الجمعة، 8 يونيو 2007

مواقف في حياتي

موقف 1 نمت في عربيتي في الشارع لاني مش قادر اسوق اروح بيتنا الساعة 12 صباحا في ليلة من ليالي مارس الفين وستة وانا راجع من شيل العفش - من يومها وانا بحب عربيتي دي قوي قوي - دي بيتي العزيز هنا واحب من عرفتهم في امريكا الى قلبي - اللهم لك الحمد - اللهم احفظها موقف 2 كيميا وفيزيا ورياضة اتنين في سانوية عامة - الحمدلله عديت على خير وجبت المجموع الكويس الحمدلله - رغم اني قصرت كتير بس اللهم لك الحمد - كان قراري بالنزول لمصر اخد الثانوية منها ولن اندم عليه ما حييت رغم ما عانيت - اللهم لك الحمد والحمدلله الذي هدانا لهذا وما كنا لنهتدي لولا أن هدانا الله موقف 3 بكلم شخص ما انجليزي كويس قالي شخص ما متوقعتش خالص ده منه اسكت انت طربش - جرحتني اوي يومها مش عشان هي كلمة مش كويسة عادي دي كلمة هبلة لا تسوى لكني انا متقوعتهاش من الشخص ده بالذات - ربنا يسامحه يا رب موقف 4 لعبت كورة ولوحدي رجلي اتلوت ولما الورم راح شوية لعبت تاني وانكسرت لانها كانت اتشرخت اول مرة - قعدت في البيت بسبب الموضوع ده وراحت الترقية في الشغل و كمان راح المرتب - بس الحمدلله جات في وقتها وعرفت واتعلمت حاجة تمام اللهم لك الحمد عليها عرفت مين صاحبي ومين لا الحمدلله :) موقف 5 ببص في المراية كل ما تيجي الفرصة واحمد ربنا على شكلي الحلو واللهم حسن خلقي كما حسنت خلقتي - ببكي بحرقة سعات شوقا لعبدالله اللي عرفته وحبيته زمان مش الالة الفاضية دي اللهم لك الحمد تاني :) والله ربنا كريم يا جماعة و الفرج قريب باذن الله تحياتي لكم من ماناساس البلد

هناك 7 تعليقات:

koukawy يقول...

ياه موضوع الشرخ و الكسر ده حصلي بالظبط كده بس بسبب واقعه علي نفس المكان في رجلي اكتلر من مره

غير معرف يقول...

اللهم لك الحمد كما ينبغي لجلال وجهك وعظيم سلطانك
all such experiences say of your strong will and your persistence masha Allah

:)

yasmina يقول...

عبد الله

دايما لما بفتح اقرا لك موضوع جديد بتفاجئني ما شاء الله

1 - ان شاء الله ربنا يتوب عليك من الحمل
ويخليلك سيارتك
اللهم احفظه

2- الحمد لله انك نجحت وان ربنا هداك
للصواب

3- بدي قولك زي ما انت قلت لي قبل ان
الكلام احيانا بيكون كلام في الهواء وما لازم يفرق معنا فلا تسمعه ولا تهتم به
واذا قال لك هذا مرة فلا يستحق ان تسمعه مرة ثانية

4- سلامة رجلك
وعسى ان تكرهوا شيئا وهو خير لكم
فعلا الواحد ما بيعرف اصحابه الا عند الشدة

5- هذه زعلتني منك جدا
من قال انك اله فارغة انت بس اللي فيك اشياء لسه ما اكتشفتها ولا بدك اكتب لك انا بس بياخذوا صفحات كثير

:)

انظر الى نفسك جيدا وستجد عبد الله الذي تحبه موجودا لم يتركك ابدا

يا رب الفرج قريب باذن الله كما قلت
يا رب تدخل الجنة

سلام

Just a Reader يقول...

شئ جميل أنك تفتكر مواقف مرت وتفتكر قد ايه كان ممكن تبقى الظروف أسوأ من كده لولا كرم ربنا. وتأكد إن مهما كانت المواقف أو الظروف سيئة في وقتها فأنت في الآخر بتسفيد منها وتخليك أقوى من قبل كده.
ربنا يثبتك ويكرمك وإن شاء الله فرجه قريب.

KOKKO يقول...

الف سلامه عليك ,وياسيدى ربنا يعوض عليك بشغل تانى
وان كان على الناس انت مش تقدر تعرف اصدقاءك الا فى المواقف دى
كلنا بيمر علينا اوقات بنحس فيها ان احنا فارغين مش لينا قيمه حقيقيه.لكن مش المفروض نستسلم للاحساس ده قاومه بالتقرب لله
ده فعلا اللى هيزيل عنك الاحساس ده
لو تسمح هضيفك على مدونتى
تحياتى

reri يقول...

كل شئ ربنا يجيبه يبقي كويس
ممكن تحسه مش كويس وقتها
ويمر وقت تلاقيه إنه أحسن حاجه فعلا
ربنا معاك

سلامااااااااااات

Rosa يقول...

عبد الله
دايما بستمتع وانا بقرا ليك اي بوست
عايزه اقلك حاجه انا مش شايفه غير شخص ما شاء الله اي حد يتمنى انه يكون زيه م شاء الله
ومااتقدش ان الاله الي بتقول عليها دي ممكن تبدع وتكتب وتحب الناس الي حواليها دي كلها ويكون جواها الرضا والقناعه والايمان دا كله
ماعتقدش الالة دي ممكن تكتب بوست زي الي فات يا عبد الله
:)