الاثنين، 30 أبريل 2007

بوست خفيف 3

ابداعات الصديقة اسراء فتحي
ما شاء الله بجد
:))))))))))))
:))))))))))))
شدي حيلك - ننتظر المزيد
-----------

السبت، 28 أبريل 2007

حكاية حب - 2 من 2

بسم الله الرحمن الرحيم هاههااهاهاها قاعد في الجامعة ببلجر :) نكمل بقا :) -------- أومال يا عالي يابني الجهاز ده كل ما نوديه لعمك حسنين يصلحه يعطل كمان كام يوم الراجل ده نيته مش سليمة و خسارة فيه الفلوس يا حاج علي اتق الله في الراجل - تلاقيه بس معرفشي المشكلة صح فين بس الراجل ليه فضل علينا برضو على رأيك يبني - الواحد مش ناقص ذنوب - اشرب العصير يا حبيبي اتفضلي يا غالية يا بنتي - أنت طبعا عارفة البشمهندس عالي ابن الحاج مصطفى جارنا السلام عليكم ورحمة الله وبركاته - ازيك يا باشمهندس وعليكم السلام ورحمة الله وبركاته - الحمدلله بنعمة وفضل من الله وطبعا أنا مش قادر أرفع عيني ومكسوف جدا ومحرج أوي الحمدلله الحياء برضو نعمة - اللهم لك الحمد وبدأت أشرح ليها ولوالدها خطوات تحميل الويندوز على الجهاز و تظبيطه وتوصيل الهارد وكده طبعا عمنا الحاج مبسوط بيا وخلاص لكن التفاصيل لا تعنيه ولو سألته ويندوز يعني ايه حيقولك تطلع ايه دي يبني بس راجل ظريف والله ولسه برفع عيني لاول مرة صدفة بس وفي سياق الكلام الطبيعي وشفتها يااااااااااه - سبحان الخلاق العظيم - ما شاء الله تبارك الله سبحان الله دي اتغيرت بجد انا فاكر ايام ما كنا عيال ما شاء الله وعالطول وطيت راسي وبصيت الناحية التانية على شاشة الكمبيوتر وعملت نفسي مشغول بيه المهم مقدرتش أشرب العصير كله لأن معدتي نقحت تاني عليا تسلم ايدك يا حاجة و بمد ايدي بكباية العصير متخلصها كلها يابني انت عايز تبور بنتي و لا ايه؟ اتق الله يا ماما - محدش يقول كده - ده شرك وكله قدر ونصيب يا ماما وانا طبعا في سري قولت ما شاء الله تبارك الله وبيني و بينكم انسرعت ما شاء الله عليها تعرف دينها كويس ما شاء الله المهم خلصنا و استأذنت منهم يومها و روحت البيت مش عارف جالي احساس غريب بالخشوع يوميها بالليل و روحت نايم بدري وصاحي قبل الفجر بساعة صليتلي ركعتين وقعدت أدعي ربنا يرزقنا العفاف و الغنى يا رب وبعدين صليت الفجر في المسجد و روحت نمت ساعتين و صحيت روحت الشغل وانا في الطريق الطويل لحااااااااد الكورنيش عمال افكر على انغام اهتزاز الميكروبااااص زييييء زييييييء تاك تاك تاك زيييييء زييييييء زييييء زييييييء تاك تاك تاك زيييييء زييييييء زييييء زييييييء تاك تاك تاك زيييييء زييييييء يا بيه يا بيه - انت نازل فين يا بيه؟ اه على جنب ياسطى يااااااه انا سرحت طول اليوم في الشغل عمال أفكر وأفكر يا ترى ينفع؟ هل منكن؟ مممممم بس أنا معنديش شقة؟ مممممم خليها على الله فهو حسبنا و نعم الوكيل المهم وانا في الطريق جالي تليفون من بابا وعليكم السلام و رحمة الله اه يا بابا جاي حاضر طيب وعليكم السلام ورحمة الله ولما روحت البيت وبدون أدنى مقدمات بابا دخل معايا وحبسني في الصالة عالي انت محوش كام دلوقتي؟ مش كتير والله يا بابا طيب يعني تقدر تكمل على المبلغ الفلاني ده؟ الشقة اللي في العمارة اللي جنبينا دي اتعرضت النهاردة للبيع اه الشقة المهجورة دي دي والله لقطة بس دي غالية؟ لا مانا لسه واخد المكفأة النهاردة - ايه النظام؟ تكمل على اللي معايا ونشتريها نجوزك فيها على بركة الله؟ ممممممممم -سيبني أفكر و استخير يا بابا طيب يبني رد عليا الصبح الموضوع مستعجل وانا خايف الشقة تطير وأنا طبعا دخلت أوضتي وسرحت بسعادة في شوية أحلام و بلالين :) ياااااه فعلا ومن يتق الله يجعل له مخرجا ويرزقه من حيث لا يحتسب - ومن يتوكل على الله فهو حسبه مفوقتش غير على صوت الحاجة بتقولي يبني مش حتنام بقا؟ على فكرة انت مشغول البال ومش على بعضك من يوم ما جيت من عند خالتك أم غالية؟ ;)

طبعا قلب الأم الوهمي - راحت قايلة: أنت بتفكر في غالية يا عالي؟ اه يا ماما والله أنا شايفها بنت كويسة و ممتازة ما شاء الله ودينها وأخلاقها و أهلها كمان ما شاء الله عليهم طيب يبني والله لو انت مكنتش فكرت فيها أنا كنت حقولك عليها من نفسي تصبح على خير يبني و بكرة نتكلم

وتركتني في حالة سرحان عجيب -------- طبعا شوية مداولات و بتاع و انتهى الموضوع انه اتفق هو ووالده على شراء الشقة واتفق مع والدها على انهم يزوروا البنت و اهلها يوم الجمعة الجاية عشان الخميس هو بيقابل جروم والشلة في القهوة بالليل - صحيح جرووم مش موجود بس بقية الشلة تسد - دي حاجة مقدسة خ ربنا يكرمهم كلهم يا رب :)) -------- ايه رأيك يا بنتي؟ هو قال الكلمة دي وأنا بصيت في الأرض ووشي ضرب ألوان يااااااه أخير أخيرا انطقي بقا ربنا يسعدك انطقي عشان ربنا يكرمني بقا موافقة يا بابا باذن الله (ابتسامة خجولة) ألف ألف مبروك - ربنا يتمملكم على خير يا ولاد ألف مبروك يا حاج علي - الله يبارك فيك يا حاج مصطفى وطبعا انا الفرحة عقدت لساني و مش قادر ارفع عيني بس على وجهي ابتسامة رضا وفرحة وشكر لله عز وجل يوميها باليل اتصلت بيا في التليفون و كلمتها لاول مرة في حياتي مكلمناش كتير وقالت حاجة واحدة بس قوم صلي ركعتين لله قضاء حاجة و ادعيلي يااااااااااااااااااااااااااااه :) -------------- مخطوبين هما دلوقتي يا جماعة - ادعولهم ربنا يكرمهم ويتم الموضوع على خير عقبالنا يا رب تحياتي لكم من ماناساس البلد

الجمعة، 27 أبريل 2007

حكاية حب - 1 من 2

بسم الله الرحمن الرحيم حكاية جديدة حكاية صاحبي العالي والغالي

-------------

هااااااااااااااااوم - زيييييييييييءء طاك طاااااااااك ترررااااااااك أعوذ بالله من الشيطان الرجيم بكره الصحيان من النوم العصر - والدنيا قربت تليل - بحس بالاكتئاب رغم انها تقريبا سنة - مش فاكر مين قالي الحديث بتاع القيلولة أمري لله أقوم أتوضا و أصلي العصر - اللهم اني أعوذ بك من الخبث والخبائث ----- برهة من الزمن ----- مممم طيب نعمل ايه دلوقتي؟ - الوقت بيعدي كده بلا داعي - بقالي فترة طويلة نفسي مسدودة - الحمدلله ان فيه يوم أجازة في الأسبوع كل يوم بنفضل صاحيين من صباحية ربنا كده وطلعان عينينيا لحد الساعة اتنين بالليل - الله يهد افتراك يا فوزي (ده المدير بتاعي) يا رب ولا يوم ما خلانا نبات في الشغل اظاهر انه استحلاها وبقيت ريتم ثابت كل أسبوعين تلاتة مرتين تلاتة ربنا يستر علينا يا رب - اللهم لك الحمد - كم لك علينا من نعم مممم سبحان الله - الحمدلله على التوبة فعلا الراحة النفسية أحلى من كل شيئ - كان زمان الواحد دلوقتي قاعد بيتسلى على النت و ليستة المسنجر مليانة ما شاء الله أشكال و ألوان بس سيبك انت - أنا قررت أتلم بقا و أركز شوية من تعفف عن الحرام أبدله الله بالحلال بالتأكيد - اللهم تقبل طيب نكلم الواد جروووم نشوف ايه النظام - الواد ده وحشني قوي - بس غريبة هو مش داخل اونلاين دلوقتي خير خير أول ما يخش أونلاين حدخل فيه شمال - حبيب قلبي والواد حسين وعومار وعبفتاح و ... ترررررن تررررررن ترررررن تررررررن اخص عليك وده وقتك - أعمل أنا ايه في الحبل اللي انقطع دلوقتي؟ أما نشوف ألو السلام عليكم ورحمة الله وعليكم السلاااااام ورحمة الله - ازيك يا ولد يا عالي أهلا أهلا - ازيك يا حاااااااج؟ عامل ايه؟ وازاي الأهل كلهم والأولاد - يادي النور يادي النور أنا بخير الحمدلله وكله تمام والأهل زي الفل الحمدلله بقولك يا عالي - انت فين يبني بقالي أسبوع متشحتف عليك - كل ماسأل عليك في المسجد أو في البيت يقولوا في الشغل انت مالكش مواعيد ثابتة فيه؟ معلشي والله يا حاج علي أصلي مطحون فيه والله والراجل فوزي صاحب الشغل ده ربنا يكرمه هادد حيلنا كل يوم وبنروح وش الفجر ساعات - نعمل ايه بقا أكل العيش يا حاج طيب ربنا يعينك يابني - قولي مش انت تخصصك الكمبيوتر؟ مجالك يعني؟ هاهاهاهاهاها - أيوة يا عم الحاج طبعا - أومال أنا بغني في ايه من 5 سنين - لا مكانشي العشم يا حاج علي تنسانا لا يبني والله مش القصد أنا بس دايما بتلخبط من اسم كلية الحسابات بتاعتكم دي - اسمها حاسبات يا حاج حاسباااااااااات يا سيدي مش فارقة كتير المهم يبني - الكمبيوتر عندنا في البيت فيه مشكلة كل ما نشغله ميشتغلشي وفيه كده مشاكل كتير وأنا قولت أكيد مفيش غيرك أنت اللي حتقدر تصلحه عفريت من يومك ما شاء الله يا حاج عفريت ايه بس - الله المستعان - ادعيلنا انت بس - عينيا طبعا تحب أجيلكم امتى؟ صحيح ايه السؤال السخيف ده - هااهاها أنا تقريبا مش فاضي طول الأسبوع غير النهاردة و زي النهاردة الأسبوع الجاي خلاص تعال النهاردة لو مش يضايقك عينيا يا حاج اديني ساعة كده أخلص شوية حاجات و أنزلك عالطول اتفقنا على بركة الله - تشرف يبني مستنيينك السلام عليكم وعليكم السلام و الرحمة -------

"وَأَنْكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ " (سورة النور - آية 32) الحمدلله خلصنا ورد القرآن - يا سلااااااام راحة نفسية الحمدلله نقول الأذكار واحنا بنلبس بقا ------- وبعد برهة من الزمن ------- "اللهم حسن خلقي كما حسنت خلقتي"تشك تشك تشك بتسرح في ايه كاتك خيبة - هاهاهاها بس والله قمر برضوا المهم فين السيديهات؟ اه سيدي الويندوز الوهمي بتاعي اهي - سيدي الاوفيس - ممممم بقولك ايه هات الهارد كله ان شالله ماحد حوش وأدي كل حاجة تمام - باذن الله ماااااااااامااااااااااااااااااااااااااا أنا نازل لحد جارنا الحاج علي - عايزة حاجة يا ماما من تحت؟ الله يكرمك يابني سلامتك - و سلملنا على الحاجة و الأولاد يوصل ان شاء الله يا ماما السلام عليكم ورحمة الله --------- تي رييييييييييييييييييييينج تي رييييييييييييييييييييينج زييييييييييييء السلااااااااام عليكم ورحمة الله وعليكم السلام و رحمة الله وبركاته أهلا أهلا يادي النور ازيك يا ولد يا عالي --------- شوية أحضان و مقدمات الضيافة بقا --------- مممممم الظاهر كده يا حاج حصل حاجة في الويندوز ليه كده يبني؟ ماكان شغال وزي الفل؟ احنا من كام يوم كنا شغالين عليه وكان تمام زي الحصان عادي بقا يا حاج - كل حاجات مايكروزفت كده - بتخرب لوحديها - بس ان شاء الله أنا حظبطهولك و أخليه حصان تاني أهاهاهاهاهاها - استغلست نفسي على النكتة بس الحمد لله عدت المرة دي والكل ضحكوا هاهاها طيب سواني يبني أنده البت غالية بنتي عشان تقعد معانا تشوف فيه ايه أنا عايزها تتعلم منك و تشوف انت بتعمل ايه كل مرة عشان تصلحه لان احنا تقلنا عليك أوي ومش عايزين كل شوية نجيبك كده على ملا وشك - وأهو برضو هي مش حتفضل جاهلة في الحاجات دي كده عالطول لازم تتعلم عينيا ليكم يا حاج - متقولشي كده والله أنا تحت أمركم في أي وقت هي بس زحمة الشغل والله ربنا يعينك يبني و يوفقك - يا أم غالية اندهي البنت تيجي تقعد معانا اتفضل العصير يبني البنت زمانها جاية - الله يكرمك يا حاجة تسلم ايدك ----------- نكمل المرة الجاية :))))

الخميس، 26 أبريل 2007

بوست خفيف - 2

محاولة يائسة مني لتشجيع أناس أحبهم في الله أن يكتبوا وأن تكون لهم مدوناتهم الخاصة قررت أن أنشر لهم ما تعذر عليهم نشره منذ زمن أترككم مع محاولة جميلة ورائعة تحياتي ----------------------- سألونى كثيراً عن سر ابتسامتى الدائمة ؛ بالرغم من عدم وجود أى أسباب تبعث على التفاؤل أو السرور . و عندما فكرت وجدت أنه ربما يكون بعض أو كل ما سأسرده الآن ........ أدركت أنه لن يصيبنى إلا ما قدره الله لى .... فابتسمت رضاً بما كتبه الله لى !! و أدركت أننى مهما حققت من نجاح فلن أبلغ منتهى آمالى .... فابتسمت فرحاً بما وفقنى الله لعمله !! و علمت أن كل ما فى هذه الحياة زائل .... فابتسمت تعجباً من أسفى على ما فاتنى منها !! و أيقنت أننى سألقى ربى فى يوم من الأيام .... فابتسمت أملاً فى أن يكون هو اليوم !! و تأكدت مما للإبتسامة من تأثير كالسحر على الناس .... فابتسمت رغبة فى تملك هذا السحر !! و وجدت أنه كما توجد المصائب فهناك أيضاً الأفراح و المباهج .... فابتسمت طلباً للسعادة واتقاءً للأحزان !! و رأيت بديع قدرة الله فى أرضه .... فابتسمت إعجاباً بجمال صنع الله !! و إننى لأرى الناس ما بين ذاهلٍ و عابس .... فابتسمت متسائلاً ترى من الذى سرق ابتسامتهم !! أفلا تستحق هذه الأشياء أن نبتسم من أجلها ؟

Dr.SEA 2001

----------

نعم تستحق :)

الثلاثاء، 24 أبريل 2007

أحبك الله الذي أحببتني فيه

مؤخرا أحسست أني محبوب
تأكد الاحساس بالأمس
بارك الله في كل من أحبني
أحبك الله الذي أحببتني فيه لكل من أحبني أقول: شكرا لك - اني أحبك في الله فضفضة: ناس بتكتب و ناس بتقرأ ملهية ناس بتواسي وناس بتآسي منسية ياما ناس وناس وناس مرمية وناس بتحب وترد الحب مرضية امبارح قابلتها فعلا - لا حياة بلا حب

الاثنين، 23 أبريل 2007

هل؟

حرك جفنه كالعائد إلى الحياة من جديد
لم يدرك ما حوله في أول الأمر - لأنه ببساطة لم يستطع أن يفتح ذلك الجفن
أحس أن عليه هموم ومشاكل الدنيا كلها وأنه لأول مرة في حياته - يرفض الانصياع لأوامره، حاول بشدة و بعد نصف دقيقة من المحاولة
استطاع فتح الجفن الأخر - الأن هو يغمض عيناه و يفتحمها ويستطيع تحريك جفنيه بسهولة - حمد الله في سره
حاول كالعادة أن يحرك يده اليمنى لكي يحك بها أنفه
لكنها لم تتحرك - لأول مرة هي الأخرى في حياته تعصي أمره - كم أحب تلك اليد وكم كرهها
لكنه في كل الأحوال الأن ضعيف لا يقوى على اجبارها على الحركة - ظل يحاول ويحاول ويحاول
مرت خمس دقائق أخرى حتى استطاع تحريكها ورفعها
ولكنها هوت مرة أخرى الى جانبه - يكفيه هذا الان - أحس بغصة في قلبه ماذا حدث لي؟ أوصل بي الحال أن يكون أقصى ما أتمنى أن أحرك يدي مرة أخرى؟ صحيح؟ ما هذا؟ أين أنا؟
لم يكن قد استعاد قدرته على الابصار بعد - كلما فتح عينيه وجد ظلاما دامسا
لكن الاضاءة تزداد في كل مرة - وجد الأمر مسليا - فبدأ يفتح عينيه و يغمضهما على فترات منتظمة
أدرك أنه في ظلام دامس فعلا وأنه لم يكن يتخيل - لكن الظلام يتخلله بعض النور الخافت
ترى هل تعمل أذناي؟ همس في نفسه - أدرك أنه الآن يستطيع تحريك فمه أيضا، طبعا لم يقو على أن يستجمع نفسه و يطلق أي صوت
اكتفى بأن يهدأ قليلا بعد كل هذا المجهود - ولأول مرة أيضا أدرك انه يستطيع سماع صوت تنفسه المكتوم
اذن أذنه الان تعمل - حمد ربه كثيرا و غفت عيناه قليلا و ترك انفعالاته تهدأ
انتبه على صوت ارتطام معدني
انه صوت مألوف - ميزته أذنه بسرعة - انه صوت ارتطام تلك القطعة المعدنية المعقوفة في طرف لوحة البيانات الخاصة بالحالة في الاطار المعدني لسريره المعدني الكريه
فتح عينيه فجأة - لازالت تلك الاضاءة الخافتة موجودة - لكنه استطاع أن يرى ملامح انسانية لأول مرة تحيط به
ترى من هذا؟ انها ممرضة نعم ذلك الزي المألوف - اذن ذلك الصوت كان صحيحا
حاول أن يرفع يده - لكنها استجابت بسرعة هذه المرة و رفعها لكنه لم يحتمل أن تظل مرفوعة كثيرا وهوت في لحظة سريعة على صدره
أحس بالألم - اصدمت يده بشيء شبه صلب مغروز في صدره أو قد يكون مغروزا في يده لم يستطع التمييز لبرهة
ترى ما هو؟ أيعقل أن يكون أنبوبا؟ هل وصل بي الحال لهذا؟
شاهد الممرضة وهي لا تعيره أي انتباه - تركته يهذي وانصرفت كأنما كانت تتوقع هذا
سمع صوت طقطة حذائها المطاط على الأرضية المرنة
أدرك أنه الان يتمتم و أن جسده استعاد بعض قواه الخائرة
بدأت معالم الغرفة في الاتضاح أمامه - استطاع أن يرى بوضوح ذلك المحلول عديم اللون المتصل بجسده عبر ذلك الأنبوب الرفيع
ذلك الأنبوب هو ما سبب له الألم لأنه مثبت في ذراعه
اتضحت معالم الصورة كاملة في نظره - استطاع التربيت بيده اليسرى على صدره في حنيين و شوق اشتاق اليهما منذ زمن طويل
اعتاد كلما أهمه شيء أن يواسي نفسه بنفسه و أن يربت عليها بيده عله يخفف بعضا من آلامه
أدهشه أنه لا يؤلمه شيء - كل ما هنالك أنه خائر القوى كأنه ضرب ضربا مبرحا لكن بدون آلام الضرب
ترك يده اليسرى فوق صدره
وأغمض عينيه و حاول أن يسترجع ما حدث له؟ ترى ماذا ألم به؟ وما هي تلك المستشفى
لقد دخل مستشفيات كثيرة من قبل عندما عمل في التوصيل واعتقد أنه يستطيع التمييز بينها لكنه لم يميز تلك المستشفى
اذن هي مكان قريب من عمله أو منزله - ليست تلك التي اعتاد عليها في تلك المدينة الأخرى
أرهقه التفكير فاكتفى بأن يريح جسده و عقله و يغفو قليلا - يكفيه مجهود العودة الى الحياة
--------
بعد مرور 7 ساعات
--------
يستطيع الآن المشي و التحرك والذهاب الى دورة المياه و العودة منها وحده - يبدو بصحة جيدة الحمدلله - صلى صلاتين ليس متأكدا ما فاته منهما لكنه على الأقل استعمل حدسه - فور أن يستعيد أغراضه الخاصة من الأمانات سيقوم بالاتصال بمن يسأله عن مواعيد الصلاة
بدا له سؤالا سخيفا فقرر ألا يتصل بأحد - تفقد هاتفه المحمول وكما توقع - لم يتصل به أحد لمدة يومين
--------
شكر ذلك الطبيب كثيراُ
اتضح أنه أصيب باغماءة من سوء التغذية
كل هذا حدث لأنه نسي أن يأكل شيئا لمدة يومين - هل وصل حاله لهذه الدرجة من الضعف؟
لا حول ولا قوة الا بالله
دارت تلك الخواطر في رأسه - لملم أشياءه المبعثرة على سريره
أعطى بطاقة التأمين للمرضة فأخذت بياناتها باحتراف ثم تركته و مضت في حال سبيلها و بدون حتى أن تهنئه على العودة الى الحياة من جديد
أحيانا يكون الموت أبلغ معلم - تمنى لو مات في تلك اللحظة
--------
حدث جزأ بسيط من هذه القصة معي منذ بضعة أيام لكني والحمدلله لم أدخل المستشفى
اثبات حالة - اللهم لك الحمد

الأحد، 22 أبريل 2007

اثبات حالة

قبلة على القلب تشفي وان لم تكن من شفتيك بسمة في الوجه تكفي و ان لم تكن من وجنتيك
عشق في النفس لا يصبو الا اليك اثبات حالة

