الأربعاء، ٨ أغسطس ٢٠٠٧

رحم الله شيماء

انسانة كتبت البوست التالي في مدونتها وانا نقلته هنا بالنص
شيماء .. بنت مصرية عندها 28 سنة مصممة جرافيك ، عرفتها فى شهر يناير تقريبا .. دخلت عندى وكتبت فى الشات بوكس وابدت اعجابها بمدونتى ، زورتها فى مدونتها ولاقيتها فنانة زوقها عالى وكتابتها حساسة جدا، لما تدخل عندها البلوج تحس انها مدونة اختك او حد انت تعرفه كويس ، بنت مصرية محبة للحياة اوى والابتسامة مش بتفارق وشها .. جميلة ومتفائلة ودمها خفيف وذوق ، مكنتش بتابع كل مواضيعا للأسف عشان ظروف الدراسة وكدة .. بس هى كانت دايما بتابع كل مواضيعى تقريبا وعلى طول تسأل عنى وتدعيلى .. ولو جالها تاج الاقيها مهتمة انها تبعتهولى ... رغم اننا منعرفش بعض بشكل شخصى مكنتش تنادينى غير بـ " أجمل إنسانة " ..ه. بعد هوجة المذاكرة والإمتحانات إكتشفت انها مش على الساحة خالص .. إتخفت تماما .. حتى موضوع مبنى الحجيم اللى معظم الناس علقت عليه لاقيتها معلقتش .. لا عندى ولا عند غيرى ، ساعتها كانت جاية على بالى قوى ونفسى اطمن عليها ، بس للأسف كنت مضيعة اللينك بتاعها واخيرا عترت فيه ولاقيتها كاتبة بوست وبتقول:هغياب لاجل يعلمه الله حقيقى وحشتونى جدااااااومش عارفه هتوحشونى لحد امتىلكن كل اللى متأكده منه انى محتاجه دعواتكمالتجربه الصحيه اللى بمر بها مش بسيطهاذا ربنا كتب لى الشفاء منها هاحكى لكم عنها بالتفصيلتحياتى لكم كلكم.اتخضيت عليها جدا .. معقولة تبقى جاية على بالى لأنها تعبانة وفيها مكروه؟؟ .. لا حول ولا قوة الا بالله كتبتلها تعليق وسبتلها ايميلى وطلبت منها تطمنى عليها ردت على التعليق وقالت:همش عارفه اقولكم ايه .. حقيقى اكتشفت قد ايه وحشتونى وقد ايه بحبكم وعشان كده كلمة شكرا ليكم قليله انتوا بدعواتكم والبوستات اللى اتعملت عشانى خففتوا عنى كتير ربنا يخليكم ليا شكرا يا عمرو،انسانه،كوكو،بندقة،القادم اجمل،وحيد،فنان،محمود على،شاه .. واتمنى لكم دايما كل خيروردت على الشات بوكس وقالتلى:ه اجمل انسانه الله يسلمك يا حبيبة قلبى والف شكر على سؤالك علياانتظرت انها تضيف إيميلى عشان اطمن عليها بس محصلش ، فتحت النهاردة الإيميل بتاع المدونة ولاقيت ايميل ضايفنى وصاحبه اون لاين .. سألت مين معايا؟؟ .. قالتلى هوندا، سلمت عليها وكدة .. وقالتلى معلش ياياسمين مش حقدر اتكلم ولا اتعرف عليكى دلوقتى لإن حالتى كرب خالصلسة حقولها ربنا يفك كربك وخير فى ايه؟؟ .. لاقيتها بتقولى تعرفى ان شيكو ماتت؟؟ مصدقتش اللى بتقوله .. اكدتلى ان اخو شيماء كاتب فى البلوج خبر وافتها .. روحت ولاقيت التعليق ده: هأحمد صفوت said...السلام عليكم أنا أحمد أخو شيماء(شيكو) صاحبة هذه المدونة .. أعزائي ضيوف المدونة أعلمكم بأن شيماء توفيت إلى رحمة الله تعالى ليلة النصف من رجب وكانت قد أوصتني أن أعلمكم بهذا الخبر وأن أسألكم أن تقرأوا لها الفاتحة وتدعو لها بالمغفرة والرحمة ونظرا لعدم معرفتي بكلمة المرور الخاصة بها فقد دخلت وكتبت هذه الرسالة ضمن التعليقات أقسم عليكم بالله أن تدعو لها .. رحمك الله ياشيماء وأسكنك الفردوس الأعلى .. موعدنا الجنة إن شاء الله.