الثلاثاء، 15 مايو، 2007

تصفيات نهائية - ما هو الحب؟

السلام عليكم ورحمة الله وبركاته طبعا السؤال بتاعي لم يلاقي ذلك الاقبال المتوقع لكنه كان مستفزا بما فيه الكفاية لمشاعر الناس أن تكتب و تعبر عن تصورها للحب صحيح انهم ميعرفوش ايه الجايزة لكن مش مشكلة حيعرفو في الوقت المناسب و يا خبر النهاردة ببلاش بكرة يبقى بفلوس :)) وياخبر يا خبر ياخبر عموما كنت بس عايز أوضح نقطة - أنا لما سألت عن تعريف الحب لم أقصد نوعا واحدا منه كحب الزوج لزوجته او العكس ولكنني قصدت الحب في معناه المطلق وقليل من حاول التعريف به كما هو وكمان في ناس اعلنت اعتراضها على السؤال وانه لا يجوز تعريف الحب - لكن أنا بقولهم لا يمكن تعريف أي مشاعر في الدنيا - صحيح ممكن يكون الخط الفاصل بين كل شعور و شعور حاجة هلامية لا ترى بالعين المجردة لكنها تحس و طبعا مش حنقدر نوفي حق الاحساس بالتعبير بالكلمات لكن بنحاول و لنا الأجر :)) بس انا موافق على الحاجات اللي جات و عاذر الناس بقا :)) أنا قررت أعمل تصفية نهائية لأجمل تعريفات وصلتني عن الحب و حطلب منكم تصوتولها في تصويت جديد جدا في اخر البوست ده ولكن في نفس الوقت كل من لم يتم اختياره في البوست ده حرد عليه في كومينتات البوست الي فات

وأحب أقوله بجد بجد نورتني و شرفتني و شكرا لك وجزاك الله الجنة :)) انتم من ستقررون من الفائز في التصويت على الشمال -------------<<<<<<<<<<<<< حكتب هنا التعليقات و حعلق عليها و حرد على الباقي في الكومينتس :)) محدش يزعل كلكم حلوين :)) نشوف بقا الترشيحات و على فكرة دي بترتيب التعليق على اخر بوست عشان محدش يتهمني بالتحيز 1) المرشحة الأولى ابيتاف قالت: (اسف على الترجمة يا ايبي) الحب هو - نسيم بارد يلفح وجهك ليرسم ابتسامة ملؤها الرضا - تنهيدة من قلب دافئ - دفء وأمان - دفاع ممن وعمن تحب - أمن و اطمئنان - وأحيانا صمت مطبق وأجمل ما قالت: الحب هو حين تبتسم روحك :)) جميلة دي يا ابيتاف شكرا لك ---------- 2) المرشحة الثانية هي أنيما وتشتكي من صعوبة السؤال رغم انه في مستوى الطالب الولهان قالت كلاما بليغا رغم قصره: - لسعته مدمرة قد تدمرك - حد يدفعك لقدام بس مش لقدام قوي عشان متسبقوش :)) شكرا لك ---------- 3) برايد زون مرشحة و بقوة أيضا لأنها عرفت الحب في شكل حوار بين النفس و القلب وصف القلب الحب في هذه الجملة: قلبي: بل إن حالتي عندما تذكرينه لا توصف.. مزيج من الشوق والفرح واللهفة.. خفقات كثيرة.. ومشاعر متمازجة.. إحساس رائع.. وردت هي عليه بقولها هذا عندما حذرها من الحب و تضحياته: أنا: لن أحس بهذه الجراحات لأنها من أغلى إنسان.. شكرا لك ----------- 4) شيرمين تعليقها بسيط لكنه أيضا قوي جدا يستحق دخول سباق الترشيحات الحب هو: - عصفو متمرد (بكل جنونه و تمرده) - اني اذا احببتك فخذ حذرك - يا ساتر يا رب شكرا لك ----------- 5)