السبت، 21 أبريل 2007

كتاب حياتي يا عين

بسم الله الرحمن الرحيم
رأيت نفسي والعهود وثيقة
أكتب بيدي واًصك الوثيقة
مكتوب عليها منذ بدأ الخليقة
مكان لي في الجنة العتيقة
أو معاذ الله في نار سحيقة
وان لي فيها أياما مريقة
كلها ريب ونهايتها الحقيقة
وان لي فيها دينا بالسليقة
لا حيد عنه ولا ترك للطريقة
وأن الليل لي فيه سكن
ويكون لي في النهار بريقه
وان الله هو حافظي
وان تاهت سفينتي في الغريقة
وانه لا رجاء من بشر
ولا طلب منه ولا عتيقة
وأنه لا خير في مال منون
ولا راحة فيه ولا طليقة
وانه لربي يوما مرد
عدن منه أرجو
ورحمة وسعت خليقه

الجمعة، 20 أبريل 2007

الأربعاء، 18 أبريل 2007

تاج بثلاثة رؤوس

السلام عليكم و رحمة الله وبركاته الظاهر اني حقضي حياتي أجاوب تيجان بس ولو أنا مقبرتها :( --------- التاج الأول هنا من أميرة البلطجية وكوكو الكميلة ربنا يكرمهما يا رب أحب شخص لقلبك فى الدنيا؟ اه سؤال بيزعل ويحرج بس حقولكم انها زوجتي التي لم تحبني بعد فحاليا سأكتفي بقول أمي انسان مستعد تضحي بحياتك –ركز فى كلمة حياتك- عشانه؟ انها زوجتي التي لم تحبني بعدفحاليا سأكتفي بقول أمي مرة أخرى انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟ بطبعي لا أكره كثيرا لكنني اذا كرهت كرهت بعنف مممممم قاتل عمر بن الخطاب رضي الله عنه

ما هو:اسم أجمل كتاب كتبه بشر قرأته ومحتفظ به حتى الان؟ نسيت أكثر ما قرأت وحاليا لا أقرأ ولا أذكر أجمل ما مر علي

:(

اسم كتاب-كتبه بشر برضة- انت متعلق بيه وبتقرأه كل فترة؟ كان زمان و جبر - دلوقتي مش بنقرأ اهم جهاز منزلى انت متعلق بيه او بتستخدمه كتير؟ طبعا الحاسووووب - أنا من زمان متفرجتش على التليفيزيون و عمري ما كنت سميع راديو صحيح بحب التلاجة و الفرن لانها قمة التناقضات لكن الحاسوب حياتي و روحي و عمري وحبي الحقيقي حتى أجده

شىء تحس بالراحة النفسية عندما تنظر اليه؟ ممم شيء دي بالتالي معناها استثناء البشر اذن هي 3 أشياء متساوية عندي جهاز حاسوبي ساعة يدي مدونتان لشخصين عزيزين مكان تحس فيه بالحنين الى شىء لا تدرى ماهو و ذكريات جارفة الى لاشىء؟ كلما وقفت أمام البحر - وأمام منزلي بالتساوي مكان تحس بالراحة عندما تدخله؟ غرفة الشيخ محمود امام مسجدنا في مصر - وبيت أمي اجمل مدينة زرتها داخل مصر؟ الاسكندرية

أجمل مكان طبيعي رأيته داخل مصر؟ الشعب المرجانية - نويبع - البحر الأحمر

شخصية كارتونية بتحبها؟ بالتساوي رعد العملاق - نصف بطل نوع هاتفك المحمول؟ نوكيا 6600 سرعة بروسيسور جهازك؟ مليش جهاز بتاعي - بس جهاز الشغل سرعته 1.66 GHZ

حجم ذاكرة –هارد- جهازك؟ الذاكرة غير الهارد - الذاكرة 512 MegaByte أما الهارد 80 GigaByte المساحة التى تشغلها المواد الاسلامية على جهازك؟ صغيرة جدا - لأنه جهاز الشغل نفس المساحة السالف ذكرها فى قلبك-الاجابة لنفسك عشان الرياء يا اخواننا-؟ خلاص الاجابة في قلبي - يا بتاع الرياء أنت أهم هدف انت واضعه لحياتك دلوئتى؟ أن يرضى الله عني ويرضيها هي عني قبل الموت مواصفات فتاة الأحلام بالنسبة لك؟ اه جينا للاحراج بقا انت كده حتطفش العرايس يا بيه طيب أمري إلى الله أن تعرف ربها ودينها وحقوقها قبل حقوقي جيدا ثم أن تتحدث اللغة العربية بطلاقة ثم أن تعوضني خيرا مما مضى ثم أن تأمرني بالخير و تحثني عليه ثم أن تجدني وأجدها قبل الموت صف ما يأتى: شعورك لما بتسمع كلمة مصر؟ مزيج متعدد من الحب واليأس والفخر والمووووت شعورك لما بتسمع كلام عن اليهود؟ عساني ألا أكون مثلهم شعورك لما بتشوف ظابط شرطة؟ في أمريكا - رهبة الاحترام و مهابة المنصب والاستغاثة احيانا في مصر - احترام ممزوج بسخرية و حوقلة في الامارات - حب جارف لهم لأنهم ودودون جدا جدا في فرنسا - ربنا يشفي في ألمانيا - كره شديد - وشوشهم خشب في عمان - أنظر نظرة بلاهة خاوية اليهم لما بتشوف الكناس العجوز فى الطريق؟ من أعظم المواقف التي أكلت من قلبي نصفه لا أدري هل أحتضنه حضنا دافئا أعوضه و يعوضني غدر الزمان أم أعطي له كل ما في قلبي و جيبي شاعرا بالامتنان؟ عموما أدعو له في كل الأحيان و تفر من عيني دمعة وأمضي في طريقي لون البطانية اللى بتتغطى بيها فى الشتاء؟ بطانية واحدة مفيش غيرها معايا من سنة و شهرين صيف بتغطى بيها من برد المكيفات - و شتا بتغطى بيها من برد السماء هي مزيج من ألوان يطغى عليها اللون البني ولست أذكر ما المرسوم عليها لكنها جميلة - تريح عيناي و مناسبة لشخصيتي لون الجورب-الشراب- المفضل لديك؟ أبيض أو رصاصي احساسك اذا داست قدمك فى الطريق على مخلفات اخراج حيوان- *** ولا مؤاخذة-؟ أصلي ناقص هم - أستغفر الله العظيم افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟ ممممم - دعونا نتفق أولا أن الجلابية بيضاء كانت أو سوداء فهي ملابس جميلة و كنت ألبسها و أحب أن البسها يوميا في المدرسة لمدة 11 سنة من عمري بالعكس انظروا اليها كيف تبدو منها الهيبة قصرها نفسه سنة من الرسول و لا ضير في ذلك أما العمامة فتغطية الرأس سنة ولكني لست أدري أهي العمامة أم شيء آخر اللحية سنة و في حالتي أتحسس بشدة من حلاقتها لكنها خفيفة في كل الأحوال السواك مطهر عظيم و سنة كبيرة تكاد تندثر المصحف معجزة الله في الأرض ولا يحتاج مبررا لتواجده في اي مكان ولللللللللللاااااااااااااااااكن المنظر العام لهم قميء -لأنه في غير موضعه - لم يأمرنا الله سبحانه و تعالى بمخالفة أعراف مجتمعاتنا ولأن تلك الصورة تأتي في أذهان الناس أول ما تأتي لشخص متجهم يضرب الناس و لا ييتسم في وجهك ويأمرك بالاسلام و هو يدعيه و ينكر عليك عملك و قد يكون مقصرا أكثر منك تركوا الجوهر و اهتموا بالمظهر صورتهم تلك ذنبهم والتحزب و التعصب مذهبهم هداهم الله وهداني قبلهم لصراطه المستقيم قبل أن نموت جميعا احساس يراودك فى اشارة مرور مغلقة بسبب مسئول كبير؟ ألا يلقي بالا لكم الدعوات التي تنهال عليه؟ صدقت يا عمر حين عدلت فأمنت فنمت وأيضا أشعر بأنني بطة سوداء ------------- فيييووو كان تاج صعب أوي -------------- التاجين التانيين جايين من دكتورة دياموند العزيزة انت مين؟ سؤال غبي مين يعني اسمي ايه؟ ولا امثل ايه؟ ولا مين في دولا وليستة بشوية اسماء اغبياء؟ ولا ايه بالظبط؟ انت حتناسبني؟ على العموم أنا من أنا - عندك عروسة؟ أكتر ست أشخاص بتحبهم؟ زوجتي التي لم تحبني بعد ماما ماما بابا اخواتي كل من أحبني بنفس حبي له انت سعيد؟ لا لو زنقت حسنى مبارك ف اوضة لوحدكم تعمل معاه ايه؟ سؤال غبي تان لانه لا يمكن أن يحدث ولو حدث حيكون هو اللي زانقني بس في كل الأحوال حقوله باحترام شديد ربنا يصلح حالك و حالنا يا رب فرضنا انك قمت من النوم لقيت نفسك بالأندر وير وسط ميدان عام هيبقى ايه شعورك؟ أنا مش عارف ليه ثقافة ناس كتير اختزلت في الاندر وير؟ عموما ولا حاجة برضو سؤال غبي و لن يحدث لكن انا مرة ماما صحتني من النوم بالبيجامة على باب الشقة و كنت خارج ده لو انت عايز تضحك شوية يا عم الغلس اللي مألف التاج بتحب مصر؟ أينعم و بشدة بتحب البنات؟ حد بيكرههم؟ انت مسلم؟ اه الحمدلله ليه؟ "وما خلقت الجن و الإنس إلا ليعبدون" التااااااااج الأخير مين أكتر شخصية متقدرش تستغنى عنها في حياتك؟ ماما ثم زوجتي التي لم تأت بعد ايه أكتر موقف محرج تعرضت ليه؟ ممممم ياما كتير احرجت و بقيت في ربع هدومي كل المواقف محرجة والاحراج احراج مهما صغر او كبر لكن فيه احراج كان نفسي فيه اوي و محصلشي كان نفسي أقبل ايد ماما وانكسفت وكانت الفرصة موجودة - وانا انكسفت وتقريبا مكانشي ينفع ساعتها بس ندمان دلوقتي الأمنية اللى بتدعى دايما ربنا انه يحققها ليك؟ أن يرضى الله عني ثم اني اتجوز زوجة صالحة ثم اموت على الاسلام ------------- شكرا لكن جميعا يا جماعة أنا دلوقتي بقيت عامل زي المهرج بمليون تاج :) تحياتي لكم من ماناساس البلد

الاثنين، 16 أبريل 2007

تاجين على راس الملك

بسم الله الرحمن الرحيم أنا اليوم مبسوط فقد جالي تاجين مرة واحدة واحد كان بقاله شوية و التاني لسه من اخر بوست لصاحبته نبدأ بسم الله

------ أول تاج على رأسي و أعتز به من الدكتورة المتميزة العزيزة شيماء تخاريف وكانت بتسألني

ازاى عرفت عنوان مدونتى؟؟؟ أنا يا ستي عرفت عنوان مدونتك من تعليق ظريف ليكي على مدونة حد تاني للأمانة مش فاكر مين والله و مش عايز اخمن عشان منساش و ازعل الناس مني لكن والله انا ضفتك عندي عالطول من ساعتها لان مدونتك متميزة فحت او طحن هاهاهاهاها اصلي شاب ورش قصدي روش

