الاثنين، 23 أبريل 2007

هل؟

حرك جفنه كالعائد إلى الحياة من جديد
لم يدرك ما حوله في أول الأمر - لأنه ببساطة لم يستطع أن يفتح ذلك الجفن
أحس أن عليه هموم ومشاكل الدنيا كلها وأنه لأول مرة في حياته - يرفض الانصياع لأوامره، حاول بشدة و بعد نصف دقيقة من المحاولة
استطاع فتح الجفن الأخر - الأن هو يغمض عيناه و يفتحمها ويستطيع تحريك جفنيه بسهولة - حمد الله في سره
حاول كالعادة أن يحرك يده اليمنى لكي يحك بها أنفه
لكنها لم تتحرك - لأول مرة هي الأخرى في حياته تعصي أمره - كم أحب تلك اليد وكم كرهها
لكنه في كل الأحوال الأن ضعيف لا يقوى على اجبارها على الحركة - ظل يحاول ويحاول ويحاول
مرت خمس دقائق أخرى حتى استطاع تحريكها ورفعها
ولكنها هوت مرة أخرى الى جانبه - يكفيه هذا الان - أحس بغصة في قلبه ماذا حدث لي؟ أوصل بي الحال أن يكون أقصى ما أتمنى أن أحرك يدي مرة أخرى؟ صحيح؟ ما هذا؟ أين أنا؟
لم يكن قد استعاد قدرته على الابصار بعد - كلما فتح عينيه وجد ظلاما دامسا
لكن الاضاءة تزداد في كل مرة - وجد الأمر مسليا - فبدأ يفتح عينيه و يغمضهما على فترات منتظمة
أدرك أنه في ظلام دامس فعلا وأنه لم يكن يتخيل - لكن الظلام يتخلله بعض النور الخافت
ترى هل تعمل أذناي؟ همس في نفسه - أدرك أنه الآن يستطيع تحريك فمه أيضا، طبعا لم يقو على أن يستجمع نفسه و يطلق أي صوت
اكتفى بأن يهدأ قليلا بعد كل هذا المجهود - ولأول مرة أيضا أدرك انه يستطيع سماع صوت تنفسه المكتوم
اذن أذنه الان تعمل - حمد ربه كثيرا و غفت عيناه قليلا و ترك انفعالاته تهدأ
انتبه على صوت ارتطام معدني
انه صوت مألوف - ميزته أذنه بسرعة - انه صوت ارتطام تلك القطعة المعدنية المعقوفة في طرف لوحة البيانات الخاصة بالحالة في الاطار المعدني لسريره المعدني الكريه
فتح عينيه فجأة - لازالت تلك الاضاءة الخافتة موجودة - لكنه استطاع أن يرى ملامح انسانية لأول مرة تحيط به
ترى من هذا؟ انها ممرضة نعم ذلك الزي المألوف - اذن ذلك الصوت كان صحيحا
حاول أن يرفع يده - لكنها استجابت بسرعة هذه المرة و رفعها لكنه لم يحتمل أن تظل مرفوعة كثيرا وهوت في لحظة سريعة على صدره
أحس بالألم - اصدمت يده بشيء شبه صلب مغروز في صدره أو قد يكون مغروزا في يده لم يستطع التمييز لبرهة
ترى ما هو؟ أيعقل أن يكون أنبوبا؟ هل وصل بي الحال لهذا؟
شاهد الممرضة وهي لا تعيره أي انتباه - تركته يهذي وانصرفت كأنما كانت تتوقع هذا
سمع صوت طقطة حذائها المطاط على الأرضية المرنة
أدرك أنه الان يتمتم و أن جسده استعاد بعض قواه الخائرة
بدأت معالم الغرفة في الاتضاح أمامه - استطاع أن يرى بوضوح ذلك المحلول عديم اللون المتصل بجسده عبر ذلك الأنبوب الرفيع
ذلك الأنبوب هو ما سبب له الألم لأنه مثبت في ذراعه
اتضحت معالم الصورة كاملة في نظره - استطاع التربيت بيده اليسرى على صدره في حنيين و شوق اشتاق اليهما منذ زمن طويل
اعتاد كلما أهمه شيء أن يواسي نفسه بنفسه و أن يربت عليها بيده عله يخفف بعضا من آلامه
أدهشه أنه لا يؤلمه شيء - كل ما هنالك أنه خائر القوى كأنه ضرب ضربا مبرحا لكن بدون آلام الضرب
ترك يده اليسرى فوق صدره
وأغمض عينيه و حاول أن يسترجع ما حدث له؟ ترى ماذا ألم به؟ وما هي تلك المستشفى
لقد دخل مستشفيات كثيرة من قبل عندما عمل في التوصيل واعتقد أنه يستطيع التمييز بينها لكنه لم يميز تلك المستشفى
اذن هي مكان قريب من عمله أو منزله - ليست تلك التي اعتاد عليها في تلك المدينة الأخرى
أرهقه التفكير فاكتفى بأن يريح جسده و عقله و يغفو قليلا - يكفيه مجهود العودة الى الحياة
--------
بعد مرور 7 ساعات
--------
يستطيع الآن المشي و التحرك والذهاب الى دورة المياه و العودة منها وحده - يبدو بصحة جيدة الحمدلله - صلى صلاتين ليس متأكدا ما فاته منهما لكنه على الأقل استعمل حدسه - فور أن يستعيد أغراضه الخاصة من الأمانات سيقوم بالاتصال بمن يسأله عن مواعيد الصلاة
بدا له سؤالا سخيفا فقرر ألا يتصل بأحد - تفقد هاتفه المحمول وكما توقع - لم يتصل به أحد لمدة يومين
--------
شكر ذلك الطبيب كثيراُ
اتضح أنه أصيب باغماءة من سوء التغذية
كل هذا حدث لأنه نسي أن يأكل شيئا لمدة يومين - هل وصل حاله لهذه الدرجة من الضعف؟
لا حول ولا قوة الا بالله
دارت تلك الخواطر في رأسه - لملم أشياءه المبعثرة على سريره
أعطى بطاقة التأمين للمرضة فأخذت بياناتها باحتراف ثم تركته و مضت في حال سبيلها و بدون حتى أن تهنئه على العودة الى الحياة من جديد
أحيانا يكون الموت أبلغ معلم - تمنى لو مات في تلك اللحظة
--------
حدث جزأ بسيط من هذه القصة معي منذ بضعة أيام لكني والحمدلله لم أدخل المستشفى
اثبات حالة - اللهم لك الحمد

