الاثنين، ١٦ أبريل ٢٠٠٧

تاجين على راس الملك

بسم الله الرحمن الرحيم أنا اليوم مبسوط فقد جالي تاجين مرة واحدة واحد كان بقاله شوية و التاني لسه من اخر بوست لصاحبته نبدأ بسم الله

------ أول تاج على رأسي و أعتز به من الدكتورة المتميزة العزيزة شيماء تخاريف وكانت بتسألني

ازاى عرفت عنوان مدونتى؟؟؟ أنا يا ستي عرفت عنوان مدونتك من تعليق ظريف ليكي على مدونة حد تاني للأمانة مش فاكر مين والله و مش عايز اخمن عشان منساش و ازعل الناس مني لكن والله انا ضفتك عندي عالطول من ساعتها لان مدونتك متميزة فحت او طحن هاهاهاهاها اصلي شاب ورش قصدي روش

ازاى اثرت مدونتك فى شخصيتك؟؟؟ حتى الان مدونتي لم تؤثر في شخصيتي البتة حلوة البتة دي :) لكن أنا تغير تفكيري كثيرا بعد أن عملتها يعني مش لدرجة اني شخصيتي اتغيرت بسببها بس تفكيري اتأثر طبيعة التأثير أني أصبحت أفكر في الاخرين واهتم لامور ناس اخرين لم اكن اعرفهم خرجت من حالة الانانية واللامبالاة اللي كنت عايش فيها بقالي فترة مش لاني اناني لا سمح الله لكن لاني اتنسيت ببساطة اتنيست وبقيت انبسط و افرح اوي الحمدلله لما الاقي حد ملهوف يشوفني ولا يقابلني ولو افتراضيا ولهفتي الشخصية لما ادخل مدونة حد اشوف حيقول ايه النهاردة ده غير طبعا الصداقات الكثيرة اللي بجد استمتعت بيها ولأول مرة في حياتي أقول أنا لم أعد انطوائيا :)))))) شكرا لكم جميعا يا أصحابي وشكرا لك أنت بوجه خاص يا دكتورة شيماء تخاريف :))))) ابتسامة كبيرة لك :)))))))))))))))))))))))))))))))))))))))))))))))

----------

التاج التاني من العزيزتان

أبيتاف

و

رافينديل

وانا في الاخر طلعت زي جيه اييييف كيييييه هاهاها والله كنت بحب الرئيس ده عشان شباب و روش مع اني حاسس اني اقرب لهتلر منه هاهاهها بس الكومينت بتاع الموقع ده جامد شوية عليا دانا غلبان والله على العموم ادينا ياما حنشوف section 1 last beverage? موكا ساقع و مضروب زي الفل من برجر كينجِ

last phone call ? كلمت خالي هنا في امريكا اطمن على اصحابي و اصحابه في جامعة Virginia Tech في فيرجينيا هنا لانه حصل فيها ضرب نار في الحرم الجامعي و مات 31 شخص الحمدلله اصحابنا طلعوا بخير last instant message ? محدش عبرني من زمااااان بس كانت رسالة من الشبكة بتقولي ليك فويس ميل قديم بقاله كام يوم روح افتحه يا كلب اه قالت يا كلب :( last cd played ? سي دي لا - بس كنت بسمع أتحبني لكاظم last time u cried ? امبارح على نفسي و عمتي و الدنيا - يعني البكاء عندي ورد يومي او اسبوعي على الاقل last text message? لمصر اقول لصاحبي انا جاي و موصلتشي :( Section 2 Have You Ever: ايفر كانت مكتوبة غلط يا هانم او ياللي عملت التاج من الاول انجليزي ليه لما مالكوش فيه؟ :P 1. dated someone twice? هاهاهاايعني ايه ديتيد؟ لا يا بيه انا مخلص و عمري ما اكلت ديتس خالص 2. been cheated on? موش اما يبقى في ديت الاول؟ :@ 3. kissed someone & regretted it? اه مرة و انا صغير اوي بوست بنت في دراعها - يادي القرف وندمت بعديها لاني خفت امرض هاهاها لا والله كانت عسل بس انا اتكسفت بعديها - يعني لما كبرت و عرفت شناعة ما فعلت متخافوش كنت في تانية ابتدائي تقريبا :P متفضحوناش بقا lost some one special? اه - جدي العزيز الله يرحمه كان نفسه يجوزني قبل ما يموت الحمدلله انه مات وهو راضي عني ادعولي كتير been depressd ? قبل السؤال و لا بعده؟ 6. been drunk and threw up? اه من السوبيا عملتها كتير - ومن القصب ومن الدوا المخصوص بتاعي انا وسمير لكن منكر؟ لا والف لا الحمدلله Section 3 List 3 Favorite Colors الأخضر الأسود النبيتي :P لا بهرج اخر واحد الأبيض ;) Section 4 This month have you Made a new friend? اه الحمدلله - واخوات كتير كمان الحمدلله

