الجمعة، ٦ أبريل ٢٠٠٧

حكاية جواز - 1 من 2

اسماااااااااااعيييييييييييييين يللا يبني باصي باصي ها ها ااااااااااااه ه ه ه ه ه ه كل مرة تعمل كده تهجم الهجمة وفي الاخر تتأرنن و متباصيش و تضيع خلاص خلاص حباصيلك المرة الجاية متزوقش -- كمان 5 دقايق -- ها ها ها ايوااااااا وجاتلي الكورة على رجلي الشمال و ضهري للجون و روحت…وروحت فاتح رجليا الاتنين وخلتها تعدي من بينهم و هوبا وجووووووووووووووووووون هااااااااااااااااااااااااااااااااااااااااااااااااااااااااااااااااع حارس مرماهم الهمام عبدالرحمن الفنان وقف يتفرج على الكورة وهي بتخش جون هو توقع اني حستلمها والف واشوط و دخل عليا ولما انا فوتها عدت منه هو كمان وهاهاهاها ودحكت عليك ودحكت عليك المهم اليوم ده الماتش خلص 6 مقابل 1 ليهم طبعا بس على الاقل كنت أنا السبب في الجون بتاعنا لما دحكت عليه – أنا بعملها كتيييير :) خلاص يا جماعة كفاية كده نروح نصلي العصر ونلحق نروح قبل ما الدنيا تضلم وفعلا خدت بعضي واسماعين وروحنا صلينا العصر (باقي على المغرب ساعة) وجينا قعدنا في المربع جنب البيت أنا وهو لوحدينا محمد و عبدالرحمن و أحمد ومحسن و علي و جمعة و مش عارف مين انت مين يا؟ كلهم روحو واحنا فضلنا لوحدينا كلهم روحو و أنا واسماعين قعدنا على عربيتهم المرسيدس
هي فئة
S128 :)) هييييييييييييييييييه
يا اسماعين الماتش النهاردة كان تحفة – صحيح اتغلبنا 6 كالعادة بس دي احسن مرة لعبنا فيها وجبنا جون كمان اهو شفت الحركة بتاعتي و مش عارف ايه ووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو……………………………………… وأنا عمال أتكلم و أتكلم و اسماعيل سرحان سرحان سرحان ايه يبني مالك؟ فيك ايه انت عيان يبني مانت كنت زي الفل في الماتش و بتقلش واخر اخر السطا؟ جروووم؟ أنت عندك كام سنة؟ وطبعا أنا قولت انت عبيط ياض؟ انت مين يا؟ ايه السؤال العبيط ده؟ على العموم ولا يهشك أنا 21 سنة بس مانت عارف و بتسأل؟ مش غريبة دي شوية؟ وبدأت أشم ريحة غريبة في الموضوع شميتها زمان و مش بحب أشمها خالص بتقلب بنكد في الاخر آه أنا عارف بس أصلي بفكر في حاجة – بس مش حقولك هي ايه عشان حتأثر على صداقتنا و تخلينا نفترق عن بعض و مش حنفضل اصحاب طبعا هو قال كده من هنا و انا اتفزعت و نزلت من على العربية وطبعا كانت حتتقلب لان مراكز القوى وموازين الثقل اختلت تماما و كانت حتنقلب من ناحية اسماعيل طبعا :) – نسيت اقولكم انه حبيبي حاجة كده ما شاء الله ضعفي مرتين في الحجم وهو اصغر مني بيجي 5 او 6 سنين :)) اللهم لا حسد ما شاء الله ايه يبني مالك في ايه؟ وايه الموضوع ده اللي حيخلينا مش أصحاب و بتاع ايه الكلام الكبير ده يبني انت تقدر دانا اموتك ايه يبني؟ والريحة فقعت أوي و فاحت !!!!!!!!!!! وبعدين ايه علاقته بسني؟ ممممم أنا أنا …. أنتا أنتا ……… مش عارف بقا خلاص نفض نفض يبني في ايه انت بتأتأ ليه مانت كنت زي الفل أكيد عشان مكلتش بقالك ربع ساعة (أصلنا كنا لسه ضاربين كباب وكفتة بعد صلاة العصر) أنت مش ناوي تتجوز؟ وطبعا السؤال جيه على الجرح و الوجيعة و حبتدي بقا أقول شعر و نفسي ينقطع وأنهج والغيبوبة و الذكريات وماما هاتولي ماما وآآآآآآآه ووووووو وفجأة…… أنت يبني أنت يبني بقولك نفض للسؤال خلاص آه آه ناوي وعايز طبعا وعملت نفسي بس ولا سرحت و لا حاجة آه يبني انا نفسي والله بس مانت عارف الظروف و بتاع و شغلي على قدي و مرتبي يادوبك بنزين عربية لأي بنت دلوقتي في الشهر يعني حجيب منين
وقعدت نص ساعة اعقد في دماغ الواد و اكل فيها لما قالي خلاص خلاص انسى السؤال الغلس ده أنا بقا هوب روحت رحت طالع تاني على العربية - وعدلنا الموازين شوية :) - و استمخيت و قولت في سري هييييييييييه وادي كمان بق اتخرس هوا انا ناقص وبعدين انت مين يا بو 15 سنة عشان تقولي اتجوز هو انا ناقصك – صحيح جيل فاسد :(
وشوية دقائق صمت بفكر أنا ماما طابخة ايه النهاردة و هو شكله سرحان في حاجة معينة أوعى ياض والله ماعزمك عندنا النهاردة أنت لما بتيجي تاكل عندنا بتخلص كل الأكل لا سيب حتة الفراخ دي بتاعتي وااااااااااااااااااااااااااااع وطبعا كل ده في بالونة كبيرة زي تقريبا بالونة ازميرالدا ;) و أنت يا عم طيب مانت حتتخرج كمان سنة و بتاع و تشتغل و يبقى مرتبك تمام وأهي أي شقة ايجار وحتكون كويس صح؟ مش أنت مهندس؟ وأنا روحت نازل من على العربية و نزلت فيه تقطيع وتشريح و ضرب و تهزيء مهندس ايه مهندس يحش وسطك و هندزة تهندز دماغك أنا بدرس في حاسبات و معلومات و عمري ما حكون مهندس و لا يشرفني و دخلت فيه شمال وطلعت فيه كل العقد بتاعت نقابة المهندسين اللي حارمينا منها – ال يعني حارمينا من الاملة وبعدين فجأة سكت وفكرت سانية وبعدين صحيح بس هو بيسأل كده ليه؟ فقولتله اه ان شاء الله يعني لما نتخرج يمكن نشتغل بمرتب كويس ايه بقا النظام؟ بتسأل ليه؟ يعني ممممممم خلاص متدوقش اصل الموضوع ممكن يفرق بينا لو متمش وانت حبيبي و مش مستعد اخسرك و بتاع و قعد يقول كلام يقطع القلب
كده بقا أنا روحت واصل للنار بتاعت اصل الدخان و الريحة و كل حاجة انا كان نفسي تطلع النار بتاعت سلطان بتاع الكباب و الكفتة – يا سلام يا سلام هات ياض الحتة دي بتاعتي شوفلك سيخ تاني – بس للاسف دي طلعت ريحة تانية حلوة أوي بس دايما بتطلع في الوقت الغلط – يا رب ماتكون اللي في بالي ايه يا اسماعين موضوع ايه يبني عمري مازعل منك و لا أخاصمك خالص مهما حصل صحيح انت ممل و بايخ و تنح و رزل و بتدخن وفيك كل العبر بس أنا ادمنتك خلاص انت عامل زي الجرعة اليومية و وو وفجأة اوعى تكون قصدك؟ لا لا يبني لا انت ازاي بتفكر كده وبصيتله في عينيه مباشرة – ودي طريقتي لما احب احرج اي حد و يقول كل اللي في نفسه في لحظة – وفضلت باصص و مركز و مش ببربش حتى وهو الواد يعيني راح مسخسخ و بصلي كده وقال انت بتفكر في ايه؟ قولتله انت عايزني اتجوز اختك صح؟ نسيت أقولكم ان اسماعين حبيبي ده كان ليه 3 اخوات بنات واحدة متجوزة ومخلفة يعني تقريبا قد ماما – يعني مبالغة منطقية – واتنين تانيين اصغر مني واحدة مخطوبة – حسب ما بيحكيلي – وواحدة لسه أتارييييييييييك يبن الايه عمال تحكيلي عليها بقالك كام شهر اختي عملت اختي سوت اختي كليتها عاملة و مسوية اختي بتحب ال سي تي ايه – وانا بكرهه- عشان مريح وبتاع و مش عارف ايه يبن اللذينا وكل الاحساسات دي في سري و مشاعري متناقضة تماما وهو بصلي زي العبيط المذهول والحقيقة لا انا توقعت و لا هو توقع اني اخمن هو عايز يقول ايه بمنتهى السهولة بس شوشو بقا اكيد هو مصدر الالهام ده وبتاع ياعفريت يبني بجد انت بتفكر في كده؟ طبعا السكوت علامة الرضا و قالي بعديها اه وماله بس خلاص انسى انسى ولا انت ايه رايك؟ طبعا كنت عايز انفجر من الضحك يعني ايه انسى انسى و بعدين ايه رايك وروحت نازل فيه سلخ وقولتله وانت ايه اللي بيخليك تفكر فيا؟ يعني ايه شايفه فيا ينفع يبني انا كلي مزايا تفشكل اتخنها جوازة؟ عايز مني ايه بقا؟ يا سلام والله و في ناس انطست اهي و بصتلي انت شاب كويس أشك متدينأدّعي هذاطيب و محترمتقدر تقول غير كده – مش عارف ايه و قعد يتكلم كتير و انا طبعا عمال اتنفخ اتنفخ لما قربت أفرقع صحيح مالكش لسه دخل و بتاع لكن مش مشكلة لما تتخرج تشتغل مع بابا او في مجالك و تبقى قادر تتجوز – وطبعا الجملة دي فرقعتني وحسيت اني لسه صرصار :(
أيوة يا اسماعين بس هو ده بس اللي لفت نظرك ليا؟ وبعدين ايش دراك ان اختك دي ترضى بيا؟ وابتدت بالونة تانية (اسف يا ازميرالدا حسرق منك الطريقة دي) تطلع وفي نفس الوقت اللي بالونتي كانت بتتكون كان هو عمال يحكي بقا على اخته اه يبني دي انسانة بيتوتية ممتازة غيرنا كلنا المتدينة اوي اللي فينا و بتحب كل حاجة زيك كده الكمبيوتر والقراية – كنت بحبها زمان و دلوقتي مليش نفس بس حعديها مصلحة بقا – وهادية زيك كده – صحيح انا عفريت بس هما وحوش اصحابي دولا انا الهادي اللي فيهم هاهاها – و انا شايف انها حتكون مناسبة ليك و انت مناسب ليها و انا كمان بحبك اوي انا بقا روحت داخل فيه شمال لما بالونتي اتكونت اقولكم الاول البالونة كان فيها ايه تم ترا رام رام تام تام تام تم ترا رام رام تام تام تام تم ترا رام رام تام تام تام طلعت يا محلا نورهيه شمس الشموووسيييه يلللا بييينا نققووووم وونحلبب لبببن الللددااااممممووووسسسييييهههه لبن ايه و بتاع ايه يا مفجوع و جاموسة ايه دي اغنية زفة يا عبيط يعني فرح و بتاع وانت داموسه؟ الله يخرب بيتك فضحتنا – معلشي أصل جيمي ده لسه ديه جيه مبتدئ و بيجرب فيا – أبو بلاش بقا :(
خلاص يا جماعة البوست خلص – المرة الجاية نكمل وعليكم خير تحياتي من ماناساس البلد :)

