الخميس، 12 أبريل 2007

تابع حلم جميل - الجزأ الرابع و الأخير

أنا اسف يا جماعة على التطويل
بس أعمل ايه حلم بقا و مالناش يد فيه
خلونا نتابع
---------
طبعا لما يكون في شلة بناتيت قاعدين على طربيزة كبيرة و مدورة
ومنهمكين في حوارات حلوة و حية
يبقى لازم الواحد يروح يشوف فيه ايه
بسم الله ما شاء الله
اللهم لا حسد - اومال بيقولو ليه مفيش عرايس و بتاع
دي عالم معندهاش نظر هاهاها
المهم رحت محوقل برضو وعامل طقوسي المعتادة كلما اقترب من مكان فيه بنات
خصوصا لو كانو مجتمعين و متفقين - خد بالك يا سمير
ااااااااااااااخ سمير؟ الواد ياعيني تلاقيه لسه مركنش
عموما هو معاه نمرتي لو فيه حاجة حيكلمني
السلاااااااااااام عليكم و رحمة الله
ازيكم يا جماعة
دعونا نخمن هنا
أهلا أهلا ازيك يا بنتي؟ عاملة ايه؟ أقولك عرفتك منين؟
لابسة برتقاني و بتضحكي عالطول وجهك لاتفارقه تلك الابتسامة - أضحك الله سنك و أدام عليك السعادة يا رب
صحيح انت ساعات بتزعلينا و تخضينا ببوستات حزينة
بس دايما مصدر من مصادر السعادة المتجددة في البلوجات
أهلا يا جروم ازيك - حمدلله على السلامة
:):):):):):):):):):):)
:):):):):):):):):):):)
اخبار ماناساس البلد ايه؟
أيوة افضلي اضحكي والله ماحد واخد منها حاجة
الله يسلمك يا دكتورة - بخير و بتسلم عليكي :))
ورحت مدور و ببص ياااااه
ايه ده - ايه الهنا ده كله - الحاكومة كلها هنا؟ و كمان ولاد اخوات الحاكومة؟
طبعا عرفتو انا بتكلم على مين - بنت أمورة بس لابسة رصاصي وتعلو وجهها التكشيرة
وأنا أقول الحرس اللي برا دول تبع مين - أكيد تلاقي حد قريبهم في كلية شرطة
بس برضو شايلة في ايديها قطة عسولة - أكيد دي رافينديييييييييييييييييييييييل
ازيك يا بنتي؟ أديكي طلعتي في الحلم اهو؟ عايزة ايه بقا؟
وبعدين مانت حلوة أهو وزي الفل - ربنا يجعل كلامنا خفيف عليهم ياللي فبالي
وعليكم السلام والرحمة - مش تسلم الأول؟
يا ستي سلام عليكم و رحمة الله
وعليكم السلام - لا أنا زعلانة
يبنتي والله مانت زعلانة حلفت عليكي بقا
طيب خلاص سامحتك - وراحت رافعة الموبايل مكلمة بيه البودي جاردس مشيو من المكان
طبعا كان اللون الرصاصي تحفة عشان ميري
بس ولو - النبيتي برضو احلى
:P
حتى شوفو البنت اللي جنبيها - دي أكيد الكائن المتحور سبورومورفين
سبورومورفين العزيزة دي مدونة معرفهاش - بس صاحبة رافينديل الروح بالروح
طبعا شايلة في ايدها شوية كتب - آه انا دلوقتي عرفت الفولة
بس أما أتأكد بس
يا سلام ياخويا و انت مالك بصاحبتي بقا؟ ايه عزمتها ليه لما مش طايقها؟
مين قال اني مش طايقها؟ أنا بس بعاكسها يا ستي انت زعلانة ليه؟
:P
وقبل ما ترزعني بالشنطة - سلاح فتاك قولتلكم - أو تكلم قرايبها في كلية الشرطة - دي شرانية و أنا عارفها
:P
:)
أيوة مالك بيا - أنا تبع رافينديل اياك تقربلي
الناس اللي بتتكلم بثقة دي أكيد مسنودة - ديلي في سناني
:)
وروحت مركز كده مين في ركن الطربيزة؟ احم - دي مدورة يا حبيبي
سمييييييييييييييييييييييييييييير أبوسمرة أبونوجا حبيبي
ازيك يا معلم
ركنت فين؟ ولا حاجة استنيت ونش المرور اما مشي و ركنت مكانه
يا قلبك يا حبي - انت واد صايع
المهم كنا بنقول ايه - اه لغوش لغوش
تعال اعرفك - سمير؟ سمير؟ الواد هرب تاني
طيب
ياسلام يا سلام - اد ايه حلو الكلام
مين دي؟ أنا مش مصدق عيني - شيرمييييييييييييييين بحالها؟
ازاي يا بنتي كل دولا طب و انت قاعدة معاهم؟
