الأحد، 3 يونيو 2007

الحب

السلام عليكم ورحمة الله
هلوسات بالليل
الحب واه من الحب
النهاردة روحت الجامعة وفضلت هناك طول النهار
صحيح انا بكره المكان ده لانه مكان قميء بس مضطر عشان النت ببلاش
:))
أصل أمريكا نادر فيها أوي النت كافيه هاهاها
المهم
انا سمعت هناك أغنية الليلة احساسي غريب لكاظم على يد واحد صاحبي
وقعدت أسرح
والي زود الموضوع اني لقيت اتنين متجوزين زمايلي
الاتنين في نفس الفصل معايا وبياخدو نفس الماستر
اعرفهم من يجي سنة من اول ما جيت امريكا - مبسوط اوي ليهم لانهم متفاهمين جدا
مرة زمان وصلتهم بالعربية ورفضت اخد منهم حق البنزين رغم اني يومها كنت مقشفر و بوصل الطلبة بفلوس زي التاكسي عشان القط رزقي - مش عارف ليه انبسطت ليهم اوي - بيشتغلوا كمان في مكان واحد هنا
حسيت انهم في قمة الاستقرار والراحة النفسية
يا ترى هل حقدر أوفر الاستقرار - الحب - العطف - الحنان - الراحة لزوجة المستقبل وحبيبة العمر؟ هل حنستحمل بعض؟ هل حنكون في قمة السعادة زي الثنائي اللي شفتهم دولا؟ هل حتعوضني عن بيع الناس ليا وتخلي الاحباب عني؟ هل حقدر أنسيها الهموم من نظرة؟ هل حرتاح من تعب الدنيا كله معاها؟
هل هنكون متفاهمين كده بشكل غريب؟ هل حتفهمني وافهمها من نظرة؟ او اشارة بسيطة؟ هل حننطق كلمة "بحبك" في نفس واحد؟
ربنا وحده يعلم أنا بفكرلها في ايه - ربنا وحده يعلم أنا نفسي في ايه نعمله سوا - طول عمري بستنى ومش بعمل حاجات كتير في حياتي بس عشان اشاركها فيها لأول مرة زي ما طول عمري كمان بقول ان أول حاجة في أي حاجة هي أهم حاجة
صدقت يا كاظم = صدري سما واحساسي طير
:))
اللهم اجمعني بحبي قريبا على خير يا رب العالمين :)
فعلا الليلة غير
تحياتي لكم من ماناساس البلد و تصبحوا على خير ومعلشي بوست هلوسة قبل النوم
:)
فضفضة:
ناس بتحب الحب وناس منه بتنادي الطبيب
ناس بتكتب في الحب وناس بتناجي الحبيب
يارب يا قادر علينا اجمعنا عالحب والنصيب
وطيبني واشفيني ولو بنظرة من الحبيـــب
اي كلام

هناك 24 تعليقًا:

Bride Zone يقول...

أنا كمان حكتب هلوسة اول النهار محنا بدينا دوام القرف من صباحية ربنا :)

وحلو اوي اني بكومنت على البوست بتاعك اول وحدة :)

شوف بقى ندخل بالمفيد.. محدش يعرف ايه اللي حيحصل بكرة ولا نصيبه حيكون فين وازاي..

يعني سواء فكرنا وشغلنا نفسينا بالتفكير ولا حتى خلينا الأمور تمشي على طبيعتها واكتفينا بالدعاء أن ربنا يكتب لنا الأخير والأفضل لديننا ودنيانا وسبنا بعد كده الخلق للخالق يبقى حنستريح أوي..

صحيح في حاجات لازم فيها الأخذ بالأسباب "والدعاء من الأخذ بالأسباب برضه" بس برضه مش تخليها شغلك الشاغل وتفكر فيها كتير عشان نفسيتك ما تتعبش..

ربنا يرزقك ببنت حلال تكون لك كما تحب وتكون لها كما تحب وتنسيك ايام الشقى اللي عشتها قبليها يارب.. إنك على كل شيء قدير..

غير معرف يقول...

ربنا يرزقك بالخير و الحب و السعادة
و يحقق لك ما تتمني
ان شاء الله

emos يقول...

da 3ala keda kolena mehalwseen
as2ela keteer law 2a3adt tefakar feha hatet3ab

rabena yerzo2ak ya groom b 2a7san wa7da fe el donia ya rab

ana mesh metnarfeza el marra deh
3'areba ya3ny

غير معرف يقول...

اخي الكريم / السلام عليكم
ربنا يرزقنا جميعا بالزوجات الصالحات

بس حبيت اني ااكد على اهمية اسلوب الاختيار --> يا ريت يكون عندك وقت تقرا المدونة دي
قصة جميلة لزواج اعجز عن وصفه بالكلمات
http://alaasaad19.jeeran.com/archive/2007/1/150006.html

ربنا يسهل لنا جميع الامور ويقر اعين كل منا بالزوجة الصالحة خير متاع الحياة الدنيا

اخوك / احمد

سجدة يقول...