عابرة السبيل أيضا مرشحة بسبب طرافة تعليقها الحب هو: - حاجة مكلكعة كده - عامل زي النحلة - وانها متأكده انها حتطلع الأولى و بتطالب بالجايزة من دلوقتي :) شكرا لك ----------- 6) تـــوتة تــــوتة مرشحة فوق العادة لسبب بسيط جدا عرفت الحب بكلام كثير جدا يقول: الحب هو ................... شكرا لك !!!! ----------- 7) كوكو أكيد حتكسب مركز متقدم بالكلمة الحلوة دي الحب هو - حب العيوب قبل المميزات - صدقت فالمحب لا يرى عيوب محبوبه - الفخر بمن تحب أمام العالم كله - وهمي يا بنتي شكرا لك ----------- 8) اشتغالة اشتغلتنا بتعريف مطول وبشدة لواحدة بتحب ونفسها تتحب وتحب كمان بس فعلا اشتغالة جامدة ويمكن تكسب بيها كل الناس بتقول اشتغالة حتاخد الجايزة الحب هو: - الاتقان في نظرها - الاهتمام.. التركيز.. عشان كده معظم البنات دلوقتي بيحبو لعيبة الكورة.. عشان مابيشفوهمش غير مركزين - راجل معقود الحاجبين.. منكب على عمله.. يتساقط العرق منه.. وعلامات التصميم تغطي كل خلجة من خلجات وجهه وجسمه.. (طبعا ده من وجهة نظر المرأة بس أتسائل من وجهة نظر الرجل هل ستكون بنفس التبعية ست مبهدلة وريحتها بصل؟ ) :P - شوفوا بقا الوهم اللي جاي: حب الله عز وجل بسم الله الرحمن الرحيم قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ التوبة 24 ما شاء الله عليك يا اشتغالة - طبعا هي بتشتغلنا ومش هي اللي مألفة الكلام الجامد ده لكن هي اللي عرفتنا عليه وهذا يكفي :))) شكرا لك -------------- 9) مرشحة متميزة أخرى و هي حياة الروح الحب هو: - الحب انك تبقى فى عز الضلمه شايف وش حبيبك هو اللى منور ظلمتك - يعني الحب نوووور - ولو فى استنساخ تتمنى لومنه 10فى كل طريق تلقاه ولو بعد 100 سنه تقول ماليش غيره اعيش وياه - يا سيدي يا سيدي شكرا لك -------------- 10) Just A Reader اوجزت و أبدعت بجد مرشحة في نظري هي مـــــن الأفضل شوفوا الوهم يا عالم الحب هو: - هو الذي يجعل العباد "يبيتون لربهم سجدا وقياما" - ياااه على حب العبد لربه وحب الرب لعبده - الذي يجعلك تعطف على الصغير وتوقر الكبير وتساعد الغير - المودة والسكن والرحمة (ده بما إن الحب عند البنات = الزواج:)) - اظهر و بان عليك الأمان - الحالة العقلية التي تجعلك غائب عن الوعي وعايش في اللاوعي - محاولة تعريف شقية - حديقة تحتاج إلى رعايتها كل يوم لتنمو وتثمر أزهارها … وأسهل جزء عندما تكتشف أنك تحب والأصعب يبدأ عند الاهتمام بالحديقة بجد بجد شكرا لك ------------ 11) شمـــس قالت كلام جميل لكنهن سبقنها فيه ولكنها قالت جملة تستحق ان تدخل السباق بسببها الحب هو: - ربنا يوعدنا ويوعدك أصله نعمة مش خطية على رأي أم كلثوم - يا رب يا ختي يا رب شكرا لك ------------- 12) روزا اعذريني على الترجمة لكن أنت برضو وهمية بجد الحب هو: - أن تطارد القمر أو تحاول اصابته في مقتل - صحيح ومن الحب ما قتل و القمر دائما رمز للحب - أن تنكر الحقيقة و تصدق الكذب - بالاضافة لكل ما في مدونتها - بتعلني على قفايا يا بنتي؟ طيب مبلوعة المرة دي :)) شكرا لك -------------- 13) ياسمينا و موعد مع التألق دائما - من أراد أن يسمع صوت العقل والنضج فليسمع لها :) الحب هو - شيء نسبي - يأتي بدون استئذان - تتلاشى معه فروق العمر والبعد وحتى التربية والافكار - هو الذي لا ينتهي اذا انتهت حاجتك من الطرف الاخر شكرا لك ------------- 14) نوني و قمة في التعليقات - بمناسبة القمم يعني الحب هو - الحب = قمة الاحترام + قمة الثقة أوجزت بقمة في البلاغة شكرا لك -------------- 15) دكتور سي حبيبي وأول تعليق رجالي جيه على الجواز برضو الظاهر ان الشعب ولهان الراجل الوهمي ده بيقول الحب هو - اللى بييجى بسرعة ويكبر بسرعة قوى بأسرع مما نتخيل هيروح بسرعة و هيموت بسهولة لكن الحب اللى نتعب فيه عشان نكبره و نخليه زى ما نتمنى لنفسنا هو ده اللى هيعيش معانا طول العمر ونجنى ثمرته طول حياتنا ان شاء الله - حياة بلا حب كنهارٍ بلا شمس شكرا لك ---------------- 16) رينا مرشحة بسبب الجملة البسيطة بس القوية جدا الحب هو: - كل حاجة حلوة فى الدنيا - اسوء عذاب فى الدنيا :)) شكرا لك ----------------- 17) طمطم والممنوعات - تستاهلي جايزة يا بنتي الحب هو: - لما تلاقي نفسك مدروخ كدة من غير ماتسهر ولا تشرب حاجة مش قانونية مثلا - ومش شايف قدامك وانت لا مضروب في عينك مثلا ولا عنيك فيها عيا - وحالتك ملخبطة شوية شبعان من غير اكل وشوية جعان ولو اكلت اكل البلد ما حيكفيك مش ممكن :)) شكرا لك -------------- 18) شيرين و ما قل و دل و زي الفل الحب هو: ضعف تتبعه التضحية شكرا لك :)) ------------- 19) قنبلة الموسم - نجمة الجماهير - انفجارات الابداع وشلاليلها المتدفقة :P سمتبييييييييييييييك والتعريف الوهمي جدا جدا جدا الحب هو انك متلاقيش في حبيبك بذر - مرشحة أنت للمركز الأول بجداااااااااااارة :)) شكرا لك --------------- 20) ايموس و قنبلة أخرى من قنابل الموسم الحب = حسن يا سيدي يا سيدي شكرا لك --------------- 21) ابن ناصر و تعليق ظريف يستحق دخول السباق بس خد بالك يا مان انت معاك عتاولة الحب هو: - محرك الحياة و بدونه الحياة تتوقف صحيح جدا كلامك و منتهى العقل تحياتي لك -------------- 22) ابن عبد العزيز - يا ملك انت يا ملك الحب هو: - هو لذة في القلب وشهوة في العين ورقة في الكلام - ده الأناني - ذلك الذي يري في وصال حبيبه شر لحبيبه فيتركه خشية ظلمه - حب الكريم - هو كل فعل او قول "يؤلم" وبلا لذة يتصبر بها الحبيب علي الألم - حب المؤمن ياوهمي يا ملك انت شكرا لك -------------- 23) الحاج شاور أبى الا ان يكون متميزا الحب هو: - الحب هو وجع قلب حقيقى و ليس معنوى - يا ساتر يا رب ربنا يكرمك :)) شكرا لك -------------- 24) بدري212 وكلمات جريئة ومختلفة: الحب هو: الحب : مجرد أحساس بالأختلاف ، أن يري المحب حبيبه مختلف عن الأخرين ، كل الأخرين و أذا سألته ما هو وجه الأختلاف ؟كانت أجابته ــــــــــــــــ ربنا يكرمك شكرا لك --------------- 25) ياسمين جت في الاخر لكن متميزة كالعادة - بجد بجد كومينت عجيب الحب هو: - علاقة عاطفية كيميائية بين رجل وامرأة - صحيح اول مرة حد يعرف بشكل شبه علمي فهي عاطفة و كيمياء - تفضل كدة اسمها حب طول ما الإرتباط مستحيلأول ما يبقى واقع وفى جواز أو ارتباط رسمى .. تبوظ وتتحول الى نكد فى نكد - هو الشعور بالعاطفة المستحيلة فإذا خرجت من حيز المستحيل الى حيز التنفيذ فسدت فورا كلام جبار يا بنتي ربنا يكرمك شكرا لك ---------------- أظن يا جماعة طبعا ان المرشحين كتير جدا لكن أنا قررت أعمل التصويت ليهم كلهم في 25 مرشح وانتم من تقررون أما نشوف شدو حيلكم بقا وحنشوف بقا الايثار لما حد يلاقي حد تعريفه احسن منه يصوتله :))

