الأربعاء، 9 مايو 2007

استبحس يهرش في المنكوش

ابيتاف وأنيما ودايما نونيييييي ايموس وروزا الرحمة نرفزتونييي جاست و لوست ...وأميرة زارونيي ازميرا وجيجي وشيرين ضربونييي عوبد ورعشة وشاور نفضولييييي شيرمين وطماطم وياسمينا بهدلونييي قصاقيص ورافينديل جم فرفشونيييي طهقانة وباتريسيا وتخاريف باعونييييي تا لا ماريا وسانتوس لاوندي بيلاغونييي برايد زون ما شاء الله دمرتونييييي وابن ناصر انت مين ياض؟ فضحتونييي دندن وياسمين و وردة سودا نسيونييي احمد سلامة وخولة فين ما تعبرونييييي وانت يا اشتغالة حرام ليه تشتغلونيييي لكن دكتور سي حبيبي أنقذونييييي وفي عنبر المساكين في المستشفى رمونيييي تعالو يا ناس شقروا عليا وزورونيييييي - أي كلام - مع عدم الاعتذار لمن نسيت أسماءهم لأني ببساطة زهايميرك تمام وكمان اللي مش بيوريني وشه مش حيتفكره فص الذاكرة في مخي العبيط :)) تحياتي لكم من ماناساس البلد

------------- توضيح هام جدا

صلاة الحاجة
رويت " صلاة الحاجة " في أربعة أحاديث : اثنان منهما موضوعان ، والصلاة في أحدهما اثنتا عشرة ركعة ، وفي الآخر ركعتان ، والثالث ضعيف جدّاً ، والرابع ضعيف ، والصلاة فيهما ركعتان .
أما الأول : فهو الذي جاء في السؤال وهو من حديث ابن مسعود رضي الله عنه عن النبي صلى الله عليه وسلم أنه قال : ( اثنتا عشرة ركعة تصليهن من ليل أو نهار وتتشهد بين كل ركعتين ، فإذا تشهدت من آخر صلاتك فأثنِ على الله ، وصلِّ على النبي صلى الله عليه وسلم ، واقرأ وأنت ساجد فاتحة الكتاب سبع مرات ، وقل : لا إله إلا الله وحده لا شريك له ، له الملك وله الحمد وهو على كل شيء قدير عشر مرات ، ثم قل : اللهم إني أسألك بمعاقد العز من عرشك ومنتهى الرحمة من كتابك واسمك الأعظم وجدك الأعلى وكلماتك التامة ، ثم سل حاجتك ثم ارفع رأسك ، ثم سلِّم يميناً وشمالاً ولا تعلموها السفهاء فإنهم يدعون بها فيستجاب لهم ) . رواه ابن الجوزي في " الموضوعات " ( 2 / 63 ) من طريق عامر بن خداش عن عمرو بن هارون البلخي . ونقل ابن الجوزي تكذيب عمرو البلخي عن ابن معين ، وقال : وقد صح النهي عن القراءة في السجود .
انظر : " الموضوعات " ( 2 / 63 ) و " ترتيب الموضوعات " للذهبي ( ص 167 ) .
وفي الدعاء بـ " معاقد العز من عرش الله " خلاف بين العلماء ، على حسب المقصود من هذا اللفظ الذي لم يرد في الشرع ، وقد منع الدعاء به بعض أهل العلم ، ومنهم الإمام أبو حنيفة ؛ لأنه من التوسل البدعي ، وأجازه آخرون لاعتقادهم أنه توسل بصفة من صفات الله عز وجل لا أنه يجوز عندهم التوسل بالمخلوقين .
وأما الحديث الثاني الوارد في صلاة الحاجة فهو : عن ابن عباس رضي الله عنهما قال : قال رسول الله صلى الله عليه وسلم : ( جاءني جبريل عليه السلام بدعوات فقال : إذا نزل بك أمر من أمر دنياك فقدمهن ثم سل حاجتك : يا بديع السموات والأرض ، يا ذا الجلال والإكرام ، يا صريخ المستصرخين ، يا غياث المستغيثين ، يا كاشف السوء ، يا أرحم الراحمين ، يا مجيب دعوة المضطرين ، يا إله العالمين ، بك أنزل حاجتي وأنت أعلم بها فاقضها ) . رواه الأصبهاني – كما في " الترغيب والترهيب " ( 1 / 275 ) - ، وذكر الشيخ الألباني – رحمه الله – في " ضعيف الترغيب " ( 419 ) و " السلسلة الضعيفة " ( 5298 ) أنه موضوع .
وأما الحديث الثالث : فهو : عن عبد الله بن أبي أوفى قال : قال رسول الله صلى الله عليه وسلم : " من كانت له إلى الله حاجة أو إلى أحد من بني آدم فليتوضأ فليحسن الوضوء ثم ليصل ركعتين ثم ليثن على الله وليصل على النبي صلى الله عليه وسلم ، ثم ليقل : لا إله إلا الله الحليم الكريم ، سبحان الله رب العرش العظيم ، الحمد لله رب العالمين ، أسألك موجبات رحمتك ، وعزائم مغفرتك ، والغنيمة من كل بر ، والسلامة من كل إثم ، لا تدع لي ذنبا إلا غفرته ، ولا هما إلا فرجته ، ولا حاجة هي لك رضا إلا قضيتها يا أرحم الراحمين ) . رواه الترمذي ( 479 ) وابن ماجه ( 1384 ) . قال الترمذي : هذا حديث غريب ، وفي إسناده مقال . وذكر الألباني رحمه الله في " ضعيف الترغيب " ( 416 ) وقال : حديث ضعيف جدّاً .
وأما الحديث الرابع فهو : عن أنس رضي الله عنه أن النبي صلى الله عليه وسلم قال : ( يا علي ، ألا أعلمك دعاء إذا أصابك غم أو هم تدعو به ربك فيستجاب لك بإذن الله ، ويفرج عنك ؟ توضأ وصل ركعتين واحمد الله وأثن عليه ، وصل على نبيك ، واستغفر لنفسك وللمؤمنين والمؤمنات ، ثم قل : اللهم أنت تحكم بين عبادك فيما كانوا فيه يختلفون ، لا إله إلا الله العلي العظيم ، لا إله إلا الله الحليم الكريم ، سبحان الله رب السموات السبع ورب العرش العظيم ، الحمد لله رب العالمين ، اللهم كاشف الغم ، مفرج الهم ، مجيب دعوة المضطرين إذا دعوك ، رحمن الدنيا والآخرة ورحيمهما ، فارحمني في حاجتي هذه بقضائها ونجاحها رحمة تغنيني بها عن رحمة من سواك ) . رواه الأصبهاني – كما في " الترغيب والترهيب " ( 1 / 275 ) وضعفه الألباني رحمه الله في " ضعيف الترغيب " ( 417 ) وقال : إسناده مظلم ، فيه من لا يُعرف ، وانظر " السلسلة الضعيفة "( 5287 ) .
والخلاصة : أنه لم يصح في هذه الصلاة حديث ، فلا يشرع للمسلم أن يصليها ، ويكفيه ما ورد في السنة الصحيحة من صلوات وأدعية وأذكار ثابتة . المصدر: موقع الاسلام سؤال وجواب http://www.islam-qa.com/index.php?ref=70295&ln=ara&txt=صلاة%20الحاجة

