الجمعة، 4 مايو 2007

من وحي الجوع

بحبك يا مراتي يا أعظم ست و ست الكل
بحبك من قلبي حب رومانسي وزي الفل
بحبك علشان الحب دا أحلى من الباشاميل
بحبك لانه احلى من الكفتة والكــــاراميل
بحبك رغم اني شكلي بحبك بيبقى دهـل
بحبك يا سمكتي يا احلى من المكاريــل
بحبك أكتر من نفسي في معاد الأكـــل
بحبك لان الجوع خلاني من غير شكل
.....
.....
بحبك :)))
عالماشي يعني

هناك 32 تعليقًا:

Noony يقول...

ههههههههههههههههههههههههههههه
كل دة حب؟
يا خبر
ههههههههههههههههههههههههههههه
انت كل بوست بيثبت لي أكتر انك فعلاً تحفة
أنا مش عارفة أقولك أية
انا فطسانة من كتر الضحك

حبة جد بقى....يعني يا مفتري بتقارن مراتك - إن شاء الله ربنا يرزقك قريب - بالأكل؟

بحبك أكتر من نفسي في معاد الأكـــل

قمة الإيثار
ههههههههههههه

يابني اللي مش يعرفك ممكن يفتكر انك بتتغزل في مراتك على الملأ كدة

بس يا ترى الرومانسية دي من وحي الجوع بس ولا لما تتجوز الموضوع ممكن يتغير!؟

ربنا يكرمك يا رب
:)

نوني

Rosa يقول...

ياعيني يا عبد الله
هو الموضوع بقا صعب اوي كدا؟؟
حاول ماتعرضش نفسك للجوع تاني احسن الحالة تتفاقم ومايحصلش طيب انا حذرتك اهو
وقد اعذر من جنزر
بصراحة بوست لذيذ ويتاكل اكل و ملحه مظبوط تمام و رغم انك حضرته عالماشي الا انه سواه طلع مظبوط وكتير مهضوم :D
تحياتي :)

ياسمين يقول...

أظن ان الهدف هو الأكل والجوع
صحيح .. الطريق الى قلب الرجل معدته

شكرا على تهنئة جنى بعيد ميلادها
هأحجزلك واحدة منهم
:)

Bride Zone يقول...

يا جماعة محتاجين عروسة حالا بالا اصل الواد بدا يتجنن!

Rivendell** يقول...

يا لهو بالي يا اما

لا مش ممكن

انا هاموت من الضحك

وبعدين لامؤاخذة يعني دا حب مصلحة مش محسوب


يا لهوي

ووصلت كمان للفار السندق فوق سطح الفندق
ههههههههههههه
انا بموت فيها على فكرة

ربنا يعينك وهنيك يارب

بس انا احوليت انت قلبت حال البلوج كدا ليه ؟

اشتغالة يقول...

قالوا الجوع ياما يعمل و آديه عمل
قالوا الجعان يفلق الحجر لكن صاحبنا ما عمل
صاحبنا راح كتب كلام و قصيدة و شعر و زجل
شعر ظريف و لطيف و كله سكر و عسل
يعمل ايه صاحبنا ؟ ماهو هيموت م الوحدة و الملل
مشتاق للمحمر و المشمر و الصواني و طبخ الحلل
ما تجوزوه يا اخواننا. ولا أكلوه .. يمكن الأكل فيه الأمل
قبل ما يجراله حاجة .. و الجوع يعمل اكتر من اللي عمل


....

ماحدش يعرف هي أبلة نظيرة بتاعت كتب الطبخ متجوزة ولا لأ ؟؟

هههههههههه

باكل سيمون فيميه .. تاخد حتة ؟؟
:D
:D
:D

تخاريف يقول...

هههههههه

بحبك أكتر من نفسي في معاد الأكـــل
هههههههه

بجد فظيعه..
:D

لا وانتقاءك لللكلمات رائع الصراحه..
:D
مابين كفته و دهل.
..
:D
نام خفيف احسن يا جروووم

:D
بس جامده والله

yasmina يقول...

