader يقول...

تضاد غريب .... بالرغم من أنه يدعو للإبتسام إلا أني أشعر أنه قد أدرك جميع أنواع الأحزان!

تخاريف يقول...

فابتسمت طلباً للسعادة واتقاءً للأحزان !!


رائع جدا..التبرير ده...

أفلا تستحق هذه الأشياء أن نبتسم من أجلها ؟
تستحق..عندك حق..
بس اللى على طول بيحاول..
بس خلاص مش قادر...!!
..
يحاول مره تانيه..!!

Noony يقول...

Dr. Sea

تفتكر فعلاً ان الواحد لو جرب انه يبتسم ممكن نظرة الواحد للدنيا تتغير؟ ممكن يبقى فيه أمل؟

وإننى لأرى الناس ما بين ذاهلٍ وعابس ....
فابتسمت متسائلاً ترى من الذى سرق ابتسامتهم !!

دي ابتسامة سخرية بقى!...مش ابتسامة سعادة

عموماً أنا من رأي
Revindell
إن صعب تبتسم وانت من غير نفس

ربنا يسعد الجميع

نوني

وليد يقول...

الابتسامة شئ نادر فى هذا الوطن لكنها ضرورية للحياة فى وطن حزين

Rosa يقول...

اشكرك على مشاركتنا البوست الجميل دا وتحياتي للكاتبها
يااخ لو الناس توصل للمرحلة دي
اعتقد ان سر السعادة في الرضى والإيمان
يا رب وصلنا كلنا للمرحلة دي
اشكرك و في انتظار المزيد

None يقول...

دكتور سي


البوست حلو جدا

لازم تعمل مدونه واوعدك هاكون اول المعلقين:)

تحياتي

ازيك يا جروووم :)

Dr.SEA يقول...

Yasmina
ادينا بنشجع بعض اهه :)

Just a reader
هو فعلاً فيه تضاد بس مش بيقولك و بضدها تبرز الأشياء ..

د/تخاريف اللى مش خنيقة ابداً :)
بجد انتى اللى رائعة :)
ولازم نفضل نحاول
النهارده فى خطبة الجمعة سمعت حديث ماشى مع الموضوع " انكم لن تسعوا الناس بأموالكم و لكنه يسعكم بسط الوجه و حسن الخلق" صدق رسولنا الكريم عليه الصلاة و السلام ..
على فكرة مدونتك هايلة كملى و متخليش حاجة تقف فى طريقك ..

Noony
لازم دايماً يبقى عنجنا أمل و لو ان انا شخصياً مش من النوع اللى بيتفائل ولا بيتشائم بس بحاول اكون دايماً عملى مخليش حاجة توقفنى سواء كانت حلوة أو وحشة.. ممكن نبتسم من غير نفس عشان يجيلنا نفس بعدها ..
If u r not happy act as if u r happy and u don't love act as if u r in love :)

وليد
فعلاً عندك حق

Rosa ..
واشكرك على التعليق يا روزا :) هو الإيمان و الثقة بالله مهمين جداً عشان نوصل للرضا و الطمأنينة

None
Thanks alot and In shaa' Allah u will find my blog soon as soon as I finish my masters' exams (pray for me plzzz)

Thanks for everyone sent me a comment and a very big thank to my brother AbdAllah :)

تخاريف يقول...

جزاكم الله عنا كل الخير..يا
dr.sea
انت وجرووووم

:)

shermen يقول...

لا تنسى أن تبسمك في وجه أخيك صدقة
جزاك الله خيرا يا دكتور
ومرحبا بك في عالم التدوين
شكرا يا جروم على إستضافتك للدكتور
تحياتي

غير معرف يقول...

ما شاء الله أسلوب رائع يشع أملاو رضا و يقينا بالله

و إن شاء الله ستكون مدونتك كذلك

ربنا يوفقك في الامتحانات و يكرمك

بس أهم حاجة متخليش جرووم يبهت عليك

يا ريت حضرتك اللي تبهت عليه شوية أمل و تفاؤل

غير معرف يقول...

آه معلش نسيت أقول إن الكومنت اللي فات بتاعي

أخت جرووم

Dr.SEA يقول...

د/تخاريف
:)

Shermen
طبعاص يا شيرمين و دى كفاي لوحده وربنا يكرمنا و يهدينا جميعاً :)

أخت جرووم
اشكرك جدا على مجاملتك الرقيقة ديه يا ريت بس نبقى نص كده :) وأدينا هنحاول مع أخوكى العزيز بس للأسف مقدرش اوعدك ! هو يقولك بقى :) و بعدين حضرتك ديه كبيرة قوى انا لسة دكتر صغير :)

تخاريف يقول...

جروووم
قول ل
dr.sea
منتظرين المدونه...
:)

Dr.SEA يقول...

د/ تخاريف بجد
شكراً على سؤالك و ان شاء الله هابدأ انشر قريب المدونة موجودة فعلاً بس لسه مفيش مواضييع ! بس بعد كلامك ده ان شاء الله قريب قوى هقولك مستنى كومنتاتك الجميلة يا دكتورتنا يا اللى مش خنيقة ابداً
:)