الاثنين، ٩ أبريل ٢٠٠٧

تابع حلم جميل - الجزأ الثاني

وروحت رايح ليهم ازيكم يا جماعة - اسراء صح؟ اه صح عرفتني ازاي؟ يبنتي من الازرق ودي حاجة تتوه؟ وبعدين صحيح تعالي هنا أنت كان لازم يعني تدبسيني في تاج أنا قولت لازم أبلغك احتجاجي الرسمي على ضم الأودس أصدي لما أشوفك - الله يسامحك :) يا سيدي وانت يعني كنت بقا مستني التاج من حد غيري؟؟
;) :P مش حقولك بقا انت لئيمة أوي
:( :P بس انت يا ازميرالدا براوة عليكي والله انك لاقيتي الاميرة المفقودة دي لاقيتيها فين؟ أهلا أهلا ازيك يا جروم توك واخد بالك يعني ان احنا هنا؟ لا انا زعلانة لا والله ماعاش اللي يزعلك انا قولت أبدأ من اليمين و انتم تاني ناس من اليمين تزعل دي بقا؟ طيب خلاص مش زعلانة
:)
بس انت أتاخرت ليه؟
معلشي أصل الواد أبوسمرة بقا أخرني أبو سمرة مين؟ متاخديش في بالك بس شوفتي أنا عرفتك عالطول ازاي اه صحيح ازاي يامعلم؟
ولا حاجة سهلة أوي أنا شايف البالونة الي فوق راسك و انت مش واخدة بالك منها أهو و سمير ناولني دبوس ظريف كده و روحت طاااااااااااااااااااااااخ مطرقعهالها :) أصلي شراني - بس ولو واااااااااااااااع وحتبدي تعيط روحت مطلع من جيبي بالونة تانية - ميرضينيش برضو الأذية يعني المهم طيب يا جماعة أديني سلمت و جاي تاني بس أشوف مين هناك دولا وسيبت أزميرالدا تحكي لاسراء على البوست اللي جاي ليها في سبق صحفي لا مثيل له وكمان يلملمو البالونة اللي فرقعت دي و اتنطورت كل الافكار الي فيها في الحتة وانا سيبتهم و كملت جولتي وتالت طربيزة دي بقا كانت في الركن المظلم قليلا ولاقيت فيها بنتين كده مستخبيين الغريب ان الاتنين كانو مش باينين اوي الركن بتاعهم كان معتمد على اضاءة الشمس و الزاوية بتاعتهم كانت ضيقة شوية فالشمس مش واصلة أوي عرفتهم عاطول - ازيك يا وردة يا سودا عاش من شافك جرووووووم ازيك يبني حمدالله على السلامة انت جيت امتى؟ أنا جيت من زمان يا ستي ازيك انت بقا يا ماسيتيك جيرل؟ طبعا راح عالطول الفلاش ضارب في وشي أنا عرفت الوردة السودا من الأسود و ميلها للأركان المظلمة حيث الهدوء و تأمل الآخرين و تحليل شخصياتهم بعمق كلام كبير طبعا - أما بقا ذي ماسيتيك جيرل فعرفتها من الكاميرا دي بتعشق التصوير لدرجة الجنون و روحت مغمض عيني شوية عشان اعادل الضغط ضغط مين يا جاهل قصدك الاضاءة - شكرا يابوسمرة :( وروحت مفتحها تاني اسفة يا جروم بس حبيت اخدلك صورة بسرعة قبل ماتهرب - يعني حاجة كده وانت على طبيعتك طيب ياختي :(
