السبت، 28 أبريل 2007

حكاية حب - 2 من 2

بسم الله الرحمن الرحيم هاههااهاهاها قاعد في الجامعة ببلجر :) نكمل بقا :) -------- أومال يا عالي يابني الجهاز ده كل ما نوديه لعمك حسنين يصلحه يعطل كمان كام يوم الراجل ده نيته مش سليمة و خسارة فيه الفلوس يا حاج علي اتق الله في الراجل - تلاقيه بس معرفشي المشكلة صح فين بس الراجل ليه فضل علينا برضو على رأيك يبني - الواحد مش ناقص ذنوب - اشرب العصير يا حبيبي اتفضلي يا غالية يا بنتي - أنت طبعا عارفة البشمهندس عالي ابن الحاج مصطفى جارنا السلام عليكم ورحمة الله وبركاته - ازيك يا باشمهندس وعليكم السلام ورحمة الله وبركاته - الحمدلله بنعمة وفضل من الله وطبعا أنا مش قادر أرفع عيني ومكسوف جدا ومحرج أوي الحمدلله الحياء برضو نعمة - اللهم لك الحمد وبدأت أشرح ليها ولوالدها خطوات تحميل الويندوز على الجهاز و تظبيطه وتوصيل الهارد وكده طبعا عمنا الحاج مبسوط بيا وخلاص لكن التفاصيل لا تعنيه ولو سألته ويندوز يعني ايه حيقولك تطلع ايه دي يبني بس راجل ظريف والله ولسه برفع عيني لاول مرة صدفة بس وفي سياق الكلام الطبيعي وشفتها يااااااااااه - سبحان الخلاق العظيم - ما شاء الله تبارك الله سبحان الله دي اتغيرت بجد انا فاكر ايام ما كنا عيال ما شاء الله وعالطول وطيت راسي وبصيت الناحية التانية على شاشة الكمبيوتر وعملت نفسي مشغول بيه المهم مقدرتش أشرب العصير كله لأن معدتي نقحت تاني عليا تسلم ايدك يا حاجة و بمد ايدي بكباية العصير متخلصها كلها يابني انت عايز تبور بنتي و لا ايه؟ اتق الله يا ماما - محدش يقول كده - ده شرك وكله قدر ونصيب يا ماما وانا طبعا في سري قولت ما شاء الله تبارك الله وبيني و بينكم انسرعت ما شاء الله عليها تعرف دينها كويس ما شاء الله المهم خلصنا و استأذنت منهم يومها و روحت البيت مش عارف جالي احساس غريب بالخشوع يوميها بالليل و روحت نايم بدري وصاحي قبل الفجر بساعة صليتلي ركعتين وقعدت أدعي ربنا يرزقنا العفاف و الغنى يا رب وبعدين صليت الفجر في المسجد و روحت نمت ساعتين و صحيت روحت الشغل وانا في الطريق الطويل لحااااااااد الكورنيش عمال افكر على انغام اهتزاز الميكروبااااص زييييء زييييييء تاك تاك تاك زيييييء زييييييء زييييء زييييييء تاك تاك تاك زيييييء زييييييء زييييء زييييييء تاك تاك تاك زيييييء زييييييء يا بيه يا بيه - انت نازل فين يا بيه؟ اه على جنب ياسطى يااااااه انا سرحت طول اليوم في الشغل عمال أفكر وأفكر يا ترى ينفع؟ هل منكن؟ مممممم بس أنا معنديش شقة؟ مممممم خليها على الله فهو حسبنا و نعم الوكيل المهم وانا في الطريق جالي تليفون من بابا وعليكم السلام و رحمة الله اه يا بابا جاي حاضر طيب وعليكم السلام ورحمة الله ولما روحت البيت وبدون أدنى مقدمات بابا دخل معايا وحبسني في الصالة عالي انت محوش كام دلوقتي؟ مش كتير والله يا بابا طيب يعني تقدر تكمل على المبلغ الفلاني ده؟ الشقة اللي في العمارة اللي جنبينا دي اتعرضت النهاردة للبيع اه الشقة المهجورة دي دي والله لقطة بس دي غالية؟ لا مانا لسه واخد المكفأة النهاردة - ايه النظام؟ تكمل على اللي معايا ونشتريها نجوزك فيها على بركة الله؟ ممممممممم -سيبني أفكر و استخير يا بابا طيب يبني رد عليا الصبح الموضوع مستعجل وانا خايف الشقة تطير وأنا طبعا دخلت أوضتي وسرحت بسعادة في شوية أحلام و بلالين :) ياااااه فعلا ومن يتق الله يجعل له مخرجا ويرزقه من حيث لا يحتسب - ومن يتوكل على الله فهو حسبه مفوقتش غير على صوت الحاجة بتقولي يبني مش حتنام بقا؟ على فكرة انت مشغول البال ومش على بعضك من يوم ما جيت من عند خالتك أم غالية؟ ;)