ازاى اثرت مدونتك فى شخصيتك؟؟؟ حتى الان مدونتي لم تؤثر في شخصيتي البتة حلوة البتة دي :) لكن أنا تغير تفكيري كثيرا بعد أن عملتها يعني مش لدرجة اني شخصيتي اتغيرت بسببها بس تفكيري اتأثر طبيعة التأثير أني أصبحت أفكر في الاخرين واهتم لامور ناس اخرين لم اكن اعرفهم خرجت من حالة الانانية واللامبالاة اللي كنت عايش فيها بقالي فترة مش لاني اناني لا سمح الله لكن لاني اتنسيت ببساطة اتنيست وبقيت انبسط و افرح اوي الحمدلله لما الاقي حد ملهوف يشوفني ولا يقابلني ولو افتراضيا ولهفتي الشخصية لما ادخل مدونة حد اشوف حيقول ايه النهاردة ده غير طبعا الصداقات الكثيرة اللي بجد استمتعت بيها ولأول مرة في حياتي أقول أنا لم أعد انطوائيا :)))))) شكرا لكم جميعا يا أصحابي وشكرا لك أنت بوجه خاص يا دكتورة شيماء تخاريف :))))) ابتسامة كبيرة لك :)))))))))))))))))))))))))))))))))))))))))))))))

----------

التاج التاني من العزيزتان

أبيتاف

و

رافينديل

وانا في الاخر طلعت زي جيه اييييف كيييييه هاهاها والله كنت بحب الرئيس ده عشان شباب و روش مع اني حاسس اني اقرب لهتلر منه هاهاهها بس الكومينت بتاع الموقع ده جامد شوية عليا دانا غلبان والله على العموم ادينا ياما حنشوف section 1 last beverage? موكا ساقع و مضروب زي الفل من برجر كينجِ

last phone call ? كلمت خالي هنا في امريكا اطمن على اصحابي و اصحابه في جامعة Virginia Tech في فيرجينيا هنا لانه حصل فيها ضرب نار في الحرم الجامعي و مات 31 شخص الحمدلله اصحابنا طلعوا بخير last instant message ? محدش عبرني من زمااااان بس كانت رسالة من الشبكة بتقولي ليك فويس ميل قديم بقاله كام يوم روح افتحه يا كلب اه قالت يا كلب :( last cd played ? سي دي لا - بس كنت بسمع أتحبني لكاظم last time u cried ? امبارح على نفسي و عمتي و الدنيا - يعني البكاء عندي ورد يومي او اسبوعي على الاقل last text message? لمصر اقول لصاحبي انا جاي و موصلتشي :( Section 2 Have You Ever: ايفر كانت مكتوبة غلط يا هانم او ياللي عملت التاج من الاول انجليزي ليه لما مالكوش فيه؟ :P 1. dated someone twice? هاهاهاايعني ايه ديتيد؟ لا يا بيه انا مخلص و عمري ما اكلت ديتس خالص 2. been cheated on? موش اما يبقى في ديت الاول؟ :@ 3. kissed someone & regretted it? اه مرة و انا صغير اوي بوست بنت في دراعها - يادي القرف وندمت بعديها لاني خفت امرض هاهاها لا والله كانت عسل بس انا اتكسفت بعديها - يعني لما كبرت و عرفت شناعة ما فعلت متخافوش كنت في تانية ابتدائي تقريبا :P متفضحوناش بقا lost some one special? اه - جدي العزيز الله يرحمه كان نفسه يجوزني قبل ما يموت الحمدلله انه مات وهو راضي عني ادعولي كتير been depressd ? قبل السؤال و لا بعده؟ 6. been drunk and threw up? اه من السوبيا عملتها كتير - ومن القصب ومن الدوا المخصوص بتاعي انا وسمير لكن منكر؟ لا والف لا الحمدلله Section 3 List 3 Favorite Colors الأخضر الأسود النبيتي :P لا بهرج اخر واحد الأبيض ;) Section 4 This month have you Made a new friend? اه الحمدلله - واخوات كتير كمان الحمدلله

2. Fallen out of love? ممم اه فركشت حكاية حب لم تكتمل ششششش ده سر حربي 3. Laughed until you cried? هاهاها اه كذا مرة الحمدلله مع اصحابي على النت دخلنا مرة روم مشترك تهييس رجعنا فيه كتير من الذي مضى ربنا يكرمهم جميعا يا رب 4.Met someone who changed your life? اه - كل اصحابي المدونين :) 5. Found out who your true friends were? اه - دي من زمان 6. Is there something you want to tell someone? اه - ماما: بحبك أوي أوي ماما اتنين: بحبك أوي أخوتي المدونون: بحبكم كلكم أوي 7. Would you kiss anyone on your top friends? اه - بس مش حعرف اجاوب على السؤال ده لو بنات لانه ميصحش عييييييييييييييييييب 8. How many people on your top friends do you know in real life? مش كلهم للاسف - 50% منهم بس

9. How many kids do you want to have? اللي يجيبه ربنا كويس - بس نتجوز الاول بس وكمان اعتقد انه ذا مور ذا بيتر

10. Do you have any pets? آآآآآآي ويش

11. Do you wanna change your name? لأ طبعا - دانا كمان حسمي ابني عبدالله ان شاء الله لو مراتي وافقت 12. What did you do for your last birthday? ولا حاجة - رجعت من شغل البيتزا بالليل مطحون انا كنت ايامها - عديت على ماكدونالدز مشي جيبت ايس كريم عشان دايما عيد ميلادي حر في الصيف والمشي كان عشان انسى حقيقة ان الناس كلها نسيتني معدا ماما حبيبتي هنا اتصلت بيا و سلمت عليا مخصوص من مصر :) وكلته و نمت مبسوطا اني اول مرة اكل ايس كريم من ماك في امريكا :) 13. What time did you wake up today? الساعة 8 الا ربع صباحا بتوقيت ماناساس البلد الحمدلله لحقت معاد الشغل في الثامنة تماما :)) 14.What were you doing at midnight last night? كنت برد على الكومينتات و بشيك على الجوجل ريدر 15. Name something you CANNOT wait for? اني اتجوز :P ثم احج ثم اموت :( ان كان الموت خيرا لي 16. Last time you saw your father? منذ تسعة و اربعون يوما :( 17.What is one thing you wish you could change about your life? لا شيء - القدر و النصيب لا يمكن تغييرهما بأثر رجعي سؤال بايخ 18.What are you listening to right now? وسوسات نفسي 19.Have you ever talked to Tom? اه لو قصدك توم و جيري يا اللي بتستظرف و سألت السؤال ده وكمان طوم حبيبي بتاع الليموزين لما كنت بسوق عربيته واعمل بيها فلوس عسل ليلة الكريسماس هاهاها

20. Have you ever talked about someone behind their back? ياما للأسف - بس غالبا كان مدحا و دعاء 21.What’s the last piece of clothing you borrowed from anyone? جزمة من حبيبي علي احضر بيها فرح اختي و رجعتهاله عشان مش مقاسي :( 22.Who’s getting on your nerves right now? أنا :( 23. Most visited webpage? مممم مدونتي ثم الياهو ميل ثم اسلام اونلاين ثم فيلجول ثم الاهلي دوت كوم ثم مدونات الاحبة كلهم .24. Coke or Pepsi في امريكا بيبسي احلى في مصر كانت كوكاكولا في الامارات كانو زي بعض تمام وفي الاخر تجيبها كده تجيلها كده هي كده كوكاكولا :)

25. Mac or PC? أببل ماكينتوش مكنة جامدة جدا بس في الجرافيكس لكن يعيبها السعر العالي و السكالابيليتي المحدودة البي سي و عملاء ال اي بي ام حبيبتي و المايكروزيفت تمام والله في كل حاجة وقريب حيبقى احسن من الماك لان هاهاهها الماك دلوقتي انتل ديوال كور وشوية حتلاقي ماك كومباتيبل مع اي بي ام هاهاهاها تحياتي الحارة من ماناساس البلد لكل الناس و خصوصا لاخواتي الحلوين صاحبتي هاذين التاجين ------------- :))

السبت، 14 أبريل 2007

بوست خفيف - 1

السلام عليكم ورحمة الله وبركاته يا اخواننا أنا مكانشي قصدي والله المرة اللي فاتت اني اضايق حد البوست اللي فات كان هدفه شوية فضفضة و اني اخرج كلام مخنوق في صدري من 8 سنين كاملة ربنا يكرمكم جميعا يا رب آآآآآآآآآآآآآآسف جدا جدا و أعتذر بشده لكل من أدميت قلبه و أوجعت عينيه ولكل من بكى علي أقول له جزاك الله خيرا و بكتك الملائكة يا رب ربنا يكرمكم جيمعا يا رب و يجمعني بيكم دايما على خير في الدنيا وفي جنة الخلد في الاخرة يا رب العالمين خدوا بقا البوست الظريف ده: :) ----------- الشيخ محمود حبيبي و حبيب قلبي و قلب كل شباب الحتة راجل سكرة و زي العسل عرفته من أكتر من 6 سنين ما شاء الله و لازلت مبسوطا منه ربنا يكرمه و يدخله الجنة يا رب قولو امين بدل ما تطلعو برا :P المهم الراجل السكرة ده عايزكم تدعوله كتير هو ما شاء الله عليه شباب و حيوية و نشاط وأهم حاجة فيه انه ما شاء الله بيسعى في تزويج الشباب وبكل ما أوتي من قوة طيب أقولكم سر؟ هو ما شاء الله مشي في جوازات كتير ودبس عيال كتير في بعض :) ربنا يجازيه خير يا رب أحكيلكم بقا شوية مواقف بتاعتي طريفة و ظريفة معاه -------- أول مرة عرفته أوي كان بيقولي يا ولد يا جروم و دايما يندهلي يا ولد مع انه قريب مني شوية في السن لكن برضو انا بحب يا ولد دي و هي بتطلع منه زي العسل بتحسسني اني عيل و دي حاجة محببة ليا :) طبعا مش من اي حد :@:@ المهم أنا أقوله نعم يا شيخ يقولي انت يا ولد روح لقسم السيدات فوق (أصل مسجدنا دورين) و هات منهم الورق التالي من طنطك فلانة طيب وانا كان عمري كام سنة ساعتها؟ كنت 19 سنة طيب ليه بيبعتني أنا بالذات؟ كنت أقوله ليه أنا بالذات يا شيخ؟ يقولي روح و لما تيجي حقولك ليه المهم أنا طلعت لطنطكم فلانة دي و بعد ما قعدت تطقس مني اخباري ايه و ابن مين و بنت مين تبقى اختي و لا ايه ومش عارف اخواتي فين و فين ماما مش بتيجي المسجد كتير ليه و بتاع أنا قولت في سر بالي أكيد يا ولا الست دي مش طبيعية و بالفعل لما خلصت منها بالعافية و أسألتها الكتير و بعضها محرج و بتاع ونزلت للشيخ تحت في مكتبه في صحن المسجد وانت يا عم الشيخ مين دي اللي باعتني ليها دي دا في الاف بي اي مش بيعملو في الناس كده قاللي ها انبسطت منها؟ قولتله اوعى تكون جايبلي عروسة يا شيخ قالي اه دي أم بنت من البنات و بتدور على عريس لبنتها وانا فطست من الضحك و انقلبت على ضهري و مقدرتش أقوم أتاريها عمالة تنفضني كان ناقص تطلع من جيبها بندقة ووريني سنانك يا حبيبي هاهاها هو انا بقرة حتسنن هاهاها المهم الشيخ بصلي وضحك هاهاها وقالي انت عبيط والله دي بنتها زي السكر قولتله طيب يا شيخ سنة عقل شوية هي كام سنة؟ قالي 25 سنة قولتله حرام عليك يا شيخ و فطست اكتر من الضحك انا لسه غلبااااااااااان وعيل هاهاها واترميت على سرير الملك قصدي سرير الشيخ وفطست من الضحك رجليا مش شايلاني المهم قالي ليييييييييه هو انت كام يا ولد؟ قولتله قول انت يا شيخ قال مش انت برضو 25؟ اهاهاهاهاها انقلبت تاني على ضهري هاهاهاها يا شيخ انا مجرد 19 سنة هاهاها الشيخ سكت و سهم و كتم نفسه من الضحك المتين وقالي بصوت رخيم قوم بينا نصلي العصر
روح ارفع الأذان يا ولد :):) ----------- مرة تانية كان اتنين اصحابي علي و محسن و دي طبعا اسماء رمزية كانو قاعدين معاه في غرفته الوهمية في المسجد دي مكان يا جماعة تدخله تحس ان الروح ردت فيك و انك مش عايز تطلع منها ابدا ما شاء الله بجد ربنا مدي فيها بركة عجيبة انا كنت بذاكر فيها زمان بس دي حكاية تانية المهم علي و محسن في مرة قبل الصلاة قاعدين معاه بيكلموه فعلي بيقوله يا شيخنا متشوفلي عروسة الحمدلله لسه متخرج اهو و ربنا يكرم المهم الشيخ قاله انت كام سنة يا علي قاله 23 قاله طيب انت جاهز قاله يعني ربنا يعين ويكرم ولو لينا نصيب حنتجوز قاله طيب سواني وراح رافع سماعة الموبايل وزي ما بقولكم كده والله راح رافعه و طالب نمرة واستنا على الخط شوية وبعدين قال ازيك يا فلانة عاملة ايه و سلامات و تحيات وبعدين انا جايبلك عريس علي بن فلان خريج هندسة السنة دي 23 سنة و تاريخ ميلاده سانية واحدة انت تاريخ ميلادك كام يا ولد؟ هاهاها كذا يا شيخ وتاريخ ميلاده كذا يا بنتي ينفعك؟ المههم محدش سمع قالت ايه وبعدين قالها طيب خلاص على بركة الله وراح قافل السكة وقاله خد ورقة و قلم واكتب عندك حتيجي معايا انت واهلك يوم الخميس الجاي نزور البنت و اهلها و تتعرف عليها هي خريجة صيدلة و قدك يعني او اصغر شوية و مفيش مشاكل وخلاص اعتبر الموضوع تم المهم الواد ازبهل و اتلون بكل الالوان والله بحب اوي الناس المخلصة دي وبمكالمة تليفون خلص الحوار هاهاهاها المهم قامو صلو العصر برضو وروحو وبعدين عرفت من محسن ان ام البنت استصغرت علي عليها مع ان البنت رضيت بيه واهو كله نصيب انا قولتلك يا علي يا حبي من الاول انت مالكش في الجواز و عمرك ما حتتجوز هاهاها أنا قولتلك من الأول انت مش وش جواز وحتفضل بينا دايما العازب الاشهر ربنا يكرمكم جميعا يا رب كفاية عليكم كده و نكمل مغامراتنا مع الشيخ محمود حبيبي قريب ان شاء الله