2. Fallen out of love? ممم اه فركشت حكاية حب لم تكتمل ششششش ده سر حربي 3. Laughed until you cried? هاهاها اه كذا مرة الحمدلله مع اصحابي على النت دخلنا مرة روم مشترك تهييس رجعنا فيه كتير من الذي مضى ربنا يكرمهم جميعا يا رب 4.Met someone who changed your life? اه - كل اصحابي المدونين :) 5. Found out who your true friends were? اه - دي من زمان 6. Is there something you want to tell someone? اه - ماما: بحبك أوي أوي ماما اتنين: بحبك أوي أخوتي المدونون: بحبكم كلكم أوي 7. Would you kiss anyone on your top friends? اه - بس مش حعرف اجاوب على السؤال ده لو بنات لانه ميصحش عييييييييييييييييييب 8. How many people on your top friends do you know in real life? مش كلهم للاسف - 50% منهم بس

9. How many kids do you want to have? اللي يجيبه ربنا كويس - بس نتجوز الاول بس وكمان اعتقد انه ذا مور ذا بيتر

10. Do you have any pets? آآآآآآي ويش

11. Do you wanna change your name? لأ طبعا - دانا كمان حسمي ابني عبدالله ان شاء الله لو مراتي وافقت 12. What did you do for your last birthday? ولا حاجة - رجعت من شغل البيتزا بالليل مطحون انا كنت ايامها - عديت على ماكدونالدز مشي جيبت ايس كريم عشان دايما عيد ميلادي حر في الصيف والمشي كان عشان انسى حقيقة ان الناس كلها نسيتني معدا ماما حبيبتي هنا اتصلت بيا و سلمت عليا مخصوص من مصر :) وكلته و نمت مبسوطا اني اول مرة اكل ايس كريم من ماك في امريكا :) 13. What time did you wake up today? الساعة 8 الا ربع صباحا بتوقيت ماناساس البلد الحمدلله لحقت معاد الشغل في الثامنة تماما :)) 14.What were you doing at midnight last night? كنت برد على الكومينتات و بشيك على الجوجل ريدر 15. Name something you CANNOT wait for? اني اتجوز :P ثم احج ثم اموت :( ان كان الموت خيرا لي 16. Last time you saw your father? منذ تسعة و اربعون يوما :( 17.What is one thing you wish you could change about your life? لا شيء - القدر و النصيب لا يمكن تغييرهما بأثر رجعي سؤال بايخ 18.What are you listening to right now? وسوسات نفسي 19.Have you ever talked to Tom? اه لو قصدك توم و جيري يا اللي بتستظرف و سألت السؤال ده وكمان طوم حبيبي بتاع الليموزين لما كنت بسوق عربيته واعمل بيها فلوس عسل ليلة الكريسماس هاهاها