هناك ٢٣ تعليقًا:

غير معرف يقول...

هههههههههههههههههههههههههه
فظييييييييييييييييييييع
:):):):):):):):)

طلعت يا محلا نورها...:):):):):):):)

انا مستني بقيت القصه على ناااار

Anima يقول...

يا بختك يا بني الطلب عليك مش زينا

ايه و ايه بقية القصة؟؟؟؟؟؟؟

Rivendell** يقول...

لا بس سيبك انت الجون كان ملعوووب تمام
;)

والله انا قولت كدا من الاول بس قولت الواد سماعين كان عايز يتقدم لأختك انت بقى
ههههههههه

وبعدين الجماعة يعني عندهم مرسيدس اس مش عارفة ايه .. يعني متظبطين والبت بيتوتية ومتدينة .. ايه عايز ايه هتنهب يعني .. بطر عالنعمة صحيح
هههههههه

الواد الدي جي دا عبيط واللا ايه , كان مفروض يديها
عايزينها تبقى خضرة الارض اللي في الصحراا عايزنها تبقى خضررة ونقدمها لمصر هدية
حاجة جميلة ومعتبرة

;)

هههههههههههههه
مزاجك رايق ودا المهم

بلاش موضوع الساسبنس دا كتير ونزل الباقي احسن ما البلوج يقع عليك ماشييي

ياسمين يقول...

طب ما تتجوزها
هى وحشة قوى كدة
مش يمكن تكون نصك التانى اللى انت بتدور عليه
:)))))))))))))
أوعى تتجوز غير واحدة تحبك وتحبها يا جروم

The Groom يقول...


ارتعاشة حبيبي

منور يا معلم

اعمل ايه فيه بقا الديجي ده يا حبيبي؟

على العموم انا حكملك بقية القصة و انت احكم

سلام ياباشا
----

لا متقوليش كده يا أنيما

هو الواد بس انطس في نظره - لكن انتم الاصل و بعدين ماناقدامك اهو لو كان عليا الطلب زي ما بتقولي كده كان زماني بقيت انسان تاني خالص

على العموم كله نصيب و رزق و انت صلي بس وادعي

شكرا لزيارتك

----

اه رافينديل تاني - يا مرحب يا مرحب

هداف بالفطرة انا مش كده؟ :)

انت عارفة لو كان اتقدم لاختي كنت قولتله روح لبابا و انا مالي - انا مش ولي امرها - وده حصل بالمناسبة مع اختي الكبيرة اتخطبت حتى من غير ماعرف - عادي بقا

أجيبلك الديجي تديله كورس؟ شكلك كده بتفهمي في الحاجات دي و حتشرفينا :)

عينيا النهاردة بالليل بوست جديد عالطول انا مقدرشي أتاخر خالص

شكرا لك
----

اهلا اهلا ياسمين و الله انا مبسوط بزيارتك خالص خالص بجد والله - انا فرحت عالصبح ملاقي كومينت منك في الميل بقيت عايز انط

تاكلي شوكلاطة؟

متستعجليش حتعرفي بقية القصة و البنت ماكانتشي وحشة خالص

يمكن مين كان عارف - هي تقريبا لسه متجوزتشي لحد دلوقتي

طبعا يا ياسمين من غير ماتوصيني انا حاولت جواز صالونات وفي الاخر اتاكدت مليون في المية ان مفيش غير بنت بحبها و تحبني بس هي اللي حتنفعني لكن الحب يجي بعد الجواز كلام فاضي و سلملي على الحب اللي
....
طاااااااااار

شكرا لك بجد على زيارتك و يا رب تكوني متابعة دائمة للمدونة المتواضعة دي

شكرا لك

تحياتي من ماناساس البلد لكم جميعا

smraa alnil يقول...

اعترض

بقي سيادتك عندك واحد وعرشين سنة وعايز تتجوز
رحماك يارب وصبرني
دة انا علي كدة اروح ادفن نفسي
عااااااااااااا

بس دة انت تروح تحترف في الاهلي بقي بسبب الجون الاسطوري دة
وبعدين خسرانين 6 /1
انت زملكاوي ولا ايه

وادينا مستنين باقي القصة لما نشوف اخرتها

محض روح يقول...

:)
ياعني الموضع ده من زماااان مش من دلوقتى
ممممممم
مش عارفه اقولك ايه
بس ادام الولد كويس


:)
فاكيد اخته هتكون كده
وبعدين ده بيقول فيها قصايد شعر
اتوكل على الله مضيعش وقت
والف مبروك مقدما

تحياتي يافندم

emos يقول...

