الأربعاء، 11 أبريل 2007

تابع حلم جميل - الجزأ التالت

أصحابي و حبايبي الحلوين
نكمل بقا الحلم الغلس ده اللي مش عايز يخلص هاهاها
-----
عارفين لاقيت مين في ركن القاعة
وروحت واخدهم يمين و شمال و احضان و بتاع
ازيكم يا جدعان و ازي السفر على حسكم ربنا يجيبكم لينا بالسلامة يا رب
ازيك يا يعقوب عرفتك من القميص الاسود بتاعك ده أنا قولت أنت دايما بتلبس قميص اسود
لا أنا مش حتكلم مليش دعوة انا كلامي ميطلعشي من غيري
ياعم فكها و روق بقا محدش واخد منها حاجة
انت يا عم فانتي قوله يعمل ايه و يتكلم يقول اي حاجة
يا عم و انا مالي سيبني في حالي
نداااااء هام لكل المدونين عليكم بحبايبي يعقوب و الفانتي طلعوهم من الموووود البايخ ده
وروحت لامم الناس حواليهم
بس دي حكاية تانية :)
المهم سبت الناس حواليهم ملمومة و قولت أنا أكمل سلامي
وروحت مكمل من على يميني
لاقيتلكم مين بقا؟ لاقيت بناتيت واقفين على الجنب كده
واحدة طبعا باين على وشها التوتر و التكشيرة - شكلها كده متنرفزة مش عارف ليه؟
التانية مكشرة برضو وشايلة شنطتها في وضع تحفزي - طبعا عارفين الشنطة للنساء بتبقا سلاح فتاك ازاي
والتالتة ماسكة علبة
عارفين علبة ايه؟
علبة حلييييييييييييييييييييب
:)
طيب روحت رايح عليهم و انا عمال أحوقل و أدعي وأسمي لحسن يعملو فيا حاجة
وقربت بحذر و حطيت ابتسامة عريضة على وشي تهدي الموقف
بس والله طالعة من قلبي
وروحت مقرب و السلاااااااااااااامو عليكوووووو
ازيكم يا جدعان؟ عاملين ايه؟ ايه بس مالكم دانا غلبااااااااااااااااااان
كده يا جروم ماكانشي العشم - طلعتني في اخر الحلم؟ - نرفزتنىىىىىىىىىىىىىىىى
أميرة: جاي من بدري و مش بتسلم علينا؟
جوهاينا: شوفت؟ دانا حتى كنت عاملة حسابك في علبة حليب
طيب وأنا أعمل ايه بس فيكم؟ مانتم في القاعة التانية
وأنا دخلت من المدخل الرئيسي و قولت أسلم على الناس واحد واحد
بس ملحوقة دانا جاي أسلم مخصوص أهو
:) و نفس الابتسامة العريضة
المهم برضو ايموس كانت لابسة طقم نبيتي - الظاهر ان الموضوع ده بقا موضة
وأميرة البلطجية كانت مطقمة طقم انما ايه - بلطجة بقا
أما بقا جوهاينا فكانت غلبانة شوية بس لابسة طقم كده يدي على علبة حليب
:)
محدش يزعل بقا ده حلم و أنا مليش تحكم فيه - ده عقل باطن
يا عبدوووو انت فين؟
اه أبو سمرة حبيبي جيه تاني
ها يا سمير عملت ايه؟ ولا حاجة يا مان أمين المرور قاللي أنت في السليم و عربيتك تمام احنا شيلنا العربية النبيتي اللي كانت برا دي
الظاهر يا اخواننا ان النبيتي ده كان موضة ساعتها - مش عارف انا بقا
أصلها كانت واقفة صف تاني وشكلهم بقا قالوا نتمصلح منها
:(
- وطبعا سمير بيقول كده و هو مكشر لأنه بيكره المرور و بتوع المرور
أنا قولتله معلشي يا مان - مصر لسه فيها خير - مصر لسه فيها خير
وطبعا لسان حالي بيقول اه يا كداب يا ضلالي
