الخميس، 10 مايو 2007

ما هو الحب؟

نفسي أسأل كل واحد بيزور مدونتي ما هو الحب؟
اللي حيعرف يقول أحسن تعريف حيعجبني حديله جايزة
يللا مستني كومينتاتكم
:))
تحياتي لكم من ماناساس البلد
-------
تحديث
مش عايز حد يقولي تعريف الحب = حــــــســـــــن
هاهاهاها لو مش فاهمين يعني ايه حسن شوفو دي:
تحياتي

هناك 43 تعليقًا:

غير معرف يقول...

the cold breeze that will slap your face drawing a smile of statisfaction

the sigh from a warm heart

the nagging feeling to run away from memories and everything... is a sign that you're in love

when it turns your rock-heart into a light whitish feather... flying in the place

Love is
warmth
security
safety
memories
defence of the one you love
silence at times


it is when your eyes have insight into the heart.. when your soul smiles.. !

it is when it is truely carved in your mind, soul, and heart!

it is Nostalgia with true sighs, laughs.... and a big hug from the nowhere!

it is when it is not the least expected! and knocks the door!

:)

law 3erft 7aga tanya 7agy a2ol mosh 7a7'by 3aliko LOL

Anima يقول...

يابني ايه الأسئلة الصعبة دي

الحب زي ما بقول دايما بيجمع كل المتناقضات اللي في الدنيا
الحب دموع و فرحة
خوف و أمان
الحب حد يدفعك لقدام بس مش لقدام قوي علشان ما تسبقوش

الحب يا سيدي ما لوش تعريف محدد، بس أنا جربته لسعته قوية جدا يمكن تدمرك

هو انت بتحب ياض ولا ايه؟

غير معرف يقول...

برايد زون كتبت التعليق ده عندها على شكل بوست ولذا لزم التنويه

اسف يا برايد كان لازم اوري الناس تعريفك للحب
------

ردا على بوست ماهو الحب ل العزيز جرووم

في صدر كل منا.. هناك مخلوق صغير في حجمه.. كبير في فعله.. انه القلب.. نديمي الدائم.. الذي أناجيه عندما لا أجد بين مخلوقات الأرض شخصاً يفهمني مثله.. وكما أناجيه.. فإنه يناجيني.. ويشكو حاله لي.. ويبثني ما به من مشاعر.. ومن تلك المرات.. كانت هذه المرة..
ـــــــــــــــــــــــــــــــــــــــــــــ
قلبي: أتعلمين؟ إنني أشكو من شعور غريب لا أعرف له اسماً..
أنا: وما ذاك يا قلبي؟ حدثني فليس هناك على وجه هذه البسيطة من يفهمك مثلي..
قلبي: أحس بأنني أخفق بقوة عندما يذكر اسم فلان..
أنا: ..... وماذا أيضاً؟
قلبي: وأرقص فرحاً عندما تتكلمين معه..
أنا: أهذا كل شيء؟
قلبي: بل إن حالتي عندما تذكرينه لا توصف.. مزيج من الشوق والفرح واللهفة.. خفقات كثيرة.. ومشاعر متمازجة.. إحساس رائع..
أنا: ويحك يا قلبي.. لقد أحببته..
قلبي: وما الحب يا عزيزتي؟
أنا: إنه كل ما مررت به يا قلبي.. وأكثر من ذلك.. إنه بداية الشقاء والعذاب.. ولكنهما أحلى شقاء وأجمل عذاب..
قلبي: ماذا تقولين؟ كيف يكون الشقاء والعذاب جميلين؟
أنا: إنها قوتك السحرية اللي تسيطر بها علي يا قلبي.. الأوامر التي تمليها علي.. واتبعها رغماً عني..
قلبي: اعذريني.. لم أكن أقصد أن أقع في حبه..
أنا: لست الملوم على ذلك يا عزيزي.. فالحب يأتي رغماً عنا ويسكن قلوبنا ويملك علينا نفوسنا نحن البشر.. وقدري أن تحب أنت فلان.. الآن فقط عرفت.. لم أشعر بفيض من السعادة والراحة معه..
قلبي: لم أعد ملكك يا عزيزتي.. أصبحت ملكاً لفلان..
أنا: أعلم ذلك يا قلبي.. فما بيدك حيلة..
قلبي: لسوف تتعذبين..
أنا: أصبحت أعشق هذا العذاب.. من أجله..
قلبي: ولسوف تجرحين..
أنا: لن أحس بهذه الجراحات لأنها من أغلى إنسان..
قلبي: .....
أنا: سترى يا قلبي.. أن الحب سوف يوقظك من سباتك العميق.. وسوف تكون صاحبي في رحلة العشق.. وتشهد معي تفاصيل قصة الغرام.. حتى النهاية..