هناك 16 تعليقًا:

عبدالله يقول...

حمدلله علي السلامه يا مان الف سلامه عليك
ياعم انت مالكش حل غير تتجوز علشان تلاقي حد يفكرك ان في حاجه اسمها اكل
:)))

بس ايه الحياة السوداويه الي مقضيها دي ياعم عمال تتخيل نفسك كمان مش كفايه تعبان لا وفي مستشفي كمان و بتفكر احساسك ايه و انت بتفتح عينك صباح الكأبه بقي ياعم تلاقيك قعدت تعيط و انت عمال تتخيل نفسك في المنظر ده فكر في حاجه جميله شويه هتلاقي نفسك مشرقه من جوه مش لاقي حاجه حلوه تفكر فيها طيب اقولك علي حد تفكر فيه
:)
ولا بلاش
:pppp
حمدلله علي السلامه و عقبال ما الحاله تعدي ونعدي كلنا

تحياتي

Esmeralda يقول...

الف سلامه ليييييييييك
يعنى حاتستنى لما تدخل المستفشى يعنى؟؟؟؟؟؟

Esmeralda يقول...

يا عينى يا بنى

تلاقيه من القر بتاع البوست اللى فات

take care ya m3allem

:)

Anima يقول...

الظاهر انه أنا و انت في حكاية الأكل بنشترك

أنا كمان مرة حصلي كدة

روحت علشان أتبرع بالدم لاقوا انب ما نفعش سألتهم ليه قالي الطبيب عمرك ما حسيتي بإغماء
قلتله لأ قالي الضغط عند ضعيف كثير ازاي ما حسيتيش بحاجة زي كدة
و بعدين سألني عن مواعيد الأكل و الشغل
باشتغل من الصبح لليل و ما باكلش غير لما باروح البيت
يعني بافطر و باكل خفيف بالليل

نصيحة مني خذ بالك من صحتك
الليه يشفيك و يحميك يا رب

Noony يقول...

أنا قريت آخر سطرين وبعدين قريت من الأول..بص طبعاً بعد ما اتخضيت

لية الهلع دة يا بني؟...مع إنك الحمد لله موصلتش للحالة دي..بس لية تسيب نفسك لغاية لما تتعب من سوء التغذية!...انت بتعذب نفسك؟

لو سمحت خد بالك من نفسك...ومفيش حاجة في الدنيا دي كلها تستاهل انك تهمل في نفسك...ربنا هيحاسبك على صحتك...دي أمانة

على رأي عبد الله أنت محتاج تتجوز ضروري...واحدة تاخد بالها منك بس

بجد اتخضيت في الأول واستنيت شوية لغاية لما عرفت أجمع واكتب حاجة

خد بالك من نفسك
دة أمر وبعد كدة مش هيحصل لك كويس

ربنا يرضى عنك يا رب

نوني

Just a Reader يقول...