المهم سبت لسان حالي ده يطلع نفسه زي ماهو عايز و نفضتله وقولت اروح اشوف موضوع العربية دي
ليه بس كده الأذية دي !!!
دي ياسمين دي غلبانة قوي
ولاقيتها واقفة جنب الأمين عمالة تحاول تقنعه ان العسكري اللي كان عند المكان ده بيقولها انه ممكن تركن هنا عادي
والأمين مصمم يديها تيكيت و يسحب العربية و بيقول للواد اديها كلبوش - نياهاهاهاهاها
للعربية طبعا :)
أنا على قد ماكرهت في حياتي - مكرهتش أكتر من كلبوش المرور ده
المهم جريت و قولت لسمير خد عربيتك و اجري اركنها في مكان تاني
سمير راح رايح وطالع بيها يركنها في مكان تاني بسرعة زي مقولتله - حبيبي أبو سمرة ده ربنا يكرمه
أما أنا بقا جريت على ياسمين - ياسمين ازيك أنا جرووووم فاكراني؟
أه طبعا الحقني يا جروم الأمين المفتري ده عايز يسحب العربية
قولتله على جثتي يعني مش كفاية انها عربية نبيتي وكمان بتاعت ياسمين كمان - و عايز تسحبها؟ انت وقعتك هباب
وروحت جاري واخد المفاتيح من ياسمين و راكب العربية و راكنها في السليم مكان عربية سمير
هاهاها وسيبت الواد الأمين ياعيني يبص زي المذهول - خلاص كده ملوش حجة
وفي نفس الوقت نص الناس اللي جوا تقريبا حتشهد معانا انها كانت راكنة في السليم
والنص التاني حيحدفه بالطوب :)
يبقى يمشي من هنا احسنله - برضو المدونين حلوين برضو يعني
وامشي من هنا بدل ماجيبلك طنطك ايموس يا ولا وطبعا راح فاهم الفولة بالعبقرية المصرية و راح طالع جري من المكان هو و زبانيته - عرف انه وقع في حارة وبتاع
واحنا خدنا بعضينا و دخلنا تاني
ازيك يا ياسمين عاملة ايه؟ والله انبسطنا كلنا لما شوفناكي
طبعا كل ده والواد سمير يا عيني عمال يلف على ركنة - بس ما علينا
ازيك انت يا جروووم - حمدالله على السلامة
انت اللي فينك و عامل ايه؟ واخبار ماناساس البلد ايه؟
الله يسلمك - ابقي يا ستي متغيبيش علينا تاني و بعدين ايه حكاية النبيتي دي ؟
انتم عاملين عليا رباطية و لا ايه؟ طيب حوريكم
ماناساس بخير يا ستي و بتسلم عليكي ابقي طلي انت بس
أسيبك بقا مع المدونين الحلوين دولا تاخدي راحتك معاهم وأنا حكمل سلام على الناس و أشربلي حاجة كده لحسن ريقي نشف
وسيبتها تسلم على الناس وروحت أنا أكمل جولتي - ياعيني أبو سمرة حبيبي بيدوخ معايا وأنا عارف اني مبهدله
بس أهو كله بسوابه
:)
وروحت كده مميل على كورنر في نص القاعة التانية دي أتاري ليها باب من ورا
المهم روحت لاقيت في الكورنر ده طربيزة قاعد عليها شلة من البناتيت
الظاهر ان المدونين الرجالة اختفو تقريبا
صحيح ماهو اتنين بيتشمسو واتنين بيتخانقو مع دبان وشهم
فكوها بقا يا فانتي انت و يعقوب
يعني أعمل نداااااااااء تاني؟ بقولكم ايه انا صوتي اتنبح
وبخط بيرعش كده
صحيح ارتعاشة اختفى فين؟ - جايزة كبيرة للي يعرف هو راح فين
:)
أنا بقا قولت أشوف شلة البناتيت دولا مييييييييييين؟
-----
نكمل المرة الجاية
:)