المهم انتم ازيكم عاملين ايه؟ والله انبسطت لما شوفتكم النهاردة ازيك يا وردة؟ بس ليه العزلة دي؟ ومين عرفك على مايستيك؟ أنا لقيتها لوحدها قولت اجي جنبيها اسليها يا جروم واهو اخدلها كام صورة الفيو بتاعها يجنن طيب يا ستي ربنا يعينك انا مش عارف الضلمة دي كلها بيطلع فيها الصور ازاي - اه نسيت الفلاش ابو شمس ده طيب اسيبكم و أكمل جولتي دخلنا بقا على نصف القاعة تماما القاعة دي مكانتش متوازنة بالظبط و كان في ناس تانية جاية كتير بس كان في اتنين على الجنب كده أول ماتعدي الطربيزة بتاعت وردة و مايستك تلاقيهم شخصيات هادية و متزنة و حوار كمبيوتري عربي عالي المستوى مصطلحات في الكمبيوتر مسمعتهاش من زمان مش ممكن دي عزة و أنيما أنيما عرفتها من صوتها و من تكة كده في لهجتها المصرية بس بتتكلم لبلب ما شاء الله أما بقا عزة من غزة عرفتها من لون لبسها الأخضر - دي طلعت بتحب الأخضر زيي برضو ليها تكة كده بس مختلفة في اللغة و دي أكدتلي انها هي أهلا أهلا نورتو مصر والله حمدلله على السلامة منورة بأصحابها يا جرووووم ازيك انت الحمدلله والله عال العال بجد طاير من الفرحة انكم زرتو مصر و شرفتونا بس صحيح انت يا عزة بتغطسي كتير ليه؟ ابقي لاغينا شوية على مدونتك متطوليش علينا وفين البوست بتاع الكاميرا المتنقلة؟ اجيبلك مايستيك تساعدك؟ الله يكرمك يا جروووم بس انت اصبر بس مشاغل المعيدين بقا و انت عارف ربنا يعينك يا رب - انت صحيح عدتي السنة امتى؟ :P وروحت عالطول قبل ماتضربني ملغوش ملغوش و مكلم أنيما ازيك انت بقا يا أمينا؟ اخبارك ايه؟ معلشي اعذريني شوية انيما شوية امينا بس الاتنين احلى من بعض يا بكـــــــــــــــااااااااش - انت تعرفي الكلمة دي كمان ما شاء الله اخبارك ايه؟ اوعي تسيبي عزة تغلبك في الحوار بتعكم ده انا بس بهدي النفوس وسيبتهم و جريت قبل ما يمسكو في خناقي و انضرب النهاردة وانا لابس بدلة و متشيك كده حتى يبقى شكلي وحش ويتفرق دمي بين قبائل العرب من البحر الاحمر للمحيط الاطلسي وجريت علطول ألحق الواد ابوسمرة أقوله يطلع برا يشوف ايه اللي بيحصل انا شايف ونش عمال يقلب عربيات و بتاع هاهاهاها الحق يا سمير قبل ما تجيب المرسيدس بتاعتكم من المرور شكلنا مش حنروح النهاردة بقا وفعلا لاقيته من غير ما يستناني طلع جري يشوف في ايه - هو راكن صح وفي السليم بس متعرفش ونش المرور بقا لما يتغاشم
وقولت في سر بالي بس أكيد في ناس تانية لسه مجاتش؟
آآآآآآآآآه تلاقيهم في ملحق القاعة التانية - أهم هناك
ألحق أروح أسلم من ورا الواد سمير بقا لحسن بينق عليا اني اعرف كل الناس دي
:)
ولاقيت على الركن في آخر القاعة دي اتنين حبايب أوي
----------
معاد الشغل بقا - المرة الجاية نكمل
:))