طبعا قلب الأم الوهمي - راحت قايلة: أنت بتفكر في غالية يا عالي؟ اه يا ماما والله أنا شايفها بنت كويسة و ممتازة ما شاء الله ودينها وأخلاقها و أهلها كمان ما شاء الله عليهم طيب يبني والله لو انت مكنتش فكرت فيها أنا كنت حقولك عليها من نفسي تصبح على خير يبني و بكرة نتكلم

وتركتني في حالة سرحان عجيب -------- طبعا شوية مداولات و بتاع و انتهى الموضوع انه اتفق هو ووالده على شراء الشقة واتفق مع والدها على انهم يزوروا البنت و اهلها يوم الجمعة الجاية عشان الخميس هو بيقابل جروم والشلة في القهوة بالليل - صحيح جرووم مش موجود بس بقية الشلة تسد - دي حاجة مقدسة خ ربنا يكرمهم كلهم يا رب :)) -------- ايه رأيك يا بنتي؟ هو قال الكلمة دي وأنا بصيت في الأرض ووشي ضرب ألوان يااااااه أخير أخيرا انطقي بقا ربنا يسعدك انطقي عشان ربنا يكرمني بقا موافقة يا بابا باذن الله (ابتسامة خجولة) ألف ألف مبروك - ربنا يتمملكم على خير يا ولاد ألف مبروك يا حاج علي - الله يبارك فيك يا حاج مصطفى وطبعا انا الفرحة عقدت لساني و مش قادر ارفع عيني بس على وجهي ابتسامة رضا وفرحة وشكر لله عز وجل يوميها باليل اتصلت بيا في التليفون و كلمتها لاول مرة في حياتي مكلمناش كتير وقالت حاجة واحدة بس قوم صلي ركعتين لله قضاء حاجة و ادعيلي يااااااااااااااااااااااااااااه :) -------------- مخطوبين هما دلوقتي يا جماعة - ادعولهم ربنا يكرمهم ويتم الموضوع على خير عقبالنا يا رب تحياتي لكم من ماناساس البلد

هناك 27 تعليقًا:

yasmina يقول...

الله يوفقهم يا رب
اول مرة تكون عندك نهاية سعيدة انت دلوقت خيبت امل كل اللي كانوا عاوزين يقتلوك
هههههه

بس انا لا اتخيل انك ممكن ان تتزوج بهذه الطريقة ولا انت رايك ايه؟

سلام

BackBone يقول...

ياباشا ربنا يكرمهم

بس المهم انا عايز اعرف امتي انقضت الغاليه علي العالي و اكلت دراعه و نص ودنه الشمال


ياجميل ربنا يبارك لهم و ان شاء الله المشهد ده ميحصلش (بس هوه اصله لازم يحصل) الا قولي ايه موضوع ماناساس البلد ده!!!

BackBone يقول...

يا ياسمين

علي فكره انا من مشجعي الجواز بالطريقه ديه جدا جدا جدااااااااااااااا

Rivendell** يقول...

ربنا يباركلهم يارب

الواحد قلبه بيزأطط كدا لما بيشوف اتنين مبسوطين


امبارح كان كتب كتاب واحدة صاحبتي ومن الناس اللي بعزها اوي

انا مبسوطالهم زي ما كنت مبسوطالها امبارح

ههههههههههههههههه

فكرتوني بيها وهي قاعدة مكسوفة ياعيني
وكل شوية تنط من جنبه وتيجي تقف معانا

ههههههههه
ماكنتش عايزة تسيبنا نروح

عقبال الجميع

Noony يقول...