بوست رائع يا عبد الله
خفيف بس طعمه حلو
انت تتجوز طباخة اذا

بس خلي بالك لا تكون دبة وتحب الاكل كثير
ههههههه
سؤال بعد الاكل حتحبها ولا خلاص؟؟؟؟؟

Shower-Mirror يقول...

ماهو انت مش متجوز

و مشعارف ايه اللى ممكن يحصل لو قلت لمراتك الشعر ده


هههههههههههههههه

لا بس بجد حلوه ...ضحكتنى ياواد


خلاص طبعا انت بقيت مشهور و مش فاضى تسأل عليا

يعقــــوب .... يقول...

هههه ايه يا عم انت بتحب مارونج لاسيه؟؟

انت زعلان ليه يا باشا ؟؟؟ اديني جيت اصالحك اهه...مع ان المسافة كبيرة قوي

Esmeralda يقول...

ماسخاراااااااااااااااااااااااااه

خيخيخيخيخيخيخخخخخخ

غير معرف يقول...

looooooooooooooooooooooooooooooooooooooooooooooooooooooooooooooooooooooooooooooooooooooooool


NO COMMENT!!

LOOOOOOOOOOOOOL



MEN just wanna marry a CHEF not a women!!

ew3o te7sebo el gawaz ra7a ya banaaaaaaaaaaaaaaaaaat

:P

LOL!

شيرين يقول...

ايه الحب التيك اوي ده .. والنبي لما ربنا ينفخ في صورتي كده واتجوز .. وجوزي يدخل يقولي الكلام المحشي بشاميل ده .. مش عارفة هعمل ايه فيه بصراحة.. ان شاء الله مش هتتجوز في سنتك لو فضلت كده .. بس بجد بقي مش هزار حلوة .. تحياتي

emos يقول...

wade7 ennak bet7eb meratak masla7a
taba3an maheyya el 3\albana elly hate3melak el akl

7aseb bs takolha w enta mesh wa7'ed balak wala 7aga

Anima يقول...

الجوع ده بيعمل عمايل

يا بختها

أنيما جعانة

حياة الروح يقول...

اه يا عبدالله صحيح شر البلية ما يضحك
انت كاتب الكلام ده علشان تضحكنا ....صح
الله يكون فى عونك .........نفسى اكتبلك حاجه غير اى حد كتب
مش لاقيه حاجه ااقولها
طيب انت اتعشيت بعد الكلام ده ولا نمت جعان عارف يا عبدالله انت جعان اكل وانا جعانه امان واطمئنان وغيرنا جعان كسوه لانه عريان وغيرنا محتاج دروه من البرد محتاج ضل وحيطان
ااااااااه يابنى وجعت قلبى وحاسه بيك فى غربتك
لانى احيانا اشعر بيها جو بيتىعندما ابحث عن رفيق الطريق واجده بعيدا بعيداعبر الزمن ولكنه قريبا قريبا جوه القلب
ربنا معاك ويريح قلبك وتلاقى نصفك التانى
وساعتها يا عم لا هاتاكل ولاهتنام ولا اى حاجه ......غير انك هتشبع حبْ فى حب
وتنسى الناس كلهم
بس احنا مسمحينك من دلوقتى
قوم حضر حاجه حلوة بقى

Just a Reader يقول...

بحبك أكتر من نفسي في معاد الأكـــل.... متأكد:)؟؟ بعد كل الكلام ده ...انا حاسه إن ربنا يستر عليها لو قربت من طبقك أصلا :)
باشاميل وكفته وكارميل ...بوست يجوع صحيح ...هروح اعملك اوردر حالا لماناساس البلد بس ربنا يستر على دراع اللي جنبك :))
ربنا يرزقك بزوجه صالحة ...بس تخيل بقى لو مبتعرفش تطبخ:)

حسام مراد يقول...

ليه كده يا عم كل ده حب
وميعاد الاكل كمن ازاى
انت اكيد بتكذب ههههههههههههههه
والبشاميل كمان وقلق
اوعى بقه تأكل حته من المدونه

أميرة البلطجية يقول...

طب قوم اعملك ساندوتش وله حاجة ع الماشى..كده مش حلو على عقلك الباطن
ههههه

BaTresYa يقول...

للأسف أحب اقول لك زمن الاكل انتهى ودلوقتي صعب تلاقي حد بيطبخ زي اكل والدتك مثلا ..عندي شويه فول تاكل ؟؟

BaTresYa يقول...