هناك ١٨ تعليقًا:

emos يقول...

انا ابتديت اشك لن انا هطلع فى البوست بتاع كابوس مفزع

فزوع كوبسة على رأى اللمبى

بس عايزة ابقى فى الجزء الاول منة يا ريت

ماشى يا جروم مااااااااااااااشى

Noony يقول...

ما شاء الله
:)
ربنا يخلي لنا أحلامك اللي مجمعانا دايماً


نوني في حالة اللا مبالاة
:D

Shower-Mirror يقول...

اكيد يا ايموس انتى فى الحلم .. هاتكونى ماسكه فى خناق حد بره و الناس قاعده تحوش ...

ماتبص كويس يا سى جروم انت ....


انت متأكد يابنى انها بدله نبيتى ...

ربنا يهدك ...


يا جماعه متصدقهوش ده تاكسيدو اسود معتبر من عند جيورجيو ارمانى .. بس هو اللى مش بيفهم ...


منك لله ...بوظت الشياكه

yasmina يقول...

حلو كثير
افكارك غريبة ومشوقة

emos يقول...

البدلة نبيتى يا شاور انا شوفتاها بعينى

ميجراش حاجة لما تلبس بدلة نبيتى مش عيب

بكرة هتنزل موضة متزعلش

Esmeralda يقول...

الرد على الطريقه الازميرالديه

و انا قاعده فى امان الله لقيته اسم النبى حارسه و صاينه هالل عليا قمت اسلم لقيته راح حاود يمين
طبعا معجبنيش الحركه و قلبت وشى

بس جه و طيب خاطرى و قالى تيمنوا يا ازميرالدا

كسفنى كعادته

طيب اوى جروم داه يا سلاااااااااام

فى الوقت ده بالونه اتفتحت و سرحت شويه و
بووووووم

ليه كده يا جروووووم؟؟

عاااااااااا

يا حرام الجدع كان حيتسرع راح مطلع واحد تانيه بسرعه قبل ما تبقى فضيحه

بس طبعا مش كل البالونات زى بالونات ازميرالدا

مرضيتش اكسفه و اخدتها
و راح ماشى يسلم على باقى الناس


حلوه و جديده يا معلم

:)

غير معرف يقول...

ana mabsoot wlahy :D :D :D :D
ana mstany el goz2 el tany ya bashaa
wlahy eslobak raheeb w 3ayzen a7lam kter welnaby :D

Anima يقول...

احنا يابني مش حنشتغل النهاردة؟؟؟

أولا : هما كل أصحابك عندهم مرسيديس يعني ما فيش أنواع ثانية للعربيات عندكم ههههههه

ثانيا: ده كومبيوتر ياض الله يخرب الكومبيوتر على اللي اخترعه عينيا بتحرقني من كثر الشغل عليه

ثالثا: أنا بتكلم مصري لأنه في أصدقاء مصريين الله يكثر خيره إدوني دروس في المصرية

فصة سعيدة يا عزة

و إنت يا واد يا جرووم لو قلتلي طنط دي ثاني مرة حاحرمك من الميراث
انت عارف أنا باتكلم على ايه وشك يقطع الخميرة من البيت هههههههه

عبدالله يقول...

ازيك يا مان
فكره جديده طحن و اسلوب روش هجد نفسي مظطر لاول مره اتابع كلام علي اجزاء
:)
علي العموم لسه قاعد مستنيك تحت الشمسيه ابقي ابعتلي سمير ارغي معاه لحد ما ترجع
نسيت اقولك البدله مكنتش سوداء واضح ان الالوان عندكوا امريكا اتغيرت

تحياتي

ياسمين يقول...

أنا بصراحة قربت اصدق ان دة حصل فعلا من وصفك للتفاصيل .. شوية هافتكر انك جاى اللقاء الشهر
بوست ظريف مووووت بس مش يبقى لطيف برضه لو حطيت الاسماء على هيئة لينكات عشان تعمل دعاية لزمايلك المدونين

تخاريف يقول...

الفكرة جامده جدا يا جروم...
بجد تحفه..
:)

قعدت اتخيل فعلا وانت رايح تسلم ع الناس.......حلو اوى...
:)

The Groom يقول...