ربنا يرزقك يارب بالزوجة الصالحة تكون عون لك على الدنيا والاخرة

yasmina يقول...

الله يوفقك يا عبد الله
ويكرمك ويرزقك على قد نيتك

دايما الواحد لما يكون امله كبير في شي بيكون ينتظرة ويخطط له كثير واحيانا من غير صبر
واحيانا اخرى بيكون الاختيار خاطئ نتيجة التسرع او اللهفة
وطبعا هذا ما لا اتمناه لك ولكني اوضح نقطة فقط لتنتبه اليها عندما يحين الوقت

:)
كاظم طبعا قمة في الروعة ودايما متواجد معنا
وعلى فكرة الاغنية هذي بحبها جدا

:))

وبدعيلك دايما

Anima يقول...

اوعدنا يا رب

الليلة تحساسي غريب اغنية اكثر من رائعة بحبها قوي

ربنا يوعدك باللي تتمناه

قناوية تعشق أسيوط يقول...

علي فكرة
فيي حاجات كتير اوي
لما بنقعد ندور عليها بتتعب

ومش بنلاقي اللي احنا عايزينه

الحب بالدات لو دورت عليه ممكن تلاقي حاجة شبهه
لكن الحب الحقيقي
يقتحم قلبك دون تخطط له
ودون ان تبحث ودون ان تحدر
عشان كده يقال
وقع في الحب
فانت ان شاء الله
اشغل نفسك باي حاجة دلوقتي هتلاقي نفسك

فجاة كده
وقعت

واقوللك
الف سلامة عليك

تحياتي

KOKKO يقول...

ياريت تهلوس كل يوم ,عشان نشوف كم المشاعر الرقيقه النادر وجودها فى عالمنا دلوقتى
واكيد ان شاء الله ربنا هيرزقك
بالزوجه الصالحه
المحبه
وياسيدى يابختها بيك مقدما
ربنا ما يقطعلك هلوسه...قصدى عاده

Dr.SEA يقول...

ايه الكلام الجامد ده يا عبده
:)
بلاش الكلام الكبير ده لحسن كده هتطمع البنات فيك
:D
أنا بهزر طبعاً ربنا يكرمك يا سيدى و يكرمنا معاك ويرزقنا باللى نسعدهم و يسعدونا
:)

تخاريف يقول...

ياسيدىىىىىىىى...
:)))
ايه البوست المزاج ده..
:)
ربنا يكرمك يا جرووم يارب ..ونفرح فيك قريب...
ادعى
دايما يا جرووم ان ربنا يرزقك بالزوجه الصالحه اللى تكون سند ليك فى الدنيا وانتو الاتنين تبقوا طريق لبعض للاخره...
بجد ربنا يكرمك
:)))))
تحياتى ليك..من كايرووو البلد

تخاريف يقول...

نسيت اقولك...
الفضفضه اكثر من رائعه
:))))))

Just a Reader يقول...

ربنا يسعدك ويرزقك باللي أنت عايزة
الموضوع هيعتمد بدرجة كبيرة عليك عليك...مدام انت عايز كده ..إن شاء الله هتبقى كده ...ربنا يكرمك

The Groom يقول...


لكم جميعا بجد

جزاكم الله خيرا ورزقكم الجنة

امين يا رب

بجد اني احبكم في الله وجزاكم الله خيرا على تعليقاتكم الجميلة

اللهم لك الحمد
:))

تحياتي لكم من ماناساس البلد

Shower-Mirror يقول...

اذا كان ده مفهومك عن الحب و الجواز ...فاكيد ربنا هايكرمك و يحققلك امنيتك

المهم انك ماتستعجلش و تختار كويس

اختار واحده بتحبك ..مش واحده عايزه تتجوز

و هناك فرق لو فهمت قصدى


...........

تحياتى ...و ربنا يكرمك و يوفقك

bastokka طهقانة يقول...

كلنا نقول عايزين و لما يبقى عندنا نقول
كفااااااااااية



اوروفوار

Doba يقول...

جميل قوى يا جرووم احساسك
بس اتمنى لما تلاقى حبيبة القلب ومهجة الفؤاد واللى جواك كل ده ليها مترجعشى فى كلامك لان معظم المصريين للأسف بيملو بعض قضاء وقت او مدة فى الجواز زى متقول كده بيملوا من شيل المسؤوليه

يارب يرزقك بالزوجة الصالحة اللى تمر معاها بأول وأهم حاجة فى حياتك

جميلة هلوسات اخر الليل....تحياتى

Rivendell** يقول...