إنا لله وإنا إليه راجعون اللهم أجرنا فى مصيبتنا واخلف لنا خير منها شيماء توفت يوم السبت اللى فات بعد ماخفت من مرضها .. توفت قضاء وقدر ، كانت بتسلم على كل اصحابها وزمايلها فى الشغل وقرايبنا وكأنها حاسه باللى هيحصل ، كانت مخططة تروح عمرة وكانت بتصلى حتى وهى فى المستشفى ، كانت ثابتة ومتماسكة وكانت هى اللى بتحاول تصبر اللى حواليها توفت وهى عندها 28 سنة ياجماعة .. لا اتخطبت ولا اتجوزت ، توفت بعد ما خفت من مرضها سبحان الله .. عشان نعرف ان كلنا ممكن نبقى فى نفس موقفها وان الموت مالوش اسباب ولا له سن معين وكم من فتى امسى واصبح ضاحكاً .. وأكفانه فى الغيب تنسج وهو لا يدرى انا فقدت اخت عزيزة جدا عليا والمجتمع التدوينى كله فقد مدونة من المدونات المحترمة جدا .. وببلغ تعازيا وتعازي كل المدونين لأهلها .. ربنا يفرغ عليكم صبرا .. يارب آمين. ربنا يرحمك يا شيماء .. اللهم ياجامع الناس ليوم لا ريب فيه إجمعنى بيها فى الفردوس الأعلى .. يارب انا معرفهاش شخصيا بس أشهدك انى احبها فيك .. يارب كما احببتها فيك أسألك وأقسم عليك بعزتك وجلالك ان ترحمها وتغفرلها وان تجعل قبرها روضة من رياض الجنة وان تبدلها داراً خيرا من دارها واهلاً خيرا من اهلها وتغمدها برحمتك وكرمك يارب العالمين .. يارب انها بين يديك الان .. يارب ارحمها واغرفها لها وتجاوز عن سيئاتها .. يارب انها فى دار الحق ونحن فى دار الباطل .. اللهم ارحمنا إذا صرنا إلى ما صارت إليه .. يارب افرغ على اهلها صبرا .. يارب صبر أمها واجمعها بكل من احبت فى الفردوس الأعلى فى صحبة سيد الخلق عليه الصلاة والسلام. اللهم ارحمنا جميعا فإنك بنا راحم .. ولا تعذبنا فإنك علينا قادر .. اللهم ارزقنا من يترحم علينا بعد وفاتنا .. يارب اخرج الدنيا من قلوبنا وازهدنا فيها ..اللهم إنا نعوذ بك من طول الأمل والتعلق بالدنيا .. اللهم إنا نشكوا إليك سؤ نفوسنا .. يارب اهدينا .. يارب اهدينا لأقرب من هذا رشدا قبل فوات الأوان يارب يارب استجب .. يارب استجب .. آمين آمين آمين .. وصلى الله على سيدنا محمد وعلى آله وصبحه وسلم أسألكم جميعاً الدعاء لشيماء ولكل موتى المسلمين
اللهم ارحمها وأحسن لها واغفر لها ذنوبها واعف عنها
أنا اعرفها من زمان لكن مش شخصيا وزرتها مرة او اتنين في مدونتها زمان وانقطعت فترة لأعود فأجدها قد رحلت
لست أدري لم لم أبك فورا لكني انتحبت بشدة بعدها
لماذا نبكي مع الموت؟ ولماذا لا نتذكره الا بفقد الأحبة
يبدو أننا لا نتعظ ولن نتعظ الا عندما يأتينا ذلك الزائر الحتمي
تذكرت جدي وكل من مات ممن أعرفه ومن لا أعرفه وكل من يموت يوميا بضجيج هائل او على سريره في هدوء قاتل فوددت أن أبكيهم جميعا:
بكاء:
يا من فارقتني أمس واني اليوم أبكيك
أبكيتني وعز عليا بعدي أن ألاقيك
رحلت عني وتركتني وحدي مناجيك
كنت أدعو الله في صلاتي أن ألاقيك
وأن يجعلني في كل مصيبة حاميك
ومسريا عنك ومن حزن مداويك
أو من ألم أو جراح عله يشفيك
لكنك أبيت الا الرحيل تاركا أثرا
يسألني بعده الناس ما فيك؟
عجز اللسان وصار دمعي يناديك
هل من مجير في مصيبتي تلك
أو هل من يقول تعال أواسيك
رحلت بجسد وفي قلبي مرائيك
بعدت عن بائع لك وعن شاريك
لتلقى رب الكون بوجه ناصع
وتسعد بلقيا رب الخلق باريك
ونحزن على فراقك اليوم وغدا
تنسى العين والقلب بالذكرى يبكيك
ثم يأتينا ذلك الزائر هو من أتاك
علنا به نسعد وفي جنة نلاقيك
في الفردوس باذن الله مكاننا
وعلى أصحابها صلوات وتبريكا
حيث السعادة كأس لابد شاربها
ومن أنهارها لابد الله ساقيكا
رحم الله موتى المسلمين

هناك ١٤ تعليقًا:

Bride Zone يقول...