هناك 17 تعليقًا:

ياسمين يقول...

تصدق ضحكتنى من القلب
عموما أنا مشهورة جدا جدا ومعروف عنى انى على طول بأركن فى الممنوع
لدرجة ان اللى يعرفونى يقولوا ان انا اركن فى الممنوع حتى لو لقيت ركنة فى السليم
وعلى طول عاملة مخالفات ومشاغبة جدا جدا مع بتوع المرور
بس هى فين سهر الليالى بقى
انت اسلوبك زى السكر هأتابعك يا جروم
لحد ما تخلص على المدونين كلهم

Rivendell** يقول...

انا حاسة ان عنيا بتوجعني من كتر النبيتي اللي طلع في المسلسل

وبعدين يا شيييييييييخ بقى الامين خد الزبانية بتوعه ومشي
تلاقيك بس محرج تقول الحقيقة
انا شوفتها بعيني اصلا

الراجل قطر العربية وانت جواها
وروحنا المرور طلعناك بضمان محل الاقاااامة

:P
:D

emos يقول...

شفت يا شاور مش قلتلك النبيتى موضة

حتى انا طلعت لابسة نبيتى

احنا المفروض نقف انا و انت و العربية و ناخدلنا صورة نبيتى حلوة كدة عايزين صورة يا جروووم لو سمحت

و بعدين اية مكشرة دى؟
دة انا حتى الابتسامة على و شى علاطول

نرفزتنىىىىىىىىىىىىىىىىىىى

Noony يقول...

هاهاهاهاهاهاهاهاهاههااا
لا يمكن
انت المفروض بعد ما تخلص الحلم دة تنزله في كتاب وتسميه حدوتة ألف ليلة وليلة...والغلاف يبقى لونه نبيتي
عشان شاور يتبسط وإيموس تتنرفز
أنا مستنية أشوف خناقة جهينة وأميرة معاك...بس بجد بجد

انت تحفة

شكراً على انك جمعتنا وضحكتنا

نوني

غير معرف يقول...

انا جيت يا كبييييير...
انا عايز الجايزه بقى :)...
ربنا يكرمك يا رب..انا مستني الجزء الرابع يا حبيبي..بجد حلم جميييل

عبدالله يقول...

كويس ربنا ستر الناس كلها نبيتي في نبتي مش مشكله الاسود احسن برضه بقي
الواضح كده ان ايوس انترفزت خلاص و هتضربك بالسلاح خلال خمسه و عشرين بوست الحق خدلك ساتر

يالا تحياتي

copa يقول...

هههههههههه

انا في الاول بحسب انها مقابلة مدونين ههههههههه

جامد والله الحلم اما اقوم انام شوية

بلوج لذيذ اوي يامان

Shower-Mirror يقول...
أزال المؤلف هذا التعليق.
Shower-Mirror يقول...
أزال المؤلف هذا التعليق.
Shower-Mirror يقول...

حلاوتك يا ايموس بالحته النبيتى :)
يالا عشان تكملى الطقم .

يابنى هو انت ماكنتش بتاخد حصص رسم فى المدرسه ..ماقالولكش على بقية الالوان .


:)
المهم انى من يومين كنت باتفرج
Face Off على فيلم
و الله افتكرتك ... لان نيكولاس كيدج كان لابس بدله نبيتى فى اول الفيلمو كان بالنهار برده

:) :)

و لقيت انها مش وحشه اوى يعنى .. و طبعا هاتكون عليا احلى من كيدج .


و طبعا بالنسبه للمشروب الرسمى للحقله النبيتى دى فهو ايه ... ؟ الكركريه

نياهاهاهاهاه

والنبى انت واد دماغ ...بس دماغ عسل

يعــقوب يقول...

يا لورد يا كبير صباح الفل ..انا استغربت لما لقيت نفسي موجود..أصلي مش متعود احضر حفلات و لا اجتماعات ولا حتى اي ملتقى إال في القهوة..بس عموما انا عاوز اعرفك حاجة..في 3 حاجات عمرها متحصلنا أنا و فانتي و أولها وده نعمة من عند ربنا هى انه استحالة تلقينا مكشرين أو عندنا موود اكتئاب او زعل حتى لو حصل ايه يابا..علطول مفكوكة ومحدش عارف يربطها...بس كل الموضوع انه خلاص..و حاجة كمان..انا عمري ملبست حاجة سودة ولا بحب ألبسه..المرة الوحيدة الدبست فيهل في الاسود كان بدلة فرحي..وكان غصباً عني والله

أميرة البلطجية يقول...