الجمعة، 13 أبريل 2007

ماذا لو مت الآن - 1

السلام عليكم ورحمة الله ماذا لو مت الآن؟ من سيبكيني؟ من ستبكيني؟ من سيبكوني؟ سؤال ظل دائما يدميني ماذا قدمت لهم؟ وهم في الحياة أصلا قد نسوني أتسائل أحيانا ماذا سوف يحدث عندما تدنو ساعتي و يحين أجلي .... من في هذه البسيطة سوف ينتحب علي وهل أستحق أصلا دمع الرجال ونحيب النساء؟ سهرت يوما كاملا أتخيل ماذا سيحدث يومها؟ عندما أموت ....... ترى كيف سأموت؟ وأين؟ وعلى أية حال؟ هل سأموت بعيدا طريدا شريدا كما أنا الآن؟ هل سيضطر الناس لدفني بعيدا فأظل بعيدا قلبا و قالبا و عيانا بيانا فيكون هذا في حياتي وبعد مماتي؟ هل سأكون سعيدا بلقاء ربي؟ هل سأحزن لفراق صحبي؟ هل سأفرح بجنة الخلد أم سأشقى بنار جهنم؟ لست أدري الاجابة لهذه الأسئلة الآن - قد أجيب عنها فيما بعد - وقد أعرف الاجابة في الوقت المناسب لكنني سأتسائل الان من سيبكيني بالتحديد؟ هل سيبكيني أبي؟ مممم قد يفعل أو حتما سيفعل - لكن يظهر هنا سؤال محير؟ هل سيكون بكاء علي؟ أم بكاء مني؟ أم بكاء لي؟ هناك فرق كبير بينهم - أرجو ألا أموت قبله فيبكيني - سيعز علي كوني سببا في بكاءه هل ستبكيني أمي؟ مممم حتما ستفعل - لكن يظهر هنا نفس السؤال المحير - هل سيكون بكاء علي؟ أم بكاء مني؟ أم بكاء لي؟ أرجو ألا أموت قبلها فتبكيني - صحيح أني بموت أمي و أبي أمامي قد أبكيهما دما و قد أموت من البكاء - وقد لا أحتمل الصدمة فأموت من فوري ولكن هذا أهون عندي من موتي أمامهما و أن أكون سببا في عذابهما - لا أريد أن أكون سببا في عذاب مستمر لهما ميتا بعد أن كنت كذلك حيا للأسف نعم أنا أجزع عند المصائب لم يعلمني أحد أن أصبر - فقدت الصبر منذ زمن طويل وأعتقد أني قد بدأت أن أتعلمه - ما تراه في يوم قد يفوق يوما ما قد تراه في عمر كامل ترى..... من من الناس سيبكيني؟ هل ستبكيني أختي تلك؟ لست أدري في الحقيقة ولا أريد أن أعذبها هي أيضا - لست أدري ان بكت علي هي يوما - ما أذكره أنها بكت مني كثيرا وعز هذا علي أم هل ستبكيني تلك الأخرى؟ نعم هذه بالتأكيد ستبكيني - انها تعلم الحقيقة - بكت مني كثيرا و ستبكيني أكثر يومها وعز هذا علي أم هل سيبكيني البقية؟ نعم سيبكونني وخاصة الصغرى - هي تحبني كثيرا وبكتني وبكت علي وبكت مني دوما - ولما سافرت انهمرت دموعها مرة وكفاني هذا وعز هذا علي أحببت كثيرا من الناس بل ومن الاشياء في حياتي لكن ترى ......... من سيبكيني منهم؟ ومن سيفرح بموتي؟ هؤلاء كثر هل ستبكي علي أشياءي؟ احتملتني كثيرا - حملتني كثيرا - ضاقت بي قليلا - وكلفتني قليلا - لم تشكني يوما و احببتها دوما هي سيارتي العزيزة - أعز ما أملك في هذه الدنيا من الأشياء - استضافتني يوم أن لفظني الجميع - أقلتني يوم تركني الجميع ومعي في السراء و الضراء - قد يجد البعض هذا مضحكا ولكنها كانت هناك دوما - أعرف قيمتها لأني حرمت منها دهرا من أول يوم رأيتها أيقنت أنها هي - نشأ بيني و بينها ذلك الحب - هي مما خلق الله وأنا مما خلق الله فكيف تنكرون علي حبي لها وحبها لي؟ أثق أني سأتركها يوما ما - وأعلم هذا جيدا - لكن سأظل أحبها ما حييت و لن يكون تركي لها الا بموتي - وموتي فقط ان شاء الله وعلى الرغم مما فعلته بها - وهو كثير - أثق أنها سوف تبكيني وعز هذا علي ...... وعليها وسادتي العزيزة - قبلت مني دموعي باستفاضة - في فرحي وفي حزني - في همي و في سعادتي - قبلت مني أيضا دمي حين نزف وجهي لم تشتك أبدا - لم ترمني بما رماني به الاخرون - كانت دائما باردة يوم حر علي الزمان - وكانت حارة يوم ارتجفت بردا تكفيها أنفاسي يوم كرهني الناس و لم تبال - وسمعت مني يوم بثثت اليها شوقي طول الليل و احزاني احتضنت رأسي يوم ضاق به صدر أمي - واحتضنته أيضا يوم اهتم و ارتعد وعن ما أحب قد ابتعد
احتضنتني يوم ان شكوت لها ذكرياتي و حكيت لها آهاتي وكتمت بها صرخاتي
ظلت رفيق دربي وهمي و لم تقل لي يوما ابتعد عني أحبك يا وسادتي وحتما مفارقك وعز هذا علي ......... وعليها سريري - يا من حملتني طفلا - فلما شبت حملتني كهلا و قليلا ما نمت عليك وكنت يومها شابا يا من حملتني يوم ضاق بي الاخرون - يا من شربت من دموعي كؤوسا وتجرعت منها أنهارا - يا من في فرحي قفزت عليك و في حزني ارتميت في احضانك - يا من في حر الزمان حميتني وفي برد الشتاء أدفأتني
يا من في مرضي وسعتني و في ايام صحتي القليلة صحبتني
يا من دفنت فيك عزيز ذكرياتي و جميل أحلامي و لم أبالي
يا من وسعت أحبهم الى قلبي فصحبي صحبك وأحبابي أحبابك يوم أن ضاقت بي الأرض كنت دائما أهرب اليك - أدعو الله تعالى مختبئا بين جنبيك - مدثرا بملائتك محتميا بك من الناس ولم تخذلني و كنت دوما بجانبي - ستبكيني أنت بحرقة أعلم هذا - وليس بيدك أن لا تستقبل غيري - لكنك دوما مخلص لي وعز هذا علي............ وعليك ثيابي - يا من سترتيني يوم فضحني الناس - وغطيتني يوم كشفني الناس يا من حميتني ممن رموني من خلفي ........ ومن أمامي أيضا يا من أحببتك لأني اشتريتك بنفسي أو اهديت الي من أحبتي - ولم تبالي يا من تحملتي مني الكثير و لم تبالي - ستبكينني بحرقة - وقد تكونين لغيري وعز هذا علي .......... وعليك حقيبتي العزيزة - أذكر ذلك اليوم في صيف العام 2001 يوم أن أهديت لي من تلك الحبيبة نعم استسصغرتك يومها - لكنك منذ ذلك اليوم حملت مآس عظيمة - وحملت ذكرياتي معك لم تشتك مني ولا من معاملتي لك يوما و لم ينقطع حبلك المتين دوما - فخرت بكونك حقيبتي و رفضت بيعك مع الجهاز الذي كان بداخلها يوم أن بعته - أنت لا تفارقينني أينما ذهبت - فيك روحي وأنا فيك ستبكينني بحرقة؟ أعلم هذا - وقد تكونين لمن أحب بعد موتي - تذكرينها بما كان بيننا و تذكرينني يوم نسيني الناس حملت قلبي بداخلك دائما - ولم تئني به أو تتوجعي يوم أن رماه الناس وضاقوا به ذرعا شكرا لك - وعز فراقك هذا علي وللبكاء بقية ان كان في العمر بقية

