الأحد، 12 أغسطس 2007

مصر التي في خاطري وفي دمي لحد ما جالي تسمم وفقر دم

والله مش عارف أقول ايه يا جماعة
المرة دي مش حاسس باني غريب وراجع لوطني
كنت حاسس اني مبسوط قوي وسعيد من كام يوم واخيرا الدنيا بتضحكلي
بس موت شيماء فوقني جامد - زي ما يكون حد ضربني بالقلم
ربنا يصلح حالنا يا رب
كان المفروض وأنا بجهز حاجتي اني مستمتع ومتحفز وسعيد لكن العكس تماما انا مش حاسس بأي حاجة خالص
ولا أي شعور
ولا حتى الحنين والشوق والكلام الفاضي ده رغم انه مش كلام فاضي فعلا
الطيارة الساعة اتنين يوم الاتنين تاني يوم في تاني اسبوع في شهر تمانية
أشوفكم على خير في مصر ان شاء الله
تحياتي لكم جميعا من ماناساس البلد

هناك 18 تعليقًا:

عاشقة الوطن يقول...

السلام عليكم

ازيك ياعبدالله
معلش احنا اكيد لازم نفوق
بس متزعلش هى كده احسن لها
وربنا يرحمنا ويطلعنا من الدنيا على خير بإذن الله

وبدل ماتزعل افرح لها وادعيلها كتير

وان شاء الله ترجع مصر بألف سلامة وتنورها
وربنا معاك

Doba يقول...

صلى على النبى يا عبد الله - متغلاش عاللى خلقها - شيماء من السابقين واحنا اللاحقين - اتعلم من الموقف - لكن ظبط حياتك وامضى قدما - استمتع برحلتك على قد متقدر - مصر جميلة قوى ومستنياك - متخلفشى ظنها بيك وبشوقها اليك

توصل بالسلامة ان شاء الله
اعمل لاخرتك كانك تموت غدا واعمل لدنياك كانك تعيش ابدا

تحياتى -- هبة

Rosa يقول...

تروح و ترجع بالف سلامه يا عبدالله
:)
خليك قوي و استمتع بكل حاجه , وخلي الي حصل تذكره وغبره بس لحياتك الجايه من غير ماتأثر عليك
وانا واثقه انك هتكون كويس و ربنا هويبقك للفيه الخيرو الثواب
خلي بالك من نفسك ومصر هتنور وترجع بالف يلامه

Doba يقول...

نبأ هام لكل الأعزاء تتفضل الأستاذة المبجلة الصغنونة من غير فذلكة وينكى هانم بتقديم مسرحيتها الجميلة بساقية عبد المنعم الصاوى وذلك يوم الخميس المقبل الساعة السابعة مساءً بقاعة الحكمة وعلى الحاضر أن يعلم الغايب لمساندة أختنا العزيزة وينكى الغالية

http://pinsywinsy.blogspot.com/

تحياتى وأمنياتى بالتوفيق للجميع
هبة

yasmina يقول...

البقاء لله يا عبد الله
الله يرحمها ويسكنها فسيح جناته

ان شاء الله تروح وترجع بالسلامة
وتكون رحلتك جميلة وتحقق ما تتمناه يا رب

دعواتي لك
توصل بالسلامة
وربنا معاك

عـلا - من غـزة يقول...



الحياة لازم تستمر

ان شاء الله تنبسط في الرحلة فوق السحاب !! وما تنساش تصور شوية صور حلوين كعادتك يعني

ان شاء الله تروح كل الفراغات الي جواك وتتملي بكل الاحاسيس الحلوة اول ما تخطي على تراب بلدك وتشوف اهلك واحبابك

توصل بالسلامة ان شاء الله :)

وسمعني اغنية حمد الله عالسلامة يا جاي من السفر

Dr.SEA يقول...

Tewsal belsalam ya 3abdo ..
I lost my phone and of course ur contacts were on it :)
So u have to contact me when u come ISA :)

أحمد سلامــه يقول...

والبقاء لله في اختنا كلنا
رحمها الله
ورحمنا
توصل بالف سلامة يا جروم
ومصر تنور انشاء الله

غير معرف يقول...