هناك 20 تعليقًا:

Anima يقول...

ده صوت؟

جبته منين الصوت ده، خفت يا مامي


لو أنا عايزة حاجة من ربنا، أي واحدة من اللي قلت دول أعملها، و كمان ايه هي أثن عليه؟ أصلي ما بفهمش عربي كويس

yasmina يقول...

هههههههههه
انا ضحكت من كل قلبي
ايه دة يا ابني انت عليك دماغ محصلتش
انت منين بتجيب الافكار والكلام انا مش عارفة

وبعدين صوتك غريب انت باين في المستشفى بجد قربت تموت ولا لسه؟!!!

خلينا نعرف اخبارك قبل ما يحصلك حاجة وبعدين تتهمنا وتقول احنا السبب

يلا تعيش وتتبهدل
سلام

Rivendell** يقول...

ههههههههههههههههههههه

عسللللللللللل يا عبد الله


بس اقولك


الفراغ يعمل اكتر من كدا

ههههههه

اول مرة اقرا الكلام بتاع صلاة الحاجة دا

لكن يعني هو وقته .. مش راكب مع الفن اللي انت فنه قبليه

هههههههههههههههههههه

يا عيني عالفراغ

بس انا اسمي

ريفنديل .. مش رايفنديل .. مافيش الف

الوردة السوداء يقول...

هو انا مش عارفة مالك
ده بالنسبة للاغنية يعنى

بس عارف لو كنت نسيتنى

كنت ههرمكك
المهم
يارب تكون بخير
وبجد ولله ولله
دعتلك

باى
من مانساس البلد
وش بيطلع لسانه

عـلا - من غـزة يقول...




على ما يبدو ,,, هذا هو نص الهزيمة الكبرى

هاهاهااااااي


بس ييجي منك يا عوبد

سلامتك الف سلامة

شدة وتزول :p




emos يقول...

gameeeeeed geddan

walahi to7fa

bs ana manarfeztesh 7ad
enta elly betnarfezny

ya sater ya sater

shermen يقول...