الخميس، 12 أبريل 2007

تابع حلم جميل - الجزأ الرابع و الأخير

أنا اسف يا جماعة على التطويل
بس أعمل ايه حلم بقا و مالناش يد فيه
خلونا نتابع
---------
طبعا لما يكون في شلة بناتيت قاعدين على طربيزة كبيرة و مدورة
ومنهمكين في حوارات حلوة و حية
يبقى لازم الواحد يروح يشوف فيه ايه
بسم الله ما شاء الله
اللهم لا حسد - اومال بيقولو ليه مفيش عرايس و بتاع
دي عالم معندهاش نظر هاهاها
المهم رحت محوقل برضو وعامل طقوسي المعتادة كلما اقترب من مكان فيه بنات
خصوصا لو كانو مجتمعين و متفقين - خد بالك يا سمير
ااااااااااااااخ سمير؟ الواد ياعيني تلاقيه لسه مركنش
عموما هو معاه نمرتي لو فيه حاجة حيكلمني
السلاااااااااااام عليكم و رحمة الله
ازيكم يا جماعة
دعونا نخمن هنا
أهلا أهلا ازيك يا بنتي؟ عاملة ايه؟ أقولك عرفتك منين؟
لابسة برتقاني و بتضحكي عالطول وجهك لاتفارقه تلك الابتسامة - أضحك الله سنك و أدام عليك السعادة يا رب
صحيح انت ساعات بتزعلينا و تخضينا ببوستات حزينة
بس دايما مصدر من مصادر السعادة المتجددة في البلوجات
أهلا يا جروم ازيك - حمدلله على السلامة
:):):):):):):):):):):)
:):):):):):):):):):):)
اخبار ماناساس البلد ايه؟
أيوة افضلي اضحكي والله ماحد واخد منها حاجة
الله يسلمك يا دكتورة - بخير و بتسلم عليكي :))
ورحت مدور و ببص ياااااه
ايه ده - ايه الهنا ده كله - الحاكومة كلها هنا؟ و كمان ولاد اخوات الحاكومة؟
طبعا عرفتو انا بتكلم على مين - بنت أمورة بس لابسة رصاصي وتعلو وجهها التكشيرة
وأنا أقول الحرس اللي برا دول تبع مين - أكيد تلاقي حد قريبهم في كلية شرطة
بس برضو شايلة في ايديها قطة عسولة - أكيد دي رافينديييييييييييييييييييييييل
ازيك يا بنتي؟ أديكي طلعتي في الحلم اهو؟ عايزة ايه بقا؟
وبعدين مانت حلوة أهو وزي الفل - ربنا يجعل كلامنا خفيف عليهم ياللي فبالي
وعليكم السلام والرحمة - مش تسلم الأول؟
يا ستي سلام عليكم و رحمة الله
وعليكم السلام - لا أنا زعلانة
يبنتي والله مانت زعلانة حلفت عليكي بقا
طيب خلاص سامحتك - وراحت رافعة الموبايل مكلمة بيه البودي جاردس مشيو من المكان
طبعا كان اللون الرصاصي تحفة عشان ميري
بس ولو - النبيتي برضو احلى
:P
حتى شوفو البنت اللي جنبيها - دي أكيد الكائن المتحور سبورومورفين
سبورومورفين العزيزة دي مدونة معرفهاش - بس صاحبة رافينديل الروح بالروح
طبعا شايلة في ايدها شوية كتب - آه انا دلوقتي عرفت الفولة
بس أما أتأكد بس
يا سلام ياخويا و انت مالك بصاحبتي بقا؟ ايه عزمتها ليه لما مش طايقها؟
مين قال اني مش طايقها؟ أنا بس بعاكسها يا ستي انت زعلانة ليه؟
:P
وقبل ما ترزعني بالشنطة - سلاح فتاك قولتلكم - أو تكلم قرايبها في كلية الشرطة - دي شرانية و أنا عارفها
:P
:)
أيوة مالك بيا - أنا تبع رافينديل اياك تقربلي
الناس اللي بتتكلم بثقة دي أكيد مسنودة - ديلي في سناني
:)
وروحت مركز كده مين في ركن الطربيزة؟ احم - دي مدورة يا حبيبي
سمييييييييييييييييييييييييييييير أبوسمرة أبونوجا حبيبي
ازيك يا معلم
ركنت فين؟ ولا حاجة استنيت ونش المرور اما مشي و ركنت مكانه
يا قلبك يا حبي - انت واد صايع
المهم كنا بنقول ايه - اه لغوش لغوش
تعال اعرفك - سمير؟ سمير؟ الواد هرب تاني
طيب
ياسلام يا سلام - اد ايه حلو الكلام
مين دي؟ أنا مش مصدق عيني - شيرمييييييييييييييين بحالها؟
ازاي يا بنتي كل دولا طب و انت قاعدة معاهم؟
يعني عاملين عليكي رباطية؟ لا سواني مين دي اللي جنبيكي؟
اهلا اهلا منوريني والله يا جماعة
بس انت يا شيرمين تعالي هنا مالك حاطة ايدك على خدك كده؟
لا مليش دعوة
يا ستي بس اهدي
لا مليش دعوة
يا ستي حقك عليا
لا مليش دعوة
طيب انت حرة
:)
بس في أي وقت كلنا جنبيكي - اكيد العيال بتوع طب دولا عملولك عمل
وفعلا الاقيلكم شيماء تخاريف و رافينديل و سبورومورفين وارتعاشة حبيبي
اتاريه كان بيحضر العفريت في اللاب
وجم كلهم يذاكرو على الطربيزة دي
وفارشين هالومة ورق دروس وبتاع
طب من غير دروس كالاسد من غير ضروس
هاهاها
ربنا يرحمنا منكم يا بتوع طب انتم - عالم خطيرة والله
المهم انا بصيت لاقيت سمبتيك عاملة شغل عالي و بتهدي في شيرمين
والله طيبة شيرمين وزي العسل بس لو متقفشي بسرعة تبقى ميتين فل و خماشر
خماشر مين؟ انت مين يا؟
سمير؟ والا تعالا هنا - ولا
طيب حوريك :(
ازيك انت يا سمبتيك؟ عاملة ايه؟ واخبار الدايت ايه؟
الحمدلله يا جروم - معايا محشي تاخد؟ عارفاك مش بتحب الفسيخ
محشي ايه و فسيخ ايه يا سمبتيك - الدنيا حر
معاكي ايس كريم؟ اه طبعا معايا كله في التلاجة خش هات اللي انت عايزه
وأنا روحت جري واخد بعضي جايب سمير حبيبي من الركن وياعيني قاعد لوحده مع انه حبيبي قمر و البنات كانو حيتجننو عليه
أتاريه كان بيهرب هاهاهاها
:):):):):)
ايه؟ مين دي؟ ممممممم آآآآآآآآآآآآآآآآه
أنا فاكر ياسمين دايما كانت بتتكلم عليها و بتشكر فيها أوي - آآآآآآه
دي أكيد سهر الليالي صاحبة ياسمين
بس أنا مكسوف منها والله لأني معزمتهاش - بس ولو صاحبة ياسمين زي ياسمين تمام
تنورني
السلام عليكم - ازيك يا سهر الليالي؟
عاملة ايه؟ اومال فين ياسمين؟ انا سلمت عليها و سيبتها تاني
وعليكم السلام - ازيك انت يا جرووووم - الحمدلله كويسين
ياسمين جالها تليفون مهم واضطرت تستأذن و أنا كمان حستأذن أنا كنت خارجة ليها دلوقتي أنا كمان
يا بنتي انت جيتي في ايه و ماشية في ايه؟ والله أنا مكسوف منكم أوي
على العموم ربنا يكرمك يا رب ويكرم ياسمين سلميلي عليها و اشوفكم على خير ان شاء الله
مع السلامة يا جرووووم - وسلملي على سمير كمان
:)
المهم أنا خدت سمير جري وروحنا على التلاجة نلحق نقربع عصير و كولا وكل مهدئات الجو الحر
وخصوصا ادماننا أنا وهو - علبة الدوااااااااااا
طبعا دي سر شويبس و عمري محقول لحد ان علبة الدوا تبقى فانتا توووووت
هاهاها
الله يرحم أيامك يا سمير
و
و
و
وهووووووووووووووووووووووووووووووووب - طااااااااااااااااااااااخ
ايه الدخان ده كله؟ ايه الحريقة دي طفي يا تريسي - طفي يا دون - الحق يا مايكل
ايه يا عم رودني ايه الحكاية
وطبعا كل الكلمات التعجبية في الانجليزي طلعت
وشوية عربي كمان - بس من غير قلة أدب
يعني الواحد ميعرفشي يحلم حلم يقظة كده في الكام دقيقة دول بتوع البريك؟
لازم يعني السيرفر يولع و الحريقة تقوم - صحيح ربنا بيخلص منكم يا ولاد الايه
تلاقي حد دعا عليكم الله يحرقكم و ربنا استجاب
شخشخوها بقا وهاتو اجهزة جديدة
ما علينا
أروح أنا بقا الحق السيرفرات يا جماعة
انتهى الحلم
------------------------
تحياتي من ماناساس البلد
ملحوظة:
محدش يسأل عن مصير سمير
مصمصم يعني؟
طيب ولا حاجة خدني روحني و بعدين روح بيتهم - سلام أنا بقا
:)
----
شكر خاص لكل من ألهمني فكرة هذا الحلم و كل من شارك فيه
وشكر مخصوص واكبر لكل من لم اذكره بسبب تقصيري و اعتذار رسمي موثق مني له
تحياتي لكم