-------

:))

http://bride-zone.blogspot.com/

shermen يقول...

الحب عصفور متمرد
إن لم تهتم به يعود اليك
تظن أنك قد سيطرت عليه
يأتي يذهب .. ثم يعود
تعتقد بأنك قد أمسكته
فيطير بعيدا
يفلت منك
تتجنبه
فيعود إليك
الحب لا قانون له
إن لم تحبني أحببتك
وإذا احببتك خذ حذرك

نقطة مية يقول...

سؤال صعب جدا...و اجابته نسبية..الحب هو بيت المشاعر الحلو منها و المخيف

عابرة السبيل يقول...

امممممم ..الحب ده حاجة مكلكعة كده
لا بتعرف هو صابك امتى ولا بتعرف ازاى تخلص منه لو تعبك ...بصراحة الحب ده عذاب ...عامل زى النحلة اللى لو عايز عسلها لازم تتقرص منها

اى خدمة ...هطلع الاولى انا عارفة

فين الجايزة بقة ..ولا دى زى جوايز زيرو تسعمية؟

سجل يا جروم الاجابات عشان ماحدش يغش
سلام عليكم

Rivendell** يقول...

انا زعيمة حزب مكافحة الغلاء بالاستغناء ... وعشان افكر واجاوب يبقى هافتح على روحي فاتوحة مالهاش لازمة ... خليني انا وتلاجتي في حالنا ياعم


مالها التلاجة ... ما احنا زي الفل اهو واخر السطة ومية مية


مراسلتكم من القطب الجنوبي
سها خزام

;)

توتة توتة يقول...

...................

koukawy يقول...

المشاركه الوجدانيه و العاطفيه و العقليه و الحسيه
حب العيوب قبل المميزات
التمسك بعكس المثل اللي بيقول البعيد عن العين بعيد عن القلب
فلو بتحب
هيبقي البعيد عن العين مش بعيد عن القلب
هو الشعور بالأمان و الثقه ان انت معاك الشخص الأمثل في الدنيا
الفخر بمن تحب قدام العالم كله
و انك تحسسه ان مفيش اقوي و لا احلي و احسن و لا اغني منه حتي لو هو مفيهوش المميزات دي
انك تشعر بالراحه التامه و لما يقولك حاجه متبقاش مضطر يأكد عليك مره و اتنين عشان تصدقه
يارب يكون حلو و اخد جايزه

اشتغالة يقول...


عبد الله

فكرة حلوة اوي على فكرة

بص

اللي هكتبه دلوقتي ده مش تعريفي انا للحب
ده تعريف واحد ربنا يكرمه كتبه من زمااان
بس عجبني جدا .. أكثر من رائع
هو أطول من انه يتكتب في كوممينت
بس مش مشكلة هكتبه و خلاص
ممكن تبقى تمسح الكوممينت ده لأنه ممكن صفحة الكومينتات تضرب من الطول


اقرا ده :



Bon soir

بونسوار عليك يا إنت



أنا بنوتة جميلة.. عندي 23 سنة..



اسمى ؟؟.. مش مهم.. أي اسم..



أي بنت في الدنيا عندها 23 سنة.. مش كده؟؟


أو على الأقل.. كان عندها 23 سنة وهي بتحب واحد..


أو على أقل من الأقل.. حيبقى عندها 23 سنة وهي بتحب واحد..


عشان كده.. أنا عندي 23 سنة!!







عايزة أكلمك النهاردة عن فارس أحلامي.. حبيبي..



اللي لسة ملقيتوش!!!

تخيل؟؟

لسة ملقيتوش..


بس في الأول


أحب أكلمك عن نفسي شوية ...


أوصفلك نفسي شوية..




أنا طويلة.. ممكن أكون قصيرة.. وساعات متوسطة الطول..


سمينة.. ورفيعة.. وبردة ساعات متوسطة الوزن..


أنا حلوة.. ومش حلوة.. وغالبا متوسطة الجمال..


ذكية.. غبية..عبقرية..بس الأكيد.. كيدي عظيم..


عاقلة.. مجنونة..بس في العادة.. مش عارفة..


تافهة.. سطحية..بس كتير جدا.. متعمقة..ومتأملة..