ايموس

متخافيش انت مش حتطلعي في كابوس مفزع

بس حاسس انك مرعبة

ربنا يستر

تصبحي على خير

تحياتي لك
----

نوني اللامبالية

ان شاء الله ربنا يفرجها عليكي يا رب ادعي انت بس و سيبك منهم

ربنا يكرمك و يفرج همك و كربك يا رب

تحياتي وانظري لنصف الكوب الملآن
----

شاور حبيب قلبي

هي توكسيدو بس نبيتي برضو
حتى اسأل ايموس

ولا ايه يا ايموس؟

تحياتي يا حبي
----

ياسمينا

أهلا بك و بعرب فلسطين كلها

الله يكرمك و يفك أسركم يا رب و يوسع عليكم ويفرجها

ادعي انت بس

شكرا لزيارتك التي اعتز بيها وياريت تكرريها كتير

تحياتي
----

ايموس تاني

شوفت يا حج شاور؟ قولتش أنا حاجة من عندي؟

تحياتي يا ايموس ويا شاور تاني
----

أزميرالدا

مش ممكن

والله لو مفيهاش غير كومينتك على البوست ده لكفاني

شكرا لك بجد

تحياتي
----

ارتعاشة حبيب قلبي

تحياتي الحارة لك و أشواقي كمان

يا وايت هوني انت
----

أنيما

مرسيدس ماركة فيات 128 افهميها بقا هاهاها

ثانيا الله لا يخرب الكمبيوتر غير لما اشوفلي شغلانة تانية

ثالثا لك الفخر انك تتحدثين المصرية و لها الفخر هي ايضا

تحياتي ليكي يا طانط

حاضر يا ماما حبعت اجيب خميرة تاني
----

عبدالله حبيبي

شكرا جزيلا لك

سمير جايلك متخافشي
----

ياسمين

معاكي حق أنا كسلت بس وآسف جدا

حاضر يا ستي علم و ينفذ

تحياتي لك وشكرا بجد لمتابعتك ليا

ربنا يهدي بالك و يريحك يا رب
----

دكتورة تخاريف

بلاش تحفة دي هاهاها دي ماركة مسجلة لماما

بس ولو
مقبولة منك

الله يحلي ايامك يا رب يا مبتسمة دايما

شكرا لك
----

تحياتي من ماناساس البلد ليكم يا جماعة

في واحد كان عمل كومينت هنا اسمه عمرو و اتمسح بالغلط

بس في تعليق بسيط عليك يا عمرو

انا اسف اني مسحت كومينتك بالغلط بس كنت انت عامل بتاع يجي 10 كومينت كلهم نفس الكلام كوبي بيست

وكمان روحت عند مدون زميل و رميتله كلمتين مالهومشي لازمة سد خانة بس

يا سيدي لو عايز تعلن عن مدونتك قولي اسمها و انا اسيحلك في كل مكان من عينيا بس بلاش الاسلوب التعبان بتاع سد الخانة ده

ربنا يكرمك يا رب

تحياتي من ماناساس البلد

emos يقول...

يا شاور النبيتى شييك برضو
دة حتى جروم عندة واحدة زياها

اية يا جروم الاغنية دى؟

انت مفتقد ايام الطفولة و لا اية

gohayna يقول...

يالهوي كل دي بوستات فاتتني
بقولك انا هعمل كوبايه شاي وادخل تاني اقرء بمزاج واعلق علي كل واحد براحتي


انتظرني تاني


سلام مؤقتا

يعقــوب يقول...

ايه البيحصل ده ؟؟ كل دول لقيتهم فين ياعم انت؟؟ ومين و فين المكان الهيلم الناس ده..ده معظمها ناس متعلم هليهم يابني..... وسلمي على شارع النزه و والدفاع الجوي

ماسة الحب يقول...

ايه ده يابني خيالك واسع اوي ماشاء الله تحس بيهم وانت رايح تسلم

غير معرف يقول...

البدلة نبيتي

انا اشهد معاكم

:))))))))

عـلا - من غـزة يقول...



ازيك يا جروم عامل ايه


اوعى تفتكر اني عشان ما بعلقش كتير اني مش متابعاك :) بس هي فعلا مشاغل المعيدين يا عم زي ما قلت بالزبط

;)


بس في حاجة كدة

انا اسمي علا مش عزة

:)

صحيح انو اسم حلو !! يا سلام لو اسمي عزة كنت سميت مدونتي عزة من غزة هههههه

بس انا اسمي علا

شكرا على الحلم كمان مرة وفعلا سعيدة جدا انك افتكرتني وسط الناس الحلوين دول كلهم

تحياتي