السبت، 30 يونيو 2007

قليل من الحبر

بسم الله الرحمن الرحيم
نفسي كل واحد يجاوب على السؤال ده في سره
ولو سمحتم محدش يجاوب غير في سره على نفسه بس
ليه بتابعوا مدونتي؟ اشمعنى أنا؟
بس خلاص نيجي للبوست بقا
اوعوا الاقي اجابة السؤال ده في الكومنتس - مش عايز أعرف - أنا بس عايز كل واحد يعيد حساباته
-------------------
أغلق الباب بهدوء خلفه، تعمد عدم ايقاظها وهي نائمة بالطبع، من ناحية هو يريدها مفاجأة سعيدة لها و من ناحية أخرى يرى أنها هدية مناسبة جدا لعيد زواجهما الذي يحل غدا، سيحزن قليلا بالطبع لو نسيت ذلك اليوم، لكنه بالتأكيد سينسى كل ذلك ويرقص قلبه طربا مع ابتسامتها الساحرة، دعا الله بشدة في صلاته أن يحميها له.
أعد القهوة بنشاط وهمة، وأتم ترتيب الأطباق في ذلك الحامل المزركش، لقد أعد الافطار بنفسه ذلك اليوم في انتظارها لتنتهي من حمامها الصباحي، خرجت وغابت قليلا في غرفة النوم وعادت في أبهى حلة، اندهشت في بادئ الأمر لكن دهشتها زالت بسرعة البرق عندما لمحت الرزنامة المعلقة على الحائط وفيها ذلك اليوم من شهر أغسطس الحار وقد أحاطت به دائرة كبيرة ورسم عليه قلب ضخم، أدركت على الفور ما يحدث حولها.
لم يمهلها كثيرا ليزداد استيعابها بل جرى نحوها وغطى عيناها برفق، تجاوبت معه في دهشة واستسلام، تحب دوما مفاجآته المتعددة، كل عام وأنت بخير يا حبيبتي، وطبع على خدها الأيمن قبلة رقيقة، كل عام وأنت بخير يا حبيبتي
افتحي عينيك الآن
فتحت عينيها واذا به يمد ظرفا ذهبي اللون مزركشا
توقعت هدية كبيرة هذه المرة تليق بمرور عشر سنوات كاملة كما وعدها من قبل، لكنها فوجئت بذلك المظروف هذه المرة، تناولته في هدوء مضطرب وفتحته، يا الله؟ معقول هذا؟
نعم بالفعل معقول جدا، احزمي حقائبك بسرعة فموعد الاقلاع باق عليه يوم واحد فقط
ارتمت في حضنه من السعادة غير مصدقة
لم تعلم أنه أمضى الشهر الماضي كله يرتب لتلك الرحلة لتركيا، خطط لكل شيئ بدقة لكي تكون رحلة استثنائية يتخللها عمرة في مكة المكرمة - ياااااااااااااااااااااه ما أجمل مفاجآتك يا حبيبي
جلست على الأريكة من فرط الانفعال، وجلس بجوارها سعيدا يكمل اعداد المائدة للافطار، بادرته بالقول: ولك عندي هدية غالية جدا
نظر اليها بتساؤل حذر؟ نبرة صوتها هذه المرة غريبة قليلا
نعم - أنا حاااااامل في منتصف الشهر الثاني، أخيرا جاءنا ضيف عزيز طال انتظاره
جلس بدوره لاهث الأنفاس بانفعال شديد على كرسي المائده
ثم خر ساجدا بعنف يحمد الله ويشكره
ولما قام من سجوده
احتضنها بشدة
وتبسم :)

هناك 17 تعليقًا:

Bride Zone يقول...

حلوة رشات الحبر الأخيرة..
اعجبتني جدا الرومانسية في هذه الرشات..

عوداً حميداً..

سجدة يقول...

جميلة جدا
عودة جميلة
بس القصة منتهى الرومانسية
عقبالك كده

احمد رفعت يقول...

ايه يا عم انا ناقص انت قطعت قلبى ده انا بتنشق على حبة رومانسية تعمل فيا كده ، ربنا يوعدنا حبيبي

yasmina يقول...

يعني طولت وانت بتشتري
القلم
بس طلع قلم رومانسي وحبيب

:)

قصة رومانسية جميلة
ربنا يوعدك بالزوجة الصالحة يا رب
وبالعمرة والحج بإذنه تعالى

دعواتي لك دائما

Rosa يقول...

:)


حمدالله على السلامه
ربنا يوفقك للي فيه الخير و السعاده دائما
:)

Just a Reader يقول...

عوداً أحمداًاًاًاً :))
إن شاء الله حياتك تبقى كلها سعادة وتفاؤل ورومانسية :)

تخاريف يقول...

حمد الله ع السلامه...
انا قولت عملو فيك هناك ....
يااالااا ربنا يجعل كلامنا خفيف عليهم

القصه بقى جميله اوى ...
احلى ما فيها الرومانسيه الواقعيه ...بجد حلو اوى..

بس هى ازاى بقى هتسافر ..وهى حامل فى شهرها التانى..؟؟؟

بخبرتى الطبيه اللى مالهاش زى..وخصوصا فى النساااااااا
بقول انها تستريح فى السرير احسن...
السفر هيتعبها... وفى خطر ع الحمل
ابقى خلى بالك المرة الجايه من الحبكه الطبيه ...
اسأل ..استشير...
:))))))

تحياتى من كايرررووو البلد...

