الأربعاء، ٦ يونيو ٢٠٠٧

حينما

بسم الله
حينما تفقد القدرة على التحكم في الامور
حينما تشعر بالعجز التام عن مساعدة من تحب
حينما تشعر بعدم القدرة على التحدث
حينما تشعر بالاختناق
حينما تحاول البكاء ولا تستطيع فقط لانك لا تدري اتبكي ماذا ام ماذا
حينما تشعر بأن الناس لا تراك رغم صراخك بصوت عال
حينما تشعر بأن الناس لا تسمعك رغم قفزاتك المجنونة امامهم
حينما تشعر بقرب النهاية
حينما تضحك بالدموع وتبكي بابتسامة بلهاء
حينما تكون حياتك مسلية جدا وأنت في قمة الملل
حينما تفقد القيمة و يتجاهلك الجميع
حينما يتسابق الجميع للجنة وتسبقهم انت للنار
حينما تشعر بأنك دون أن تحلم
حينما يحرمك الجميع من الحب و يستنكرونه عليك
حينما تقهرك الظروف لانك لم تستعن بالله
حينما يعاقبك الله على تقصيرك
حينما تحترق خوفا وقلقا
حينما تقطر غباء
حينما تحاصرك الأشواك وتنزع الرياح عنك الورود
حينما يضيق قلبك بك و يضيق صدرك بقلبك و يضيق جسدك بصدرك و تضيق ملابسك بجسدك
حينما تكون بلا معنى او ثمن
حينما يكون لونك الشفاف مفضلا
حينما لا تجد ما يملأ يومك الا التراب
حينها فقط
أنت أنا

هناك ١٦ تعليقًا:

أميرة البلطجية يقول...

عبد الله
انا اسفة مرتين
مرة على غيابي..لكن زي ما شفت في البوست بتاعي..انا كنت غايبة عن الساحة كلها
واسفة للمرة التانية عشان الحالة اللي انت فيها...انت سبت الشغل؟ اخبار ماما ايه؟...عبد الله انا حدعيلك بأذن الله وحذكرك بحاجة انهاردة عشان معجبنيش قولك ان ربنا بيعاقبك
احسن الظن بالله...ربنا مش بيعاقبك ولا حاجة وربنا لو حيعاقبنا يبقي في الاخرة..لكن اللي بيحصلك دلوقتي ابتلاء وامتحان وتكفير ذنوب وتذكرة
فأحسن الظن بالله واستمر ع في الاجتهاد في حياتك والدعاء والاستغفار
ربنا معاك وحطمن عليك تاني

Noony يقول...

يا الله
هون على نفسك
مفيش حاجة في الدنيا كلها تستاهل كل دة

كله خير يا عبد الله
كله خير

زي ما "أميرة البلطجية" قالتلك..أحسن الظن بالله
أكيد ربنا شايلك حياة أفضل
وشغل أحسن
وناس بيخافوا عليك أكتر

بس انت متنساش الدعاء..ادعي وادعي وادعي
إن شاء الله ربنا يستجيب لدعاءك ويوفقك لكل خير وفي الوقت الأنسب

بجد بدعيلك ربنا يفك كربك ويرزق ببنت الحلال اللي تهون عليك...بدعيلك وبانسى أدعي لنفسي
:)
فكها بقى
وإن شاء الله خير

نهاد

Doba يقول...

حينما تقهرك الظروف لانك لم تستعن بالله

انت كتبت الكلمة اللى من خلالها الواحد كل لما يقع يقوم ويقف من جديد

مزعلنى .......ومش عارفة اقولك ايه بس ربك كريم وزى مبيقولو ما ضاقت الا اما فرجت

فرجه قريب

تحياتى.....هبة

غير معرف يقول...

when you donno what God has for you
when you donno that it's a sign to fight
when you donno that there are many who care for your happiness
when you donno that many pray for you
when you know that there is someone will be waiting for you somewhere
when you donno it's a visitation from God so that your voice reach the skies praying
when you donno that the good is preserved for you
when you donno that your words made my heart bleed

then ....

Allah will bring the best insha Allah

Rabena Soubhano w t3ala 3ayzak ted3y mn 2albak.. 3shan sotak yewsal el sama..3ayz yesma3 sotak kaman w kaman.. sot el 3abd Rabena bey7eb yesm3o.. fa bey2a7'er estegbtoh li da3weto 3shan Rabena bey7boh :)

yasmina يقول...

العزيز عبد الله

لم اصدق نفسي وانا اقرا كلماتك هل انت من علق عندي في الصباح وكان يشجعني ويحثني على الاستمرار وعدم اليأس

انا دائما احاول تشجيعك والتخفيف عنك ولكني هذه المرة لا يسعني الا ان اقول لك

:(

انت انا
انت انا
انت انا
انا انت
انا انت
انا انت
وازيد...