خيالية.. وواقعية..


ضعيفة.. وقوية




باختصار.. أنا كل بنت على وجه الأرض.. وبرده عندي 23 سنة!!!


أنا بنت..


عارف يعني ايه بنت؟؟





.. يعني رقة.. يعني قلب..


يعني غضب وكره..


بس دمعة تمسح كل حاجة..


يعني كبرياء وكرامة.. بس في لحظة الضعف.. أدمعلك عنيك..وما أكثر لحظات ضعفى..


باختصار..


أنا نصف..


وانت النصف التاني..





عارف أنا لو حبيتك ممكن أديلك ايه؟؟



والله مانت عارف حاجة!!!


انت أساسا ياراجل.. مخلوق على التعدد..أنا لأ..


تقدر تحب واحدة واتنين في نفس الوقت..


أنا لأ...


أنا محبش غير واحد بس..ياريت كنت أعرف.. بس للأسف معرفش..


مخلوقة على واحد.. ومن واحد.. منك انت !!!


تقدر تقولي ده معناه ايه؟؟


ده معناه.. انك انت...يعني من الآخر انت.. بيتهيألي واضحة!!!!!!!!!؟


يعني قلبي مش حيتقسم.. مش حكون ماشية معاك في الشارع.. ويلفت نظري حد تاني غيرك..فاهم يابو عين فارغة؟؟








سيبك من أي كلام بيتقال.. أنا نفسي صعب اني أعبر عن نفسي..



ومهما اختلفت طباعي.. ومهما اختلفت حياتي..ومهما اختلف شكلي..ومهما اختلف مكاني وزماني..


بس مافيش اختلاف أبدا.. في مواصفاتي لفارس أحلامي..


فارس أحلامي..


اسمع... يمكن تطلع انت..يمكن يطلع واحد صاحبك.. أو جارك.. أو حتى أبوك.!!




أنا عايزاة راجل.. ده أكيد طبعا..


قوي؟؟ طبعا..


لذيذ... ده شيء عصري..


دمه خفيف..ضروري..


شيك؟؟ طبعا.. عشان المنظر العام وحفلات أبلة ظاظا..


عايزاه ناجح..عارف يعني ايه ناجح؟؟


يعني ناجح.. في شغله.. أيا كان.. بس ميكنش حرامي!!!!




أحب أكلمك على النجاح...

عارف... فيه حاجات كده.. الست مابتقدرش تعبر عنها...بس حاساها.. أنا ححاول أعبرلك عنها.. ححاول..

و حطها في دماغك..

فيه حاجات بتجذب.. بتشد..من غير ما أقصد.. تلاقيني طبيت..

فكرت كتير عشان أعرف.. لقيت حاجة..





لما بيبان على الراجل.. الاتقان.. بيبقى أجمل حاجة في الدنيا..


الاهتمام.. التركيز.. فاهمني؟؟


عشان كده معظم البنات دلوقتي بيحبو لعيبة الكورة.. عشان مابيشفوهمش غير مركزين..


ويمكن عشان كده بيكرهو إبراهيم سعيد!!!!!



بالنسبة ليا.. راجل معقود الحاجبين.. منكب على عمله.. يتساقط العرق منه.. وعلامات التصميم تغطي كل خلجة من خلجات وجهه وجسمه..


لو كل هذا بدون اصطناع أو تكلف...


تكون أكتر شيء ساحر في الوجود..!!!









نفسي في دكتور مشهور..دقيق في عمله.. بيطور نفسه.. ناجح يعني


نفسي في مهندس.. مش أي مهندس..ناجح برده..


نفسي في أخصائي تحميض أفلام من نوعية روبين ويليامز في فيلم one hour photo


نفسي في رياضي محترف.. ناجح..


نفسي في مدرس عبقري.. ناجح..


نفسي في مبرمج كمبيوتر متميز.. أكيد ناجح..


نفسي في صنايعي ابن بلد.. مافيش في شطارته ولا في ضميره... ناجح





عارف ليه عايزاه ناجح كده؟؟ عشان أستمتع بيه.. في لحظات تركيزه!!!!!



نفسي يكون ليه موهبة..


شاعر..


مغني..


موسيقي..


كاتب..


عايزاه يكون صبور.. صوته واطي..


عادل.. ميظلمنيش..


عايزاه نقي ومبيشلش...


عايزاه أقوي مني..


أعتمد عليه...


أنسى تعبي.. وأحس بالأمان..


مش عايزة واحد أصنعه بإيدي.. لأ..


