الأحد، ٨ أبريل ٢٠٠٧

حكاية جواز - 2 من 2 :(

بسم الله نكمل يا جماعة ادعو لعمتي المريضة في المدينة المنورة - في العناية المركزة دلوقتي عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِ صَلّى اللهُ عَلَيْهِ وسَلَّم يَقُولُ : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم وعَنْهُ أَنَّ رسُول اللَّه صَلّى اللهُ عَلَيْهِ وسَلَّم كانَ يقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم ---- بدبووووووووووووووووووووس كبير وراح الواد مفرقع البلونة قبل ماتكمل - معلشي اصله دايما غلس و بيطلع في وقت مفاجئ المهم يا اخواني انا نزلت فيه ضرب والغريبة انه بيخاف مني و بيخاف من ضربي مع انه قدي مرتين و لو بس سند عليا حيفطسني يظهر انه ماشي بنظرية الفار و قطيع الفيلة شوفو الفار ممكن يعمل ايه في القطيع - ايه انتم مش بتشوفو كارتون؟ صحيح مين ليه نفس المهم رحت مضايقه اوي عشان فرقع احلامي السعيدة أنت يبني غلس كده ليه مش شايفني سرحان؟ اه هي هي مين؟ انت عارف اساسا انا سرحان في ايه؟ تعرفشي ديجيه كويس بالله عليك؟ يعني واحد بيفهم يعني كاتك خيبة دي جيه ايه بس انا بتكلم على اختي اه صحيح طيب ياخويا ايه ايه ايه؟ بتقول ايه؟ بقولك اه هيا - هي بتشوفك كل يوم الصبح على المحطة اه طلعت البنت اخته دي هي الأمورة اللي بتركب كل يوم السيتي ايه الصبح - أتاريني بشبه برضو - هاهاها لا والله متشبهوش خالص المهم طلعت هي هي يا اعزائي بنت أمورة قصيرة حبتين بس يعني في الطول المتوسط و كانت محترمة اوي و بتنزل كل يوم الصبح بدري و كنت بشوفها كل يوم على المحطة و تركب السيتي ايه اللي انا نفسه ساعات بركبه يروح كليتي طلعت في الكلية الي جنبينا عالطول و انا مش واخد بالي ربنا يكرمها يا رب وطلعت الملاك دي - اخت سماعين سبحان الله و يخلق ما لا تعلمون - والله طلعت عيلتكم حلوة اهي امال انت طالع لمين يا سماعين يا حبيبي؟ أنا على فكرة قولتلها عليك؟ نعااااااااااااااااااااااااااااااااااااااااااااااااااااااااااااااااااااااااام؟ نعاااااااااااااااااااااااااااااااااااااااااااااااااااام؟ نعامة ترفسك ايه بقولك قلتلها عليك عادي يعني و بتاع طيب و هي قالت ايه؟ يعني مقالتش حاجة بس كل اللي قالته وماله لو ولد كويس و اتقدملي حشوف يبني هي متدينة أوي و بتاع - وانا شايفك اختيار كويس ليها في بالونة سريعة كده - ازميرالدا سامحيني - رحت متخيل منظري و انا بركب 990 الصبح وبتشعبط فيه ولا انط و لا اشاورله و ميقفشي كالعادة و يبقى منظري وحشششش اه كده يبقى انا اترفضت بدري بدري اه يا رب لو تكون شافتني و انا بركب المرسيدس بتاعتنا (بولونيز 90) ورايح بيها الكلية الصبح كده و بدلع على اول الشارع عشان كل الناس النهاردة اللي على المحطة تعرف اني برضو بعرف اسوق يعني ميغركمشي الشحططة في الاتوبيسات يعني ولا يا رب تكون شافتني و انا راكب السيتي ايه الصبح ومتهندم على الاخر و شايل الشنطة السامسونايت بتاعت بابا و عامل منظر هي يمكن تكون فاضية بس ولو المنظرة ليها لزوم - حقيقة انا معرفشي كان فيها ايه لما شلتها هي مرة واحدة و بابا ملقاهاش و عملي مشكلة يوميها بالليل لما روحت من الكلية 12 بالليل - ليه؟ مالكوش دعوة ايه الحشرية دي - نرفزتووونيييييييييييييي المهم كل ده و البالونة عمالة تكبر و تكبر و فجأة دبوس اطخن من التاني و راح مطرقعها و و وبطل سرحان بقا يا جرووووم يبني كلمني هنا ايه رايك؟ اقول لبابا؟ راح بقا كل السطل و الهبل و جالي شوية عقل أولا يا سماعين - انت عارف مرتبي كام؟ 350 جنيه يااااااه بااااااس؟ بس مش مشكلة لما تتخرج طيب لما اتخرج مش مشكلة ربنا يحلها طيب من دلوقتي لما اتخرج سنتين اختك و اهلك يصبرو؟ اه ممكن يعني حنشوف و لو بيني و بينك ابويا طفش اتنين عرسان قبل كده عشان اخواتي الاتنين قبل كده بسبب الانتظار ده قولتله طيب تالت حاجة انت متأكد يعني اني ممكن اعجبها؟ هي عارفاك و شافتك كتير - بيتهيألي كلامي معاها كان بيقول كده
صحيح مش تعجبها اوي لسه يعني بس مفيكش مشاكل كتير قولتله طيب تالت حاجة انا حجيب المهر منين؟ قالي يعني ماهو على ماتتخرج و تحوش و بتاع قولتله وهي وابوها يصبرو؟ قالي بصراحة لا قلتله طيب انا معنديش لا شقة و لا عفش و لا بتاع و بيتنا زي مانت شايف فيه 8 تنفار و مفيهوش خرم زيادة وكمان انا مرتبي في اول حياتي مش حيكفي ايجار جديد كل اصحابي اللي اتخرجو دلوقتي ملقوش احسن من الف في الشهر في الاول و دي متفتحشي بيت و معتقدشي في سبب واحد يصبر اهلك على كده الواد يعيني اتصدم واتخض و بتاع ويعني مفيش أمل؟
لا مفيش أمل يا سماعين للأسف أنا كان بودي والله صحيح انت مقرف و محتملشي تكون خالي عيالي بس والله البنت مفيهاش حاجة تتعيب لكن أنا مش جاهز للأسف
كنت طبعا بقول الجملة دي بمنتهى الحزن و التأثر الحقيقي لأني مش عارف في حياتي حتتكرر ان حد يشوف فيا شخص مناسب لاخته و لا بنته و لا قريبته تاني و لا لا للأسف ......
ما كل ما يشتهيه المرأ يدركه --- تأتي الرياح بما لا يشتهي السفن
اطلب ما تشاء عز منه مطلبه --- واترك ما تشاء فأنت عليه مؤتمن
ضاقت بي الدنيا بجل ما وسعت--- ووسعني قبري عساني فيه مستكن
(أول بيت مش بتاعي يا جماعة)
------ عموما ادي البوست خلص و انا عملت اللي عليا - كاتبه بقرف؟ لا والله بس مفيش نفس اكتب :(
لما تقرأو البوست الجاي حتعرفو ليه :(
ادعولي اسف انا والله مش قرفان منكم و لا بمن عليكم لا والله انا كتبته عشان الالتزام الادبي و عشان انا بحترمكم و لازم اكمل ما بدأت بحبكم كلكم واحد واحد في الله والله تاني بحبكم واحد واحد بارك الله لي فيكم و فيا لكم ادعولي تاني سلاااااام من ماناساس البلد السلام عليكم
على فكرة انا و سماعين حبيبي لسه اصحاب و زي الفل و الموضوع ده لم يؤثر فينا في شيء - شكرا على السؤال يا اسراء
فضفوضة:
ناس نفسها تحب و تتحب و ناس بالكره مليانة
ناس بتحقد و تكره و ناس نفوسها تعبانة
ناس نفوسها حلوة و ناس بالحب مليانة
ناس زعلانة و ناس من نفسها طقهانة
ناس فرحانة و روحها بالخير عمرانة
ناس بتخاف م الموت و ناس ب الجنة هيمانة
ناس نفسها تموت و ناس في الحياة غرقانة
ناس بتساعد غيرها و ناس في نفسها مليانة
وبس