اه حلو اوي الفار السندق :$

عبدالله يقول...

كمان الفار السندق وصل عندك
:)
ايه يا ابني الجوع بيعمل كل ده فيك ماتسيبش نفسك كده
جوعتني حرام عليك
:))))
انت بتحب علي الماشي و لا علي السفره
:)))

تحياتي

sendbad يقول...

حلو الكلام حلوة النية والمعني في بطن الشاعر ابقي خلي بالك من بطنك

TAMTAM يقول...

صدق من قال "الجوع كافر"




والطريق الى قلب الرجل معدته
:))))
بس المشكلة انها حتبقى لفة رأس الرجاء الصالح
:)))))


واضح ان اكل منساس البلد تاعبك اوي

The Groom يقول...



نونيييييي

ربنا يبسطك دايما يا رب ويسعدك

الحمدلله ان البوست عجبك هاهاها

لا الرومانسية دي حتزيد بعد الجواز عشان الباشاميل و الكفتة وبتاع

انت ايه رايك؟

تحياتي لك
----------

روزا

انا على فكرة كنت شبعان الحمدلله ولسه واكل وكان الاكل كاتم على نفسي فقولت لو انا اتجوزت كانت مراتي خدت بالها مني بدل الرمرمة هاهاها

تحياتي لك وشكرا بجد لمتابعتك
---------

ياسمين

هاهاها لا مش صحيح والله مش صحيح هاهاهاها دي اشاعات مغرضة بتاعت المعدة دي

عموما تحياتي لك و كل عام و انت وجنا بخير وصحة و سلامة
--------

برايد زون

شفتي بقا الوحدة و الجوع بيعملوا ايه

ربنا يكرمك يا رب الحقيني فعلا بعروسة لان عقلي حيخف قريب

تحياتي لك
--------

رافينديل

ازيك بحا؟

ربنا يسعدك يا رب

تحياتي لك
--------

اشتغالة

يا سيدي على الشعر يا سيدي

انا حسيبه زي ماهو

قالوا الجوع ياما يعمل و آديه عمل
قالوا الجعان يفلق الحجر لكن صاحبنا ما عمل
صاحبنا راح كتب كلام و قصيدة و شعر و زجل
شعر ظريف و لطيف و كله سكر و عسل
يعمل ايه صاحبنا ؟ ماهو هيموت م الوحدة و الملل
مشتاق للمحمر و المشمر و الصواني و طبخ الحلل
ما تجوزوه يا اخواننا. ولا أكلوه .. يمكن الأكل فيه الأمل
قبل ما يجراله حاجة .. و الجوع يعمل اكتر من اللي عمل

سيمون فيميه؟ بتحنسيني؟ تاكلي تشيز كيك؟

ربنا يكرمك يا رب

تحياتي لك
-----------

دكتورة تخاريف اهلا اهلا

انام خفيف؟ انا كنت لسه ساعتها ضارب اتخنها غدا ب 10 دولار

انت بتتكلمي ازاي؟

اتفضلي معانا

تحياتي لك
---------

ياسمينا

انا حفضل احبها طول ما هي بتطبخ هاهاهها يا بنتي بس هيا تيجي وانا حريحها خالص

تحياتي لك
ومستني الكتاب
--------

شاور حبيبي الله يكرمك يا حبي

انا بس قولت انت تلاقي المدام دلوقتي مغرقاك في المشمر و قاطعة رجلك عن المدونات الحريمي ;)

