الاثنين، 2 أبريل 2007

اسراء دبستني في تاج

السلام عليكم و رحمة الله ازيكم يا جماعة ادعولي و ادعو لأحمد و حمادة الساعة الان وقت كتابة هذا البوست هي الثانية صباحا مش عارف ليه مش فايق أوي بس في نفس الوقت مش عايز أنام عندا فيكي يا نوني أنا حبات في الشغل النهاردة :) أنا جالي تاجين اتنين من الأميرة العزيزة اسراء The Lost Princess وأنا الصراحة مكنتش مستني غير من شخص معين يبعتلي تاج بس حصل خير أنا مبسوط جدا بأول تاج ليا وشكرا ليكي يا اسراء مرة أخرى ---------- هل كنت طالب شاطر فى المدرسة ؟

تقريبا الحمدلله - كنت الأول على الدولة (الامارات) و المنطقة التعليمية (العين) لحد تالتة اعدادي - الحمدلله ايه كانت احب مادة و اكره مادة ليك فى المدرسة والكليه ؟ أحب مادة ليا في المدرسة اختلفت باختلاف المرحلة في ابتدائي كانت الرياضيات في اعدادي كانت اللغة العربية والدراسات الشرعية (مادة مخصوص في المعهد الاسلامي اللي كنت فيه في اعدادي) بالتساوي في الثانوي أصبحت اللغة العربية واللغة الانجليزية بالتساوي (نقلت من المعهد لمدرسة عادية)

كنت عايز تطلع ايه وأنت صغير ؟

كان نفسي أطلع رائد فضاء - ولا زال الأمل قائما

كده خلص التاج الأول الحمدلله - أنا نسخت الجملة دي من مدونتك يا اسراء التاج الثاني من اسراء برضو هل تسعد عندما يمرر لك أحدهم تاجا؟

طبعا و لازلت مستني منك تاج يا........ خليها في سري هل مقدار سعادتك أو شعورك أيا كان - عند تمرير التاج لك يختلف حسب المدون الذي يمرر لك التاج؟ طبعا يختلف - القلب و ما يريد بقا :) هل تستمتع عند إجابتك عن أسئلة التاج؟

طبعا خصوصا لو أصر على الإجابة أنا تقريبا بعز الفضفضة هل ترى للتاج أهمية حقيقية ؟ مش أوي - لن يقل حبي لأحد مهما كتب في أي تاج من خبايا نفسه - ولن أكره أحدا بسبب ما يقول من خبايا نفسه أيضا هل فكرت في عمل تاج خاص لك من قبل؟ فكرت و في كام فكرة في دماغي - ربنا يستر علينا هل تفضل قراءة أجوبة التاج عند المدونين الآخرين؟ أم لا تهتم سوى بالتدوينات الأخرى فقط؟ ازاي بس, ده أنا بحب أقرأها جداااااااااااااااااااااا, لأني فعلا بكون عايز أعرفهم أكتر. (منقول نصا من مدونتك يا اسراء) عندما ترد على التاج ما الذي تراعيه أكثر؟ الصراحة إلى من تحرص على تمرير التاج؟ لن أمرر التاج لأي أحد - سأحاول كسر هذه القاعدة :) واللي عايز أعرفه أكتر حسأله أسئلة أخرى - مش كل الناس تتسئل نفس السؤال هل تحرص على قراءة اجابات من تمرر لهم التاج ؟ هل تغير إجابتهم للتاج شيئا في ادراكك لهم ؟ قولنا مش حنمرر :( هل تلتزم حرفيا بأسئلة التاج ؟

لا لأني مش حمرر برضو :( و يانا يانت بقا ما هي نوعية التاجات التي تفضلها ؟ حتي التاجات كمان هيبقي فيها أفضليه, يعني أي حاجه تبن اللي جوه الناس أكتر. (منقول نصا منك يا اسراء)

-----

أنا جاوبت بس عشان أكون عملت الي عليا لكن أنا مش مقتنع بالتاجات دي أوي - وكمان كنت مشغول البال بحكاية أحمد حبيبي :(

أسف يا اسراء على الغش من اجاباتك أما بقا الناس اللي حمررلها فللأسف أنا مش حمرر لحد أنا حدخل أسأل الناس بالطريقة اللي أنا عايزها عايزين ايه و أرفض تماما أن تسئل ناس تانية بنفس الأسئلة شكرا جزيلا لحسن الاستماع في الكومينتات اعملو اللي انتم عايزينه بس من غير ضرب لو سمحتم عشان أنا تعبان أوي تحياتي من ماناساس البلد :)

هناك 14 تعليقًا:

Rivendell** يقول...

انا كمان كان نفسي ابقى رائدة فضاء

مش بهزر والله

وصبااااحه دح يعني
;)

Sa7bet Nouny يقول...

معلش... هو يعني إيه تاج ده؟ ده غير السلطانية وتاج الجزيرة والكلام ده؟

Shower-Mirror يقول...
أزال المؤلف هذا التعليق.
Shower-Mirror يقول...

يابنى ماتدوخناش معاك ....انا مالحقتش ارد على البوست اللى فات ...


انتى على فكره عملت حاجه مش تمام فى حكاية احمد ... قعدت تسرد فى تفاصيل كتيير قوى .... قوى و تطول جامد و خصوصا فى حوارك الكوميدى معاه ... كان زياده شويه المره دى و افقدنى تركيزى ...