الأربعاء، 11 أبريل 2007

تابع حلم جميل - الجزأ التالت

أصحابي و حبايبي الحلوين
نكمل بقا الحلم الغلس ده اللي مش عايز يخلص هاهاها
-----
عارفين لاقيت مين في ركن القاعة
وروحت واخدهم يمين و شمال و احضان و بتاع
ازيكم يا جدعان و ازي السفر على حسكم ربنا يجيبكم لينا بالسلامة يا رب
ازيك يا يعقوب عرفتك من القميص الاسود بتاعك ده أنا قولت أنت دايما بتلبس قميص اسود
لا أنا مش حتكلم مليش دعوة انا كلامي ميطلعشي من غيري
ياعم فكها و روق بقا محدش واخد منها حاجة
انت يا عم فانتي قوله يعمل ايه و يتكلم يقول اي حاجة
يا عم و انا مالي سيبني في حالي
نداااااء هام لكل المدونين عليكم بحبايبي يعقوب و الفانتي طلعوهم من الموووود البايخ ده
وروحت لامم الناس حواليهم
بس دي حكاية تانية :)
المهم سبت الناس حواليهم ملمومة و قولت أنا أكمل سلامي
وروحت مكمل من على يميني
لاقيتلكم مين بقا؟ لاقيت بناتيت واقفين على الجنب كده
واحدة طبعا باين على وشها التوتر و التكشيرة - شكلها كده متنرفزة مش عارف ليه؟
التانية مكشرة برضو وشايلة شنطتها في وضع تحفزي - طبعا عارفين الشنطة للنساء بتبقا سلاح فتاك ازاي
والتالتة ماسكة علبة
عارفين علبة ايه؟
علبة حلييييييييييييييييييييب
:)
طيب روحت رايح عليهم و انا عمال أحوقل و أدعي وأسمي لحسن يعملو فيا حاجة
وقربت بحذر و حطيت ابتسامة عريضة على وشي تهدي الموقف
بس والله طالعة من قلبي
وروحت مقرب و السلاااااااااااااامو عليكوووووو
ازيكم يا جدعان؟ عاملين ايه؟ ايه بس مالكم دانا غلبااااااااااااااااااان
كده يا جروم ماكانشي العشم - طلعتني في اخر الحلم؟ - نرفزتنىىىىىىىىىىىىىىىى
أميرة: جاي من بدري و مش بتسلم علينا؟
جوهاينا: شوفت؟ دانا حتى كنت عاملة حسابك في علبة حليب
طيب وأنا أعمل ايه بس فيكم؟ مانتم في القاعة التانية
وأنا دخلت من المدخل الرئيسي و قولت أسلم على الناس واحد واحد
بس ملحوقة دانا جاي أسلم مخصوص أهو
:) و نفس الابتسامة العريضة
المهم برضو ايموس كانت لابسة طقم نبيتي - الظاهر ان الموضوع ده بقا موضة
وأميرة البلطجية كانت مطقمة طقم انما ايه - بلطجة بقا
أما بقا جوهاينا فكانت غلبانة شوية بس لابسة طقم كده يدي على علبة حليب
:)
محدش يزعل بقا ده حلم و أنا مليش تحكم فيه - ده عقل باطن
يا عبدوووو انت فين؟
اه أبو سمرة حبيبي جيه تاني
ها يا سمير عملت ايه؟ ولا حاجة يا مان أمين المرور قاللي أنت في السليم و عربيتك تمام احنا شيلنا العربية النبيتي اللي كانت برا دي
الظاهر يا اخواننا ان النبيتي ده كان موضة ساعتها - مش عارف انا بقا
أصلها كانت واقفة صف تاني وشكلهم بقا قالوا نتمصلح منها
:(
- وطبعا سمير بيقول كده و هو مكشر لأنه بيكره المرور و بتوع المرور
أنا قولتله معلشي يا مان - مصر لسه فيها خير - مصر لسه فيها خير
وطبعا لسان حالي بيقول اه يا كداب يا ضلالي
المهم سبت لسان حالي ده يطلع نفسه زي ماهو عايز و نفضتله وقولت اروح اشوف موضوع العربية دي
ليه بس كده الأذية دي !!!
دي ياسمين دي غلبانة قوي
ولاقيتها واقفة جنب الأمين عمالة تحاول تقنعه ان العسكري اللي كان عند المكان ده بيقولها انه ممكن تركن هنا عادي
والأمين مصمم يديها تيكيت و يسحب العربية و بيقول للواد اديها كلبوش - نياهاهاهاهاها
للعربية طبعا :)
أنا على قد ماكرهت في حياتي - مكرهتش أكتر من كلبوش المرور ده
المهم جريت و قولت لسمير خد عربيتك و اجري اركنها في مكان تاني
سمير راح رايح وطالع بيها يركنها في مكان تاني بسرعة زي مقولتله - حبيبي أبو سمرة ده ربنا يكرمه
أما أنا بقا جريت على ياسمين - ياسمين ازيك أنا جرووووم فاكراني؟
أه طبعا الحقني يا جروم الأمين المفتري ده عايز يسحب العربية
قولتله على جثتي يعني مش كفاية انها عربية نبيتي وكمان بتاعت ياسمين كمان - و عايز تسحبها؟ انت وقعتك هباب
وروحت جاري واخد المفاتيح من ياسمين و راكب العربية و راكنها في السليم مكان عربية سمير
هاهاها وسيبت الواد الأمين ياعيني يبص زي المذهول - خلاص كده ملوش حجة
وفي نفس الوقت نص الناس اللي جوا تقريبا حتشهد معانا انها كانت راكنة في السليم
والنص التاني حيحدفه بالطوب :)
يبقى يمشي من هنا احسنله - برضو المدونين حلوين برضو يعني
وامشي من هنا بدل ماجيبلك طنطك ايموس يا ولا وطبعا راح فاهم الفولة بالعبقرية المصرية و راح طالع جري من المكان هو و زبانيته - عرف انه وقع في حارة وبتاع
واحنا خدنا بعضينا و دخلنا تاني
ازيك يا ياسمين عاملة ايه؟ والله انبسطنا كلنا لما شوفناكي
طبعا كل ده والواد سمير يا عيني عمال يلف على ركنة - بس ما علينا
ازيك انت يا جروووم - حمدالله على السلامة
انت اللي فينك و عامل ايه؟ واخبار ماناساس البلد ايه؟
الله يسلمك - ابقي يا ستي متغيبيش علينا تاني و بعدين ايه حكاية النبيتي دي ؟
انتم عاملين عليا رباطية و لا ايه؟ طيب حوريكم
ماناساس بخير يا ستي و بتسلم عليكي ابقي طلي انت بس
أسيبك بقا مع المدونين الحلوين دولا تاخدي راحتك معاهم وأنا حكمل سلام على الناس و أشربلي حاجة كده لحسن ريقي نشف
وسيبتها تسلم على الناس وروحت أنا أكمل جولتي - ياعيني أبو سمرة حبيبي بيدوخ معايا وأنا عارف اني مبهدله
بس أهو كله بسوابه
:)
وروحت كده مميل على كورنر في نص القاعة التانية دي أتاري ليها باب من ورا
المهم روحت لاقيت في الكورنر ده طربيزة قاعد عليها شلة من البناتيت
الظاهر ان المدونين الرجالة اختفو تقريبا
صحيح ماهو اتنين بيتشمسو واتنين بيتخانقو مع دبان وشهم
فكوها بقا يا فانتي انت و يعقوب
يعني أعمل نداااااااااء تاني؟ بقولكم ايه انا صوتي اتنبح
وبخط بيرعش كده
صحيح ارتعاشة اختفى فين؟ - جايزة كبيرة للي يعرف هو راح فين
:)
أنا بقا قولت أشوف شلة البناتيت دولا مييييييييييين؟
-----
نكمل المرة الجاية
:)

الاثنين، 9 أبريل 2007

تابع حلم جميل - الجزأ الثاني

وروحت رايح ليهم ازيكم يا جماعة - اسراء صح؟ اه صح عرفتني ازاي؟ يبنتي من الازرق ودي حاجة تتوه؟ وبعدين صحيح تعالي هنا أنت كان لازم يعني تدبسيني في تاج أنا قولت لازم أبلغك احتجاجي الرسمي على ضم الأودس أصدي لما أشوفك - الله يسامحك :) يا سيدي وانت يعني كنت بقا مستني التاج من حد غيري؟؟
;) :P مش حقولك بقا انت لئيمة أوي
:( :P بس انت يا ازميرالدا براوة عليكي والله انك لاقيتي الاميرة المفقودة دي لاقيتيها فين؟ أهلا أهلا ازيك يا جروم توك واخد بالك يعني ان احنا هنا؟ لا انا زعلانة لا والله ماعاش اللي يزعلك انا قولت أبدأ من اليمين و انتم تاني ناس من اليمين تزعل دي بقا؟ طيب خلاص مش زعلانة
:)
بس انت أتاخرت ليه؟
معلشي أصل الواد أبوسمرة بقا أخرني أبو سمرة مين؟ متاخديش في بالك بس شوفتي أنا عرفتك عالطول ازاي اه صحيح ازاي يامعلم؟
ولا حاجة سهلة أوي أنا شايف البالونة الي فوق راسك و انت مش واخدة بالك منها أهو و سمير ناولني دبوس ظريف كده و روحت طاااااااااااااااااااااااخ مطرقعهالها :) أصلي شراني - بس ولو واااااااااااااااع وحتبدي تعيط روحت مطلع من جيبي بالونة تانية - ميرضينيش برضو الأذية يعني المهم طيب يا جماعة أديني سلمت و جاي تاني بس أشوف مين هناك دولا وسيبت أزميرالدا تحكي لاسراء على البوست اللي جاي ليها في سبق صحفي لا مثيل له وكمان يلملمو البالونة اللي فرقعت دي و اتنطورت كل الافكار الي فيها في الحتة وانا سيبتهم و كملت جولتي وتالت طربيزة دي بقا كانت في الركن المظلم قليلا ولاقيت فيها بنتين كده مستخبيين الغريب ان الاتنين كانو مش باينين اوي الركن بتاعهم كان معتمد على اضاءة الشمس و الزاوية بتاعتهم كانت ضيقة شوية فالشمس مش واصلة أوي عرفتهم عاطول - ازيك يا وردة يا سودا عاش من شافك جرووووووم ازيك يبني حمدالله على السلامة انت جيت امتى؟ أنا جيت من زمان يا ستي ازيك انت بقا يا ماسيتيك جيرل؟ طبعا راح عالطول الفلاش ضارب في وشي أنا عرفت الوردة السودا من الأسود و ميلها للأركان المظلمة حيث الهدوء و تأمل الآخرين و تحليل شخصياتهم بعمق كلام كبير طبعا - أما بقا ذي ماسيتيك جيرل فعرفتها من الكاميرا دي بتعشق التصوير لدرجة الجنون و روحت مغمض عيني شوية عشان اعادل الضغط ضغط مين يا جاهل قصدك الاضاءة - شكرا يابوسمرة :( وروحت مفتحها تاني اسفة يا جروم بس حبيت اخدلك صورة بسرعة قبل ماتهرب - يعني حاجة كده وانت على طبيعتك طيب ياختي :(
المهم انتم ازيكم عاملين ايه؟ والله انبسطت لما شوفتكم النهاردة ازيك يا وردة؟ بس ليه العزلة دي؟ ومين عرفك على مايستيك؟ أنا لقيتها لوحدها قولت اجي جنبيها اسليها يا جروم واهو اخدلها كام صورة الفيو بتاعها يجنن طيب يا ستي ربنا يعينك انا مش عارف الضلمة دي كلها بيطلع فيها الصور ازاي - اه نسيت الفلاش ابو شمس ده طيب اسيبكم و أكمل جولتي دخلنا بقا على نصف القاعة تماما القاعة دي مكانتش متوازنة بالظبط و كان في ناس تانية جاية كتير بس كان في اتنين على الجنب كده أول ماتعدي الطربيزة بتاعت وردة و مايستك تلاقيهم شخصيات هادية و متزنة و حوار كمبيوتري عربي عالي المستوى مصطلحات في الكمبيوتر مسمعتهاش من زمان مش ممكن دي عزة و أنيما أنيما عرفتها من صوتها و من تكة كده في لهجتها المصرية بس بتتكلم لبلب ما شاء الله أما بقا عزة من غزة عرفتها من لون لبسها الأخضر - دي طلعت بتحب الأخضر زيي برضو ليها تكة كده بس مختلفة في اللغة و دي أكدتلي انها هي أهلا أهلا نورتو مصر والله حمدلله على السلامة منورة بأصحابها يا جرووووم ازيك انت الحمدلله والله عال العال بجد طاير من الفرحة انكم زرتو مصر و شرفتونا بس صحيح انت يا عزة بتغطسي كتير ليه؟ ابقي لاغينا شوية على مدونتك متطوليش علينا وفين البوست بتاع الكاميرا المتنقلة؟ اجيبلك مايستيك تساعدك؟ الله يكرمك يا جروووم بس انت اصبر بس مشاغل المعيدين بقا و انت عارف ربنا يعينك يا رب - انت صحيح عدتي السنة امتى؟ :P وروحت عالطول قبل ماتضربني ملغوش ملغوش و مكلم أنيما ازيك انت بقا يا أمينا؟ اخبارك ايه؟ معلشي اعذريني شوية انيما شوية امينا بس الاتنين احلى من بعض يا بكـــــــــــــــااااااااش - انت تعرفي الكلمة دي كمان ما شاء الله اخبارك ايه؟ اوعي تسيبي عزة تغلبك في الحوار بتعكم ده انا بس بهدي النفوس وسيبتهم و جريت قبل ما يمسكو في خناقي و انضرب النهاردة وانا لابس بدلة و متشيك كده حتى يبقى شكلي وحش ويتفرق دمي بين قبائل العرب من البحر الاحمر للمحيط الاطلسي وجريت علطول ألحق الواد ابوسمرة أقوله يطلع برا يشوف ايه اللي بيحصل انا شايف ونش عمال يقلب عربيات و بتاع هاهاهاها الحق يا سمير قبل ما تجيب المرسيدس بتاعتكم من المرور شكلنا مش حنروح النهاردة بقا وفعلا لاقيته من غير ما يستناني طلع جري يشوف في ايه - هو راكن صح وفي السليم بس متعرفش ونش المرور بقا لما يتغاشم
وقولت في سر بالي بس أكيد في ناس تانية لسه مجاتش؟
آآآآآآآآآه تلاقيهم في ملحق القاعة التانية - أهم هناك
ألحق أروح أسلم من ورا الواد سمير بقا لحسن بينق عليا اني اعرف كل الناس دي
:)
ولاقيت على الركن في آخر القاعة دي اتنين حبايب أوي
----------
معاد الشغل بقا - المرة الجاية نكمل
:))