حينما تشعر بفراغ قاتل يخنق الانفاس

حينما تهدم عزيمتك وقد كانت فولاذ

حينما تعشق الهوى ولا يهواك

حينما تطير احلامك اسراب الرياح

حينما تشعر بظلام في عز الضياء

حينما تريد ان تكسر القيود فتزيد انقباض

فانت انا


اسفة فعلا لانه ما قادرة اكتب شي ثاني
ولاني مش عارفة ارفع من معنوياتك

بس بدعيلك دايما وبدعي لحالي
والله كريم

سلام

badry212 يقول...
أزال المؤلف هذا التعليق.
Rosa يقول...

عبد الله قريت البوست ومش قادره اكتب حاجه
دموع وبس
مش عندي ليك اي كلام غير
مامنعك الا ليعطيك
وما ابتلاك الا ليعاقيك
و ما امتحنك الا ليصيفيك
فوض امرك لربنا يا عبد الله
لا حول ولا قوة الا بالله
plz cheer up

أيامنا الحلوة يقول...

تضايقت كثيرا بعد قرأة البوست .. ادعو الله ان يفرج همك .. تفائل ولاتجعل الاحباط يتملك منك وادعي ربنا كثيرا.. ونحن جميعا ندعو لك ونعيش معك الامك وافراحك الاتية ان شاء الله

تحياتي

a_woman يقول...

I have an English version of this written four years or so ago... I'll bring it tomorrow... Just to prove that those horrid feelings don't last forever. Don't worry.

تخاريف يقول...

:(((((((
ليه كده؟؟؟

ربنا يشرح صدرك..ويزيح عنك يارب..
ىاحسن الظن بالله يا اخى..

koukawy يقول...

ليه كده بس اليأس ده
معقول كل ده انت ليه كده ؟
ابتسم للحياه يا اخي عشان متبوزش في وشك
انا اسفه اني مقصره بس قلما لما اتفسح في البلوجات و العشش المجاوره

Rivendell** يقول...

عبدو ذا جريت باشا

ان مع العسر يسرا

ان مع العسر يسرا

وصدقني مهما كنت بعيد عنه هو قريب منك .. ناديه وادعي اوي وهتحس برحمته نازلة عليك .. اسمعها مني وصدقها

وبعدين انا لسه عند كملتي ... هتبقى رئيس مجلس ادارة وهتقول سها قالت

MiraMar يقول...

لما مجموعه من صحابنا يجيلهم اكتئاب
سوا بنقول انه لازم حتما ولابد انه يكون فيه فيروس كابه على نكد منتشر في الجو
وشكل الفيروس وصل عندكم

الكلام اللي انت قلته ده كان مجرد شحنه سلبيه كانت لازم تخرج من جواك
بس صدقني مجرد خروجها ديه نعمه كبيره اوي لازم تحمد ربنا عليها في ناس مش بتقدر تعبر عن اللي جواها والشحنات تتجمع مع بعض وتخلق مجال كهربائي
لدرجه انك ممكن لو سلمت عليهم بالايد تتكهرب

:)
واحده صاحبتي من الناس اللي طئه زي حلاتي
لما كنا في سنه الامتياز كانت مقضيه السنه كلها في الاستقبال
وخصوصا لما تكون مضايقه كان المكان ده بالنسبه ليها نزهة الأنفس
ليه؟
ده كان نفس السؤال اللي سأله اخر عريس اتقدم لها
وكانت الاجابه
انها لما بتحس انها مضايقه وتروح الاستقبال وتشوف حادثه
واحد كان ماشي في امان الله بيفكر في هموم الدنيا والعيشه واللي عايشنه
والجمعيه وفلوس الدروس وحماته اللي منكده عليه عيشته
ومديره في الشغل
والمرتب
وفجأه يحصل اللي حصل
حادثه وقضاء وقدر
واستقبال و
ERونجري كلنا زي مسلسل

بس مش كل الاوقات بتكون النهايات سعيده
ساعاتها بس بتحس انه مفيش حاجه في الدنيا ممكن الواحد يشيل همها
فيما عدا علاقته بربنا

بس لازم الواحد يكون عنده حسن ظن بالله
طولت عليك
بس كان لازم اخرج شحنه سلبيه جوايه بتكهربني من صباحيه ربنا
:)
ربنا كريم اوي

esraa يقول...

من ايه كده بس ياعبدالله؟
أتمني انك تكون بقيت كويس
وربنا معاك يارب

ياسمين يقول...

بلاش والنبى يا جروم سياسة جلد الذات دى لأنها غاية فى الألم
اعلم انك قوى ولكن لكل قوى لحظة ضعف
اعلم انك مؤمن ولكن لكن مؤمن لحظة سهو
اعمل انك متفائل ولكن لكل متفائل لحظة يأس
اعلم انك مفكر ولكن لكل مفكر لحظة جنون

لا تجلد ذاتك ولا تظن فى الله سوء
قل لن يصيبنا الا ماكتب الله لنا
تحياتى

Just a Reader يقول...

معلش أيام وموجودة في حياتنا وبنعيشها بس بتعدي في الآخر وربنا كريم أوي بجد ....إن بعد العسر يسرا..
ربنا يفرج كربك ويبدله آمنا وسعادة