الخميس، ٣ مايو ٢٠٠٧

تجربة 2

بسم الله الرحمن الرحيم التراك بقا المرة دي حلو وظريف تحس كأنه بيقولك صبح صبح يا عم الحاج و صباح الخير :))) نتابع بقا دلوقتي الشباب الولاد كاتبين ايه بقا ردا على الحلوين بتوع المرة الي فاتت -------- واحد بيقول انه مدخن و بيشرب كل شيئ وعايز يعرف بنت محترمة - بتشرب كل شيء برضو؟ طيب المشاريب على حسابي واحد عايزها مسيحية او مسلمة - عندي ليك يهودية لقطة؟ تبدل؟ واحد كاتب كده بالنص هو الاب كما هو حال معظم الاسر الكادحة ولم يكتب لهده الاسرة ان تبقتى مجتمعة وشاءت الظروف ان يطلق الاب الام لكي يدهب كل واحد الى حال سبيله دون التفكير في الانعكاسات السلبية على الابناء الدين وجدوا انفسهم في مفتر ق الطرق مما دفعهم الى مغادرة الدراسة في سنى مبكر لو لوج عالم يطفح بالتناقضات ولا يقوى عليه الا الدهماء والاقوياء هكدا اختار عمر الابن البكر في هده الاسرة الاعتماد على جهده العضلي لاعالة اخوانه وامه وتمكن بفضل توفره على دبلوم اصلاح الا لات لتي تستعمل في شق الطرق من الالتحاق بشركة وعمل بها لمدة عشر سنوات بدون وثائق وفي النهاية وجد نفسه في الشارع مهضوم الحقوق وبدون تعويضات ليبدا حياته من جديد من حيث بدا وعاد في نهاية الطاق الى مسقط راسه يجر ديول الخيبة والامل واختلطت عليه الامور بحيث لم يعرف من اين يبدا واين ينتهي وبعد تفكير قليل ارتاى مزاولة بعض الحرف الطفيلية التى فرزها الواقع المزري وهكدا عمل في البدا ية كحمال يسوق عربة يدوية يقتات من الدراهم المعدودة التى يربحها بعرق جبينه والتى لا تكفيه حتى لسد الرمق وما بالك بالحد الادنى من العيش الكريم الدي يتوق اليه كل المحرومين في هدا الوطن يا بيه مكتب الشئون الاجتماعية و المساعدات الانسانية مش هنا - الشارع التاني واحد حاطط رقم تليفون جواله و مستني مفاجأة بيقول على التليفون - حاضر حخلي أمنا الغولة تتصل بيك واحد عايز امرأة تقدر معنى جواز المسيار - تدفع كام انت كمان؟ واحد عايز بنت لا تميل للنكد - كان غيرك أشطر واحد سوري عايزها ليبية بالتحديد - بقولك ما تتصل بيها وتخلص وبلاها نادية خد سوسو؟ واحد عايز جميلة جدا و جريئة جدا - حدد حاجة واحدة بس يا طماع واحد مش مهم العمر حتى لو تكبره بسنوات عديدة - طول الله عمرك يا مان واحد عايز طبيبة للزواج او للتعارف - مشيها زواج يا مان تعارف يبقى انت جبته لنفسك بقا واحد شعره كستنائي اهو - وكل ده من غير جواز يا عيني؟ واحد يحب مراسلة البنات - شكلك كده بتحب الكستنائي يا خلبوص واحد عايزها مدرسة في الخليج - طمعان في المرتب يا حليوة؟ واحد عايزها خليجية و مستعدة تكفله - طفشان يا عيني الراجل واحد تاني عايزها مسيار - تدفع كام؟ واحد شاب بيقول انه مخلص و معقول - لا لا مش معقول واحد عايزها تقدر الحياة الزوجية و مسلمة المذهب - مممم يعني اليهودية مش مالية عينك؟ دانا حديك تخفيض يا مان واحد من هوايته سماع الاغاني الامريكية - خلاص على بركة الله لاقينالك عريس يا سونيا واحد عايزها شعرها اسود - ينصر دينك يا مان لان الكستنائيات شافو نفسهم اوي بعد البوست اللي فات ياعيني واحد رياضي تماما لسه صغير عايز ست اكبر منه في العمر وتمتلك شقة - لا تعليق فكرتني يا حليوة لما الشيخ محمود بيقولي جايبلك عروسة لقطة عندها شفة و جاهزة بقوله كام سنة يا شيخ بيقول 48 قولتله دي ضعف عمري يا شيخ انا ستي الله يرحمها اصغر منها يا راجل واحد عايزها ممرضة - انت عيان يا كابتن؟ واحد عايزها خليجية او كندية او استرالية عاملة - طيب وانت بتعرف ترضع العيال و تغسل الصحون؟ واحد عايزها كريمة و شديدة - انت مين يا؟ واحد كاتب عايزها شقراءالشعر عيناها خضروان بيضاء ورشيقة القوام طويلة نوعا ما ولديها امكانيات - هات السيف يا زرياب واحد عايزها مدخنة - أخضر ولا ازرق يا مان؟ واحد كاتب مداح نفسه كذاب وانا طويل وحلو واسمراني شوية و بحب البنات - لا تعليق واحد كاتب أي بنت ما عنده مانع - جبنالك عريس تاني اهو يا سونيا نقي انت بقا واحد يبحث عن امرأة تقبل الزواج المؤقت - مممم كام يوم يعني يا مان؟ الزباين كتير واللي اوله شرط اخره ضرب واحد عايزها مش خاينة - من اولها يا حبيبي؟ واحد كتب عايزها لا تزيد عن 18 سنة وبعدين غير رأيه وخلاها 19 - طيب نفاصل كمان شوية؟ يللا خلينا نخلص من سونيا هي مش كبيرة اوي يا حبيبي كلها 100 سنة بس واحد عنده 20 سنة وكاتب ان لون شعره شايب - ينفعك كستنائي يا مان؟ واحد كاتب كمان فصيلة دمه - لحسن حد يقوله معندكشي دم واحد كستنائي اهو وعايزها مقيمة في اوروبا - ايوة يا عااااام واحد بيقول خريج طب وعايز ماجستير ودكتوراه واهله قادرين بس عايز يعتمد على نفسه و ان هي تصرف عليه ويسددها اول ما يخلص دراسة - صحيح الزواج شركة مساهمة رأسماليه واحد عايزها فقيرة تعينه على دراسة الماجستير - أهدي ليك أغنية ميسور الحال لكاظم الساهر واحد بيجيب من الاخر عايزها غنية وتستطيع توفير عمل له في بلدها - سونيا دي تمام و حتجندك في الموساد يا حبيبي ها اكلمها؟ واحد كاتب: انا sportman,apply religion اريدها Apply religion لا تعليق واحد عايزها بنت أفقر رجل في العالم - سونيا مقطوعة من سجرة يا مان - أكلمها؟