يعني عاملين عليكي رباطية؟ لا سواني مين دي اللي جنبيكي؟
اهلا اهلا منوريني والله يا جماعة
بس انت يا شيرمين تعالي هنا مالك حاطة ايدك على خدك كده؟
لا مليش دعوة
يا ستي بس اهدي
لا مليش دعوة
يا ستي حقك عليا
لا مليش دعوة
طيب انت حرة
:)
بس في أي وقت كلنا جنبيكي - اكيد العيال بتوع طب دولا عملولك عمل
وفعلا الاقيلكم شيماء تخاريف و رافينديل و سبورومورفين وارتعاشة حبيبي
اتاريه كان بيحضر العفريت في اللاب
وجم كلهم يذاكرو على الطربيزة دي
وفارشين هالومة ورق دروس وبتاع
طب من غير دروس كالاسد من غير ضروس
هاهاها
ربنا يرحمنا منكم يا بتوع طب انتم - عالم خطيرة والله
المهم انا بصيت لاقيت سمبتيك عاملة شغل عالي و بتهدي في شيرمين
والله طيبة شيرمين وزي العسل بس لو متقفشي بسرعة تبقى ميتين فل و خماشر
خماشر مين؟ انت مين يا؟
سمير؟ والا تعالا هنا - ولا
طيب حوريك :(
ازيك انت يا سمبتيك؟ عاملة ايه؟ واخبار الدايت ايه؟
الحمدلله يا جروم - معايا محشي تاخد؟ عارفاك مش بتحب الفسيخ
محشي ايه و فسيخ ايه يا سمبتيك - الدنيا حر
معاكي ايس كريم؟ اه طبعا معايا كله في التلاجة خش هات اللي انت عايزه
وأنا روحت جري واخد بعضي جايب سمير حبيبي من الركن وياعيني قاعد لوحده مع انه حبيبي قمر و البنات كانو حيتجننو عليه
أتاريه كان بيهرب هاهاهاها
:):):):):)
ايه؟ مين دي؟ ممممممم آآآآآآآآآآآآآآآآه
أنا فاكر ياسمين دايما كانت بتتكلم عليها و بتشكر فيها أوي - آآآآآآه
دي أكيد سهر الليالي صاحبة ياسمين
بس أنا مكسوف منها والله لأني معزمتهاش - بس ولو صاحبة ياسمين زي ياسمين تمام
تنورني
السلام عليكم - ازيك يا سهر الليالي؟
عاملة ايه؟ اومال فين ياسمين؟ انا سلمت عليها و سيبتها تاني
وعليكم السلام - ازيك انت يا جرووووم - الحمدلله كويسين
ياسمين جالها تليفون مهم واضطرت تستأذن و أنا كمان حستأذن أنا كنت خارجة ليها دلوقتي أنا كمان
يا بنتي انت جيتي في ايه و ماشية في ايه؟ والله أنا مكسوف منكم أوي
على العموم ربنا يكرمك يا رب ويكرم ياسمين سلميلي عليها و اشوفكم على خير ان شاء الله
مع السلامة يا جرووووم - وسلملي على سمير كمان
:)
المهم أنا خدت سمير جري وروحنا على التلاجة نلحق نقربع عصير و كولا وكل مهدئات الجو الحر
وخصوصا ادماننا أنا وهو - علبة الدوااااااااااا
طبعا دي سر شويبس و عمري محقول لحد ان علبة الدوا تبقى فانتا توووووت
هاهاها
الله يرحم أيامك يا سمير
و
و
و
وهووووووووووووووووووووووووووووووووب - طااااااااااااااااااااااخ
ايه الدخان ده كله؟ ايه الحريقة دي طفي يا تريسي - طفي يا دون - الحق يا مايكل
ايه يا عم رودني ايه الحكاية
وطبعا كل الكلمات التعجبية في الانجليزي طلعت
وشوية عربي كمان - بس من غير قلة أدب
يعني الواحد ميعرفشي يحلم حلم يقظة كده في الكام دقيقة دول بتوع البريك؟
لازم يعني السيرفر يولع و الحريقة تقوم - صحيح ربنا بيخلص منكم يا ولاد الايه
تلاقي حد دعا عليكم الله يحرقكم و ربنا استجاب
شخشخوها بقا وهاتو اجهزة جديدة
ما علينا
أروح أنا بقا الحق السيرفرات يا جماعة
انتهى الحلم
------------------------
تحياتي من ماناساس البلد
ملحوظة:
محدش يسأل عن مصير سمير
مصمصم يعني؟
طيب ولا حاجة خدني روحني و بعدين روح بيتهم - سلام أنا بقا
:)
----
شكر خاص لكل من ألهمني فكرة هذا الحلم و كل من شارك فيه
وشكر مخصوص واكبر لكل من لم اذكره بسبب تقصيري و اعتذار رسمي موثق مني له
تحياتي لكم