هناك ١١ تعليقًا:

Esmeralda يقول...

هييييييييييه
اول حد ييجى
:)
صباح الفل

ربنا يشفى عمتك و كل المرضى يا رب

طبعا من الواضح ان البنت كويسه و كل حاجة بس انت اتصرفت صح و بعقل

المفروض كنت تشكر سماعين لأنه فكر فيك لأخته


ايه مفيش امل ديه؟؟؟؟؟؟

هى حصبه؟؟؟؟؟؟؟؟؟

بفكر اسجل موضوع البالونات داه احتياطى
:)

ربنا حايكرمك و الله

دونت وورى يا معلم

Shower-Mirror يقول...

حبيب قلبى ....

ربنا يشفيها و يشفى كل مريض يارب ....


و بعدين انا ماقدرش ازعل منك ده انت حبيبى ..زانا بس كنت مقموص ....:)


انت عملت الصح فى الموضوع بتاعك ده ...ده عين العقل ..

الواد صاحبك ده كان لسه عيل ...و بيتصرف من دماغه ..و لو كان ابوه عرف كان اداله بالجزمه ....


روق ياحبيبى و فرفش ..ز و انشاء الله ربنا هايلطف بعمتك ... و يجعل مرضها و المها فى ميزان حسناتها .....


اللهم قوينى على نفسى و احمينى منها ... انا وانت و كل الاحباء ......يارب


معلش الدعوه الاخيره دى مالهاش علاقه بحاجه بس انا بحبها ,,, يارب تكون من نصيبنا


تحياتى .. و اضحك بقى

Rivendell** يقول...

ربنا

يشفيها

ويقومها

بالسلامة

آمين

يارب العالمين

A Human Being يقول...

SA...
Rabna yeshfy 3ametak we yg3alo fi mizan 7asnat-ha ISA.
Rabna yshfy kol mareed b2zn Allah.
Back to Isma3een's story:), just as everbody said, you did the right thing 3shan you were too young bas ahm 7aga b3d keda when you see yourself mosta3ed we gahez & you find the right match go ahead 3altool, don't wait to get the best of everything or be hesitant zay ma kteer awi bytsrafo keda.
Enta MSA btfakar kwis m3a en you 're still young so be sure en Rabna hykremak ISA.

Just A Reader

Anima يقول...

ستتزوج هي أحسن منك و ستتزوج أنت أحسن منها

ربنا يشفي عمتك يا رب

تخاريف يقول...

ربنا يشفى عمتك..ان شاء الله

وان شا ء الله تطمنا عليها قريب..

:)

ممممممممممم

فكها بقى ...
:)

الوردة السوداء يقول...

انا هبدأ بالفضفوضة
حلوة جدا
وطالعة كدة من قلبك

المهم
انت بس متزعلش نفسك
انا مش عارفة انت مستعجل على الجواز ليه

ده نظام اجتماعى فاشل ولله

عبدالله يقول...

ربنا يشفي عمتك ان شاء الله يا عوبد
طبعا قصه كويسه تبين مدي عقلانيتك في الرد علي تصرفات غريبه بس رائع بتفكر صح
:)
بتفكري بنفسي وانا صغير بس
:)
بس مش عارف لو اتحطيت في موقف زي ده كنت هقدر اعمل ايه
ربنا يرزقك من عنده ان شاء الله وتتجوز انا اتجوزت وانا في سنك بالظبط

يالا تحياتي

غير معرف يقول...

ربنا يشفي عمتك يا رببببببببببببب...

و بالنسبه ليك..ولا يهمك يا عريس...اكيد ربنا هيكرمك و هيرزقك و يفتحها عليك ببنت تسعجك يا رب...

و ماتزعلش كده....يوم اسود ايه بس..ان شاء الله كل حاجه هتبقى كويسه..

صورتك ديه يا مان؟؟خد بلك العرايس هيملوا البلوج كده

The Groom يقول...


ازميرالدا

شكرا جزيلا لك

بفرح بجد لما بلاقيكي أول تعليق

امين يا رب

تحياتي
---

الحاج شاور

شكرا جزيلا لمرورك يا مان

اياك حتى تتقمص دانا غلبان أوي

ادعيلي بس كده معاك

امين يا رب

تحياتي
---

ريفنديل

امين يا رب اللهم امين

شكرا بجد - تحياتي

---
Just A Reader

شكرا لمرورك و متابعتك الدائمة

تسعدني دائما

شكرا لك

تحياتي و امييييييييين يا رب
---

صحيح يا انيما صحيح

امين يا رب

الله يكرمك عن قريب يا رب

شكرا لك

تحياتي
---
د. تخاريف

جزاك الله خيرا - دائما مبتسمة

الله يكرمك

دعواتك انت بس و امين يا رب

تحياتي
---

الوردة السوداء

خطوة عزيزة

شكرا لزيارتك و الجواز مهما كان فهو لا بد منه

ادعيلي انت بس

واي خدمة على الفضفوضة :)

---

يااااه يا عوباد

حمدلله على السلامة يا مان

شكرا ليك بجد

يا رب ياخويا اتجوز زيك في نفس الوقت

ادعيلي انت بس

تحياتي من ماناساس البلد
---

ارتعاشة حبيبي

شكرا لمرورك وخطوتك يا رب مايحرمني منها يا رب

دعواتك ليا بس

اه صورتي - يارب يملوها يا رب هاهاها

ربنا يكرمك يا حبيبي

تحياتي
---

تحياتي للجميع من ماناساس البلد

شكرا لكم جميعا

يعقوب يقول...

ربنا يشفيها و يقومها بالسلامة