------

ما رأيكم دام فضلكم؟ ولسه ليستة عاهات الرجال فيها كتير اوي بس انا زهقت تحياتي لكم من ماناساس البلد

هناك ١٦ تعليقًا:

Noony يقول...

ههههههههههههههههههههههه
دة انت عايز تخلص من سونيا بأي طريقة

أنامفهمتش مين اللي مشرد مين في المقالة اللي كاتبها أونكل اللي عايز يتجوز دة...هو عايز اية بالضبط؟
وأغلبهم عايزين زواج مسيار أو واحدة تدفع عليهم..هي دي الرجالة ولا بلاش صحيح
واالي عيان (قطع قلبي بجد) واللي عايزها بشعر كستنائي..ليهم سوق أهو
هههههههههههههههه
بس آخر اتنين متواضعين شوية

يا خبر...اللي يعيش يا ما يشوف
ربنا يستر على عبيده

أنا هكتفي بالضحك من الفرسة مش من الفرح

مين سونيا دي؟
ههههه

نوني

Esmeralda يقول...

اديك قلت عاهااااااااااات

صبرنااااا يا رااااااااب

Sa7bet Nouny يقول...

مش قلتلك مشيها صالونات... على الأقل العينة دي مش هتجرؤ تدخل صالونات

Anima يقول...

و الله في الأول كنت باقول مين سونيا دي

بس في الآخر فهمت انها سونيا جراهام

يا حليلي يا حليلي نقي يا سونيا و سيبيلي بليز أدهم صبري

طيب ياض يا جرووم ألاقيش عندك واحد شبه كاظم الساهر؟ كاظم ده عسل

يا بني ايه العاهات المستديمة اللي انت جايبها دي؟

emos يقول...

el regala tafawako 3ala el setat sara7a
matawaka3tesh menhom keda 7\ales

meen 3ammo elly bey7eb el banat dah?
w elly 3ayez sha3raha 2eswed dah mesh hyla2y 3arosa keda kolhom kestena2y

so2al ba2a?
ya3ny eh mesyar ddeh?

أميرة البلطجية يقول...

لا لا لا..العينة دي متنفعنيش
شوفلى حبة تانيين انأي منهم
بلا نيلااااااااااااااااااااا

تخاريف يقول...