حلم جميل - الجزأ الأول

السلام عليكم و رحمة الله
أول بوست في سلسلة أحلام جميلة
مش كلها أحلام نوم - فيها أحلام يقظة
بس طويل شوية - اللي مالوش نفس يبقا ميلومنيش بقا اني بعمله على أجزاء
:)
ادعولي
----
حطيت البارفان بتاعي - روما أومو - وروحت لابس الجاكيت وبصيت بصة اخيرة في المراية
يعني مانا لازم اطمن برضو ان المراية مش حتتخانق معايا زي كل يوم و اضطر مبصش فيها - دا حتى النهاردة مناسبة عزيزة
انت يا مرايتي ايه رايك النهاردة؟
ممم قمر ياخواتي بس سرح الحتة دي و قص الشعراية البيضا دي
ايه بيضا؟ ينهار؟ لا خلاص مش حبص في المراية تاني - هذا يعني انها غير موجودة - انت مين يا؟
اللهم حسن خلقي كما حسنت خلقتي - دعاء النظر في المرآة
اه والساعة و كله تمام و كده الطقم مظبط
الحق انزل بقا تلاقي الواد سمير فطسان تحت في الحر مستنيني في المرسيدس بتاعتهم - موديل اس 128 برضو
:)
أحمد سمير ده حبيبي وقرة عيني - طبيبي النفسي من ايام زمان و بحب دايما اغلس عليه
:)
ورحت واخد بعضي وطالع من الاوضة و خدت بالي اني لابس الشراب اللي ماشي مع البدلة و اخر تمام - اه تلاقي الجزمة هناك اهي
الله يكرمك يا نيما (اختي) لانك لمعتيها ليا - يا سلاااااااااااام الدنيا حلوة قوي
ورحت لابس الجزمة - حبيبتي الجزمة دي معايا من حفلة التخرج و مش بتقول لا ومكشرة عالطول لا بتفتح بقها و لا بتاع
من روكسي بتمانين جنيه بس شكلها ولا اجدعها ماركة مش عارف ايه
بييييييييييب بييييييييييييييييييييييب
طيب يا سمير متزوقش انا جاي اهو و رحت رازع باب الشقة ونازل جري
طبعا لازم ريحة يامال الشام تزكم انفي و انا نازل بس مش مشكلة
واحنا راجعين بقا انا لسه واكل - ايه الطفاسة دي
ولاقيت سمير و المرسيدس البيضا مستنيني
ايييييييييه يا عم اتاخرت كده ليه - وايه الشياكة دي انت رايح تتجوز؟
ايه يابوسمرة؟ مالك؟ يبني انت ناسي اني عايز اتجوز ولا ايه؟ لازم اكون شيك
صحيح من غير رصيد بس بكرة ربنا يفرجها مالك انت بقا
سوق وانت ساكت
سواق انا عندك اياك؟
اه :)
وراح الواد طالع طلعة امريكاني ال يعني بقا مستعجل
وخد المطب و طلع على اول الشارع و لاقيت محطة الاوتوبيس وشوية ذكريات ضربت في دماغي
بس مش وقت بلالين دلوقتي لحسن في ناس بتزعل
ودخلنا شارع النزهة و بدأت أنا في السرحان
يا ترى لما نروح هناك حقابل مين ولا مين؟
أول واحد حيكون مستنيني هناك مين؟ مين يا ترى؟
يا ترى حقابل مين؟ خلينا نشوف
والحمدلله بعد شوية بهدلة والدنيا حر والساعة 10 الصبح - صيف اغسطس بقا الحار
وصلنا المكان المنشود - سمير نزلني على الباب و سيبته يركن و يحصلني
ونزلت انا علطول و دخلت من الباب الرئيسي
أهههللللللاااااااااااااااااااااااااااااااان أهلا أهلا
عارفين مين كان في وشي؟
أنا قابلت برج كبير و طويل كده ما شاء الله حاجة بتاع مترين
عمري مشفته قبل كده بس عرفته عالطول - كان حبيب قلبي الحاج شاور
عرفته من طوله و من حاجة تانية - كان شايل في ايده مراية حمام
:)
اهلا يا حاج ازيك عامل ايه انت جيت من دبي مخصوص؟ ربنا يكرمك يا حبي
لا مجيتشي مخصوص هاهاها انا نازل اجازة بس
طيب :( استمتع بقا بالدنيا خليني اشوف مين تاني
الحاج شاور بالمناسبة كان لابس بدلة نبيتي مش عارف ليه - دي تتلبس في النهار؟ يمكن
وكان أليط كده و شيك و بتاع حسيت انه حياكل مني الجو - ربنا يكرمه يا رب
لا والله مش بحرضه على حاجة يا مراته - لا والله دانا غلبااااااااااااااان :)
وروحت سايبه يستمتع بشمس مصر عشان الي عندهم في دبي دي حريقة مش شمس
ولمحت بطرف عيني واحد قاعد تحت شمسية ظريفة كده أكنه على البلاج وشكله جاي من عمرة
أأأأأأه ده عوباد بتفكرني بنفسي دايما يا حبي
طبعا مقولكوش ما شاء الله حاجة كده طول بعرض ربنا يكرمه و يزيده - مش بنق أهو ما شاء الله
ولاقيته بيستمتع بالأزوزة الحمرة و حالق زلبطة عشان كده عرفته عالطول
مش بقولكم بيفكرني بنفسي؟ عبدالله حبيبي
ازيك يا عوبااااااااااااااااااااااد
اهلا اهلا ازيك يا مان عامل ايه؟ حمدالله على السلامة
الله يسلمك انت ازيك و ازي السعودية منورنا والله يا مان
اديني بستمتع بشمس مصر انا كمان اهو يا سيدي
كان لابس بدلة سودا مش عارف ليه - بيتهيألي الجو حر عليها
قولتله استريح يا حبييبي انا جايلك تاني نكمل كلام بس اشوف مين تاني هنا
انت ياض انت بتنفضلي؟
اخ نسيتك خالص والله يابو سمرة معلشي
الواد سمير كان لحق ركن العربية وداخل معايا - أنا لازم أجوزه الواد ده حبيب قلبي :)
نسيت أقولكم كلمة حبيب قلبي دي لما بيسمعها مني بيحس ان في مصيبة جاية - بتخوفه بجد
المهم رحت واخده وقولنا بقا الجو حر خلينا ندخل القاعة نشوف مين تاني هنا - غريبة الظاهر الكل هربان من الحرارة
ما عدا الاتنين حبايبي شمس مصر بالنسبة ليهم شتا بيستمتعو بيها
صحيح الجو كويس بس حر حبتين
المهم انا دخلت و لاقيت مفاجأة كبيرة أوييييييي
أهلااااااااااااااااااااااااااااااااااااااااااااااااااااااااااااااااااااااااااااااااان
لاقيت كل النااس جوا مستنيين
أول واحد منهم جري وخدني بالحضن - الغريبة انه كان بيرعش من الفرحة
طبعا عرفتوه = ارتعاشة حبيبي
يا عيني يبني انت خاسس ليه؟ كله من الطب و سنينه يخرب بيته
المهم يا سيدي الحمدلله اني شفتك وخدته بالاحضان و سمير بيقولي ايه يبني الناس دي كلها؟ انت تعرفهم منين
قولتله نق علينا بقا نق - مانت لو ليك مدونة كنت قابلت كل الحبايب دولا بس انت مالكش نصيب يا كسول
وطبعا الواد الوايت هوني ارتعاشة حبيبي راح قايلي كلمة في ودني حقولكم عليها بعدين
:)
ارتعاشة بقا كان لابس قميض اخضر مشجر يعني فيه شجر و بتاع وبنطلون اسود كده شيك
بيحسسني ان الدنيا كووول كده و حلوة - يا رب ارزقه ببنت رومانسية يا رب
انت تستاهل كل خير يا ارتعاشة يا حبي
وسمير طبعا عمال يبحلق مشدوها - أصل سمير ده يعني بيتاخد من الاماكن اللي فيها ناس كتير زيي كده
قولت بقا اخد الطربيزات واحدة واحدة من على اليمين
يعني اسلم على الحاضرين واحد واحد وواحدة واحدة
حوار باللغة الانجليزية عالي المستوى انا سامعه جاي من تلك الطاولة؟
اه صحيح - واد يا سمير انجليزي ده يا عبد الفتاح؟ معرفشي يا مرسي والله
يعني متعرفشي بيقولو ايه؟ أومال بس سنة في امريكا و بتاع
يبني انا بتكلم امريكاني لكن ده انجليزي عالي المستوى بقولك يعني انجليزي وهمي
والاقيلك الواد سمير يقولي طيب روح سلم و شوف مين دولا
قلتله طيب
أنا لاقيت بنتين ما شاء الله يعني
بس انا طبعا معرفهومشي بس قولت أشبه كده
الانجليزي الي كانت تفوح منه رائحة القاموس يبقى دي أكييييد نوووووووني
أهلااااااااااااااااااان السلااااااااام عليييييييييكككككوووووممم انت هنا؟ كويس والله انك جيتي انا كنت فاكر ان عمنا ابو دربالة ده مش حيسيبك في حالك
حمدالله على السلامة - انما ايه الشياكة دي انت جاية تدوري على عريس ولا ايه؟ يعني برايد تغير منك دلوقتي؟
انا بهدي النفوس بس - :)
ازيك انت يا جرووم؟ حمدالله على السلامة ربنا يكرمك يا رب
بحب كومينتاتك دايما يا نوني عشان كلها دعوات - بس لو متنسيش بس
أما بقا الانجليزي اللي تشم منه رائحة الأدب الانجليزي العتيق بتاع الشيخ زبير
يبقى أكيد أكيد دي أبيتاف صاحبة نظرات الصقر كده وعيون بتلمع و تحسسني انها متحفزة دايما
اهلاااااان ازيك يا 87 - بقا أنت غلبانة؟ أومال أنا اقول ايه بس دانا طلعت حمار انجليزي
دانا طلعت بغل صغنن - احم احم دي بتاعتي انا دي يا جروووم
طيب يا بوسمرة متزوقش يعني الله يرحم أيامك ;)
ازيك يا ايبي؟ انا عاتب عليكي بس عشان زياراتك لمدونتي قلت أوي
بس ولا يهمك برضو مستنيكي دايما
معلشي يا جروم مشاغل بقا و بتاع بس أوعدك أكتبلك حته بوست مخصوص عشانك فيه شوية انجليزي شكسبيري
طيب ياختي اهو ده اللي انت فالحة فيه تعقديني
اشحال اما ابويا مكانشي مدرس انجليزي؟ كنت عملت ايه؟
حرجعلكم تاني يا جماعة اما اسلم على بقية الناس
نسيت طبعا أعرفكم على سمير؟ سمير؟ انت فين ياض؟
الواد طبعا زهق مني و من الناس اللي ميعرفهومشي وجري قعد في الركن لوحده كده
اصل سمير ده مزاجه عالي أوي و عشان كده شخصيته ماشية معايا تمام - انتيمي يعني
وكمان بيحب الاركان زيي
طبعا القاعة فسيحة اضائتها متوسطة مريحة للعين و مستغلين نور الشمس في تناسق جيد عشان ينورو بيه جزأ من القاعة
والله اللي اختارت المكان ده بنت وهمية فعلا.....
أنا بقا سيبت ايبي ونوني يكملو البوست الوهمي اللي كانو شغالين فيه - قصدي الحوار الانجليزي الساخن ده لاني كنت عامل زي قرطاس اللب فيه او كيس الجوافة ولا أقولكم - شوال بطاطس لابس بدلة - و قولت اشوف مين صاحبة الرداء الأزرق اللي هناك دي
دي أكيد أكيد اسراء - عرفتها من الأذرق بتاعها
أيوة بس مين اللي جنبيها دي؟ آآآآآآآآآه دي أزميرالدا
-----
وهنا جاء معاد الشغل - نكمل في بوست تاني - شكرا لحسن المتابعة
:)