عايزة واحد يـdominate شخصيتي.. بحيث اني أبقى جزء منه..


عايزاه محب..


حالم..


ودود


مبتسم..


عايزاه يحتويني..


مش عايزاه عصبي.. ولا متعنت.. ولا من النوع اللي يداوي الغلط بغلط..


عيزاه لما يعرف انه غلطان.. يصلح.. وميداريش..


عايزاه متسامح.. متحمل.


عايزاه نظيف.. جميل..


مش قاعدلي طول الصيف بالفانلة.. لأ..عايزة أشوفه.. زي ما هو يحب يشوفني..








عارف؟؟








ليا واحدة صاحبتي.. طول ما هي في بيتها هي وجوزها.. كأنهم رايحين حفلة..


أنا عايزاه زي جوزها.. عشان أكونله زيها..!!!


وحاجة كمان..


عايزاه.. مهتم..عارف يعني ايه مهتم؟؟


بيراعيني..


مبيطنش..


ميسبنيش أغرق في مشاكلي..


يشاركنى..


على الأقل يسمعني..


على أقل من الأقل.. يحزن لي بصدق..حتى لو شعر بتفاهة الأمر..

من الآخر caring





فهمت حاجة؟؟

مالك مبلم ليه؟

فيك ايه من ده كله؟؟

معلش..

صدمتك..

ماتقلقش..

أنا عاقلة..


وعارفة كويس... انك لايمكن.. يكون فيك كل ده..


ده لو واحدة بس فيك.. كفاية..


أيوة كده

اضحك..

كركر براحتك..






جتك خيبة..!!




بس فعلا.. لو فيك حاجة واحدة بس..كفاية..

عشان كده أحب أفكرك بحاجة اوعي تنساها..


أهم حاجة في الوجود..


انت حتملى حياتي.. آه..


وحتملي قلبي آه..


بس بمعنى آخر..


ان مافيش غيرك فيهم..


فعلا.. ده أكيد..


لكن.. أعذرني.. أنا عارفة انك عيزني لو مت.. أموت وراك!!!


على أساس انك الحب الوحيد في حياتي..




أنا آسفة مش حقدر..


عشان فيه حب تاني..


لازم أعيش علشانه..


حب.. ماعتقدش انك تعرفه.. أو ممكن تكون عارفه.. الله أعلم..


حب كبير.. ملي عليا كل خلية من خلايا جسدي الضعيف..


حب يبكيني ليل نهار..


ذل وضعف وانكسار..


حبك ده ما هو إلادرجة بدائية جدا.. من هذا الحب..


متخفش..


الحب ده لا يناقض ده..


فقط حبك وهم دنيوي..


ليه؟؟


عشان مسيرك يوم وتخلص


بح..!!


تنتهي..


في التراب..


يعني انت نفسك وهم..


فلازم حبك يبقى وهم..


وبرده حبك ليا يكون وهم..


مش قصدي تموت بعد الشر..


قصدي الحب اللي مات..


اتخانقنا مثلا..


قطعنا هدوم بعض..


ضربنا بعض بالجزم..


أحزن عليك آه..


لكن مش حترهبن..


ومش حعيش عمري على ذكراك..


عارف ليه؟؟


عشان فيه حب كبير مش حيموت..


وليه محبوش ؟؟


ليه؟؟


سؤال







مش هو الأقوي؟؟


مش هو المهندس الأعظم..


مش هو الطبيب الأعظم؟؟


مش عو الصانع الأعظم؟؟


مش هو المبتكر الأعظم؟؟


مش هو الحنون الأعظم؟؟


مش هو الودود الأعظم؟؟


مش هو الصبور الأعظم؟؟


مش هو العالم الأعظم؟؟


مش هو اللي خلق المواهب؟؟


مش هو أكتر واحد بيستحملني؟؟


مش هو اللي بيحللي مشاكلي؟؟


مش هو اللي أنا مابغبش عن عينه لحظة واحدة؟؟


مش هو اللي متابعني طول عمري؟؟


مش هو اللي اداني روحي؟؟


مش هو اللي عايزني أرجعله لو بعدت عنه؟؟


مش هو اللي بيعوز يغفرلي.. لما أغلط في حقه؟؟







أخي الانسان..


أوهبلك عمري نعم..


وحياتي وبكائي وكلي.. نعم


لكن تذكر دائما..


أن تراعي الله في..


حتى يعطيك من خصال النبوة..


فأري فيك ما أحب..


فتري في ماتحب..