هناك 12 تعليقًا:

shermen يقول...

هيههههههه أنا أول واحده تعلق
أحمدك يارب
بس أنا بأقفش يا جرووم
ماليش دعوة
بس حلمك طويل أوي عشان خاطري
أبقى نام ساعتين كفاية عليك بدل ما تنام 10 ساعات وتحلم لنا أربع أيام

Rivendell** يقول...

ايوا كدا

نبيتي اكتر من كدا كان هيبقى صعب خاااالص

بس بيني وبينك النبيتي احلى من الرصاصي

والله دا انت اتنجدت انا كنت حالفة اني مش هعديها ابدا واديك شوفت البودي جاردات كل واحد فيهم ماشاء الله قد الباب

هههههههههههه

مالكش دعوة بالبت صاحبتي .. دي تبعي
:D

عبدالله يقول...

اخيرا و بحمد لله انتهي الحلم بامان و مفيش اي اصابات
الاصابات جايه متقلقش من الناس الي مش كتبتهم ساعتها لا هينفعك اعتذار لا رسمي ولا موثق
:)))))))))
ويا مفرتي عارف كل البنات الامامير دول وسايبني بره قاعد لوحدي في الشمس كده و لابس كمان بدله سوده طيب خلي عندك شويه زوق هات عصير و حاجات و بتاعات
او علي الاقل عرفني علي الاناسات دول يعني شايفني مستعد ولابس بدله سوده استعداد لحركات مفاجاه والمؤذون بس طبعا انت عارف لازم تقنعهم الاول بالتعدد
:))))))))))

وطي صوتك بقي لحسن اتخلع

:)
يالا سلام يا عسل نشوفك في محطه الحلم الي جاي

تحياتي

Rivendell** يقول...

نسيييييييت كالعادة

حلوة الاغنية الجديدة

;)

تخاريف يقول...

برتقاااااانى يا مفترى...؟؟

:)
مش راضيه اقولك..انا كان عندى زى تونيك اورنج فعلا بس ماكنتش برضى البسه خالص..
كنت بحسه فاقع..
بس دلوقتى....




مش هلبسه برضه...
معلش اانا كنت عايزة اطلع لابسه روز

:D
بس زى بعضه الحلم اللى جاى ان شاء الله
:)
ربنا يكرمك يا جرووم انك افتكرتنا...
:)

Noony يقول...