انا بهدلتك
لكن مش مشكله
حلوه الفكرة
بتعبر عن رأيك في كل الناس
لكن بالنسبة لصلاة الحاجه
الحديث الأول
12 ركعه متصلين؟
ولا منفصلين

Rosa يقول...

بجد انت جااااااامد يا عبد الله
تحفه بجد الي انت كاتبه دا
طب هوا انا بس عملت ايه عشان انرفزك ,حقك عليا طيب لو كنت نرفزتك بس ماتعملش في نفسك كدا
بس بجد الكلام تحفه تحفه
بتجيب افكار جانده قوي
مرسي بجد
واه مرسي على موضوع صلاة الحاجة دي انادايما بصليها بس بس ماكنتش اعرف انها مش صحيحة
جزاك الله خيرا عنا بجد
تحياتي :)

Just a Reader يقول...

:):)
آه …جروم يرفع الراية البيضاء… ودي آخرة اللي يلعب مع الأسد :)
إنما الاعتراف بالصوت ده اختراع :)).... جزاك الله خيرا عن موضوع صلاة الحاجة
ربنا يكرمك وبيارك فيك

Noony يقول...

المواهب الدفينة كلها بتطلع واحدة واحدة
ربنا يستر من اللي هيطلع علينا بعد كدة
هههههههههههههههههههه
لاوالله..حلوة بجد
تسلم إيدك

جزاك الله خيراً على صلاة الحاجة
وجايب التخريج كمان...جميل جداً

انت عارف رأيي فيك صح؟

سلام أيها التحفة
:)

نوني

غير معرف يقول...

السلام عليكم عششان بس لما اتخانق ما حدش يلوم عليا
طيب شلت التعليق بتاع صلاة الحاجة من غير ما تقول حتى شكرا ليه ...انا مش عايز شكر بس تقول اى حاجة ....
وبعدين معلش يعنى اعذر جهلى ...هو مش ربنا قال ادعونى استجب لكم ...ربنا ما قالش باى صيغة ندعى ...المهم الواحد يدعى بقلبه
..انا زعلاااااااااااان جدا جدا جدا الدعاء كان حلو ...مش لازم يا سيدى الواحد يصلى صلاة الحاجة زى ما بعتها ..بس كفاية انه يدعى الدعاء
:(
...انت حر طبعا فى مدونتك
بس انا عامل مدونة برضه وبسيب التعليقات زى ماهى ما بغيرهاش
الله يسامحك ...ومش هقول انا مين علشان انا مش جاى اعمل دعاية للمدونة بتاعتى سلام عليكم

غير معرف يقول...

:)

LOL! EH Dah ya 3am

tab law el modeer beta3ak kan 2afshak ba2a :D


Rabena yektar mn as7abak ya seedy masha Allah!!


w Shukran 3ala el tazkera bi salat el 7aga :)

أميرة البلطجية يقول...

فعلا جزاك الله كل خير ع المعلومة
انت ازيك..عامل ايه..بقالي كتير لا مكلمتكش
اتمني تكون الامور بتتظبط معاك
وانا بدعيلك كمان
وتكون لسه بتدعيلي
:)

شيرين يقول...

طب خلاص خلاص معلش .. قوم نفض هدومك .. ولم البوستات بتاعتك اللي اتبعترت على الدسك توب دي مش قلت خد بالك يابني .... ان كيدهن عظيم

بس حلوة بجد افكارك دي اما نشوف بقي البوست اللي جاية في ايه تاني

تحياتي

ياسمين يقول...

نسيتك؟ .. ليه بس بتقول كدة
طب دة انت والله دايما على البال
:))
حلوة قوى المعلومات عن صلاة قضاء الحاجة
اشكرك عليها

The Groom يقول...



أنيما

اه صوت شفتي لله في خلقه شئون
واسف لاخافتك انا كان قصدي ارعبك بس
:P

لو عايزة حاجة من ربنا اطلبيها في دعاء مباشر في كل سجود ونافلة
الاحاديث دي ضعيفة ولا يصح فعلها وانا اوردتها للتنبيه

ولا يهمك اسالينا دايما واحنا نجاوبك

أثنى عليه يعني مدحه و قال فيه كلاما جميلا
والثناء على الله يعني شكره و تسبيحه و مدحه بما هو أهل له كقولنا عزوجل

