السبت، 21 أبريل 2007

كتاب حياتي يا عين

بسم الله الرحمن الرحيم
رأيت نفسي والعهود وثيقة
أكتب بيدي واًصك الوثيقة
مكتوب عليها منذ بدأ الخليقة
مكان لي في الجنة العتيقة
أو معاذ الله في نار سحيقة
وان لي فيها أياما مريقة
كلها ريب ونهايتها الحقيقة
وان لي فيها دينا بالسليقة
لا حيد عنه ولا ترك للطريقة
وأن الليل لي فيه سكن
ويكون لي في النهار بريقه
وان الله هو حافظي
وان تاهت سفينتي في الغريقة
وانه لا رجاء من بشر
ولا طلب منه ولا عتيقة
وأنه لا خير في مال منون
ولا راحة فيه ولا طليقة
وانه لربي يوما مرد
عدن منه أرجو
ورحمة وسعت خليقه

هناك 17 تعليقًا:

Esmeralda يقول...

مع انى مليش فى الشعر خالص
بس الجزء الاول عجبنى

ان شاء الله الجنه و يا رب سفننا كلها متغرقش

وانه لا رجاء من بشر
اذا سألت فاسأل الله , صدق الرسول عليه الصلاه و السلام

ربنا يحفظك

emos يقول...

gamed geddaaaaaaaaaaaaaaaaaaaaaaaaaaaaaan
walahi to7fa
2a7la she3r 2areto le7ad now
ma3 2e7tramy lelba2y
bs 7elw walahi
manarfeztenesh wala 7aga
ya rab ne7'osh el ganna kolena yaaaaaaaaaaaaa rab

Just a Reader يقول...

ده مش شعر ده إبداع ما شاء الله
جميل أن يدرك الإنسان بداية ونهاية الرحلة ويحدد معالمها ويضع إطار لنفسه يتحرك فيه وأن يسئل ربه الجنه والرحمة دائما.
ولكني أشعر أنك تنظر للدنيا بنظرة حزينة (سفينه تتوه - لا رجاء من بشر- لا خير في مال - لا راحة)
هون على نفسك فبالرغم من صحة ما تقوله إلا أننا خلقنا لإعمار الأرض وتوصيل الرساله ومهما يعترينا من مشاكل فعند الله منها المخرج.
رزقك الله سعادة الدارين إن شاء الله.

Noony يقول...

ما شاء الله لا قوة إلا بالله
شاعر كمان

مع إني كان ليا تعليق بسيط على بعض الكلمات "المفتكسة"...بس خلاص...بجد انت تحفة

عايزة أقولك حاجة...يقول الله عز وجل
" قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"
صدق الله العظيم
(سورة الزمر: آية 53)

ربنا يجمعنا يا رب في الفردوس الأعلى يا رب العالمين
وعشان نستحق الجنة ...لازم نعيش الحياة ونستحمل ونصبر ونتعايش ونتعلم وناخدها كلها على بعضها

إن شاء الله خير

أختك
نوني

Rivendell** يقول...

ونعم بالله


حلو اوي

ربنا يهدينا كلنا يارب


وان الله هو حافظي
وان تاهت سفينتي في الغريقة
وانه لا رجاء من بشر
ولا طلب منه ولا عتيقة


بس خلاص انا مش عندي كلام اقوله بعد كدا

esraa يقول...

ربنا يكرمك ياعبدالله, ويارب يوفقك وتوصل لكل اللي انت عايزه, ويكون مكانك في جنة الفردوس واحنا معاك طبعا ان شاء الله.

dondn يقول...

حلو اوى اوى كمان مع انى مش بفهم في الشعر بس هنا اللى كتبته انت مختلف خالص بيتفهم لانه بيتحس بيه عجبنى اوى(وان الله هو حافظى)يااارب يحفظك في غربتك
ويحفظنا كلنا

عارف يا عبدالله نفسى بجد يجى اليوم واقرا لك فيه بوست يكون مزاجك حلو ومبسوط وفرحان ههههه شايف 3 كلمات لنفس المعنى قريبا ان شالله ربنا يفرحنا جميعا

gohayna يقول...

اول مره اعرف انك ليك في الشعر كمان


بجد جميل يا عبد الله
وحسستني بالقرب من ربنا في كلماتك

ربنا يحفظك في غربتك ويرجعك بالسلامه

تحياتي

أميرة البلطجية يقول...

انت اللي مألف ده؟
بسم الله ما شاء الله
بطمن عليك وبقولك دعتلك امبارح وبفكرك متنساش التقرا بعد صلاة العشا ان شاء الله
:)
يله سلام

تخاريف يقول...

رائئئعه يا جروووم فعلا

ماشاء الله يا بنى..
:)

وان الله هو حافظي
وان تاهت سفينتي في الغريقة

جميله اوى الجمله دى...
:)

ربنا كن حافظا لنا..وكن معنا..ولا تكن علينا..

ربنا يكرمك يا جرووووم

سلمت يداك فعلا
بجد انشكحت اوى لما قريته

shermen يقول...

