الجمعة، ٦ يوليو ٢٠٠٧

شفت في الواشنطن دي سي

السلام عليكم ورحمة الله وبركاته
امبارح كنت في مأمورية عمل تبع الشغل في واشنطن دي سي
دي سي = ديستريكت اوف كولومبيا - مش ولاية ولا حاجة هي مقاطعة ذات حكم ذاتي في قلب ولاية فيرجينيا وميريلاند
والأدهى ان العاملين في المنطقة دي بيدفعوا ضرايب باهظة وليس لهم تمثيل في مجلس الشيوخ
ودي حاجة معقداهم قوي
المهم أنا كنت بتمشى في الشارع
شفت ناس أشكال وألوان
شفت ناس بيضا
وناس سودا
وناس صفرا
وناس حمرا
وناس زحمة قوي
وناس رايقة قوي
شفت أمريكا على حقيقتها مش شوية العربيات الفاخرة فقط
شفت ناس عمرها ماشترت عربية زي البنت دي زميلها بيقولها اوصلك بتقوله لا شكرا بيتي قريب قالها ساكنة في الدي سي؟ قالتله اه وعمري ما شتريت عربية ولا بسوق
معتمدة تماما على المترو والاتوبيس وده شبه مستحيل في فيرجينيا هنا عموما شيئ صعب جدا
وبالرغم من كده مبسوطة ومرتاحة
شفت ناس بتكره نفسها
وشفت مدخنين بالعبيط لدرجة انه في كل بريك وبما انه ممنوع التدخين في الاماكن المغلقة كلهم في الشارع تحت زي الرز - دي نص امريكا بتدخن يا راجل
شفت مدمنين قاعدين يحششوا والبوليس معدي عليهم ومطنش بمزاجه
البوليس عربياتهم حلوة قوي ونفسي اشتري واحدة فيهم بالمناسبة
لبسهم حلو كمان وبيخوفوا فعلا خصوصا السود منهم
عمري ما كرهت السود غير بتوع واشنطن دولا متشردين لان سود افريقيا بالنسبة ليهم مهما بلغت درجة شرهم مبتدئين وشبرا عندهم حضانة او ابتدائي اخرها
شفت ناس كتير بتكلم نفسيها اتاريها في الاخر لابسة سنة زرقا على ودانها لان التحدث في التليفون ممنوع اثناء القيادة في الدي سي
عاملين زي الهنود الحمر بس السنة بتنور اذذذذرأ
شفت محجبات وشيوخ بجلبيات ماشيين بيعدوا الاشارة
شفت ناس بتعدي الاشارة من غير ما تبص
وشفت ناس بتعدي من وسط العربيات (كنت حعملها لولا الكسوف والنظرات) هاهاها مصري ومتعود بقا
شفت ناس بترمي الاكل في الزبالة وناس تانية شحاتة بتبصلها بنقمة
شفت حاجات كتير قوي
وشفت ناس كتير طحن
وناس وناس وناس
وسألت نفسي
أنا مين في دولا؟
كل واحد يجاوب على السؤال ده
أنت مين في الدنيا دي؟
تحياتي لكم
-------------
فضفضة:
ناس بتحشش وناس عالحشيش نايمة
ناس بتكلم نفسها وناس مالجوع نايمة
ناس بتاكل في نفسها وناس ملهاش نايبة
ناس بتتمشى وناس من الحب دايبة
ناس في دنيا كبيرة وناس في دايرة

هناك ١٥ تعليقًا:

غير معرف يقول...

انت شفت
اميركا اللي بعيدة عن تصوير الاعلام الهوليودي لها
بتاعة فاندام و دينزل واشنطون و ارنولد و رامبو والبطل و الضحية و المنقذ و المحرر

:)


يعني الحلم الامريكي ليس بحقيقة

و نتوه وسط الزحمة لو افتقدنا هويتنا

:)

تحياتي

Rivendell** يقول...

انا هو انا بكل ما في انا من جنون

.....

الموضوع دا عايزله طقطوقة من بتوعك

Rosa يقول...

يعني انت شفت امريكا الحقيقيه يا جرووم
:)
بوست جميل
:)

Vampire يقول...

بوست جميل

هوه ايه الحكاية ؟ كل الناس عاوزة تتجوز و لا ايه ؟

yasmina يقول...

يعني يا عبد الله اليوم شفت امريكا
بوجهها الاخر

عارف انا دايما بسمع ان امريكا مليئة
بالغرائب وانك ممكن تلاقي كل اصناف البشر وانماط الحياة فيها

يعني فيها تناقضات صعب تلاقيها بدولة ثانية او عند شعب اخر

الفضفوضة اللي كاتبها حلوة
عجبتني

ناس في دنيا كبيرة وناس في دايرة

الحمد لله انك بالدنيا الكبيرة ومش بالدايرة

:)

دعواتي

تخاريف يقول...