فنزداد حبا في المحب..




انت بتعيط؟؟

بقولك ايه... ممكن تتجوزني؟؟؟!!!!!!!!!!!!!!!







بسم الله الرحمن الرحيم

قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ

التوبة 24









رسالة إلى كل فتيات وفتيان لأرض...


لم نخلق للرهبنة.. ولا للسهر في حب المحبوب والمحبوبة..


بل خلقنا لحب الخالق..


وما أي حب في هذا الكون.. إلا حب بدائي..


أفني روحك فيه طالما هو موجود..فهذا قمة الإخلاص..


ولكنه لايستحق أبدا..


أن نفني عمرنا في ذكراه إذا انتهى أو ضاع..


فلا تحزنو.. أو تحبطو..


وتذكروا دائما..


أن حبكم الأعظم .. لا يموت




أختكم.. ذات ال 23 عاما!!!!!!!!!!!



فتكات


اشتغالة يقول...

ده كان التعريف الوحيد للحب اللي عجبني و اقتنعت بيه جدا
جدا

كان نفسي أحطه في مدونتي لما أفتحها ان شاء الله
بس انت سبقتني بقى
:D
:)
------------------------
أما قبل ما أقرأه كنت مقتنعة بحاجة تانية
الحب هو الدافع القوي اللي يخليني أعمل أي حاجة .. أي أي حاجة .. في سبيل اللي انا بحبه
حتى لو كان ده ضد رغبتي
و نفس الشئ مع اللي بيحبني ده
الحب هو اللي هيخليه ممكن يعمل اي حاجة .. أي أي حاجة .. عشاني
بس لأنه بيحبني

و ..


بس

!

حياة الروح يقول...

بسم الله الرحمن الرحيم
الحب انك ماتشوفش غيرحبيبك فى وسط الوف حواليك
الحب انك تبقى فى عز الضلمه شايف وش حبيبك هو اللى منور ظلمتك
.الحبيب ان قسيت يغفرلك
وان بعدت يروحلك
وان غبت يحلم بيك
وانت جنبه هايم فيك
لو غضب تتمنى رضاه
لو زعل قلبك يقول الاه
والفرح ليه تتمناه
والسعاده تعيشها معاه
ولو فى استنساخ تتمنى لومنه 10فى كل طريق تلقاه
ولو بعد 100 سنه تقول ماليش غيره اعيش وياه

غير معرف يقول...

el comments naaaar masha Allah

kol ta3reef aqwa mn ely abloh :)))

el comment beta3 eshte3'ala wahmy awy :))
masha Allah

Esmeralda يقول...

بص يا بنى

شكلك كده رايق اليومين دول و معندكش ساقيه زينا هنا

لما تعرف ابقى قول لى

عرف الغيرة
عرف الحنان
عرف الاهتمام
عرف اللهفه
عرف الكره
عرف الحزن


المشاعر مش بتتعرف
المشاعر بتتحس

أميرة البلطجية يقول...

الحب؟؟؟
طول عمرى اقول الحب مينفعش يتعلمه
simulation
يعني اللي مش بيحب مينفعش يدي تعريف
عموما ححاول افتي وخلاص بقي
هو بيبقي واحد بس في الدنيا
هو اللي في عنيك وقلبك وعقلك
لو الحالة دي تملكت منك تجاه حد..يبقي ده حب
اظن كده
متشكرين ع التحنيس يا عبد الله

Just a Reader يقول...

الحب هو الذي يجعل العباد "يبيتون لربهم سجدا وقياما"
الحب هو الذي ألهم الصحابة قول "سمعنا وأطعنا"
الحب هو الذي يجعلك بارا بوالديك
الحب هو الذي يجعلك تعطف على الصغير وتوقر الكبير وتساعد الغير
الحب هو الذي يجعلك تحلق في السماء من السعادة وأنت ثابت في مكانك على الأرض
الحب هو السعادة والاحترام والتسامح والاحتواء والحنان والتقدير والشكر
الحب هو التصالح مع النفس والكون بأكمله
الحب هو التضحية والإيثار والنصح والتشجيع والاهتمام
الحب هو المودة والسكن والرحمة (ده بما إن الحب عند البنات = الزواج:))
الحب هو الأمان هو الذي يمد قلبك بالدفء في اليالي الباردة
الحب هو الحالة العقلية التي تجعلك غائب عن الوعي وعايش في اللاوعي
الحب يجعلك ترى الوجود جميلا والحياة يبقى لونها بمبي
الحب هو الذي يجعل البنت لا ترى عيوبا في زوج المستقبل قبل الزواج مع إن الكمال لله
الحب هو الذي يجعلها وهي غير مقتنعة بكلماته إنها متحرجوش قدام الناس وتكظم غيظها :)
الحب حديقة تحتاج إلى رعايتها كل يوم لتنمو وتثمر أزهارها … وأسهل جزء عندما تكتشف أنك تحب والأصعب يبدأ عند الاهتمام بالحديقة.وكفاية كده أحسن انا كتبت بوست مش كومنت:)

shams يقول...