تحياتي لكم من ماناساس البلد صوت على الشمال مستني ايه؟

هناك 25 تعليقًا:

الأرمـوطــي يقول...

انا برشح تعريف يسمينا لان تعريفها هوا الاقرب للواقع

عـلا - من غـزة يقول...



!! صعب اوي اختار اجابة وااااحدة بس


على العموم انا برشح الجواب بتاع بدري


24)
بدري212

وكلمات جريئة ومختلفة:
الحب هو:
الحب : مجرد أحساس بالأختلاف ، أن يري المحب حبيبه مختلف عن الأخرين ، كل الأخرين و أذا سألته ما هو وجه الأختلاف ؟كانت أجابته ــــــــــــــــ


وفي المركز التاني جواب برايد زون


3)
برايد زون مرشحة و بقوة أيضا لأنها عرفت الحب في شكل حوار بين النفس و القلب

وصف القلب الحب في هذه الجملة:

قلبي: بل إن حالتي عندما تذكرينه لا توصف.. مزيج من الشوق والفرح واللهفة.. خفقات كثيرة.. ومشاعر متمازجة.. إحساس رائع..

وردت هي عليه بقولها هذا عندما حذرها من الحب و تضحياته:

أنا: لن أحس بهذه الجراحات لأنها من أغلى إنسان..



مسابقة تحفة ,,,

تحياتي ليك يا جروم :)


Dr.SEA يقول...

Dayman afkarak gededa ya 3abdo :) mashy ya seedy :)

yasmina يقول...

عبد الله
موضوع التصويت حلو جدا
وشكرا لك لانك ادخلتني به
وكذلك شهادتك على كلامي
رائعة بحق

بشكل عام جميع تعليقاتك تدل على اللباقة وحسن التعامل مع الناس

تحياتي لك وننتظر نتائج التصويت

سلام

Noony يقول...

مفيش فايدة فيك
بتتفنن في أساليب الإثارة والتشويق
:)

على العموم..أنا قلت تعريفي الشخصي عن الحب من غير مسابقات

May the best definition win
;)

Noony

Just a Reader يقول...

ما شاء الله متألق دايما في أفكارك وتعليقاتك وتعاملك مع الناس والمواقف.
على فكره إنتي إن شاء الله هتبقى مدير هايل في شغلك:) ربنا يكرمك ويبارك فيك

dondn يقول...

بص بقا الناس كلها بتشرحه وبتوصفه ونا اصلا بنكر وجوده..الحب ده وهم..بس حاجه حلوة اما بقا تلاقى الشخص مناسب وده شىء في علم الغيب الله اعلم كل واحد وبخته...ناس بوزته ما اخدته سببب للتسليه وتهتمه انه سبباى فشل لقصه ارتباط هوه ياحرام اسىء استخدامه اوى فضاعت كتير من مصداقيته.....معلش انا راىء تقريبا عكس الكل

emos يقول...

ya gama3a fe 7ad mashkook feh sawatly
ashofoooooooo
ye3araf nafso delwa2ty 7alan

Shower-Mirror يقول...

انا شايف ان اجمد تعريف - بعد تعريفى طبعا :) - هو بتاع سمباتيك

الحب هو انك متلاقيش في حبيبك بذر

ههههههههه

و طبعا الناس هاتفتكر انها بتهزر و ان ده تعريف ساخر

بس انا بعد ما فكرت شويه فى الكلام لقيت ان احنا فعلا ممكن نحب حد بجد و نبقى طايرين بيه بس فجأه تظهر شوية عيوب بسيطه جدا و لكن ممكن انها تعكنن عليا و تكدر حياتنا سوا ........تمام زى ماتكون بتاكل بطيخه و مستمتع بيها و تلاقى فجأه تحت اسنانك بذر


تحياتى

Doba يقول...

انا عارفة انى متأخرة كتير بس حبيت اقول تعريفى عن الحب

الحب هو كل ما هو جميل ويدغدغ المشاعر ابتداء بالله الواحد الأحد وإلى ما لا نهايةوهو ما به نحيا وعليه نموت ومن لم يعرف الحب لم يعش

سلامى وتحياتى.....هبة

Epitaph يقول...

SONNET 116
Let me not to the marriage of true minds
Admit impediments. Love is not love
Which alters when it alteration finds,
Or bends with the remover to remove:
O no! it is an ever-fixed mark
That looks on tempests and is never shaken;
It is the star to every wandering bark,
Whose worth's unknown, although his height be taken.
Love's not Time's fool, though rosy lips and cheeks
Within his bending sickle's compass come:
Love alters not with his brief hours and weeks,
But bears it out even to the edge of doom.
If this be error and upon me proved,
I never writ, nor no man ever loved.