لا لا لا لا.....الكلام اللي بتقوله ده لا يجوز نهائي....أنت شاب في مقتبل العمر وبتفكر كويس ومينفعش توصل لحالة اليأس دي أو نسيان الأكل. كده الناس الكويسه هتنقرض واحنا مش ناقصين.
طيب واضح انك زهقان لوحدك بس فين ربناوالقرآن اللي يعرفهم ميعرفش وحده وبعدين حاول تكون صداقات وأن يبقى ليك نشاطات كده يومية غير الشغل والنت ...العب رياضه- امشي- اقرأ قرآن/كتاب- اخرج اتفرج على فيرجينا بس بلاش تروح عند الجامعة:) لازم الواحد يبقى له هدف ميسبش الحياه هي اللي تمشيه ولازم يفكر في ايه اللي هيسعده ويعمله.
وممكن تفكر في حل تاني بقي وتلم هدومك وترجع على مصر فورااا:) وتعيش مع اهلك واصحابك اللى انت مفتقدهم والبرايد طبعا إن شاء الله :) وبعدين شركات ال آي تي كتيره جدا هنا ولو عايز شركه أمريكاني ولا حاجه جوجل قربت تفتح في مصر فإن شاء الله تلاقي شغل بسهولة وبعدين لو حبيت ترجع فرجينيا تاني هتقدر إن شاء الله.
بس بجد متسيبش نفسك للعزلة كده ومتضيعش أحلى سنين عمرك وربنا يحفظك دايما إن شاء الله.
معلش طولت عليك

تخاريف يقول...

حد ينسي يا كل يابنى؟؟؟
:D

الف سلامه عليك ....

ان شاء الله ماتتكررش تانى يا اخى...
:)

Rivendell** يقول...

اوك حبة هلع عالمسا


الف سلامة عليك


القصة نقلة تانية خالص في اسلوبك , حاصل تطور جامد جدا يا فندم


بس تصدق


حبة هلع عالمسا


ربنا يزيح عنك امين يارب العالمين ويرزقك الخير من عنده

Bride Zone يقول...

بقولك ايه
انت عاوز تكمل دراستك ولا عاوز ترجع مصر؟؟
تعيدها كمان مرة حروح مكلمة مامتك تجي تشدك من شعرك عالبيت مباشرة! يا اما بقى تبقى واد حلو كده ومطيع وبتسمع الكلام وتاخد بالك من نفسك!

ده بقى اسمو اناذر اخير!

gohayna يقول...

الف سلامه عليك يا عبدالله

بس الي واخد عقلك يا عم ومنسيك الاكل

من غير هزار

واعتبرني بزعق


الي حصل دا تهريج

وبجد لازم تاخد بالك من نفسك
مش علشان خاطرك
لا علشان فيه ناس بتحبك اولهم اهلك

وصحابك

والعلم الي انت فيه كله

الف سلامه ليك يا سيدي
ومتخضناش عليك تاني

تحياتي

TAMTAM يقول...

مش قلتلك ربنا يفك ضيقتك من بوستين :D

هي باينة حالات الاكتئاب من اولها
اصلي خبرة:))

المهم دلوقتي تشيل الميوزك النكد دي وتحط الحياة بقى لونها بمبي للمغنية العالمية اللولبية الست سعاد حسني
وياريت بدل ماتشيل الورده السودة وتحط صورة عياط..حط بسمة طفل جميل

والله حتلاقي الحياة اتلونت

وانا مع بقيت الكومنت ..لازم تتجوز ياابني..الغربة صعبة

سلام من اسكندرية البلد :P

Shower-Mirror يقول...

و اضح انى سكتلك كتير

و دلعتكك عالاخر

انما انا شكلى هابتدى اقل ادبى
و اوريكوا الشغل اللى على اصله


تحب اقولك كلام مش لطيف :

فكر فى امك اللى بتفكر فيك ليل نهار .... و بعدين هاتلاقيك راجع مصر فى خشبه

و ده ليه عشان سعادتك دمك خفيف و نسيت تاكل


اتلم يا عبد الله و اتعدل لاحست هاتلاقينى عندك فة امريكا الويك اند الجاى و هاعرفك ازاى تنسى تاكل

و من غير سلامو عليكو

Shower-Mirror يقول...

شفتنى و انا متنرفز

اجنن مش كده

ربنا يحفظك يا حبيبى

The Groom يقول...