hi groom , this is a great idea
بص هو أنا مش حبيت قبل كده خالص بس قدرت أكون فكرة معقولة من القصص اللي قريتها والقصص اللي شفتها مع أصحابي والخلاصة اللي أنا استنتجتها وطلعت بيها من كل اللي حوالي

الحب هو ان قلبك يدق

تحس انك عايش وليك لازمة عند حد تاني

تعمل عشانه اللي انت مش عايز تعمله لنفسك

تفكر فيه قبل ما تفكر في نفسك

بتحب عيوبه قبل ما تحب مميزاته

عمرك ما تشبع من القعدة معاه ولا الكلام معاه ولا حتى من النظر في عيونه

ولما يغيب عنك تبقى هتجنن وتشوفه

ربنا يوعدنا ويوعدك أصله نعمة مش خطية على رأي أم كلثوم

Rosa يقول...

When you love someone - youll do anything
Youll do all the crazy things that you cant explain
Youll shoot the moon - put out the sun
When you love someone

Youll deny the truth - believe a lie
Therell be times that youll believe you can really fly
But your lonely nights - have just begun
When you love someone

When you love someone - youll feel it deep inside
And nothin else can ever change your mind
When you want someone - when you need someone
When you love someone...

When you love someone - youll sacrifice
Youd give it everything you got and you wont think twice
Youd risk it all - no matter what may come
When you love someone
Youll shoot the moon - put out the sun
When you love someone
:D
pluse what is in my blog :D

yasmina يقول...

اعتقد الحب حاجة نسبية مثل اي حاجة بالدنيا يعني في ناس بتحب لدرجة العشق والجنون وفي ناس بتعيش عمرها كله من غير ما تعرف يعني ايه حب
بس اكيد الحب بيجي من غير استئذان من غير ما نعرف ليه وكيف يعني اللي بحب وتساله ليه الانسان ده بالذات لا يقدر انه يجيبك لانه الحب مشاعر عميقة اكثر مما نتخيل واحاسيس غامضة تجذبك نحو حبيبك دون العالم كله وتتلاشى معه فروق العمر والبعد وحتى التربية والافكار ويبقى الحب والمشاعر
قلب الانسان يجذبه دون ان يعطيه الفرصة للخيار وبنظري من يدقق ويبحث عن شخص يحبه ويكون قد وضع شروطا ومواصفات للحبيب لن يكون هذا حبا
في النهاية الحب الحقيقي هو الذي لا ينتهي اذا انتهت حاجتك من الطرف الاخر والا كان غرضا واستغلالا

تحياتي

Noony يقول...

ما شاء الله
أن مش عارفة أقرأ التعليقات كلها
أوعدك الصبح إن شاء الله أحط القطرة في عيني وأقرأ عشان مش قادرة أشوف دلوقتي
:)

أنا مش جاية أتنافس
أنا هقول تعريفي للحب اللي أنا مقتنعة بيه
الحب = قمة الاحترام + قمة الثقة
لما تلاقي الاتنين دول مع بعض في شخص واحد، هتلاقي الأمل...هتلاقي الراحة...هتلاقي السعادة...هتلاقي الدنيا كلها...هتلاقي الدافع اللي يخليك تستحمل الصعاب وتواجها، لأنك عارف إنك مش لوحدك

أنا، شخصياً، مقنعة بكدة...وأعتقد في النوع دة من الحب هو اللي عمره ما يموت مهما كان...لأنه مش معتمد على الأنانية...بيعتمد على مدى تقديرك للشخص اللي قصادك ومدى تقديره ليك...أنا أؤمن إن النوع دة بس من الحب هو اللي يستاهل التضحيات...لأنه يستحق
والله أعلم

نوني

Dr.SEA يقول...