حمد الله على السلامة
مرحباً بك على أرض الواقع من جديد
:)
بس احلم كتير ...أحلام اليقظة دي عندي شئ أساسي في حياتي...بما إني مش بحلم وأنا نايمة أصلاً
:(

بس انا عرفت سر النبيتي والرمادي..دة لون النار اللي طالعة من السرفرات والدخان اللي ملا الشغل
روح ألحق طفي الحريقة بسرعة..ولا أقولك روح بيتكم نام شوية

متجمعين في الخير دايماً يا رب

سلامات
نوني

أميرة البلطجية يقول...

صح النووووووووووووووووووووم يا عبد الله
ان شاء الله نشوفك في الجنة
:)
وربنا يسعد اوقاتك على طول
:)

غير معرف يقول...

لا لا لا يا جررووووووووم...
مالهم بتوع طب ما كنا كويسين..
يلا طب من بوقك..:)
الحلم رائع يا حبيبي و الله و دمه خفيف اوييي

dr_diamond86 يقول...

ولايهمك يا جرووم
يقظة ولا منام المهم نحلم
وبتوع الطب مالهم؟
ما احنا كلنا عارفين, بلاش فضايح أحسن, ولا ايه؟
ربنا ينجى السامعين مننا يا رب
مستنيين الحلم الجاي

صاحب البوابــة يقول...

كل حلم قابل للتحقيق يوما

هو ببساطة مستقبل لنا

تحياتي

Anima يقول...

الحمد لله انه خلص تعبوني عيني من كثر القراية ههههههههه
ما عندكش ايميل سمير؟
أفوز بيه أنا قبل ما تسبقني واحدة ثاني ههههههههههه

The Groom يقول...


شيرمين العزيزة

مرحبا بك

وخطوة عزيزة انت فين من زمااااان

حلم بقا ومالناش يد فيه يا بنتي

تحياتي لك و متطوليش الغيبة ربنا يفك كربك و همك يا رب
-----

رافينديل صديقتي

الظاهر ان احنا حنعمل حزب البلطجيات بزعامة اميرة و نضمك ليه

ربنا يستر

تحياتي الحارة لك
-----

عوباااااااد

هاهاها الاصابات و ضرب النار من مراتك يا حبي

خد بالك بقا ياللي وقعت بلسانك

تحياتي لك
-----

رافينديل تاني

اهديها لك

تحياتي

-----

دكتورة تخاريف

انت بتخرفي ايه النبيتي و البرتقاني احسن من البمبي و الروز هاهاها

ربنا يكرمك يا رب

متحرميناش من ضحكتك الحلوة

تحياتي لك

----

نونيييييييي

الله يسلمك يا رب

صحيح والله مين يجيبلي بيتنا انام فيه شوية

ربنا يكرمك يا رب و عفوا

دائما زورونا تجدوا ما يسركم

تحياتي لك

-----

ياااااه يا أميرة

الله يصحيكي و يكرمك يا رب

وأمييييييييين أشوفك في الجنة أنا كمان يا رب

شكرا على الدعوة الجميلة فتحت نفسي النهاردة

شكرا لك تاني

تحياتي

------

ارتعاشة

نعمل ايه بقا مقدرتش امسك نفسي في الحلم يا حبي

وطب انت كمان من بقك

سلام يا جميل

------

دكتورة دياموند

فعلا ربنا ينجي السامعين و اللي مش سامعين كمان

وربنا يكرمك يا رب

تطلعي في الحلم الجاي ان شاء الله

تحياتي لك
-----

صاحب البوابة

خطوة عزيزة و تشرفنا تاني ان شاء الله

شكرا ليك
---------

أنيما

حمدالله على السلامة

اجيبلك ايميل سمير بجد؟

:P

امبارح بقوله الناس هتتهافت عليك مش مصدقني

ربنا يكرمك يارب

تحياتي لك
-------

تحياتي لكم جميعا من ماناساس البلد