ناس سعيده وجوزها مدلعها
وناس مخنوقه وجوزها مفرقعها...
وناس زمزوءه وجوزها يخاف على زعلها
وناس راضيه وجوزها بيدعلهاا

ههههههههههههه

أيامنا الحلوة يقول...

ياسيدي على الرومانسية ... ربنا يوعدنا قول امييييييييين

تحياتي

dondn يقول...

حمد لله ع السلامه اخيرا تكرمت وكتبت لنا...بس العوده جاامده جداا وبديها برومانسيه ..حلوة اوى في انتظار المزيد من رومانسيات اللى ربنا يوعدك ويوعدنا بيها ان شاءلله


ربنا يكرمك باللى تستا هلك

إنـســانـة يقول...

حمد الله ع السلامة

اللهم صلى على سيدنا محمد
ما شاء الله لا قوة الا بالله

مش قادرة اقول اكتر من كدة
حلوة بجد

تحياتى
:)

Shower-Mirror يقول...

طبا هو مش مسافر تركيا عشان يفسح مراته ولا حاجه

هو مسافر يتفرج على بنات استانبول

ههههههههههه


حمدا لله على السلامه يا باشا


------------------

ملحوظه :

انت بتلعب لعبه دمها خفيف ... بس خد بالك!!!

اخوك الحاج شاور الخبره

;)

The Groom يقول...


برايد زون

ربنا يكرمك

شكرا لك

تحياتي لك من ماناساس البلد

The Groom يقول...


سجدة


شكرا جزيلا لك

تحياتي لك من ماناساس البلد

-------------

أحمد رفعت

الله يكرمك ويوعدك بالخير يا رب

تحياتي لك من ماناساس البلد

-------------

ياسمينا

هاهاهاها والله الموضوع كان خنقة كبيرة قوي بس الحمدلله ربنا رجعني بالسلامة منها الحمدلله

ربنا ما يجيب مشاكل تاني يا رب

شكرا لك

تحياتي لك من ماناساس البلد

---------------

روزا

اميييييييييين يا رب

شكرا لك

تحياتي لك من ماناساس البلد
----------------

جاست أ ريدر

شكرا لك

تحياتي لك من ماناساس البلد

----------------

دكتورة شيماء تخاريف

الله يسلمك يا رب

شكرا لك بس حاجة صغنونة قوي ان الست وهي حامل في شهرين اعتقد ان اسبوع ولا اتنين في تركيا مش حيعملوا فيها حاجة ان شاء الله

شكرا لك

تحياتي لك من مانساس البلد

حلوة فضفوضتك على فكرة:)
--------------

أيامنا الحلوة

شكرا لك وامييييييييييييين يا رب

تحياتي لك من ماناساس البلد

--------------

دندن

الله يسلمك يا رب

والله مش تكرم ولا حاجة انا مكنتش لاقي حاجة اكنبها بجد فترة طويلة من الخنقة ومكنش ينفع اغصب نفسي اكتب

تحياتي لك من ماناساس البلد وشكرا لك

---------------

انسانة

الله يسلمك يا رب

عليه الصلاة والسلام

:) شكرا لك

تحياتي لك من ماناساس البلد

-------------

الحاج شاور

هاهاهاها مخك بيوديك في أماكن خيطرة ساعات هاهاهاهاها

على فكرة انا ربنا وحده يعلم انا كنت في ايه انا اترفدت من الشغل يا حبيبي وحصلتلي مشاكل جامدة بس كلها خلصت على خير اللهم لك الحمد

تحياتي لك من ماناساس البلد

Noony يقول...

يا سيديييييييييييييييي
أيوة كدة
ربنا يوعدنا بأزواج من دول يا رب

ياللا خير
أسفة على التأخير
وعوداً أحمد ومحمد ومرسي وفوزي كمان

:)
نوني

Shower-Mirror يقول...

ربنا يزيح عنك يا غالى و انشاء الله ربنا يوفقك الى الاحسن دائما ..



تحياتى

esraa يقول...

حمدالله علي السلامه

وقليل من الحبر أحسن من مفيش خالص

بس حلو أوي البوست ده ياجرووم

أنا عارفه الاجابه عن السؤال, وكان نفسي أقولها هنا, بس خفت منك (:

ياسمين يقول...

جميلة ومؤثرة بجد

بس ما دامت حامل
يبقى الرحلة ضاعت عليهم وكمان العمرة

ممنوع خلال الشهور الثلاثة الأولى يا عزيزى
السفر ممنوع - المجهود ممنوع
خاصة لمن تحمل طفلا لأول مرة

تحياتى لك على اسلوبك الرائع

اما انا ليه بآجى مدونتك

لأنك بتكتب حاجات حلوة وبأبقى عايزة اقرالك
لأنى بحب انك تزور مدونتى وتقول رايك فى كتاباتى لأن رأيك بيعجبنى دايما
لأنك صديق وزميل تدوين عزيز وعللا الأصدقاء ان يتبادلوا الزيارات

تحياتى لصديقى العزيز