المعنى حلو أوي بس خد بالك من الأوزان والأخطاء النحوية
تحياتي

محض روح يقول...

حوار هادئ مع النفس
احيك عليه
على الرغم ان فيه كلام حسه اني مش مستوعباه

بس فى المجمل روح جديد اول مره اشوفها عندك

تحياتي يافندم

TAMTAM يقول...

خير خير بأذن الله

ربنا يفك ضيقتك ياجروم

بس انت شيل لحن الشجن اللي يخلي الواحد يعيط ده وشيل الورد الاسود اللي حطه قدام عنيك وبأذن الله الحياة ترجع جميلة

ربنا يحفظك ويحفظ المؤمنين اجمعين

The Groom يقول...


ازميرالدا العزيزة

الحمدلله انه عجبك لانه عجبني انا كمان

امين يا رب

ويحفظك و يخليكي يا رب

تحياتي لك
-------

ايموس العزيزة

ايوة الحمدلله انا كمان مبسوط منه

الحمدلله لك يا رب

بس يا بكاشة اكيد قريتي احسن منه في حياتك و بطلي بكش :))

امين يا رب

تحياتي لك
----------

Just A Reader

ابداع مين بس دانا غلبان يا جاست

بس ربنا يكرمك و يخليك ويحفظك يا رب

بسانا دايما تعليقك

امين يا رب على دعائك الجميل و تحياتي لك
--------

نونييييييييي

ازيك يا بنتي؟

ولا شاعر و لا حاجة انا بس شاعر بالحزن شوية هاهاها

يا بنتي انا افتكس زي مانا عايز مفيش حد شريكي

امين يا رب

دعاءك حلو و الاية احلى

تحياتي لك :)
----------

رافيندييييل الأسطى

ازيك يا معلم؟

فعلا ولا رجاء من بشر ولا عتيقة
وأن الله هو حافظي

صحيح

تحياتي لك
:))
----------
اسراء

امين يا رب وبجد جزاك الله خيرا على الدعوة التظبيط دي

امين يا رب

تحياتي لك و شكرا لخطوتك العزيزة
----------

دودندون

ازيك يا سيدتي فينك من زماااااان؟

ان شاء الله يا دوندون الايام الحلوة جاية ان شاء الله

دعواتك لينا بس :))

تحياتي لك
---------
جوهاينا

خطوة عزيزة بجد

شكرا لك وجزاك الله خيرا

طمنينا عليكي و على اخبارك؟

وان شاء الله تنبسطي في السفر يا رب وترتاحي

امين يا رب

قرب من الله لا ادعيه يا بنتي ..... لا ادعيه

تحياتي الحارة لك
-------

أميرة اللي مش بلطجية خالص

اه انا اللي مألفه للأسف

ما شاء الله عليكي انت ربنا يكرمك يا رب وانا كمان دعيلتك والملائكة بتدعو لك الان

ان شاء الله

تحياتي لك :))
--------
دكتورة تحخاريييف

الله يكرمك يا رب
:))))))))))))

:))))))))))))

امين يا رب

ويا رب يديم عليكي الانشكاح و الانبساط دايما يا رب

:))))))))))))
:))))))))))))

تحياتي لك
-----------

شيرمين العزيزة

خطوة عزيزة ربنا يخليكي يا رب

هاهاها حاضر المرة الجاية يا بنتي انا بكلم نفسي مش حقعد احاسب في الاوزان و بتاع و انا بكلم نفسي

تحياتي لك
------------

محض روح

تحياتي الخالصة لك و زورونا تجدوا ما يسركم

تحياتي لك
------------

طماااااااااطم

حمدالله على السلامة يا بنتي

وحشتينا كلنا والله

ربنا يرزقك يا رب

امييييين يا رب

اللحن ده فقط تعبير عن خواء روحي

اما الوردة فهي قمة في الجمال

احيكي واتمنى لك اوقاتا سعيدة

تحياتي الحارة لك
وحمدالله على السلامة

:))

--------

تحياتي لكم جميعا من ماناساس البلد يا اخواني
:))

yasmina يقول...

ربنا يهديك ويهدينا جميعا
وينولك مرادك باذنه تعالى وجميع المسلمين

ما روت لك اقاصيص الشموع انها تشع لتنير دروب الغير
فاصنع لنفسك مثالا وهاجا ولتفح نفسك بعبير الزهر

غير معرف يقول...

Allaaaaaaah!!!


Rabena yekremak ya rab

May God, All Mighty, enlighten your path to the right way insha Allah


masha Allah..those last two posts are dazzling indeed!! :)) masha Allah

touch wood!


fein el be7'ooor :D

The Groom يقول...


ياسمينا

جزاك الله كل خير ووفقك لما يحب و يرضى

تحياتي لك
-----------

أبيتاف

بعض ما عندكم يا فندم

تحياتي لك و ربنا يكرمك و يخليكي يا رب

:))

تحياتي لكم من ماناساس البلد