ترجع مصر بالسلامه ان شاء الله
وكل اللى نملكه للعزيزه شيكو هو دعاءنا ليها بالرحمه والمغفره
انا متأكده انا حاسه بينا وبدعواتنا وبتبتسم لانها عارفه اننا كنا ليها أصدقاء حقيقيين حتى اللى عرفوها متأخر حبوها
ربنا يرحمها ويرحمنا جميعا

تخاريف خاصه! يقول...

هههههههه

تلقيك وصلت دلوقت يا جرووووم ...نورت مصر
:D

تحياتى من كايرووو البلد ...أللى هى بلدك ان شاء الله
:D

Noony يقول...

رحم الله شيماء وغفر لها ذنبها وعفا عنها
الحمد لله على كل حال
وبرضه دي فرصة الواحد يفوق ويصحى لنفسه شوية...يعني رحمة من عند ربنا بينا برضه

أنا مش هقولك تيجي بالسلامة
أنا هقولك حمد الله على السلامة
ياللا..ابقى طمننا عليك في اقرب فرصة إن شاء الله

:)
نوني

Bride Zone يقول...

وأنا كمان بقولك الحمدلله على السلامة لأنك المفروض تكون وصلت خلاص وريحت وكل حاجة وحسيت بمعنى ان الواحد يرجع بلده ولأهله بعد ما يبعد عنهم الوقت ده كله..

أتمنى لك إجازة سعيدة وربنا يبارك لك في وقتك ويوفقك..

yasmina يقول...

عبد الله اكيد انت وصلت
يا رب بس تكون تريحت
ومبسوط بعطلتك

حاول تطمني عليك قريب

دعواتي

Just a Reader يقول...

حمد لله على السلامة :)
مصر نورت ...أجازة سعيده إن شاء الله :)

ياسمين يقول...

تنور بلدك وبلدك مستنياك

الناس بتموت فى كل مكان فى الدنيا يا جروم

حد يقدر يقف قصاد الموت؟

لازم نشوفك بقى

Sarah يقول...

Alsalamu alaykum wa rahmat allah wa barakatuh...

Your words about shaimaa were very touching...I'm really sad for her...

You know what?...Once, I had a horrible experience...I was walking on the train station...a man infront of me was walking nearly on the same line...When the train was comming...It seems that this man's shirt got stuck with something in the train and in just one second he was gone...

That was such a horrible experience.. For a long time after this event I kept on thinking what was this man thaughts at the time before this exact second..it was even less than a second...I was like in a shoke...How was a man's life end like that in less than a second...without any kind of introduction...he just simply died...in less than a second he became history...he was walking just like anybody walking in the station... just like me..this man could've been me!!!

For a long long time I kept this memory in my mind...it was like a reminder from ALLAH that our life are so easy to be ended in a very unexpeced way...For I may not continue even this comment because my time has come....

It affected me so much...that's why I can imagine how this affected you...but again this is life...this is not something new...this is something that we keep on telling to each other without really imagining it until it really happens infront of us..it may happen for once...but this is enough to change many of our thaughts and many of our ways of handling our life...

My point is...try to take this as a positive thing in your life.. Something that makes you always remember ALLAh and try to prepare for the moment when you will meet his almighty...this is the positive side...on the other side try to live your life for it is too short to be wasted on tears and sorrow...keep the memory in your mind and let it come to your mind from time to time...but don't let it waste your little time that you are spending with your family and friends..it is really a precious time that is not to be wasted easily...

Sorry for the very long comment...

princess dodo يقول...

البقاء لله

وتيجى بالسلامه

أيامنا الحلوة يقول...

البقاء لله وادخل شيماء فسيح جناته ان شاء الله

وحمد لله على السلامة روجوعك وسط اهلك وناس حاول تستمتع بقدر الامكان وياريت تنزل بوست تحكي فيها من اول وصولك لمطار القاهرة لحد اللحظة اللي بتكتب فيها البوست

تحياتي ياجروم ربنا يكرمك ونورت مصر