هههههههههههه

لا افظع واحد اللى بيشرب كل حاجه ده
:D
..
تحفه يا جرووم

بس ابقى قولنا على اسم الموقع ده...
يمكن تزنق ونحتاجله...

:D

yasmina يقول...

ما هذا
انا اموت ولا اتزوج واحد زي دول
هو في واحد طبيعي يعرض نفسه للزواج بهذه الطرق
ارحمنا يا رب

بس كمان يضحكوا من هبلهم

تحياتي لك في ماناساس البلد

اشتغالة يقول...

هاهاهاها

طب ما حددوش في المواصفات عايزينها موبينيل ولا فودافون ؟
كارت ولا خط ؟
عالم فاضيةصحيح


و على رأي أميرة .. بلا نيللااااا !!

shermen يقول...

لا والأسخم يا جروووم
دايما بقرأ ف الإعلانات دي جملتين أغرب من بعض
يريدها مطلقة أو أرملة عقيم
ايه الناس اللي معندهاش دم دي
ربنا يشفي

BinO يقول...

جامد جداً
:)

غير معرف يقول...

loooooooool

those are hilarious indeed!!

and your comments masha Allah..made me laugh A LOT!!

:)

عبدالله يقول...

بوستين حلوين الاتنين دول
بس بجد كل صحابي في امريكا و كندا و اوربا مضايقن جدا من سياتات البتاع ده بيقولوا كل روادها عاهات
:)
الواضح كده انها مواقع عاهات
وانت يا بني تحرق دمك في الحاجات دي عاوز تتجوز كنت كلمت سونيا من بدري و خلاص
:)

تحياتي

The Groom يقول...


نونييييييي

شفيت العاهات؟ عشان بس البنات يعرفو اني لقطة

:))

هاهاها

متعرفيش سونيا؟ ملكيش حق والله اسألي عليها أزميرالدا وشاور

تحياتي لك من ماناساس البلد
--------

أزميرالدا

اه والله عاهات

اميييييين يا رب

تحياتي لك
--------

صاحبة نوني

صالونات تاني؟

انا نفسي مش من العينة دي و مش حجروء برضو ادخل صالونات

تعالي نتخانق

تحياتي لك
--------

أنيما

هاهاها مجنونة أدهم هنا؟

صحيح يا سونيا انت خسرانة لو نافستي أنيما على أدهم

خسرانة خسرانة خسرانة

هاهاها

أكلملك كاظم؟

تحياتي لك
--------

ايموس النرفوزة

معاكي حق والله غلبوا عاهات البنات

بس انا معرفشي للأمانة يعني ايه مسيار اللي يعرف يقول

تحياتي لك
--------

أميرة البلطجية

عندي ادهم صبري و كاظم؟

بس أنت يا أميرة عنك مملكة بحالها نقي منها

تحياتي لك :))
---------

تخارييييف

هاهاها لا ربنا ما يكتب عليكي عاهة من دولا يا بنتي

ربنا يكرمك يا رب

:))

تحياتي
---------

ياسمينا

طبعا الموت أهون بس بعد عمر طويل يا ستي ان شاء الله في طاعة الله

تحياتي لك في بلادنا
---------

اشتغالة الظريفة اللطيفة

ماهي دي الاشتغالة بس صحيح انت نظامك ايه؟ اتصالات ولا لسه قديمة؟

تحياتي لك
--------

شيرمييييين

صحيح والله مفيش دم خالص

ربنا يصلح الحال

ازيك انت المهم؟

تحياتي لك
-----------

بينو باشا

خطوة عزيزة يا مان

ربنا يكرمك يا رب

تحياتي لك
--------

ابيتاف

الله يكرمك يا رب

تحياتي لك
--------

عوباد حبيبي

انت فين يا مان من زمان

طمني عليك بس و طظ في الكومينتات

ربنا يكرمك يا رب

يبني سونيا دي مش التيب بتاعي أنا عايز واحدة ملهاش في المخابرات قطة بس مغمضة يعني

تحياتي لك من ماناساس البلد

شيرين يقول...

يابني انا خايفة عليك صدقني انت لسه في عز شبابك .. هتلاقي نفسك متعور بعدين خد بالك وانت داخل مدونتك لحسن اي واحدة تديك مقلب حرامية وتقع على الديسك توب وتلاكي كل البوستات بتعتك اتبعترت .. وساعتها مفيش واحدة هترضى تتجوزك وهتعنس .. هههههههههه

تحياتي

The Groom يقول...


شيرين انا مقلق منك انت شرانية اوي :(

تحياتي لك