20. Have you ever talked about someone behind their back? ياما للأسف - بس غالبا كان مدحا و دعاء 21.What’s the last piece of clothing you borrowed from anyone? جزمة من حبيبي علي احضر بيها فرح اختي و رجعتهاله عشان مش مقاسي :( 22.Who’s getting on your nerves right now? أنا :( 23. Most visited webpage? مممم مدونتي ثم الياهو ميل ثم اسلام اونلاين ثم فيلجول ثم الاهلي دوت كوم ثم مدونات الاحبة كلهم .24. Coke or Pepsi في امريكا بيبسي احلى في مصر كانت كوكاكولا في الامارات كانو زي بعض تمام وفي الاخر تجيبها كده تجيلها كده هي كده كوكاكولا :)

25. Mac or PC? أببل ماكينتوش مكنة جامدة جدا بس في الجرافيكس لكن يعيبها السعر العالي و السكالابيليتي المحدودة البي سي و عملاء ال اي بي ام حبيبتي و المايكروزيفت تمام والله في كل حاجة وقريب حيبقى احسن من الماك لان هاهاهها الماك دلوقتي انتل ديوال كور وشوية حتلاقي ماك كومباتيبل مع اي بي ام هاهاهاها تحياتي الحارة من ماناساس البلد لكل الناس و خصوصا لاخواتي الحلوين صاحبتي هاذين التاجين ------------- :))

هناك ١٨ تعليقًا:

shermen يقول...

إنجليزي ده يا مرسي؟؟؟
ده الموضوع كبر أوي

عبدالله يقول...

ماشي ياعم يابتاع التجات
خد تجات زي ما انت عاوز بس المهم تخليك رجوله كده دايما و متبعتهاش لحد و لو لا سمح الله عاوز ترخم علي حد ميبقاش انا يعني
:))
علي العموم اجابات جميله فيها شويه اكتئاب حلوين يالا ده معناه ان مقوله اكتر الناس ضحكا اقربهم للانتحار الا قولي بقي هتنتحر امتي
و كمان بتعيط كل يوم و مكتئب كل يوم و محبط كل يوم طيب سيبت ايه لليوم بقي

يالا ربنا يعينا و نستحملك كمان شويه
:))))))))

تحياتي

Noony يقول...

كل يوم بتثبت لي انك فعلاً تحفة

أولاً..آخر إجابة ليك مش فاهمة منها حاجة..لأن بصراحة ثقافتي الكمبيوترية في البعد × خالص...عند كوكب الجيلي كدة

ومين البنت الل بوستها في دراعها دي؟
هههههههههههههه

ربنا يكرمك يا رب
مع إنك تحفة بس تستاهل كل خير

أختك نوني

تخاريف يقول...

سيدي يا سيدى عالردود...
هههههههههه

ربنا يوفقك يا جروووم...

بس حلوة حكايه التحليل النفسي دى....
:D

Anima يقول...

shermen
و الله كنت حاكتب أنا كمان عنجليزي ده؟ههههههههههههههه توارد الخواطر

يابني هو انت ما بتتكلمش فرنساوي خالص

أنا ما فهمتش حاجةهههههههههههههههه

أمية حضرتي

أنا مش حجاوب على التاج وااااااااااااااع

esraa يقول...

مبروك علي التاجين, كده بقيت ملك رسمي

Rivendell** يقول...

ايه دا دا

جي اف كينيدي مرررررة واحد

ماشي يا عمونا


بس ايه موضوع ضرب النار دا مرعب موت ماقدرش أتخيل حاجة كدا تحصل قدامي


وبعدين ايه يا بييه هما اللي بعتينهولي كدا
وانا ماليييي


حلوة موضوع ذا مور ذا بتر دا .. ما انت مش غرمان حاجة
لازم تاخد الاذن الاول قبل ما تقرر حاجة كدا
:P

عيد ميلادي كان احلىىىىىىى
:P


ايه لغو الحديث اللي في الاخر دا

عنجليزي دا يا مرسي

ههههههههههه
:P

Shower-Mirror يقول...