عادى خااالص
لو فى عروسة دووس متسبش حاجة مش ممكن ططلع حلوة و كويسة و تنفعك

انا اللى مخوفنى بس انها تطلع فى حجم اخوها
يعنى لو البنت حجمها اكبر منك حاول متزعلهاش خالص

و بعددين انت كل مرة تنقطنا اية دة متكتب كلة مرة واحدة
نرفزتونىىىىىىىىىىى

تخاريف يقول...

مرسيدس..كمان..
!!!!
بكره تندم يا جروم على الفرصه دى...
:)

Esmeralda يقول...

والله عندك حق يا سمرا
نروح نولع فى روحنا بقى على كده؟؟؟؟؟؟؟

لولا انك اعتذرت انك سرقت البالونه انا كنت شفت شغلى معاك و فضحتك عى صفحات الويب و البلوجز

ماشى يا عم مدام معترف

انا شايفة انسب نادى ليك , النادى المنافس للنادى بتاعك

انجز فى اللى جاى

سلام

hadoota**masriaa يقول...

ياسيدى بلا جواز بلا وجع قلب وجيب
الواحد بيتجوز من هنا
والددنيا تتقلب على دماغه من هنا
سيبها لله وهتتجوز احلى جوازه باذن الله
ولو ملقتش انا هجبلك العروسه
قول يا مسهل

Sampateek يقول...

مش عارفة ليه حاسة انك بتتدبس
ربنا يستر

يعقــــوب .... يقول...

يابن انت بتكتب بالقطارة..مفيش مرة تحن علينا وتكتب بوست كاااااامل.... عموما بيؤلك اخطب لبنتك ولا تخطب لابنك.مش عيب..و كمان انت كده خليت السادة الافاضل المدونات حقدوا عليك...عليك بأه تعد تقر سورة الفلق وتعلقلك كام حدوة حصان على صندلين

غير معرف يقول...

LoooooooooooooL

وبعدين؟؟هه
وشوشني ببقية القصة كدة؟
ههههههههههههه

Shower-Mirror يقول...

انت فين يابنى ...انت مخاصمنى و الا ايه

عموما برده براحتك

emos يقول...

جرووووم

متحطش قرآن عشان الواحد يعرف يتصفح على النت انا قلت صدق الله العظيم 17 مرة عشان اكتب كومنت

و متحطش اغناى عشان بتخض

و على فكرة مشارى راشد صوتة احلى من الراجل دة

نرفزتونىىىىىىى

The Groom يقول...


سمراء النايل :)

الاعتراض حق مكفول للجميع بس لما نعدل الدستور - اسف بقا

اه واحد و عرشين ينفع يتجوز صح؟
اكيد واحد و عشرين يمكن و يمكن لا بس على العموم متدفنيش نفسك - أشوفلك عريس؟

هاهاها لا مش زملكاوي والأهلي مينفعوش واحد اسطوري زييي اهاهاها يجيب جون اسطوري و الفريق يخلص الماتش خسران

شكرا لخطوتك العزيزة
----
محض روح

أقولها الموضوع من زمان تقولي اتقدم

ربنا يهديكي يا رب

بس على العموم الله يبارك فيك مقدما برضو

أما نشوف أخرتها ايه

شكرا لك
----

ايموس النرفوزة

لازم اكتب بالقطارة اساليب تشويق و بتاع - أما بقا العروسة فهي بنت زي القمر ما شاء الله و طيبة لكن متنفعنيش و حتعرفي ليه

كملي بقية القصة لو سمحتي

شكرا لك
----
دكتورة تخاريف

الظاهر انك محتاجة كشف قراية هاهااها

يابنتي مرسيدس فئة اس مية تمانية و عشرين
بتفكرك بحاجة دي؟

:)

شكرا لك
----
أزميرالدا

ألف سلامة عليكي و على سمراء لا انا اولع في نفسي احسن و انتم تطفو و الله ماعاش اللي يولع فيكم