أولا أشكركم جميعا يا اخواني

الحمدلله ربنا كريم و سلم و بجد مفيش خطر لا تقلقوا و في النهاية "لن يصيبنا الا ما كتب الله لنا"

----
عوباد حبيب قلبي

صحيح والله نفسي في عروسة
ألاقي عندك؟
:P

أنا بس اتخيلت حتة المستشفى لكن الباقي حصل بالنص والحمدلله

ادعيلي يا عوباد

تحياتي لك و هات معاك عروسة ا لمرة الجاية
------

أزميرالدا العزيزة

الله يسلمك ويكرمك يا رب

لا مش مستني الحمدلله و ربنا ما يدخلنا مستشفيات يا رب

تحياتي لك و جزاك الله خيرا
-----

أزميرالدا تاني

يو تيك كير انت كمان اوف يورسيلف

تحياتي لك و شكرا بجد
-----
أنيما

الف سلامة عليكي يا رب

خدي بالك من نفسك

تحياتي لك :))
-----
نونيييييييييي

والله مش بعذب نفسي و لا حاجة

كل الحكاية اني فعلا نسيت في زحمة الشغل و أنا اساسا متعود من زمن طويل اكل مرة واحدة في اليوم

الحمدلله على كل حال

أنا فعلا محتاج أتجوز بس أخر حاجة حيكون عشان الأكل

تحياتي لك :)))))))

ربنا يكرمك يا رب
------
Just A Reader

أنا شاب لكن عمري مليون عام يا صديقتي

أنا لا في يأس الحمدلله ولا نسيان الأكل
أنا بس انشغلت و نسيت مرة بشكل عارض
الحمدلله على كل حال

وأهي قرصة ودان وتجربة مريرة

ربنا يكرم

دعواتك انت بس

مش عارف اذا كانت احلى سنين عمري ولا لا

ومطتولتيش ولا حاجة والله انا بزعل اساسا لما الكومينت بتاعك بيخلص

أما بقا على مصر ولا هنا فأنا مش ناوي أرجع غير بالدكتوراة ان شاء الله أو أهلك دونه

تحياتي لك و شكرا بجد لزيارتك ودعمك الدائم ليا

جزاك الله عني خيرا
:))

-------
دكتورة شيماء تخاريف العزيزة

اه شوفتي؟ انا بنسى

الله يسلمك يا رب

سلميلي على عومار كتير

تحياتي لك و اميييييين يا رب

جزاك الله خيرا
-------

رافينديل العزيزة

أنت لسه شفتي حاجة؟

تحياتي الحارة لك و تقبل الله منا ومنكم صالح الاعمال


ربنا يرحمك و يرحم المسلمين جميعا يا رب

الله يرحم جدة صاحبتك و يدخلها الجنة يا رب

تحياتي لك
-------

برايد زون ازيك يا قمر

أنا عاوز أكمل دراستي

حاضر من غير اناذر ولا انذارات حسمع الكلام

تحياتي لك
:)
--------

جوهاينا

مفيش حاجةو الله غير شوية شغل و تعب
وكمان انا باكل مرة في اليوم

الوحدة بتعمل اكتر من كده يا بنتي

تحياتي لك
ولا تنسيني في الدعاء

العالم اللي انا فيه نسيني

عموما ربنا يكرمك و كفايا عليا انتم

:))

جزاك الله خيرا
-------

طمطم حمدالله على السلامة يا بنتي

ربنا يكرمك و يخليكي يا رب

شكرا لك و عندك عروسة؟ :P

تحياتي لك من ماناساس البلد
-------

الحاج شاور

براحة عليا يا بابا انت مالك قافش كده ليه اذا انا نفسي مش زعلان

ماما مش بتفكر فيا ليل نهار ولا ماما التانية

عموما يا سيدي ولا يهمك ان شاء الله مش تتكرر تاني

وعموما يا ريت بجد أشوفك هنا في امريكا ولو كان ده التمن

ربنا يكرمك يا رب

وعليكم السلام ورحمة الله وبركاته
:P
---------

ربنا يحفظك انت و يكرمك يا حبي و اياك تتنرفز تاني عشان انا بخاف من الضلمة

تحياتي لك :)
---------

تحياتي لكم جميعا من ماناساس البلد
:))

yasmina يقول...

سلامتك يا عبد الله
والله ما تستاهل
خليك شاطر وكل اكلك
علشان اصدقاءك ينتظروك

أخت جرووم يقول...

إزيك يا عبدووووو؟؟

ليه كدة بس ؟؟؟ وبعدين لو الدنيا كلها نسيتك أنا لا يمكن أنساك بس انت مش واخد بالك

سلامتك يا أخويا يا حبيبي

ربنا يكرمك خد بالك من نفسك و كل أكل مفيد و على رأي بابا سيبك من
junk food