بداية مفترية كالعادة

ربنا يوفقهم ويبارك لهم ويتمم لهم على خير إن شاء الله

أنا بفرح أوي لما أعرف إن الناسدي لسة موجودة والحكايات دي لسة بتحصل

هي فعلاً بتحصل

لسة في أمل في الحياة
النهاردة فرحانة الحمد لله وفرحتني أكتر بالبوست دة

عقبالك بقى..عشان تبقى جروم بجد مش اسم وخلاص
:)

نوني

Rosa يقول...

مبروووووووك لعالي وغاليه
عقبالك يا جرووم انت كمان
والله فرحتلهم
وفي انتظار المزيد من حكايات الحب ذات الموسيقى التصويرية الجامدة :D

Just a Reader يقول...

ما شاء الله ....ربنا يكرمهم ويباركلهم
فعلا مفيش حد بيخلص النية ويتقي الله غير لما ربنا يكرمه ويرزقه ويسهله حاله ما دام متوكل عليه.
عقبالك يا فندم

أخت جرووم يقول...

ما شاء الله حلوة أوي القصة دي

و مؤثراتك جامدة يا جرووم

ربنا يوفقهم و يكرمهم و يعينهم على الخير

و عقبالك يا أخويا ربنا يكرمك قريب

و يفرج همك و يرزقك بنصفك الآخر التي تفهمك و تعينك على الطاعة

تخاريف يقول...

يا بوستاتك اللى تفرح القلب بجد يا جرووووووووم

:)
:)

ربنا يجمعهم على خير يارب..
:)

بجد انا ماعرفهمش...بس فرحانه عشانهم جدا..

Mina يقول...

ربنا يتتملهم علي خير

Dr.SEA يقول...

الف مبرووك للغاليين وعقبالنا جميعاً :)

نورهان مفيد يقول...

ربنا يوفق ويتمم علي خير ولو ان محدش عارف الخير فين
تحياتي

عبدالله يقول...

ايه الحياة السهله دي يا ابني
لو كل الشباب يجوزوا بسرعه مكنش بقي في حد اسمه عاوز اجوز
:))))))))))
وكمان ده جواز مصلحه من الاخر بقي الحاج ده وافق علي صاحبك ده علشان يعرف يجيبه يصلح الجهاز وقت ما هوا يحتاج و يعلم البت كويس عادي اول ما تعرف تنزل ويندوز كويس هينفضوله
:))))))))))))))

ربنا يوفقهم يارب و حياتهم تبقي سهله دايما وعقبالك كده
وبعد اسم جروم هنتفرج علي يوميات مواطن مطحون
:)))

تحياتي

Esmeralda يقول...

لاااااااااااااااااااااااااااع

كله اللا بلالينى

الف مبروك و يهنى سعيد بسعيده
بس بلالينى لاااااااااااااااااا

Anima يقول...

أول مرة ياض يا جرووووووم تفرحني

ربنا يكرمهم و يتمم لهم بخير و عقبال اللي لسة متجوزوش و عقبالك انت كمان

قولهم مبروك

shermen يقول...

الحمد لله
أخيرا ماكسفتنيش وكتبت نهاية حلوه
الحمد لله
عقبال الجميع يارب
ويرزقكم من حيث لا تعلمون

Ert3ashat يقول...

ezayak ya 3abd allah:)
eh el postat el gamda deh yabny bs...mashaa allah...:)...wlahy far7teny kda nefsy enfate7et :)
3o2blna ya rab:)

emos يقول...

sanya wa7da
sanya wa7daaaaaaaaaa

heyya elly 2etsaley beh?
heyya?
mesh howa?
ezay ya3ny
belta2ked 3'alta matba3eyya

asl law heyya elly 2etasalet beh hatshof soretha w sorto fe saf7et el 7awades tom. wana bagry warahom w fe 2edy 3asaya

narfeztonyyyyyyyyy

rabena yetamemlohom 3ala 7'eer
bs yeb2a yetesel howa ba3d keda balash el bo7'l dah

غير معرف يقول...

Allah!

rabena yekremhom ya rab w yetamem lohom bi7'eir

sigh..I love happy ends :))

ياسمين يقول...

ربنا يتمم لهم بخير
انت على فكرة قصاص هايل
برافوا
وعقبالك
انت ما بتجيش تزورنى ليه بقى؟

أميرة البلطجية يقول...

بجد بجد
حاسة اني عايزة ابكى
:)

The Groom يقول...