فى دراعها يا فاشل ....

الله يكسفك ..طب طالاما بوست ..يبقى بوس صح ...

:)

هافضل اعلم فيك لحد امتى ....


بس فقرى كالعاده ...ربنا يريح قلبك

:)


على فكره انا الوحيد اللى فهمت الكلمتين اللى فى الاخر ...مع انهم مايتكتبوش بالعربى انما مش مشكله ..
و احب ان اضيف انه زى مانتا عارف انه خلاص اى بى ام بى سى بقى لينوفو و فضل الماين فرايمز بس ...


ياله عشان يتوهوا اكتر

سلام ياجميل الاوصاف

emos يقول...

مش عيب عليك و انت كبير كدة و فى تانية ابتدائى تعمل حلجة زى كدة استغفر الله

انا قلت انك بتحب اللون النبيتى برضو بس مكسوف تقول متتكسفش عادى يعنى

امسسسسسسسسسسسسسك
حكاية حب لم تكتمل
عايزة اشوفها فى البوست اللى جاى ان شاء الله

أميرة البلطجية يقول...

يا فرحتك يا عبد الله

دانا كمان بعتالك تاج!
هههههههه
بس ايييييييييه في الجون
يعني انت جاي مصر قريب
طيب كده بقي نعمل نداء لكل عرايس المحروسة يروحوا يستنوك في المطار
وخد بالك..احنا عارفين شكلك
ههههههههههه
تيجي بالسلامة والتاج بتاعك زي العسل
ربنا يباركلك

غير معرف يقول...

zay el sokkar your answers masha Allah!

thanks for answering the tag :))

The Groom يقول...


Shermen

ايه يا بنتي؟ طيب وانا ليا يد يعني في العنجليزي ده؟
نعم يا عبدالفتاح؟

تحياتي لك :)
------

عوباد الورد حبيبي

حاضر يا مان

ليك عليا أول ماعمل تاج متمخمخ وبتاع أنت أول من سيقع فيه :)

لا ان شاء الله لن ننتحر الا في المعاد اللي ربنا كاتبه لينا

امين يا خويا يا رب

تحياتي لك
-----
نوني العزيزة

هاهاهها أيوة أنا مش تحفة بس على رأي بابا أنا متحف متكامل

أخر اجابة دي سيبك منها دي طلعت في لحظة تجلي أنا نفسي مش فاهمها أوي هاهاها

عيب بقا بوس ايه و بتاع ايه استري علينا

ده ماضي و انقشع

الله يكرمك و يخليكي يا رب

انت تستاهلي خير اكتر مني

تحياتي لك
-----

دكتورة تخاريف صاحبة أحلى خنقة في التاريخ

هاهاهاها ::))))))))))))))

أيوة يا ترى انت حتطلعي شبه مين لو حللتي نفسك؟ أكيد شبه حد خنيق نعرفه هاهاهاها

أنا نفسي طلعت شبه جيه اف كيه هاهاها

تحياتي لك :))))

--------
أنيما

ياعيني أنا فعلا مدرك ازاي في المغرب العربي كتابة الانجليزي تعتبر اعلان حرب

وانا كمان مش بحبه

أيوة انا بتكلم فرنساوي

جو بارليه فرانسيه كوم لبلب

:))

هاهاهاا و انا مش حبعتلك التاج
هاههاهاها

تحياتي لك و شكرا بجد
---------

اسراااااااااء

حمدلله على السلامة يا بنتي

أيوة ملك و لا كتابة؟
يا بنتي أنا طول عمري ملك

مسمعتيش عن الملك عبديللاه الإيللاه؟

:))

تحياتي لك
------
رافينديل مرة واحدة

مانت اللي دبستيني فاكراني حطلع صدام حسين زي واحد صاحبي

هاها أنا طلعت حته رئيس حليوة هاهاهاها

اه ضرب النار الحمدلله ربنا نجانا منه

أما بقا التاج ده انا حوريكي :(

هاهاها اذن من مين

أنا سي السيد هنا احم احم

حاضر حمشيها المرادي :)