تحياتي لك

--------

ياسمينا

أضحك الله سنك دائما

ولا انا اعرف انا بجيبها منين بتيجي لوحدها وخلاص
:P

اه انا في المستشفى اللي اسمها الشغل

يا رب اعيش ومتبهدلشي يا رب

تحياتي لك و خطوة عزيزة
---------

رافينديل

عاجبني اسمك كده و حيفضل كده
:P

مش فراغ والله الموضوع مخدشي مني 5 دقايق الصبح

تحياتي لك
---------

وردتي السوداء

ماليش يا ستي حاجة بس طقت في دماغي كتبتها

يعني ايه حتهرمكيني؟ دي حاجة حلوة؟

الله يكرمك يا رب

وانا كمان بدعيلك

تحياتي لك من غير لسان
---------

علا

ياااااه اخيرا عبرتونا

اه شفتي الهزيمة طعمها حلو
هاهاهاها

الله يكرمك يا رب

مش تطولي الغيبة

تحياتي لك
-----------

ايموس النرفوزة

الحمدلله انه عجبك و متنرفزتيش

:))

تحياتي لك
-----------

شيرمين

اهو شفتي مبهدلاني ازاي؟ اشهدوا يا ناس
:p

معرفشي والله الركعات منفصلة و لا متصلة لأنها احاديث ضعيفة

تحياتي لك
-----------

روزا

القافية حكمت لكن انت والله ما نرزفتيني خالص

ربنا يكرمك يا رب

تحياتي لك
--------

Just A Reader

هاهااههاها يعني بتعترفي ان المرأة أسد شرير كمان؟

هاهاها سجلو يا عالم الاعترافات

:P

ربنا يصلح حالك و بالك يا رب

تحياتي لك
----------

نونيييي

ربنا يخليكي ويكرمك يا رب

هاهاها تحفة عارف عارف

:))

تحياتي لك
---------

أنونيماس

يعني انت بتنافق نفسك؟

وعليكم السلام ورحمة الله وبركاته

بتقول السلام عليكم وبعدين تتخانق؟ يا اخي انت بديت بالسلام يعني مش لازم خناق نتكلم براحة

اولا انا مشلتوش التعليق موجود و روح شوفه

ثانيا انا رديت عليك بالاحاديث وكل حاجة تمام

ثالثا يا سيدي مانت بتعلق هنا اهو؟ يعني زعلان ليه؟
انا بس حبيت اوقف التعليقات على البوست اللي فات عشان البناتيت يعني مجيتشي جنبك انا بس مكنتش عايزهم يدوني فوق دماغي اكتر من كده

بس

ازيك بجا؟

مقولناش حاجة ادعي زي مانت عايز بس الرسول عليه الصلاة والسلام علمنا احسن ادب الدعاء رغم انك ممكن تدعي بمزاجك وباللي في قلبك

وكمان الدعاء في الفروض والنوافل كافي جدا وكمان وانت ساجد ووقت نزول المطر و يوم الجمعة و الثلث الاخير من الليل و بين الاذان والاقامة

خليك حلو بقا

ويا سيدي قول انت مين و لا متقولشي انا مش فارقة معايا لكن انت نورتني و شرفتني ومالكش حق تزعل مانا سايب تعليقك أهو

تحياتي لك
----------

ابيتاف

:))

لو كان قفشني كنت حقوله بكلم نفسي
:P

الله يكرمك يا رب

تحياتي لك
---------

أميرة

انا بخير الحمدلله وجزانا الله واياكم

ربنا يكرمك و ويوفقك يا رب

بدعيلك اه متخافيش

الحمدلله الامور احسن

تحياتي لك
---------

شيرين

هاهاهاها صحيح والله كيدهن عظيم

ربنا يكرمك يا رب

ربنا يستر علينا بقا في اللي جاي

تحياتي لك
---------

ياسمين

حمدالله على السلامة

فكيها بقا وخلينا نفرح ليكي وبيكيك

ربنا يكرمك يا رب

شكرا بجد

تحياتي لك
---------

تحياتي لكم جميعا من ماناساس البلد

koukawy يقول...

اهء اهء اهء اسمي مش فيهووووووووم
اعععععععععععععععععععععععع

اشتغالة يقول...

عبد الله
على فكرة
المنكوش اتسرح خلاص

و ماعدش يهرش

هههههههههههههههههه

ربنا يكملك باللي تكمل لك عقلك

هههاهههاهههاهههاهههاهههاهههاهههاههها

The Groom يقول...


كوكو

مانت مش بتيجي تزوريني :((

ربنا يكرمك يا رب

تحياتي لك
--------

اشتغالة

:((

بتتريقي عليا سيادتك؟

الله يسامحك وأنا قولت انت حتجيبي مشط وتساعديني في التسريح

الله يسامحك

تحياتي لك

ibn nasser - ابن ناصر يقول...

ههه ماشي يا عم هفوتها المره دي
تحياتي