و فى الاخر عند الموضوع الاساسى مافهمناش ايه اللى حصل ... الحكايه اتكروتت كده و معرفناش اهله ليه عملو كده و ايه الاسباب ..

مش عارف ..بس حاسس انك كنت عايز تكتب و خلاص المره دى ... يعنى الموضوع ما اخدش حقه فى التفكير الاول ....


اوعى تزعل .. بس ده رأيى بصراحه و طبعا انت براحتك تكتب زى مانت عاوز ,... انا بس كنت متشوق اقرا الباقى ...

سلام ياباشا و اوعى تقفش بجد

Noony يقول...

عند فيا تبات في الشغل؟
برضه هفضل وراك وأقولك صحتك أهم..انت بتعاند نفسك مش بتعاندني

على العموم ربنا يفك كربك يا رب ويرضى عنك إن شاء الرحمن

اطلع من موود البؤس والكآبة دة..مفيش حاجة تستاهل في الدنيا دي كلها

سلامات
نوني

Noony يقول...

نسيت أقولك..ربنا يحقق لك كل أحلامك إن شاء الله وأحسن منها كمان
بس بطل عند وافتراء على نفسك

ومش هسألك مين اللي عايزه يمررلك التاج...عشان أنت شطور وهتقول لوحدك ..يمكن يبعتلك التاج فعلاً
:)

كلاكيت تاني مرة
نوني النساية

Great wishes يقول...

طيب و الله اجاباتك بسيطه و بتمشى رايك فى الاخر ..كويس عشان انا كمان هعمل كده .. فى التاج اللى مررهولى مبرمج حر .. و ده دورى بقى انى اغش منك
يلا بالتوفيق باذن الله

محض روح يقول...

رائد فضاء
تصور الموضع ده فى دماغى بقاله فتره
وخصوصا بعد مالبنت الايرانيه عملت رحله

بس سؤال ايه الورد الاسود ده؟

تحياتى من قاهره المعز

The Groom يقول...


لسه الأمل موجود يا ريفينديل

شكرا لك يا دحيحة
------

صاحبة نوني أهلا أهلا البلوج كله نور

التاج ده يا اما زي مانت بتقولي و السلطانية و بتاع يا اما هو زي البادج اللي بيتعلق على اي حاجة يحوي معلومات عنها و كده

يعني حاجة اتبعتتلي فيها اسئلة ليا الناس تعرف منها عني اكتر

خطوة عزيزة ووالله زمان
------

الحاج شاور

اسف والله مكانشي قصدي

على فكرة انا فعلا حاولت بشتى الطرق أضفي كثيرا من البهجة المبالغ فيها على قصة قميئة شديدة الحزن زي دي

ومتتخيلشي فعلا مكانشي ازاي لي نفس أكتب وقتها بس قولت اكتب عشانكم والله عشان متستنوش كتير

وبعدين يا سيدي انا عمري ماقفش من حد و خصوصا منك

:)

شرفتني بجد
شكرا لك

----

هاهاها نوني تاني

انت مش بتزهقي فعلا هاهاها

امين يا رب وجزاك الله خيرا على دعائك لي

أما بقا على موود البؤس و الكآبة فهو عشان صاحبي حبيبي و في حاجات تستاهل كتير يا نوني أولها هو

شكرا لك
------

نوني تاني؟ يا سلام ياهنايا وسعدي

هاهاها لا أنا مش شطور ومش حقول

يا نوني يا نساية ... حلو الاسم ده

بس نساية دي بتاعتك يا رافينديل

انا بهدي النفوس بس

جزاكما الله خيرا
------

عنكبوتتنا الصغيرة

يا مرحبا يا مرحبا البلوج ازداد نوره :)

غشي زي مانت عايزة

خطوة عزيزة و دايما تكرريها يا رب

شكرا لك
--------

محض روح

أنت كمان و رافينديل؟ طيب خير خير ماتيجو نروح سوا؟ ولا أقولك روحو انتم و ادوني أمل في الحياة

الورد الأسود أحلى ورد ممكن تشوفيه في الدنيا وسبحان الخلاق العظيم

تحياتي انا من ماناساس البلد لقاهرة المعز

شكرا على زيارتك العزيزة

شكرا ليكم كلكم يا جماعة

emos يقول...

اية دة
نرفزتونىىىىىىىىىىىىىىىىى

غير معرف يقول...

سلامتك يا باشا...
و يا رب اللي مستني منه تاج يبعتهولك

esraa يقول...

ينفع كده تغش مني؟
ميرسي انك حليته (:

The Groom يقول...


ايموس

متنرفزة ليه تاني

انت عالطول كده؟

روقي بدل ما ارزعك تاج

شكرا لزيارتك و متطوليش
---------

الله يسلمك و يبارك فيك يا ارتعاشة يا حبي

مستني اشوفك على احر من الجمر

سلااااام
---------

نعمل ايه بقا يا اسراء اجابتك كانت احسن من اي اجابة ممكن اجاوبها

تسلميلي

شكرا ليكي بجد

تحياتي من ماناساس البلد

يعقــــوب .... يقول...

يلا يا بطل ربنا معاك و انا هفضل فكر كلامك ده لحد مانشوفك ان شاء الله بتاخد اول لفة ليك حوالين الكرة الارضية....و ربنا يكرمك...بس صحيح مين الكنت عاوزه يبعتلك التاج ده؟؟؟ أكيد مش عمنا شاور صح! ؟ و لا هو ؟؟ هه هه ؟؟؟