When Shakespeare defined love as nobody else did :))

heya sa7ee7 el gayza kilo meshabek w 75 2ersh war2a wa7da mn 3'eir borders w kees hershey's ?

dah Shakespeare mosh a2al menha ya3ni :D

سجدة يقول...

يا رااااااااااايق

The Groom يقول...


الأرموطي

فعلا تعريفها قوي و ناضج وشبه متكامل

تحياتي لك
-------

عزة من غزة
:P

ربنا يكرمك يا رب

كلام بدري فعلا كمان مختلف

أما نشوف :)

تحياتي لك
------------

دكتور سي

بعض ما عندكم يا جميل

تحياتي لك
------------

ياسمينا

وشي مكسوف أوي كلامك والله كبير عليا دانا غلباااااااان

ربنا يكرمك وتحياتي لك
------------

نوووووني

شكرا لك بجد على دعمك اللا متواصل

تحياتي لك
------------

Just A Reader

ربنا يستر علينا
جزاك الله عني خيرا

تحياتي لك
------------

دندن

أضم صوتي لك تماما
وأكثر

ربنا يعينك ويكرمك

تحياتي لك
------------

ايموس

مش عارف مين المجنون ده صحيح؟
:P

ربنا يوفقك و يكرمك بس بطلي نرفزة

تحياتي لك
------------

الحاج شاور حبيبي

طبعا يابني والله سمبتيك قالت المفيد وزيادة

معاك حق بس تعريفها اجمد من تعريفك
:P

تحياتي لك يا حبي
-----------

يااااااه يا دوبا

على الرغم من عدم دخول التعريف بتاعك في السباق

لكن تعريف جميل جدا و اعطيه هدية خاصة من عندي

ربنا يكرمك

شكرا للزيارة و تحياتي لك
--------------

ابيتاف

بطلي تعقديني يا بنتي

هاه؟ مين ده؟
الشيخ زبير مين بس

مش مكفيكي كلام الناس الحلوة دي جايبالي زبير؟

وبعدين تعالي هنا

مشبك و75 بوردرز وهيرشيز؟
قصدك ايه؟ بتلمحي لايه؟ اشجب واندد واعترض
:P

لا الشيخ زبير أقل من الحاجات دي طبعا هو يطول؟ دي كمان مكانتش موجودة ايامهم

تحياتي لك
-----------

سجدة

شكرا على الزيارة و ربنا يكرمك و يوفقك

بس صحيح وماله لما أكون رايق؟ يعني بافتراض صحة كلامك
:(

تحياتي لك
---------

تحياتي لكم جميعا من ماناساس البلد

Sampateek يقول...

ana basawaaaat ahooooo
sampaeek
beeb beeb
sampateek


ha el gayza eh? manga men 3'eer bezr?


:)))

The Groom يقول...


سمبتييييييييك

هاهاهاهاهاها لا

الجايزة بطيخة قرعة من غير بذر

وشمام من غير بذر

وكيلو خيار وبتنجان من غير بذر برضو


هاهاها مش لما تكسبي الأول؟

تحياتي لك من ماناساس البلد

ahmedthatsit يقول...

على رأى الفنان إسماعيل ياسين
"الحب بهدلة ......خلانى قندلة"

KOKKO يقول...

شكرا على انك ادخلتنى السباق

اصعب شيئ انك تختار الاصح

من بين الصحيح

الحب هو كل التعريفات دى مع بعض

لكن احسن من كل ده انك تحب حبيبك زى

ما هو عايز يتحب

DantY ElMasrY يقول...

تعريف الحب صعب زى وصف طعم لذيذ لأكل على مستوى
لأنه ببساطه :من ذاق عرف وعلى {اى بعضهم
وطوفان نوح عند نوحى
كأدمعى
وإيقاد نيران الخليل
كلوعتى
ولولا زفيرى
أغرقتنى أدمعى
ولولا دموعى
أحرقتنى زفرتى

امرأة تقول الذي لا يقال يقول...

ياااااااه
ياريتني كنت جيت من بدري كنت اشتركت (:

هقراهم تاني واختار

امرأة تقول الذي لا يقال يقول...