اسف ولن اكررها مرة اخرى

نعدكم بالمزيد

شكرا لك
----

حدوتة مصرية

سعيد بزيارتك

طبعا يبني بس اهو شر ووجع لابد منه

طبعا كله على الله من الأول

بجد؟ بجد؟ فين العروسة؟ بجد؟

يااااااا موساههههيييييييللل

تحياتي لك
----
سمبتيك

شكرا لك على احساسك النبيل :)

شكرا لزيارتك وخليكي دايما هنا تجدي ما يخوفك قصدي يسرك

شكرا لك
----
يعقوب حبيبي

فين الفانتي يا مان؟

أنا بقرأ كل السور الحمدلله بس حدوة الحصان والصنادل دي يا مان شررررررررررررررررررررك

ربنا يعافينا كلنا يا رب

ادعيلي انت بس و كله بأمر الله ولا يرد القدر غير الدعاء

"من تعلق تميمة فقد أشرك"

شكرا لزيارتك
----
أبيتااااف

أهلا أهلا وأنا اقول المدونة نورت والله بجد ايه يا بنتي الخطوة العزيزة دي

كرريها كتير عشان خاطري

أوشوشك؟ طيب حكتب البوست بخط موشوش عشانك انت بس

الله يكرمك ابقي طلي

شكرا جزيلا لك
----
شاور حبيبي و عزيزي

يبني والله مفيش أي مشاكل خالص و لا مخاصمك لا سمح الله

يبني أنا بس كنت مشغول شوية و للأمانة أنا مش متابع مدونتك بتاعت الأفلام للأسف لأني مش عارف ليه كده بحب أشوف الفيلم مش أسمع عنه

على العموم نتفاهم يا سيدي لكن والله انت في قلبي من جوا وسامحني على التقصير

الله يريحك يا رب
----
ايموس النرفوزة تاني

شوفي يا طانط - مش لازم تقولي صدق الله العظيم كل مرة و بعدين 17 مرة معناها انك كنت بايتة في المدونة عشان السورة تخلص 17 مرة

القرآن بكرة يا بنتي

وعلى العموم حشيله قريب لأسباب كده موشوشة

أما بقا مشاري صوته حلو على عيني وعلى راسي بس الراجل ده يبنتي الشيخ السديس بحااااااااله

اسمعيه تاني

شكرا لك بجد على زيارتك و اوعدك مش حتتخضي

تحياتي
----

شكرا لكم بجد يا جماعة

تحياتي لكم

Esmeralda يقول...

يا سيدى كررها مدام تحت اشرافى

مش قلنا تنجز و لا لازم ازعأ و اشخط

غير معرف يقول...

Nice post, bas walhi bravo 3leh Isma3een eno byfakar fi e.7wato, ma7dsh by3mel keda now even if he can help!
Just a reader.

يعقــــوب .... يقول...

يا جرووم باشا انا عارف طبعا ان الحاجات ده و الهبل ده شرك,وانا عشان عارف كويس انك فاهم كده و عارف قلنلك كده بس من باب الهزار...وربنا يعافينا ويهدينا كلنا يا ريس

esraa يقول...

طب انت دلوقتي مش متجوز, وده طبعا معناه ان الحكايه اتفركشت, طب انت واسماعيل لسه أصحاب؟
في انتظار الجزء التاني.

The Groom يقول...


ازميرالدا العزيزة

من غير زعيق يا طانط

شكرا لك
----
Just A Reader

شكرا لك على زيارتك

شكرا بجد

ربنا يخليك و يحفظك يا رب

ادعيلي
----
يعقوب حبيبي

الحمدلله انك عارف

ادعيلي بقا عشان ذكرتك و ادعي لعمتي

شكرا لك
----

ومين قالك يا اسراء اني مش متجوز؟

:P

اه سماعين لسه صاحبي و حبيبي والموضوع ده لم يؤثر علينا في شيء الحمدلله

الجزأ التاني نزل خلاص

تحياتي من ماناساس البلد

BinO يقول...

كنت بقرأ
ووصلت جملة مايشرفنيش أكون مهندس
ليه كده ياابني
مالهم المهندسين بس
حكاويك علي العموم مالوفة
رينا يهدينا ويهديك أمين
:)