تحياتي ليك يا حبي و عمري ما أنغل عنك يا حبيبي

-----------

يعقوب حبيبي

انا يا مان زعلان منك انت و الفانتي عشان منفضين لينا وكمان بطلتم كتابة

وانا يشرفني زيارتك و حجيلك مخصوص لما ترجع تكتب

تحياتي لك
-----------

ازميرالدا

اتفضلي يا صديقتي

تحياتي لك
-----------

ابيتاف

ربنا يسعدك دايما

هاهاها انا مش من المين دولا والله انا غلبان و بعدين انا بعرف اطبخ هاهاهاها

شكلي طفشت العرايس

تحياتي لك
----------

خطوة عزيزة يا شيرين

قريبا حتلاقيني عامل هيصة في مدونتك ان شاء الله حضيفها على الريدر

الله يكرمك يا رب

تحياتي و خطوة عزيزة بجد
--------

ايموس النرفوزة

هاهاهها ايوة مصلحة طعمها لذيذ

هاهاها مش للدرجة دي انا حاكل العيال :P

تحياتي لك
---------

صحيح والله يا أنيما

قوليلهم

أنيما جعانة؟ طيب حشوفلك طباخ ماهر

تحياتي لك
----------

حياة الروح

أهلا أهلا بجيراننا الاعزاء

على فكرة انا لما كتبت البوست كنت شبعان ولسه ضاربها تمام الحمدلله

لا نمت متعشي الحمدلله بعديها

سلامة قلبك يا امي و ربنا يكرمك يا رب

لا والله ما يهون علينا نزعلك بس انت فرفشي انا كويس الحمدلله متخافيش عليا بعرف اقلي بيض بس انا كسلان

لاانا عمري ما حنسى الناس بسبب مراتي

صحيح هي حتبقى كل حياتي بس في حتة صغيرة قوي حتفضل مهتمية بالناس و تسأل عليهم

تحياتي لك من ماناساس البلد :)))

والف مبروك لبنتك
----------

Just A Reader

اهاهاها ايوة الا طبقي

عاااااااا

لو مش بتعرف تطبخ حاكلها يبقى احسنلها تتعلم هاهاهاها

الله يكرمك يا رب

تحياتي لك
-----------

حسام مراد

خطوة عزيزة يا فندم

مدونتك انضافت يا فندم

تحياتي لك و شكرا لتشريفك لنا

-----------

أميرة البلطجية

ههاهاهاها عقلي الباطن جعان اوي صحيح بس انا كاتب البوست و انا شبعان لا تقلقي

تحياتي لك
-----------

باتريسيا

هاهاهها كفاية الفول والباقي نحلم بيه لسه الاماني ممكنة هاهاها

ربنا يكرمك يا رب

شكرا لتشريفك ليا وتحياتي لك
--------

باتريسيا تاني؟

تحياتي لك عجبك الفار؟

--------

عوباد الورد حبيبي

شوفت بقا احنا في ماناساس البلد نعرف كل حاجة و متابعين ومخابراتنا شغالة تمام

هاهاها انا بحب على الماشي والسفرة كمان

تحياتي لك
----------

سندباد

الله يكرمك يا رب و شكرا لتشريفك ليا

حااااااضر

تحياتي لك
---------

كومينت لوحده الجاي مخصوص لطماطم

تحياتي لكم من ماناساس البلد
----
:))

The Groom يقول...


اههاهاهاهاها يا طماطم

والله انت ظريفة هاهاهاها

لفة رأس الرجاء حرام عليكي دانا طيب اوي وبعرف اطبخ كمان والله

صحيح والله أكل ماناساس مش زي اكلنا في مصر والله حاجة تعبانة اوي

بس برضو مضطرين لحد ما نرجع مصر و ناكل و نلغ


:))))

تحياتي لك من ماناساس البلد

:))

TAMTAM يقول...

تحياتي لك من اسكندرية البلد

shermen يقول...

ده شكله كان جعان أوي
وهيه كانت سايبه البيت وزعلانه منه

فأبدع لنا الشعر ده

أنا جوعت

تحياتي

shermen يقول...

ده شكله كان جعان أوي
وهيه كانت سايبه البيت وزعلانه منه

فأبدع لنا الشعر ده

أنا جوعت

تحياتي

The Groom يقول...


شيرمين

هاهاهاها صحيح على رايك بس انا للاسف كنت شبعان ساعتها مش جعان

بس هو من وحي الجوع:))

تحياتي لك من ماناساس البلد

قلوب حائرة يقول...

معلش عمالين يتريقوا على حبك اصلهم ناس عمرهم مداقوا الحب بالكاتشب والمايونيز جهلة بقى

The Groom يقول...


قلوب حائرة

خطوة عزيزة

قوليلهم لحسن مش عاجبهم

تحياتي لك وشكرا لزيارتك ليا