ياسمينا العزيزة

الله يكرمك يا رب

طبعا انا مش مستغني عن عمري

بس انا شايف الطريقة مفيهاش مشاكل وحلوة حد طايل يعني

تحياتي لك
----------

باااك بووون

يبني انت متعقد كده ليه؟

متبعتلي حكايتك؟ :P

ماناساس البلد دي يا مان المدينة اللي أنا عايش فيها في أمريكا

تحياتي الحارة لك
--------

بااك بون وياسمين

أهو قالك يا بنتي

تحياتي لكما
--------

رافينديل

امين يا رب و عقبالك ان شاء الله

الحمدلله

ربنا يكرمك وعقبالي انا كمان
-------

حاضر يا نوني

الله يكرمك و يوفقك

تحياتي لك
-------

روزا العزيزة

الله يبارك فيكي و عقبالي و عقبالك كمان

:)))

أي خدعة

تحياتي لك
--------

Just A Reader

امييييييييييين يا رب

صدقتي

تحياتي لك
--------

أختي العزيزة

الله يكرمك يا رب

شكرا لك

اللهم امين و يرزقك و يكرمك

تحياتي لك
----------

دكتورة تخاريف

الله يفرح قلبك دايما يا رب

:)))))))
:)))))))

تحياتي لك :)
--------

مينا

خطوة عزيزة يا فندم و امييييين

تحياتي لك
--------

دكتور سي عزيزي

الله يبارك فيك يا رب

تحياتي لك
--------

نورهان مفيد

خطوة عزيزة والله وشرفتينا

امين يا رب

تحياتي لك :) وبطلي حزن

--------
عوباد الورد

لا مش سهلة والله يا حبي

لكن القدر والنصيب

هاهاها الله يكرمك يا حبيبي انا مطحون من غير جواز

يا رب يرزقنا بمصلحة كده

تحياتي لك
--------

أزميرالدا

حاضر حجيبلك بلونة بدالها

الله يبارك فيكي و يكرمك و عقبالك يا رب

تحياتي لك
----------

أنيما

الله يكرمك يا رب و تفرحي دايما يا رب و عقبالك
-------

شيرمين العزيزة

حاضر جاي والله

شكرا لك على سؤالك
والله يبارك فيكي

تحياتي لك
----------

ارتعاشة حبيبي

امين يا رب و عقبالي و عقبالك

ربنا يفتح نفسك دايما يا رب

تحياتي لك
---------

ايموس النرفوزة

أيوة يا بنتي اليومين دولا البنت هي اللي بتيجي تخطب الولد و هي اللي بتتصل الاول ولا انت رأيك ايه؟

:P

تحياتي لك :)
------------

أبيتاف

الله يبارك فيكي ويكرمك يا رب و عقبالك لما نجيبلك الفالنطينو

امين يا رب

تحياتي لك
--------

ياسمين العزيزة

خطوة عزيزة

الله يكرمك يا رب و عقبالك انت

تحياتي لك وجاي حالا انا بس كنت مشغول سنة

-----------

أميرة البلطجية

ابكي فانه ظاهرة صحية

ربنا يكرمك و يجازيكي عني خير يا رب

تحياتي لك
---------


تحياتي لكم جميعا من ماناساس البلد يا أحبتي

اشتغالة يقول...

طب باقوللك ايه

ماتقوم تصلح لك كام كمبيوتر عند جيرانك .. يمكن ربنا يكرم

هاهاهاها

لا بس بجد اسلوب فظيع

ما شاء الله

ولا الحلم

فضلت أضحك لما بقي اتعوج و طلعلي شلاضيم

يلا هيبقى عندكم 2 اسماعيل ياسين

TAMTAM يقول...

روعة ياجروم باشا

ربنا يتمملهم على الف خير

:)))))

gohayna يقول...

ربنا يتمم بخير يارب

والحمد لله لحقت نفسك

كنت هتروح في الرجلين لو النهايه طلعت وحشه

شاطر يا عبدالله

تحياتي

The Groom يقول...


جوهاينا

نعمل ايه بس يا بنتي

اصل دي حاجة حقيقة مش بكيفي يعني

تحياتي لك من ماناساس البلد و ربنا يكرمك :))

dondn يقول...

ايه التغيير الغير متوقع ده نهايه سعيده بتحصل الحمد لله لسه فيه امل في الدنيا ههههههههههههه


لا فعلا ربنا يتمم لهم ع خير ويكرمهم ويكرمنا


ويرزقكك يا عبدالله يارب باللى تقدرك