الآن فقط علمت سبب اضطرابك اليوم..

رحم الله شيماء وغفر لها.. والهم أهلها الصبر والسلوان

اللهم ارحم موتانا وموتى المسلمين واغفر لهم وارجمهم يا رب العالمين

اللهم ارحمنا إذا صرنا إلى ما صاروا إليه..

..... وينتهي الكلام

بيجاسوس المصرى يقول...

انا لله و انا اليه راجعون

و حتى نتذكر شيماء دائما بالدعاء لكل زائر لمدونتك و غيرنا من المدونين
ارجو وضع البانر الذى فى هذا الموضوع حتى نتذكر شيماء دائما عند كل زيارة

http://pegasuselmasry.blogspot.com/2007/08/blog-post_08.html

غير معرف يقول...

May Allah rest her soul in peace, and join al sa7aba wal shohda2!

الدرويش المرووش يقول...

الله يرحمها و يحسن إليها و يغفر لها و يتجاوز عنها برحمته الواسعه

3abdo me7tas يقول...

السلام عليكم ورحمه الله وبركاته
أنا قريت التعليق بتاعك عندى يا مان
انا عن نفسي معرفش شيماء ولا عمرى كلمتها
بس كنت بشوف فى بعض المنتديات ادعو لشيكو ادعو لشيكو انا كنت بدعى لها من غير ما اعرفها ولا اعرف حتى المدونة بتاعتها لغاية امبارح دخلت مدونة صديق ليا لقيت كاتب ان شيكو توفت بصراحة انا مقدرتش امسك دموعى مع انى والله العظيم ما اعرفها دخلت المدونة بتاعتها ولاول مرة لقيت فيها الكلام الى فى البوست بتاعك وكل حاجه حصلت فيه صدقينى انا دلوقتى مش فى ايديى الا انى ادعى لها
ربنا يرجمها
ربنا يرحمها

Doba يقول...

ربنا يبارك فيك يا جرروم ويجمعنا معاها يوم لا ظل الا ظله

اللهم ارحمها واغفرلها وارحمنا أجمعين
كلنا ودائع الله فى الارض - اللهم اغفرلنا يا رحمن يا رحيم

هبة

gohayna يقول...

ربنا يرحم شيماء يا عبدلله ويرحمنا جميعا يارب

امين

انا عارفه ان الصدمات كتير عليك الايام دي

بس معلش حاول تتماسك

وربنا يجعلها اخر الاحزان يا عبدلله ان شاء الله

امين يارب

Blank-Socrate يقول...

هى انتقلت الى الراحه
هنيأ لها خاصه بعد كلماتك الجميله عنها لا يسعنا غير الدعاء و الاجتهاد ان نلحق بها عزائى لك و لاسرتها

تخاريف خاصه! يقول...

لا اله الا الله
انا لله وانا اليه راجعون
ربنا يرحمها ويرحم اموات المسلمين يارب...

jody 85 يقول...

السلام عليكم

إنشغلت جدا الفترة اتلأخيرة وقل دخولى النت ولما دخلت فوجئت بالخبر ماكنتش أعرفها زيكم بس حبتها جدا

يارب إرحمها برحمتك الواسعه وإلحقنا بيها فى الفردوس الأعلى مع حبيبك محمد

لو تقدروا نعمل لها خاتمة قرآن وكل حد يحدد هيقرا إيه بالظبط

جزاك الله خير يا عبد الله

Rosa يقول...

لا حول ولا قوة الا بالله
انا لله وانا اليه راجعون لا حول ولا قوة الا بالله

عروس البحر يقول...

الله يرحمها يا رب
تحياتي

ياسمين يقول...

أبكيتنى يا جرووم
رحم الله شيماء

yasmina يقول...

رحمها الله
وادخلها فسيح جناته

الشعر اللي انت كاتبه مؤثر جدا