شوفوا يا جماعة انا مش هقول تعريف بص ممكن تقولوا هوا رأى على نصيحة على تجربة على حاجات كتيير كده :) المهم الحب ده حاجة كبيرة قوى ولازم نبقى عارفين حقيقة مهمة ان الحب اللى بييجى بسرعة ويكبر بسرعة قوى بأسرع مما نتخيل هيروح بسرعة و هيموت بسهولة لكن الحب اللى نتعب فيه عشان نكبره و نخليه زى ما نتمنى لنفسنا هو ده اللى هيعيش معانا طول العمر ونجنى ثمرته طول حياتنا ان شاء الله :) عشان كده محدش يستعجل ادوا لكل حاجة وقتها :) اتمنى لكل واحد انوا يلاقى اللى نفسه فيه .. و ادعووا لى عشان عند امتحانات :)
ازيك يا عبده اخبارك ايه ؟ انا قلت لازم اسيبلك كومنت :) GOOD LUCK

Dr.SEA يقول...

حاجات قلتها زمان :
الحب هو العطاء دون انتظار المقابل
حياة بلا حب كنهارٍ بلا شمس

رينـــــــــــا يقول...

الحب كل حاجة حلوة فى الدنيا وهنا الدنيا كله
الحب اسوء عذاب فى الدنيا

الحب استحاله تلاقى له تعريف ثابت

غير معرف يقول...

هو الحب ليه تعريف!!!
ماينفعش طبعا انه يبقى ليه تعريف انت بتهرج اكيد!!

بص لما تلاقي نفسك مدروخ كدة من غير ماتسهر ولا تشرب حاجة مش قانونية مثلا:))

ومش شايف قدامك وانت لا مضروب في عينك مثلا ولا عنيك فيها عيا:))

وحالتك ملخبطة شوية شبعان من غير اكل وشوية جعان ولو اكلت اكل البلد ما حيكفيك:))

فبحب اهني سيادتك بأنك حبيت

بس لازم تعرف ان الحب ده موجود عند كل واحد بشكل مختلف
اه بيجتمع في حاجات كتير بس استحالة حد يعرف يتكلم عنه

عشان كدة انما عرفته بلي مريت بيه ومش بشعر ولا اقاويل

بس انت مقلتلناش انت الحب بالنسبالك يعني ايه؟؟

طمطم بس مكسلة اكتب اسمي :D

عبدالله يقول...

للحب تعاريف كتير بس اللذيذ كل واحد بيكتب تعريف للحب مش جربه يعني قبل كده مجرد خيالات و امنيات او حتي سمعه من حد
:)))
علي العموم مش هتعرفه غير لما تحب الكلام مش هيوصلهولك بس نقدر نفرق بين الحب و الرغبه مبدئيا
يعني الرغبه ممكن ترغب في اكتر من واحده بس مش هتحب غير واحده
وتقدر تفرق بين الحب و القبول ان القبول مبني علي وجود مجموعة صفات اما الحب فيسبقه القبول
في النهايه لما تحس مش قادر تفارق حد وحاسس ان حياتك مالهاش معني بدون وجوده لما تلاقي واحده لما تبصلها مش تقدر تبص لغيرها لما تشوف واحده تخاف علي مشاعرها و دايما حاطط قدام نفسك ازاي تفهمها و تسعدها ساعتها يبقي لقيت الحب


تحياتي

شيرين يقول...

الحب هو ضعف تتبعه التضحية

Sampateek يقول...

الحب هو:انك متلاقيش في حبيبك بذر

emos يقول...

so2al menayel
bs eh ya 3am el 2e3lanat elly enta 3amelhaly deh:)
shoof ya sedy el 7ob ta3reef mo3akad kol wa7ed shayfo men na7ya w 3omro mahaykoon 3and el kol el nas zay ba3d
belnesbaly ana ba2a
el 7ob dah 3obara 3an tad7eyyat elly bey7eb begad haye3mel el tad7eyat deh men 3'eer may7es enno beyda7y
w en el wa7ed ye7ot karamto deh 3ala gamb w ye7ot 7abebo 2odamo law fakkar fe nafso la7za yeb2a mesh bey7eb
w 2e7'eran el 7ob = 7asan
narfeztonyyyyyy

تخاريف يقول...

الحب هو:انك متلاقيش في حبيبك بذر
هههههههههههههههههههههههههههه

مش ممكن الكومنت ده فظيييييييع...

وبجد بجد كلاامها صح جدا...

:D

الحب احتواء..شعور بقمه الامان..

معلش هما كلمتين ع السريع..بس هو ده تعريفى للحب..

دعواتكم..

yasmina يقول...