يا ما شاء الله يا ما شاء الله
ايه يا سي عبد الله ده بسسسسسسسسسس
وازاي ميبقاش التلات اجزاء عني انا بسسس
انت ناسي اني بلطجية وممكن جدا جدا ابعتك مشوار صغير ورا الشمس؟
هههههه
بجد عسل يا عبد الله..فكرة مفتكسة..صحيح انا نفسي اعمل حفلة كده عندى في المملكة وطبعا حعزمك متقلقش..بس مش حقدر اوعدك اني اعد معاك كتير..انت عارف بقي الجرومز كتير وكده
ههههههه
حقولك حاجة عجبتني اوي..طريقة كلامك.زمش عارفة ليه عشان انا عارفة انك في امريكا كان متهيألي انك مش لبط زينا
بس لأ طبعا طلعت لبط واشهدلك كمان
:)
ميرسي ع الحفلة خالص وسورى والله اني معدتش عليك بقالي كام يوم..بس انت عارف بقي تذاكر الطيران!
سلام

Esmeralda يقول...

مع انى مش موجوده بس يلااعلق و خلاص

ردا على نداء جروم
روق يا فانتى انت و جاكوب متبوظوش الحفله

Anima يقول...

ده على كده انت ما سيبتش حد في حاله
يا مفتري أبو سمرة المسكين ليه بتعمل فيه كدة؟؟؟

The Groom يقول...


ياسمين

شكرا لك انك ضحكتي

شفتي الدنيا حلوة ازاي؟

صباح الخير يا ستي

تحياتي لك
----

رافينديل العزيزة

أنت شرانية ليه؟

ربنا يهديكي يا رب

حوريكي في الحلم

:)

تحياتي لك
-----

ايموس النرفوزة

ربنا يكرمك يا رب انا عندي كاميرا نبيتي

تنفع؟

تحياتي لك
----

نوني العزيزة

ربنا يكرمك و يفرج همك و يسعدك يا رب

على ايه يا بنتي الشكر انا لسه معملتش حاجة

بس انت اضحكي بس

وانا كمان مستني الخناق لاني بحبه اوي

:P

:)

تحياتي لك
----

أنت كنت فين ياواد يا ارتعاشة

قلقتني عليك يا صغير

ربنا يكرمك يا حبي

تحياتي لك
----

عوباد حبيبي

لا خلاص ايموس بقت طيبة هي صحيح نرفوزة بس سامحتني

انت جاي تهدي النفوس ولا ايه؟

تحياتي لك
----

كوبا

شكرا لك على زيارتك و تعليقك الظريف

بجد لازم تيجي تاني يا مان

اهلا بك في اي وقت

تحياتي لك
----

شاور صحيح انا دماغ بس انت دماغك اكبر

:)

ربنا يكرمك يا رب

صحيح في الوان تانية زي النبيتي الفاتح و النبيتي الغامق و النبيتي العسلي و نبيتي على اسود و بتاع

بس في الاخر انت عسل عشان بيليق عليك النبيتي

ربنا يكرمك

تحياتي لك
----
يعقوب حبيبي

أديك لبست الأسود في الحلم لتاني مرة في حياتك

والله بحبك يا مان و فكها بقا

وايه حكاية التكشيرة في مدونتك؟

ربنا يفرجها عليك انت و الفانتي يا رب

ادعيلي يا مان

تحياتي لك

----
أميرة البلطجية

أنا سامحتك بس عشان شرفتيني لكن كنت زعلان انك مش بتيجي

هاهاها أمريكا فيها لبط برضو يا هانم

وبلطجية كمان

بس أنا مش من أمريكا أنا عايش فيها بس

لكن أنا اتولدت في مصر و اتربيت في الامارات

ينفع؟

تحياتي لك
وكرري الزيارة كل شوية لانك بتوحشينا
----

ازميرالدا

متكونيش أنانية

بس ولو أنا سعيد بتعليقك

شكرا و تحياتي لك
----

أنيما الأمينا

هاهاها لا طبعا اسيب ازاي؟
ودي تاااااااجي؟

أبوسمرة حبيبي

والله بحبه أوي

:P

تحياتي لك

---

تحياتي لكم جميعا من ماناساس البلد
:)

shermen يقول...

مش هقولك رأيي غير بعد ما اشوف أنا حكايتي ايه ف الفيلم قصدي الحلم ده

مدونة كسبان يقول...

احلام سعيده