ابيتاف

lost يقول...

a7la 3gbtnyt
الحب هو حين تبتسم روحك
الحب هو:

-)الحب هو:
- اني اذا احببتك فخذ حذرك عصفو متمرد (بكل جنونه و تمرده)
-

الحب انك تبقى فى عز الضلمه شايف وش حبيبك هو اللى منور ظلمتك

تنكر الحقيقة و تصدق الكذب

الحب هو
- شيء نسبي
- يأتي بدون استئذان
- تتلاشى معه فروق العمر والبعد وحتى التربية والافكار
- هو الذي لا ينتهي اذا انتهت حاجتك
من الطرف الاخر

الحب هو انك متلاقيش في حبيبك بذر


bs ashmal wa7d fe r2yi da
لحب هو:
- هو الذي يجعل العباد "يبيتون لربهم سجدا وقياما" - ياااه على حب العبد لربه وحب الرب لعبده
- الذي يجعلك تعطف على الصغير وتوقر الكبير وتساعد الغير
- المودة والسكن والرحمة (ده بما إن الحب عند البنات = الزواج:)) - اظهر و بان عليك الأمان
- الحالة العقلية التي تجعلك غائب عن الوعي وعايش في اللاوعي - محاولة تعريف شقية
- حديقة تحتاج إلى رعايتها كل يوم لتنمو وتثمر أزهارها … وأسهل جزء عندما تكتشف أنك تحب والأصعب يبدأ عند الاهتمام بالحديقة

3shan kda brsh7 just a reader

el7ob 7ga kbera awy asma w arka e7sas fe eldonya lw 7asenah sa7
el7obhwa elbra2a elly 2amt 3liha el7yah bs elensan hwa elly laws elbara2a d
yaret n2dr n7b b elbra2a d tany
el7ob enk mtstnash mokabl ll7ob w myknsh lghrd mn elly bt7bo bs ely ahm mn enk t7b en elly bt7bo y2dr en d a7la msha3r fe eldonya w mydy3hash ahm mn el7ob w 3shan yfdl mwogod aw kman 3shan ytwld hwa ele7tram w elt2der w enk tkon mn gwak nfsk t3esh tol 3mrk m3a 7abebk

كلمات تأتى وتختفى فجأة يقول...

السلام عليكم ورحمة الله وبركاته

معلش انا اول مادخلت عندك دخلت على موضوع التصفيات
الحب بمفهومه العام هو ان لما حد يسألك ليه بتحب (ربنا او ماما او بابا او اخواتك او حبيبتك) ماتعرفش ليه تفضل تدور على اجابة ماتلاقيش اى ان الحب يأتى من غير سبب وده الفرق بينه وبين الاعجاب لان الاعجاب بشخص اكيدهتلاقيله سبب
اما الحب بمفهومه الخاص فهو ان تنظر فى عين حبيبك ترتاح
انك تحافظ على نفسك ليه ما احلى كل شئ تفعله لاول مرة مع شريك عمرك مش عارفة فاهمتنى ولا لأ
انك تكون عارف ان فيه حد جنبك بيساعدك بيحبك ليس لسبب الا انه يريد رضاك لانه من رضا الله وسموك فى حياتك واخرتك
انهم يصلوا سوا بمعنى انهم يشجعوا بعض على رضا ربنا ويدخلوا جنته سوا يعنى يكون حب فى الله
وانهم لما يكبروا فى السن يكونوا عونا لبعض كما كانوا فى شبابهم
انا طولت عليك اسفة ليك ويا رب اكون قدرت اوصل قصدى وربنا يكرم الجميع بالجنة ورؤية ربنا اللهم امين

koukawy يقول...

ميرسي يا جرووم انه عجبك
بس حقيقي بحس ان ده اهم حاجه في الحب
عشان كده في الخطوبه مش مفروض ان البنت تتأنق زياده لدرجة تغييير شكلها او الشاب يبقي لطيف زياده لأن كل ده بيتفضح بعد كده من رأي لازم يبققوا علي طبيعتهم عشان العيوب تبان
و اللي هيقبل هيقبل بالعيوب

dr emy يقول...

الأختيار صعب جدا" وربما كان الحب مزيجا" من كل ما قيل ولكن أعتقد انه كما قال نزار انه مغامرةكبرى وابحار ضد التيار,وارجو ان تتقبل مرورى.

مشمش يقول...

انا مش عارف بجد
الحب في الدنيا وهم من تخيلنا لو لما نجده عليها لاخترعناه