يا مزاجه يا مزاجه


انت البطالة جاية على هواك اوي


لول


بهزر والله


ربنا يكرمك يا وليدي يارب


وبكرة تشوف ان ما بقيتش رئيس مجلس ادارة ما ابقاش انا ريفندل


:)))))

david santos يقول...

Alive the people of Palestine, against the fascism of Israel and the terrorism of the North America

Peace for Palestine

Noony يقول...

عبد الله

ربنا يرزقك بالزوجة الصالحة الي تعينك على طاعة الله وتعمل معاها ل حاجة انت مأجلها عشان تعملها معاها لأول مرة

بجد يا عبد الله انت تستاهل كل خير
وربنا يعوض صبرك دة كله خير
:)
أسفة على التأخير..معلش أنا مش مضبوطة اليومين دول

خد بالك من نفسك وابقى طمنا عليك
:)
نوني

عبدالله يقول...

يا صباح الاحساس و البتاع
:)
ربنا يرزقك ان شاء الله الحب الي بتتمناه بس انت غريب يا ابني ما كلنا كنا بندور علي الحب بس مكوناش بندور قوي كده :)

تحياتي

أحمد سلامة يقول...

الفضفضة دي حلوة قوي قوي منك يا جروم
احساسك بان عليه رقيقي قوي
الجملة دي مش قادر اوصف قد ايه اعجبت بيها

طول عمري بستنى ومش بعمل حاجات كتير في حياتي بس عشان اشاركها فيها لأول مرة

انشاء الله يجمعكم سوا بإذن

The Groom يقول...


bride zone

هلوسي براحتك يا بنتي

انا بدعي وباخد بالاسباب وربنا كريم

بس المفروض الواحد يفكر و يخطط ويتسائل

عموما ربنا يكرمك

تحياتي لك

------------

ابيتاف

امين يا رب ويكرمك ويحميكي

تحياتي لك

:)
------------

ايموس

امين يا رب

ربنا يكرمك ومتتنرفزيش ابدا يا رب

------------

أحمد

اكيد اسلوب الاختيار حاجة مهمة جدا

عموما ربنا يكرمك يا رب

تحياتي لك و ابقى زورني كل شوية

------------

سجدة

امين يا رب ويكرمك يا رب

شكرا على زياراتك المتواصلة

تحياتي لك

------------

ياسمينا

امين يا رب ويحميكي ويكرمك

ربنا يعينك ويصلح حالك ويهديكي يا رب

تحياتي لك

------------

أنيما

امين يا رب


:))

تحياتي لك

------------

قناوية تعشق أسيوط

أنا نفسي أقع زي مابتقولي كده

قريب ان شاء الله

ربنا كريم

تحياتي لك من ماناساس البلد
--------------

كوكو

امين يا رب ويكرمك

تحياتي لك من ماناساس البلد

------------

دكتور سي حبيبي

ربنا يكرمك ويحميك يا رب

تحياتي لك

-----------------

دكتورة تخاريف

بجد بجد ربنا يكرمك ويحميكي ويهديكي

تحياتي لك

------------

شكرا لان الفضفضة عجبتك ربنا يجبر بخاطرك يا رب

تحياتي لك

--------------

جاست ا ريدر

الله يكرمك يا رب ويستجيبلك

تحياتي لك

-------------

شاور ميرور

الله يكرمك وخطوة عزيزة يا فندم فينك من سنين

عموما ربنا يحميك ويخليك

تحياتي لك

--------------

طهقانة

هاهاهاها مش مسئوليتي انك شفتي مشاكل مع جوزك

ربنا يصلح حالكم يا رب

تحياتي لك

---------------

دوبا

الله يكرمك يا رب

امين يا رب

لا مش حرجع في كلامي
انا مش مصري :))

تحياتي لك

-------------

رافينديل

هزري زي مانت عايزة يا بنتي

ولا يهمك

اه البطالة حلوة هاهاها ربنا مايجيبها تاني يا رب

تحياتي لك

-----------

دافيد سانتوس

يا رب

تحياتي لك

-------------

نونييي

حمدالله على السلامة

شكرا لمتابعتك المتواصلة

ربنا يكرمك ويستجيب يا رب

تحياتي لك

-------------

عبدالله

الله يكرمك صباح الفل

ادعيلي بس

ربنا يخليك

تحياتي لك

-----------

احمد سلامة

انت اللي وهمي يابني ده بعض ما عندكم

تحياتي لك

----------

ربنا يكرمكم جميعا وتحياتي لكم من ماناساس البلد

RoJi يقول...

رجاء-المغرب

ما أجمل ما كتبته أخي

ربنا يحقق لك كل ما تتمناه

تحياتي