ههههه

اللى يعيش يا ما يشوف..
فى كل مكان هتشوف فيه ناس عمرك ماشفتها...
بس الواحد لو ضقق بس!!!

emos يقول...

enta elly fehom ya groom:)

Ert3ashat يقول...

بوست جميل يا جروم
فعلا لما الواحد بيشوف تنويعه كبيرهع من الناس كده بيسأل نفسه هو مين في دول
بوست جميل

Dr.SEA يقول...

YOU ARE YOURSELF
Ya 3abdoo :)

koukawy يقول...

تفرق ايه مصر عن امريكا دلوقتي
زي ما الجريمه منتشره هناك في وضح النهار منتشره هنا بتفاقم
السجاير و الحشيش و المخدرات و الخمره
كله في مصر
عادي محدش احسن من حد
ههههههههههههههههه

إنـســانـة يقول...

ربنا يعينك ع الغربة اللى انت فيها
انا اصلا توهت وانا بقرا البوست ( حلو السجع ده ) ... حاسة انى لو مكانك حبقى تايهة وضالة طريقى ع الآخر .. ومافيش حاجة حترشدنى غير ان ربنا اللى فى مصر هو ربنا اللى فى كل مكان ويمكن ده الشئ الوحيد اللى ممكن يصبرنى ساعتها

بس رداً على سؤالك ( انا مين فى دول؟ ) ... حتفضل بردو يا اخى عبد الله المصرى بكل تفاصيله مهما سافرت واتغربت .. سبحان الله

البوست حلو اوى
:)
تحياتى

The Groom يقول...


ابيتاف

صحيح امريكا دي ليها وجه اخر مفزع انا شفت جانب منه فقط

ربنا يحمينا ويصلح الحال يا رب

تحياتي لك من ماناساس البلد

------------

رافينديل

ههااههاهاهاا أنت من انت بكل ما في أنت من جنون؟

ربنا يشفيكي يا ستي

:)

تحياتي لك من ماناساس البلد والطقطوقة اهي

------------

روزا

صحيح

ربنا يكرمك يا رب

تحياتي لك من ماناساس البلد

------------

فامباير

هاهاهاالله يكرمك يا رب

انت رأيك ليه؟

تحياتي لك من ماناساس البلد

-------------

ياسمينا

صحيح الوجه المفزع دايما

عموما ربنا يصلح الحال يا رب

تحياتي لك من ماناساس البلد ويا رب فعلا مكونشي في دايرة

------------

دكتورة تخاريف

ربنا يوفقك ويكرمك يا رب

صحيح

تحياتي لك من ماناساس البلد

------------

ايموس

هاهاها صباح كومنتاتك

نرفزتيني
:P

تحياتي لك من ماناساس البلد
------------

ارتعاشة حبيبي

الله يكرمك يا رب

انت اللي جميل

تحياتي لك من ماناساس البلد

-------------

دكتور سي

وانت كمان حبيبي :)

تحياتي لك من ماناساس البلد

-------------

كوكاوي

صحيح بس يظل احنا بلاد مسلمين والفزع أقل عندنا

تحياتي لك من ماناساس البلد

-------------

انسانة

اميييييييين يا رب ويكرمك ويحفظك

صحيح ونعم بالله

فالله خير حافظا وهو أرحم الراحمين

شكرا لك

تحياتي لك من ماناساس البلد

المهاجر يقول...

اولا بوست حيوي ورائع
ثانيا اعتقد انت جوابت على سؤالك الا هو انت مين فى دول
انت هو انت اللى بيتفرج ايوة هو احنا اللى بنتفرج
نحن متفرجو العالم
بس بيعرضوا برنامج اخترنا لك وليس برنامج
ما يطلبه المشاهدون
ارجو مشاركتى فكرتى انت بالتاكيد هتساعدنى كتيييييير
على مدونتى
www.eg-migrator.blogspot.com

koukawy يقول...

لأ صدقني و لا بقينا بلاد مسلمين و لا نيله
انت مش متخيل قمة الفزع و الفساد و القرف اللي الواحد عايش فيه
علي الأقل اوروبا مثلا مش مسلمين بس نضاف بيحافظوا عل يحواليهم نضيف
انما هنا اقل ما في الايمان اللي هو النضافه مش بيعملوا بيه
صدقني احنا بلاد مسلمين بالاسم بس

The Groom يقول...


المهاجر

مرحبا بك يا عزيزي وآسف فأنا لا أتابع المدونات ذات الصبغة السياسية

تحياتي لك من ماناساس البلد

----------

كوكاوي

لا يا بنتي سنظل بلاد الاسلام وان لم نعمل به

وقد يأتي الله بقوم غيرنا يقيمون دينه في الأرض

تفائلي خيرا ولنبدأ بتغيير أنفسنا :)

تحياتي لك من ماناساس البلد