عبد الله
انا مررت لك تاج علشان ترد عليه وبعدها تقبره عندك

ابقى خذه من عندي
سلام

masreliba7ebaha يقول...

ودي عايزة فكاكة :)
الحب هو
الحب
بس

sa7betnouny يقول...

سيبك من تعريف الحب... الأغنية تحفة... تحفة...
مش كل حاجة لازم نعرفلها تعريف ؛)

ibn nasser - ابن ناصر يقول...

الحب و محرك الحياه ... من غيره الحياه تتوقف
وبالنسبه للمرة اللي فاتت فانا يا سيدي معاك ننضرب ننضرب ..
تحياتي

ibn_abdel_aziz يقول...

الحب هو لذة في القلب وشهوة في العين ورقة في الكلام
وهو حب الأناني لانه من شخص يريد لنفسه كل هذا اولا

وحب الكريم
هو ذلك الذي يري في وصال حبيبه شر لحبيبه فيتركه خشية ظلمه

وحب المؤمن
هو كل فعل او قول "يؤلم" وبلا لذة يتصبر بها الحبيب علي الألم

يقوم الحبيب به لمعرفته ان في ذلك رضا ولذة لمحبوبه

والله اعلم

Shower-Mirror يقول...

الحب هو ان يجتمع كل الناس على عيوب حبيبتك و انت لا تراها

الحب هو ان تريد ان تقول لها بحبك طول الوقت

الحب هو ان لا تشعر بطعم اى شئ الا و هى معك


الحب هو وجع قلب حقيقى و ليس معنوى

badry212 يقول...

مجنون : من يدعي أنها أجمل النساء
هبلة : من تراه أوسم و أشجع الرجال
الحب : مجرد أحساس بالأختلاف ، أن يري المحب حبيبه مختلف عن الأخرين ، كل الأخرين
و أذا سألته ما هو وجه الأختلاف ؟
كانت أجابته ــــــــــــــــ

اشتغالة يقول...

السلام عليكم
ههههههههاااااهاهاها
إده ؟
الحب : إنك ماتلاقيش في حبيبك بذر ؟
بس انا مرة بأة فتحت واحدة .. لقيت فيها بذر ..
إنفت آوي آوي آوي
!!

على فكرة تعريف إيموس مشابه اوي لفكرتي القديمة عن الحب

عبد الله .. هو انتا اختاروك للمساهمة في تأليف النسخة الجديدة من المورد ولا أطلس التعريفات ولا حاجة ؟
هههاهاها
ولا فجأة بقيت من هواة جمع التعريفات ؟
ولا تكون بتعمل علينا بحث نفسي اجتماعي ؟


و سلاملاتي للأرملة الطروب

أضحك الله سنك كما أضحكت طقم سناني كله

:D :))

أحمد سلامة يقول...

الحب هو احساس جميل
..........
أحيانا

Sampateek يقول...

ها لقيته تعريف للحب؟
و لا لسة في بذر؟

محض روح يقول...

عايزه اقولك
حاجه ماينفعش نعرف الحب او نحطه في قالب واحد
بس
على العموم اساس اي حب هو العطاء ثم العطاء

وبعد كده يجي تعريف
كل واحد


تحياتي

الحب يقول...

الحب هو ان الانسان يحب أى حد فى الله طبعا و يكون الاخلاص ويكون المودة ويكون الاهتمام واقتناع و اتزان بين القلب والعقل و العطاء من الطرفين وكلا يسعى لإرضاء الله فى حبه للتانى
mamo22019.maktoobblog.com

ياسمين يقول...

الحب علاقة عاطفية كيميائية بين رجل وامرأة
تفضل كدة اسمها حب طول ما الإرتباط مستحيل
أول ما يبقى واقع وفى جواز أو ارتباط رسمى .. تبوظ وتتحول الى نكد فى نكد
ليه .. ما أعرفش
يبقى الحب هو الشعور بالعاطفة المستحيلة فإذا خرجت من حيز المستحيل الى حيز التنفيذ فسدت فورا
زى ما تطلع الأكل من التلاجة كدة .. كل نوع من الطعام مسيره يبوظ برضه لكن المدة بتختلف
تحياتى من بلدنا البلد

ياسمين يقول...

والنبى يا جروووم تلغى الشباك الخنقة بتاع التعليقات دة انا مش بعرف اقرا باقى التعليقات عندك بسبب بطئه الشديد
وبيغيظنى مووووووووووت
برضه تحياتى من بلدنا البلد