لا الاخر ده امريكاني

تحياتي لك :)
-------

الحاج شاور حبيبي

نعمل ايه بقا يا حبي

ماحنا كنا عيال و بنتعلم واول تلطيشة جات أوت شوية هاهاها

امييييييييين يا رب و يريح قلبك انت و يكرمك يا رب

ايوة انا كمان مش فهمت الكلمتين في الاخر

انت مين يا؟

تحياتي لك يا اجمل مني :)))

-------

أستغفر الله العظيم و أتوب اليه

حاضر يا طانط ايموس مش حعمل كده تاني

انا اسف :)

هاهاها ولا حكاية حب ولا حاجة دي حكاية بوس لم تكتمل هاهاهاها

تحياتي لك
------
أميرة

تصدقي انك بلطجية بجد

هاهاهاها

تاج تاني؟ أنا كده حبقى ملك السلطانية هاهاها

الله يسلمك يا رب

اههاهاها يا رب ياختي كل العرايس يستنوني في المطار يعملو زفة

وانا حتجوز اوحش اربعة هاهاها

:))

تحياتي لك وشكرا على متابعتك ليا

:)--------

أبيتاف

هاههاا ربنا يكرمك يا رب انت اللي تاجك سكر هاهاها

على ايه بس دبسيني انت بس هاهاها

تحياتي لك :)

-------

تحياتي لكم جميعا من ماناساس البلد
:))

bastokka طهقانة يقول...

ربنا يخليلك مامتك

Esmeralda يقول...

كانت بوسه فى الوريد و لا ايه؟؟

خيخيخيخيخخخخخخخخخخخخخخ

هو انت من الناس اللى بيدوروا على الغم بمنكاش!!!!!
ايه ورد داه و فرحان كمان بيه

و بعدين كل الكابه ديه و عمرك ما تبريسد!!!!!!!!

اهلاوى؟؟؟؟

و الله كويس بس خللى بالك الاهلى اللى بيلبس احمر

اوعى تزعل يا معلم

;)

محض روح يقول...

هو انا كل ماجي القيك مدبس في تاج
هو في ايه؟
بس اجباتك حلوة
سؤال هو الايس كريم ماك امريكا يفرق عن هنا

تحياتي يافندم
من قاهرة المعز

The Groom يقول...


طهقااااااااااانة
ازيك يا بنتي و ازي طهقان؟

ربنا يخليكم لبعض يا رب و يهديكم و يصلح بالكم

امين يا رب على دعاءك اميييين

تحياتي لك و خطوة عزيزة جدا
-----

أزميرالدا العزيزة

هاههااهاها عيب عليكي انا مزعلشي منك أبدا وخصوصا لو كان السبب كمان تافه

أما بقا أنا بحب الأبيض صحيح بس أنا أهلاوي و مش بحبه على الزمالك هاهاها

متفرقشي كتير محدش واخد منها حاجة

تحياتي لك و متطوليش الغيبة
--------

محض رووح
شفتي بقا الناس بتدبسني في التاج

بينتقموا مني

عموما انا جالي التاج اللي انا مستنيه خلاص

اه الايسكريم بتاع ماك هنا احلى بس أغلى شوية من مصر

تحياتي لك من ماناساس البلد و متطوليش الغيبة

غير معرف يقول...

ي دراعها...........ههههههههههههه

الله يرحم جدك...

ذا مور ذا بيتر.....ربنا يرزقك يا اخويا...عشان تربط مراتك بلعيال ولا ايه..:)

yasmina يقول...

سلام
اجوبتك كلها جميلة ولطيفة
بس اكثر شي جذبني هو تاثير المدونة فيك فانا كمان زيك صرت احس ان في ناس لازم راعي شعورهم واتواصل معهم على طول وكلهم اخواني واخواتي فجوابك كان كثير حلو